операции – Kurir.mk

ФОТО: Сиа го покажа лицето, ова е новиот изглед по операциите

Ивона Петрова — Wed, 04 Oct 2023 16:41:46 +0000

Австралиската пејачка Сиа неодамна го покажа своето лице откако го криеше со години. Популарната пејачка откри дека направила затегнување на лицето и му оддала почит на нејзиниот пријател и пластичен хирург Бен Талеи на доделувањето на дневните награди за убавина во 2023 година. -Јас сум поп ѕвезда која нормално го крие лицето и не лаже за тоа. Добив неверојатен лифтинг на лицето од д-р Талеи. Тој е неверојатен, тој прави толку добра работа, рече пејачката. Нејзиниот хирург исто така имал само пофални зборови. -Не знам дали знаете колку е неверојатна Сиа како личност. Имаме многу заеднички пријатели и секогаш е шокантно колку ја сакаат. Таа е неверојатна, рекол хирургот Талеи. Инаку, оваа 47-годишна ѕвезда во интервју за Билборд во 2013 година изјавила дека решила да го сокрие лицето за да ја задржи приватноста, но и поради несигурноста која ја развила по нејзината слава. Покрај затегнувањето на лицето, таа претходно направила липосукции на брадата и стомакот.

ФОТО: Дара Бубамара „вградила“ 7.500 евра во градите и задникот

Ристе Здравков — Tue, 20 Jun 2023 10:42:03 +0000

Српската пејачка Дара Бубамара ги подигнала своите и онака огромни гради, а потоа ги зголемила за една големина. Така, пејачката наместо седумка, гордо ја шета бројката осум, а сигурно може да се пофали со една од најголемите бисти на сцената. За оваа процедура на пластичен хирург му платила 4.000 евра, а штом се опоравила од зафатот, на својот Инстаграм ги покажала новите гради, кога облекла црн топ со долги ракави кој бил отворен во пределот на градите, и од кој се чини како во секој момент ќе ѝ испаднат џиновските гради. Но, Дара не застанала тука, па го ремонтирала и задникот од кој неодамна не беше задоволна. Таа се обидела да го реши овој проблем со специјални филери, поради што некогаш на мрежите ја нарекувале со имиња. Со оглед на тоа што сега е целосно задоволна од својот изглед, таа неодамна во јавноста почна да се појавува во речиси проѕирни хеланки, како што беше случајот неодамна на белградскиот аеродром, кога не носеше ниту долна облека. Таа потоа им позира на фотографите, а во еден момент го сврте задникот кон нив, за да се види дека повеќе нема потреба да носи влошки бидејќи грбот и се спуштил. Бубамара не штедела пари за ова задоволство, па за оваа постапка платила 3.500 евра. Инаку, медиумите пред неколку години пишуваа дека Дара била една од првите на сцената која го средила својот задник во стилот на Џенифер Лопез, чии слики му ги донела на докторот. Тогаш се пишуваше дека хирурзите ѝ вбризгувале масно ткиво во задникот, кое ѝ го вшмукувале од стомакот и околу половината. Освен што ѝ го префрлиле салото на задниот дел, ѝ го подигнале задникот од што Дара била презадоволна. Но, годините почнаа да го прават своето, а задникот со текот на времето попушта, а тој проблем го реши со вметоци, што можеше да се забележи, за што многумина ѝ се смееја. Како и да е, не е тајна дека Дара досега потрошила 45.000 евра на естетски интервенции и дека не жали ни цент, бидејќи не крие дека конечно е задоволна од својот изглед. фото: Printskrin/Instagram

Повторно оперирани двајца повредени од масакрот на Коста, еве каква им е состојбата

