омраза – Kurir.mk

Поради коментар на Фејсбук, маж доби кривична пријава

Ивана Ефремовски — Tue, 07 Mar 2023 10:26:14 +0000

СВР Охрид поднесе кривична пријава против Г.М.(49) од Скопје поради постоење основано сомнение за сторено кривучно дело „ширење на расистички и ксенофобичен материјал по пат на компјутерски систем“. Тој, на социјалната мрежа „Фејсбук“, на објава поставена од еден портал, постирал коментар со недолична содржина со што промовирал и поттикнувал омраза и насилство.

Kривична пријава против дедо од Кичево – на Фејсбук поттикнувал омраза

Магдалена Андонова — Fri, 29 Oct 2021 14:10:48 +0000

ОВР Кичево поднесе кривична пријава против Б.Н.(77) од Кичево, поради постоење основи на сомнение за сторено кривично дело „ширење расистички и ксенофобичен материјал по пат на компјутерски систем“. Тој, на 31.08.2021 од својот Фејсбук профил на електронски медиум објавил коментар со кој во јавност промовирал и поттикнал омраза.

Во САД пораст на бројот на случаи на насилство од омраза

Тале Кристо — Tue, 17 Nov 2020 09:47:33 +0000

Најновиот извештај на американското Федерално биро за истраги (ФБИ) потврди дека во САД минатата година се регистрирани најголем број на злосторства од омраза. Во редовниот годишен извештај на ФБИ за злосторства од омраза се наведува дека минатата година се регистрирани 7.314 вакви кривични дела, најмногу од 2014 година. Од вкупниот број потврдени злосторства од омраза, 48,5 проценти биле извршени против припадници на афроамериканската заедница, 15,7 проценти против белци, 14,1 процент против латиноамериканци и 4,4 проценти против азијати. Групите за борба против злосторства од омраза предупредуваат дека расистичката реторика и расната нетолеранција се зголемуваат. Злосторство од омраза се дефинира како кривично дело „мотивирано од нетрпеливост кон одредена раса, етничко потекло, предци, вера, сексуална ориентација, лица со посебни потреби, род или пол“.

„Додека Шилегов тоне во омраза, градот Скопје тоне во проблеми – Оставка веднаш“

Тале Кристо — Fri, 15 May 2020 15:59:25 +0000

Секогаш кога Петре Шилегов нема аргументи, има навреди и омаловажувања. Тоа е до карактерот на човекот, а овој човек нема грам доблест, способност и желба да работи за Скопје. Додека тој тоне во омраза, градот Скопје тоне во проблеми. Оставка веднаш, за Скопјани да добијат вистински градоначалник!, реагираат од Советничката група на Вмро-Дпмне и Коалицијата на Град Скопје.

Интернет омразата против бебето Асел ја надмина „црвената линија“

Катерина Бојаџиева — Fri, 05 Jan 2018 20:16:33 +0000

На 1 јануари 2018 година во 00.47 минути во Виена се роди бебето Асел. Сликата на првото виенско бебе во оваа година беше објавена на социјалните мрежи, а на неа се гледа дека мајката носи шамија на главата. На Фејсбук страната за “добредојде на првото виенско бебе” под хаштагот #flowerrain (дожд од цвеќиња) пристигнаа над 20.000 пораки за поддршка до родителите но истовремено на страната се појавија стотици расистички пораки. Но, Фејсбук одлучи да ја деактивира страната и таа исчезна од интернет. И виенските медиуми кои и посакаа добредојде на Асел привлекоа расистички коментари и говор на омраза. Клаус Швертнер, шефот на невладината католичка организација Каритас, која работи со мигранти во Австрија, се огласи исто така. “Омразата на интернет достигнува сосема нова димензија со тоа што нејзина цел е невино новороденче”, напиша тој и подвлече дека со ова е надмината “црвената линија”. Според Швертнер, страната најверојатно била предмет на кампања која довела од нејзина дезактивација од страна на Фејсбук. Тој ја повика оваа социјална мрежа повторно да ја активира страната. “Драги Марк Цукерберг, што се случува? Не можам да верувам: мојата порака #flowerrain (дожд од цвеќиња) за новогодишното бебето Асел и нејзините родители исчезна во текот на ноќта! Не го дозволувајте тоа! Сакаме да покажеме дека љубовта е посилна од омразата, во животот како и на Фејсбук”, напиша тој. Прашањето на миграцијата и исламот се теми околу кои се кршат многу политички копја во оваа земја. Неколку дена пред новогодишните празници беше именуван новиот демохристијански премиер на Австрија Себастиан Курц. Тој во неговата влада им даде неколку министерски места на членовите на екстремно десната партија ФПО и во согласност со неговите коалициски партнер тој вети “тврд” став за мигрантите. Како министер за внатрешни работи беше поставен Херберт Кикл од ФПО. Во петокот Курц потврди дека драстично ќе биде намален детскиот додаток за мигрантите. Истовремено лидерот на ФПО и потпретседател на владата Хајнц-Кристијан Страхе побара барателите на азил да бидат ставени во касарни а хуманитарните организации да не смеат повеќе да се занимаваат со ова прашање. Во непријателските пораки упатени до родителите на Асел имаше и такви што ветуваа дека новиот министер ќе ги исфрли од земјата.