„Кармен” вечерва на сцената на Национална опера и балет

Ивона Петрова — Fri, 26 Nov 2021 07:12:25 +0000

Националната опера и балет вечерва ќе биде центарот каде што ќе се изведе ремек-делото на Жорж Бизе, операта „Кармен“, една од најпознатите опери во историјата. Изведбата на операта „Кармен“ е во рамки на манифестацијата „Есенски музички свечености“ 2021. Диригент е гостинката од Украина, Оксана Мадараш, режисер Нина Најденова од Бугарија, сценограф нејзината сонародничка Елена Иванова, костимограф Марија Пупучевска, а кореограф Олга Панго. Во насловната улога ќе настапи Николина Јаневска, во улогата на Дон Хозе, Зоран Сотиров, Ристе Велков како Ескамилио, Сандра Митровска во улогата на Микаела, а во останатите улоги настапуваат Ана Ројдева Талевска, Соња Пендовска – Мадевска, Драган Ампов, Дејан Стоев и Ернес Ибраимовски. Настапуваат хорот, оркестарот и балетскиот ансамбл на Националната опера и балет. Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести.

Граѓаните и порачаа на власта која ги откорна буквите од опера и балет: Таа е „Македонска опера и балет“ (ФОТО)

Дарко Андоновски — Sat, 20 Jul 2019 12:48:14 +0000

До редакцијата на КУРИР пристигнаа фотографии од Македонската опера и балет која се наоѓа во строгиот центар на градот. Револтирани граѓани по одлуката владата предводена од Зоран Заев да го промени нејзиното име и да го избрише зборот „Македонска“ од оваа институција тие го возвратија ударот порачувајќи им на сите дека станува збор за „МАКЕДОНСКА“ опера и балет. Инаку отстранувањето на името Македонија или Македонска/и/о доаѓа по потпишување на Договорот со Грција каде целосно се брише историјата на Македонија како држава и народот кој живее во неа.

опера и балет – Kurir.mk

„Кармен” вечерва на сцената на Национална опера и балет

Граѓаните и порачаа на власта која ги откорна буквите од опера и балет: Таа е „Македонска опера и балет“ (ФОТО)