опек – Kurir.mk

Драстичен скок на цената на нафтата на светските берзи

Ристе Здравков — Mon, 03 Apr 2023 08:41:43 +0000

Цените на нафтата пораснаа за осум отсто на денешното отворање на берзите по вчерашната одлука на ОПЕК за намалување на производство на 1,16 милиони барели дневно. Фјучерсите на нафтата „Брент“ за последен пат „скокнаа“ за 5,07 отсто на 83,59 долари за барел на таквата вест, а фјучесрите на американската нафта „Вест Текас“ пораснаа за 5,17 отсто на 79,59 долари по барел. Доброволното намалување на производството ќе почне од мај и ќе трае до крајот на оваа година, објави Саудиска Арабија, објаснувајќи ја одлуката како мерка на претпазливост која е насочена кон стабилизација на пазарот на нафта. Потегот на ОПЕК следуваше по одлуката на Русија да го намали производството на нафта за 500.000 барели дневно до крајот на 2023 година. И останатите членки на ОПЕК најавија намалување на дневното производство на нафта.

Белата куќа: Погрешна е одлуката на ОПЕК+ да го намали производството на нафта

Магдалена Андонова — Thu, 06 Oct 2022 13:55:20 +0000

Одлуката на ОПЕК+ да го намали производството на нафта за два милиона барели дневно јасно покажува дека тие земји и угодуваат на Русија, изјави синоќа Карин Жан-Пјер, портпаролка на Белата куќа. Според неа, одлуката е „грешка“. Белата куќа излезе со специјална изјава за одлуката на ОПЕК+. - Претседателот Бајден е разочаран од кратковидното решение на ОПЕК+ да ги намали квотите за производство на нафта, во време кога светската економија се судира со продолжителните негативни последици од инвазијата на Путин во Украина. Во време кога стабилноста на глобалното снабдување со енергија е од клучно значење, одлуката на ОПЕК+ посебно ќе предизвика уште понегативно влијание кај државите со низок и среден животен стандард, кои се уште страдаат од зголемување на цените на енергенсите, соопштија од Белата куќа. (МИА)

Порасна цената на нафтата

Ристе Здравков — Tue, 23 Aug 2022 18:13:56 +0000

Цените на нафтата денеска се искачија на 99 долари на меѓународните пазари, бидејќи трговците повторно почнаа да се фокусираат на малата понуда, откако Саудиска Арабија посочи дека врвните производители може да понудат помалку барели на пазарот. На лондонскиот пазар цената на барелот денес е повисока за 2,52 долари од вчерашното затворање и изнесува 99,00 долари. На американскиот пазар барелот нафта е 92,70 долари. ОПЕК може да го намали производството? Трговците денеска се фокусираа на пораката од Саудиска Арабија дека Организацијата на земјите извознички на нафта (ОПЕК) и нејзините сојузници може да го намалат производството доколку ситуацијата го бара тоа. ОПЕК + има доволно простор за маневрирање за да се справи со предизвиците, вклучително и намалување на производството, изјави министерот за енергетика на Саудиска Арабија, Абдулазиз бин Салман во интервју за Блумберг. „Прашањето е дали намалувањето на производството на ОПЕК или ОПЕК + по септември би било оправдано. И покрај слабоста во изминатите неколку дена предизвикана од инфлацијата, се чини дека пазарот на нафта неодамна воспостави пониска ценовна граница“, рече Тамас Варга од брокерската куќа ПВМ. Цените се намалија од највисоките нивоа постигнати под влијание на руската инвазија на Украина и западните санкции против Русија, по што почнаа стравувањата од глобална рецесија.

ОПЕК плус го зголемува производството на нафта за само 100.000 барели дневно

Ристе Здравков — Wed, 03 Aug 2022 15:42:49 +0000

Земјите-членки на Организацијата на земји извознички на нафта и сојузници (ОПЕК Плус) денеска одлучија да го зголемат производството во септември со многу побавно темпо отколку во претходните месеци, во време на високи цени на нафтата и нестабилно снабдување со енергија влошени од руската инвазија на Украина. ОПЕК Плус соопшти дека следниот месец ќе го зголеми производството на 100.000 барели дневно, откако ќе го зголеми производството за 648.000 барели дневно во јули и август. Групата разгледа какви ефекти може да има инфлацијата и зголемениот број луѓе заразени со коронавирусот врз глобалната побарувачка за гориво наесен, додека цените на бензините на пумпите остануваат високи.ОПЕК, предводена од Саудиска Арабија и нејзините сојузници, предводени од Русија, го намалија производството до септември поради пандемијата, бидејќи цените на нафтата и побарувачката паднаа. Коалицијата ОПЕК Плус постепено испорачуваше повеќе нафта и гас на пазарот со закрепнувањето на економиите.

Почина генералниот секретар на ОПЕК

Катерина Бојаџиева — Wed, 06 Jul 2022 11:11:54 +0000

Генералниот секретар на Организацијата на земјите извознички на нафта (ОПЕК) Мохамад Баркиндо почина на 64-годишна возраст, соопштија денеска нигериските власти. Портпаролот на нигериското Министерство за нафта потврди дека Баркиндо починал во Абуџа, еден ден по средбата со нигерискиот претседател во главниот град на земјата. Не е познато што ја предизвикало смртта на генералниот секретар на ОПЕК. Баркиндо беше генерален секретар на ОПЕК во последните шест години.

