опаѓање на коса – Kurir.mk

Имате проблем со опаѓање на косата? Направете го овој домашен шампон

Ивана Ефремовски — Thu, 24 Feb 2022 14:29:11 +0000

Ако косата ви опаѓа, безживотна е и сува, ќе ја освежите со мешавина од избрани еликсири за погуста коса. Основата на оваа мешавина може да биде било кој шампон што ќе го купите, затоа ве советуваме да го одберете наједноставниот шампон од коприва или бреза. На еден литар шампон додадете 50 милилитри раствор на пантелол, 2-3 ампули витамин Б, капки од коприва и шишенце АД капки (воден раствор). Измешајте ги состојките и со добиениот раствор мијте ја косата. Можете да очекувате резултати за околу еден месец.

Испукани усни, опаѓање на коса, осип на лице: Промените на кожата укажуваат на недостаток на овие витамини

Магдалена Андонова — Thu, 18 Mar 2021 08:42:30 +0000

Кожата, како најголем човечки орган, честопати може да укаже на здравствени проблеми и пораки што ни ги испраќа телото преку мали знаци. Ако забележите одредени промени во кожата, тие не мора да означуваат големи проблеми и ова не е знак на паника - можеби едноставно недостасуваат одредени витамини или минерали. Малите промени во исхраната можат да го подобрат здравјето на целиот организам, а ова е храната што треба да ја вклучите во вашето мени, доколку забележите некоја од следниве промени во вашата кожа. Испуканите агли на усните обично укажуваат на недостаток на железо, цинк и витамини од групата Б, како што се Б3, Б2 и Б12. Овој феномен е чест кај вегетаријанците поради нивната исхрана, што не им обезбедува многу од споменатите витамини. Решението е да јадете повеќе блитва, кикирики и мешунки како леќа, а потоа да јадете лосос, туна и јајца. Апсорпцијата на железо е засилена со витамин Ц, кој исто така помага во борбата против инфекциите. Оваа храна треба да се комбинира со зеленчук како што се брокула, црвени пиперки и карфиол. Црвен осип на лицето и опаѓање на косата укажуваат на недостаток на витамин Б7, познат и како витамин за коса. Може да се компензира со консумирање варени јајца, лосос, авокадо, печурки, карфиол, соја, орча, малини и банани. Црвени или бели промени на кожата, слични на акните, обично на лицето, рацете и слабините укажуваат на недостаток на есенцијални масни киселини и витамини А и Д. Нивниот недостаток може да се компензира со консумирање лосос, сардини, ореви и бадеми, но и семе од лен и коноп. За витамин А, потребно е да се јаде повеќе зеленчук како моркови, сладок компир и црвени пиперки. Овие видови зеленчук имаат многу бета каротен, кој телото го користи за да го добие потребниот витамин. Што се однесува до подобрувањето на витаминот Д, само 10 минути изложување на сонце придонесува за негово подобрување. Пецкање во рацете или нозете укажува на недостаток на витамини од групата Б, како што се фолна киселина, Б6 и Б12. Овие симптоми исто така можат да се појават во комбинација со анксиозност, депресија, анемија, замор и хормонална нерамнотежа. Овие витамини можете да ги замените со консумирање спанаќ, аспарагус, цвекло, грав и јајца. Мускулни грчеви, прободувачки болки во прстите, зглобовите, сводовите на стапалата, нозете и грбот, укажуваат на недостаток на магнезиум, калциум и калиум. Ако сте редовен вежбач, може да има зголемено губење на витамини од групата Б, растворливи во вода, како резултат на зголемено потење. Конзумирањето на банани, бадеми, лешници, тиквички, цреши, јаболка, грејпфрут, брокула и зеленчук како и спанаќ може да ги компензира овие витамини.

Рецепт против опаѓање на коса

Предраг Кукиќ — Mon, 18 Mar 2019 14:16:45 +0000

Ова е рецепт за шампон кој спречува опаѓање на коса, поттикнува брз раст, го враќа сјајот на косата, волуменот и еластичноста. Проверен рецепт кој делува 100 проценти. За да се ублажи губитокот на коса и да се придонесе за нејзина убавина, ви го препорачуваме овој шампон. -Шампон од коприва (обичен, литарски) -Пантенол 100 мл (воден раствор) -Капки од коприва 30 мл (едно шишенце) -АД капки, 30 мл воден раствор (едно шишенце) -Рицинус масло 50 мл -2 ампули витамин Б *сите состојки се купуваат во аптека. Постапка: Во 750 мл шампон од коприва измешајте цело шишенце пантенол 100 мл, цело шишенце капки од коприва 30 мл, цело шишенце АД капки и рицинусово масло. Промешајте. Како делува овој шампон: Верувале или не, овој шампон е вистинска витаминска бомба за вашата кожа на главата, а со самото тоа и за вашата коса. Коприва: Ја забрзува периферната циркулација и исхранетоста на кожата од главата и ги забрзува метаболитичките процеси во внатрешноста на епидермот. Со самото тоа, сите останати состојки од овој шампон побрзо и поквалитетно ќе се апсорбираат. Пантенол: Пантотенската киселина (витамин Б5) делува врз сочувувањето на правилната функција на кожата на главата и стимулација на нејзините регенеративни процеси. Рицинисуво масло: Ги јакне кутикулите на влакното. Богато е со витамин Е и рицинолеинска киселина. Витаминот Е е значаен антиоксиданс и го спречува дејството на слободните радикали и нивните штетни влијанија на кожата од главата и коренот на косата. Рицинусот покрај регенеративните својства делува антифугицидно (уништува габички кои се одговорни за појава на првут). На кожата од скалпот делува заштитно, смирувачки и закрепнувачки, додека со својата густа и леплива конзистенција ги отстранува изумрените клетки од кожата на главата а со тоа се спречува и затнување на фоликулите што би влијаело врз успорен раст. АД капки: Витаминот А делува на различни физиолошки функции во човековиот организам, она што е значајно за косата е неговото регенеративно дејство врз скалпот на главата, т.е. диференцијација на епителното ткиво. Витамин Б комплекс: Ја исхранува косата и ја враќа цврстината на влакното. Совет Шампонот има доста течна конзистенција, па потребно е добро да се протресе пред секоја употреба. Бидејќи е воденикав прво истурете ја во дланка потребната количина, а потоа да втриете добро во косата. Откако ќе се запени, масирајте го темето неколку минути за да ја зголемите циркулацијата и реапсорпцијата на состојките, оставете малку да делува а потоа темелно исплакнете. Ако имате изразено опаѓање на косата добро е да пиете чај од коприва, да го контролирате хормонскиот статус и крвната слика, бидејќи недостигот на железо може да доведе до опаѓање на косата.