Ивона Петрова — Mon, 08 May 2023 16:52:36 +0000

Во Ургентниот центар во Белград денеска беа оперирани наставничката по историја и ученичка кои беа повредени во масакрот во средата на 3 мај во ОУ „Владислав Рибникар“. Наставничката Т.С. и една ученичка денеска повторно се оперирани во Ургентниот центар. Според извор запознаен со двете операции, двете интервенции поминале добро. Наставничката и ученичката сега се опоравуваат на интензивна нега. -Најважно е да се стабилни и се да помние во најдобар ред. Овие операции беа планирани, бидејќи и двете пациентки имаа неколку прострелни рани. Најпрво најважно беше да се санираат оние кои беа опасни по живот. Сега ги решаваме останатите. Наставничката имаше операција на дланката, додека лекарите кај девојчето ја оперираа раката бидејќи имаше неколку рани од куршуми. Од едната и извадија страно тело, открива извор запознаен со денешните операции. Во средата, на 3 мај, осомничениот ученик Коста К. (13) дошол во ОУ „Владислав Рибникар“ вооружен со два пиштоли испукал 57 куршуми. Во ранецот имал и четири молотови коктели.

Дара ќе се оперира на компензација: Докторот на најпознатите старлети ќе ја разубавува пејачката

Ивана Ефремовски — Fri, 13 Jan 2023 10:19:29 +0000

Познатата пејачка Дара Бубамара неодамна призна дека го оперирала носот, а сега повторно заминала во Турција на корекција кај хирург што го рекламираат многу балкански старлети. Дара Бубамара се договорила со докторот да го рекламира, а за возврат тој ќе и изврши неколку интервенции како компензација. -Дара често летува во Турција, а сега, по гужвата што ја имаше со настапите, одвои време да оди во Истанбул. Таму го посетила докторот кој ги оперирал старлетите Ана Корач, Тамара Ѓуриќ, Тијана Ајфон и други, а кој важи за еден од најдобрите кога се во прашање операциите на носот. Го коригирала носот, а Дара прашала и каква е процедурата за липосукција, со оглед на тоа што се здебелила и ја запоставила теретаната во последно време. Загриженоста е дека ќе изгледа како старлета, но важно и е да биде задоволна, вели упатена соговорничка и открива дека Бубамара на пријателите им рекла дека полесно и е да се оперира отколку да ја обликува линијата во теретана. „Дара нема проблем да каже дека отишла на естетска операција. Липосукцијата е одлична работа за луѓето кои сакаат брзо да се ослободат од вишокот килограми, а бидејќи сега работи многу и нема време за теретана, таа е подготвена да оди под нож и да паузира неколку недели додека не закрепне. Знае дека вака ќе има трајни резултати и не прашува за цена. Таа веќе договорила се со тој хирург, само треба да го извести кога и е најзгодно да дојде во Турција“. Инаку, Дара веќе го оперирала носот, а кога отокот се спуштил сфатила дека сепак сака тој да биде уште помал. -Дара сака повторно да се оперира бидејќи не е задоволна како испаднала претходната операција. Нејзе и се допаѓа горниот дел од носот, но сака врвот да биде испрчен, па можно е интервенцијата да ја направи без тотална анестезија, вели истиот извор.

Даде цело богатство за да личи на Кен, а сега стана Барби: Прави операции опасни по живот, но изгледа ВАКА (ФОТО)

Ивана Ефремовски — Fri, 12 Aug 2022 11:36:37 +0000

Ријалити ѕвездата Џесика Алвеш (39) на Инстаграм ја следат 6,3 милиони луѓе, а најпозната е по пластичните операции. Порано беше маж и се викаше Родриго, но во 2020 година го смени името и почна да се трансформира во жена. Џесика неодамна беше уловена од папараците во Лондон во друштво на мистериозен маж. Алвеш облече тесен бел фустан со големо деколте и комбинацијата ја комплетираше со бела чанта, бисерна алка и голем прстен. Љубителката на пластичната хирургија неодамна направи уште една процедура за лифтинг. Тоа беше уште една во низата естетски зафати за неа, а таа рече дека планира повеќе.

View this post on Instagram

A post shared by Jessica Alves (@jessicaalvesuk)

Дури и кога била маж, ги отстранувала ребрата, ставала вештачки плочки на стомакот, ги подигнала веѓите, правела мачкини очи, ставала филери и неколку пати го оперирала носот. Кога ја започнала својата трансформација во жена, неколку пати била оперирана на градите, колковите, фејслифтинг и операција за намалување на желудникот, по што останала со 20% од волуменот на стомакот.