Блумберг: ОПЕК очекува нафтата ослободена од резервите да доведе до прекумерна понуда на пазарот

Катерина Бојаџиева — Thu, 25 Nov 2021 07:21:35 +0000

Организацијата на земјите извознички на нафта, ОПЕК, размислува да го откаже планираното зголемување на производството во јануари во случај на презаситеност на пазарот со ослободените резерви. Претставниците на организацијата предвидуваа дека уделот на нафта извлечена од стратешките државни резерви може да доведе до значителни вишоци на достава на светскиот пазар. Според неофицијален документ, во кој Блумберг имал увид, под услов од резервите да се извлечат околу 66 милиони барели нафта, вишокот нафта може да се зголеми за 1,1 милион барели дневно во следните два месеци. Веста доаѓа откако САД завчера соопштија дека ќе ослободат 50 милиони барели нафта од стратешките државни резерви. Белата куќа нагласи дека голем број други земји, вклучувајќи ги Велика Британија, Индија, Кина, Јужна Кореја и Јапонија, планираат да искористат дел од нивните нафтени резерви.

Иран не ја напушта ОПЕК

Дарко Андоновски — Sat, 08 Jun 2019 14:00:33 +0000

Иран нема планови да ја напушти Органзиацијата на држави извознички на нафта (Опек). Тоа го изјави иранскиот министер за нафта Биџан Намдар Зангане. Во интервју тој вели дека жали што Опек е претворена во форум за политички притисок врз државите членки Иран и Венецуела. – Иран не планира да го напушти Опек и жали што членовите ја претворија во политички форум за притисок врз двете држави основачи – Иран и Венецуела, нагалси тој во интервју за агенцијата Икана. Тензиите меѓу Иран од една страна, и Саудиска Арабија и ОАЕ од друга, се засилија оваа година откако двете држави соопштија дека ќе зголемат производство за да покријат намалено присуство на иранска нафта на пазарот заради американските санкции. – Две страни изразуваат непријателство кон нас во организацијата. Ние не сме нивни непријатели, но тие пројавуваат непријателство и ја користат нафтата како оружје против нас на глобалниот пазар и во светот, изјави тој без да прецизира за кои држави се однесува изјавата.

ОПЕК+ решава за намалување на производството на нафта

Ристе Здравков — Fri, 07 Dec 2018 10:49:15 +0000

Претставници на членките на Организацијата на државите извознички на нафта (ОПЕК) и на земјите произвоители на енегренсот што не се членки на картелот, денеска на средба во Виена резговараат за надминување на разликите околу очекуваното намалување на дневното нафтено производство. Како што јави ДПА, претставниците на 25-те земји, познати и како ОПЕК+, кои поседуваат над половина од вкупните светски резерви на нафта, досега не можеа да се договорат за квотата за намалување на дневното производство, поради несогласувањата меѓу Саудиска Арабија и Русија. Саудиска Арабија е најголем производител на нафта меѓу 15-те членки на ОПЕК; додека Русија е лидер во производството на енегренсот меѓу 10-те останати земји кои не се членки на картелот, но поседуваат значителни резерви на „црното злато“. Целта на намалувањето на производството е да се запре падот на цените на нафтата, која од почетокот на октомври поевтини за околу 30 проценти. Ваквиот пад на цената на нафтата се должеше на решението на ОПЕК за зголемување на дневното производство, по одлуката на САД за обнова на санкциите кон Иран, кои вклучуваат и забрана за извоз на енергенсот. Сепак, иранскиот извоз на нафта не се намали колку што се очекуваше, што доведе до вишок на понудата на енергенсот на пазарот. Зголеменото нафтено производство резултираше и со раст на залихите на нафта во САД, Русија и членките на ОПЕК, што исто така влијае на цената на енергенсот. Се очекува на денешното заседание ОПЕК+ да ја разгледан можноста за намалување на дневното поризводство на нафта за еден милиони барели, што би довело до намалување на нафтената понуда за еден процент. Според експертите ваквата можност е многу веројатна, бидејќи ОПЕК стравува од повторување на 2014 година, кога цената на нафтата забележа драстичен пад, како резултат на значитечно поголемата понуда од побарувачката.

Русија и Саудиска Арабија бараат од ОПЕК да произведува повеќе нафта

Даниел Василев — Tue, 19 Jun 2018 15:37:52 +0000

Русија и Саудиска Арабија вршат притисок врз ОПЕК за значително да се зголеми производството на нафта во јули, за да се надомести недостигот на нафта на пазарот предизвикан од намаленото производство во Венецуела и Либија. Сепак, Иран и други производители на нафта, се спротиставуваат на барањата на Русите и Саудијците. - ПОбарувачката за нафта вообичаено забрзано расте во третиот квартал од годината. Можно е да се соочиме со недостиг доколку не ги преземеме потребните мерки, изјави рускиот министер за енергетика Александер Новак, кој, во име на Русија, побара зголемување на производството од страна на земјите на ОПЕК и нивните партнери за 1,5 милиони барели нафта дневно. МИА