опоравување – Kurir.mk

Михајловиќ се опорави од коронавирусот

Магдалена Андонова — Mon, 07 Sep 2020 19:35:06 +0000

Поранешниот српски фудбалер и тренер на италијанска Болоња – Синиша Михајловиќ, се опорави од коронавирусот, откако два теста потврдија негативен резултат, пренесува римскиот весник „Република“. Според изданието, Михајловиќ утре продолжува со редовните активности во Кастедеболеа, техничкиот центар на фудбалерите на Болоња. Михајловиќ беше позитивен на коронавирус по одморот на Сардинија, иако српскиот тренер немал никакви симптоми, потсетува „Република“. (МИА)

Меркел: Има многу добра волја, но постои можност да не се договориме во ЕУ

Тале Кристо — Sun, 19 Jul 2020 09:16:26 +0000

Германската канцеларка Ангела Меркер изјави денеска дека постои можност лидерите на Европската унија да не постигнат договор за пакетот за опоравување на ЕУ, што вклучува седумгодишен заеднички буџет и фонд за обнова од последиците од кризата со Ковид-19 – Има многу добра волја, но исто така и многу ставови. Јас ќе ги вложат сите напори, но постои можност да не се постигне резултат, рече Меркел. Лидерите на 27 земји-членки на ЕУ, веќе трет ден по ред, преговараат за новиот буџет на Унијата, кој треба да обезбеди, во еден дел, неповратна помош на земјите-членки за санација на последиците врз економиите предизвикани од вирусот Ковид-19, а друг дел во форма на кредити.

Втор ден од самитот на ЕУ за буџетот и фондот за опоравување

Тале Кристо — Sat, 18 Jul 2020 10:17:46 +0000

Лидерите на ЕУ денеска повторно се на состанок во Брисел, во обид да постигнат договор за пакетот за опоравување на ЕУ, што вклучува седумгодишен заеднички буџет и фонд за обнова од последиците од кризата со Ковид-19. Пленарната средба почна во 11 часот, а и претходеше работен појадок организиран од претседателот на Европскиот совет, Шарл Мишел, за лидерите на Германија, Франција, Италија, Шпанија и Холандија. Првиот ден на самитот заврши без консензус по 13 часа разговори. На маса е „пакет“ вреден 1.824 милијарди евра, што вклучува 1.074 милијарди евра за буџетот на ЕУ за периодот од 2021 до 2027 година и Инструментот за обновува од 750 милијарди евра. Предлогот на Европската комисија е ЕУ да се задолжи во наредниот период на светските пазари на пари до износ од не повеќе од 750 милијарди евра, од кои земјите и регионите на ЕУ ќе имаат заеми од 250 милијарди евра и грантови до 500 милијарди евра.