View this post on Instagram

A post shared by Jessica Alves (@jessicaalvesuk)

Откако почнала да користи хормонска терапија за промена на полот, гласот и се променил. Таа е несреќна поради тоа затоа што, како што кажува нејзиниот глас, сега „ниту машко, ниту женско“. Затоа, таа одлучила да направи операција на гласните жици за да звучи поженствено. Инфлуенсерката често е мета на критичарите поради обемот на пластични операции кои потенцијално и го загрозуваат животот. Иако во еден момент вети дека ќе престане, сепак продолжи со операциите.

View this post on Instagram

A post shared by Jessica Alves (@jessicaalvesuk)

Наместо ПЦР, да се користат брзите антигенски тестови пред некои операции – препорачува Комисијата за заразни болести

Дарко Андоновски — Wed, 25 May 2022 12:30:50 +0000

Комисијата за заразни болести препорачува да се укинат задолжителните ПЦР тестови пред одредени видови операвии во јавните здравствени установи. Наместо нив, според КЗБ, може да се користат брзите антигенски тестови – информираше денеска портпаролот, д-р Злате Мехмедовиќ. „Комисијата даде препорака да се користат брзите антигенски тестови коишто веќе им се достапни на поголемиот дел од институциите, без дополнително да се изложуваат на трошок граѓаните или институциите за да може да се прават оние ПЦР тестови коишто досега се побаруваа. Исто се задолжени комисиите за интрахоспитални инфекции да изготват протоколи согласно препораките на Комисијата за заразни болести за евентуално ваквиот начин на употреба на брзите тестови, во насока на тоа да се контролира начинот на којшто се движат пациентите во болниците“, објасни Мехмедовиќ. Тој рече дека на секоја јавно-здравствена институција ѝ се достапни околу 1000 антигенски тестови и граѓаните нема да има потреба да ги купуваат. „Прво треба да се земе предвид користењето на антигенските тестови, а вториот дел од препораката е комисиите да изготват протокол како може да се користат тестовите“, додаде д-р Мехмедовиќ. На денешниот состанок, Комисијата за заразни болести заклучила дека состојбата со коронавирусот е стабилна и дека има намалување на неделната инциденца, поради што не се потребни дополнителни мерки за заштита.

Околу 60 отсто од германските болници се уште ги одложуваат операциите поради Ковид

Дарко Андоновски — Sat, 09 Apr 2022 13:16:20 +0000

Според Здружението болнички лекари (ВЛК) закажаните операции во 60 отсто од болниците во Германија сe уште треба да се одложат поради пандемијата со коронавирусoт. Претседателот на таа асоцијација, Мајкл Вебер, изјави за весникот Ноје Оснабрикер Цајтунг дека „во шест од 10 болници недостигот на медицински сестри е под минималната граница“. Во три од 10 болници, пациентите мораа да бидат префрлени во други клиники, вклучително и од големи институции. Според весникот, анкетата спроведена од ВЛК меѓу нејзините членови низ цела Германија покажала дека 20 отсто од болнички лекари веруваат дека итната помош е загрозена. Десет отсто од креветите во единиците за општа и интензивна нега се уште се со пациенти со инфекција со Ковид-19. Со оглед на тензичната ситуација, ВЛК остро ја критикуваше политиката за коронавирусот усвоена од федералните и државните влади. „Пандемијата се уште не е завршена, а зголемениот политички спор ја загрозува здравствената состојба“, рече Вебер за весникот.

По прекрасното пеење секогаш била препознатлива, но со изгледот Андреана направи огромни промени (ФОТО)

Ивана Ефремовски — Wed, 30 Mar 2022 14:00:41 +0000

Вложила многу пари во естетски интервенции, благодарение на кои сега изгледа токму онака како што сакала. Фолк пејачката Андреана Чекиќ неколку пати легна „под нож“ за да го подобри својот изглед, а тоа никогаш не го криеше од јавноста. Направи операција и го намалила носот, а како што пишуваат медиумите, таа ги пополнила и брчките, ги зголемила усните и го затегнала лицето. Се пишуваше и дека потрошила повеќе од 3.000 евра на сите пластични операции на кои се подложила, бидејќи само операција на носот ја чинела 2.000 евра, а зголемувањето на усните 600.

