опериран – Kurir.mk

Халид Бешлиќ итно опериран: Лекарите направиле се што било во нивна моќ

Магдалена Андонова — Tue, 28 Jun 2022 19:56:20 +0000

Легендарниот босански пејач Халид Бешлиќ (68) заврши во болница поради итна операција. Според регионалните медиуми, на Халид во „Центар за срце“ Сараево, му бил вграден стент. Сопругата на Халид Сејда Бешлиќ се огласи и ја потврди информацијата дека нејзиниот сопруг бил опериран. На прашањето на новинарката на „Аваз“ во каква состојба е легендарниот пејач, таа кусо одговори: - Халид е добро. Се чувствува одлично, како да нема ништо. Утре доаѓа дома.

Спортскиот директор на Рома, Морган де Сантис опериран по сообраќајна несреќа

Тале Кристо — Wed, 06 Jan 2021 14:11:53 +0000

Поранешниот италијански репрезенттаивен голман и актуелен спортски директор на калчолигашот Рома, Морган де Сантис, е пренесен синоќа во болница во Рим, со повреди во тешка сообраќајна несреќа, јавија италијанските медиуми. „Фудбал Италија“ (Football Italia), повикувајќи се на болнички извори, објави денеска дека Сантис е опериран и оти лекарите дијагностицирале фрактура на ребрата и повреди во пределот на главата. Сантис во кариерата шестпати го бранеше голот на италијанската репрезентација, а на клупски план беше член на Рома, Наполи, Удинезе, Јувентус и Монако.

Данскиот принц Јоаким опериран во Франција

Магдалена Андонова — Mon, 27 Jul 2020 11:08:56 +0000

Принцот Јоаким (51), најмалиот син на данската кралица Маргарет, беше итно опериран поради згрутчување на крвта во мозокот, објави денес кралската палата. Принцот бил примен во Универзитетската болница во Тулуз во петокот навечер, бидејќи е на одмор во Франција и бил веднаш опериран, а неговата состојба во моментов е стабилна. Како што се наведува, со него постојано е неговата сопруга Мари, која е со француско потекло, со која има две деца. Претходно овој месец, двајцата беа фотографирани во данската кралска резиденција во Франција. Јоаким е шести во редот на наследството, а пред него се неговиот брат престолонаследникот Фредерик и неговите четири деца. (МИА)

Азар опериран во САД, Реал Мадрид без него до крај на сезоната

Тале Кристо — Thu, 05 Mar 2020 20:46:49 +0000

Еден од најдобрите фудбалери на денешницата, Еден Азар е опериран во Далас, а Реал Мадрид ќе мора без него до крај на сезоната во Примера. Хируршката интервенција кај белгискиот репрезентативец беше на десниот зглоб на ногата и првичните прогнози на лекарите се дека ќе отсуствува два и пол до три месеци од терените. Тоа значи крај на клупската сезона за Азар, а неизвесен е настапот и на Европското првенство. Белгиецот оваа сезона одигра 15 натпревари за „кралскиот клуб“ во сите натпреварувања, во кои постигна еден гол и направи пет асистенции.