Беше позната по својата убавина, а денес изгледа целосно деформирано – дрогата и операциите ја уништија

Ивана Ефремовски — Fri, 09 Jul 2021 09:15:38 +0000

Познатата британска актерка Даниела Вестбрук (47) долго време беше мета на потсмев во јавноста поради бројните неуспешни естетски зафати. Порано таа беше позната по својата убавина, но денес изгледа целосно деформирано. Таа се прослави во 1990-та година по улогата која и донесе светска слава. Даниела тогаш го воодушеви светот со нејзината природна убавина, но потоа сè тргна наопаку по низата операции.

View this post on Instagram

A post shared by Tim UK (@tims_special_things)

Пред неколку години, ситуацијата ескалираше, а таа за медиумите откри дека лицето буквално се деформира од силните интервенции. -Јаболчниците и непцата ми скапуваат затоа што порано бев редовен корисник на кокаин, но и поради лошо направена естетска процедура од 2015 година. Поради тоа добив остеопороза, изјави таа за „Мирор“.

View this post on Instagram

A post shared by EdwardRomunde (@edwardromunde)

Со цел да ги зајакне своите коски пред операцијата, пиеше седум литри млеко дневно како што беше препорачано. Зависноста од опијати и зависноста од корекции на крајот ја донесе на улиците. -Сега живее со пријателка. Финансиски не може да си дозволи ниту да изнајми соба. Им призна на пријателите дека е без пари и дека добива социјална помош. Нејзините пријатели и помагаат, но тие не сакаат да и позајмуваат пари затоа што знаат дека таа никогаш нема да им ги врати, изјави извор близок на актерката за магазинот „Сега“ пред неколку години. Даниела се уште е во борба со лице кое се распаѓа и во моментов минува низ процедури со кои се обидува да го реконструира. Својот напредок го објавува на Инстаграм и буди бура од коментари на јавноста затоа што тврди дека нејзините слики се без филтри. Секој забележува дека тоа е голема лага.

View this post on Instagram

A post shared by Danniella Westbrook (@danniellawestbrook_73)

Потрошил цело богатство за да личи на куклата Кен, погледнете како изгледа денес (ФОТО)

Ивана Ефремовски — Mon, 24 May 2021 14:03:22 +0000

Џими Федерстон (22) по потекло е од Англија и најголема животна желба му е да изгледа како жива кукла. Џими вели дека не планира да запре со операции и корекции додека не изгледа целосно пластично и целиот свет не слушне за него. Тој троши повеќе од 23.000 евра годишно за да изгледа како неговиот најголем идол – Кен. -Отсекогаш сум бил некој што сака да се издвојува од толпата, никогаш не сакав да изгледам како сите други, рече Џими. Следната операција што тој планира да ја направи е операција на носот. Тој сака да го намали носот што е можно повеќе, со цел да личи на измислен лик од цртаниот филм. Сакајќи да стане славен и да ја пронајде својата вистинска љубов по раскинувањето на тригодишната врска со 40-годишен партнер, Џими влегува во реално шоу за да ја пронајде својата среќа. -Не мислам дека некој на моја возраст може да ми даде начин на живот што го посакувам, додека некој што е постар и заработил пари може, беше искрен Џими. Го напуштил училиштето на 16-годишна возраст и работел административно со цел да заштеди и да плати за сите негови естетски зафати. Тој вели дека е свесен дека луѓето не веруваат дека тој платил за повеќето од неговите постапки сам, но дека за него е најважно да знае колку работел за нив. -Не ми е гајле што мислат или кажуваат луѓето. Јас го правам она во што уживам, рече Џими на крајот. На почетокот на овој месец, тој го прославил својот 22-ри роденден со раскошна забава која чинела 2.500 евра.