опожарен автомобил – Kurir.mk

Возило со дипломатски таблички се запали во движење во Кисела Вода

Катерина Бојаџиева — Fri, 22 Sep 2023 20:07:32 +0000

Возило со италијански дипломатски таблички настрада во пожар вечерва во скопска Кисела Вода. 41-годишен скопјанец возел со возилото марка „џип“ одел кон Сопиште, но забележал чад од хаубата, по што застанал и побарал помош од локалците. -Вечерва во 19.29 час. во СВР Скопје од страна БППЗ пријавено е дека на место викано Теферич -К.Вода гори возило. Од страна на полициски службеници од ПС К.Вода излезено е на место на настан при што е констатирано дека е опожарено возило “џип” , сопственост на Амбасадата на Италија, а управувано од Д.М.(41) од Скопје, кој појаснил дека движејќи се во правец од Теферич кон Сопиште забележал чад и оган од десната страна на предната хауба при што застанал и со помош на граѓани го изгаснале пожарот. Опожарен е делот на моторот и шал таблата. Повредени нема, велат од МВР.

Паркиран автомобил изгоре во центарот на Тетово

Ивона Петрова — Thu, 24 Aug 2023 18:11:03 +0000

Околу 17 часот избувнал пожар во автомобил паркиран во дворот од основното училиште „Лирија“ во Тетово. Интервенираше Територијалната противпожарна единица Тетово. - По пријавата веднаш заминавме за интервенција. Автомобилот е марка „рено“ до тетовски таблици, имаше и експлозија, возилото имаше плински уред. Огнот е целосно изгаснат, информираше Авни Амети, командир на Територијалната противпожарна единица Тетово. За време на летниот распуст Општина Тетово ги пренамени дел од училишни дворови во слободни паркиралишта.

Нов случај на опожарен автомобил во Прилеп

Ивона Петрова — Thu, 21 Jul 2022 09:21:29 +0000

Нов случај во кој опожарен е уште еден автомобил рано утринава е регистриран во Прилеп. Од Општината велат дека случајно или намерно не престанува опожарувањето на автомобили, а овој пат „на мета“ бил автомобилот на раководителот на Секторот за урбанизам во Општина Прилеп. -Ова е обид за повторно нарушување на безбедносната состојба во Прилеп. Општината и Советот на Општина Прилеп веќе неколку месеци бараат одговорност од Министерството за внатрешни работи и ОВР Прилеп. Но се чини дека после сите апели од градоначалникот и советниците, централната власт и надлежните институции остануваат глуви и ги оставаат граѓаните на Прилеп секоја ноќ да стравуваат за својата безбедност и безбедноста на својот имот, велат од Општината. Оттаму го осудуваат чинот на насилство, кој последователно се случува во Прилеп и го нарушува јавниот ред и мир во градот. -Бараме под итно да се стави крај на ваквите немили сцени кои влеваат страв и несигурност кај граѓаните, а МВР и ОВР Прилеп да понесат одговорност и да најдат начин да превенираат во зачувувањето на редот и мирот со цел во иднина да не се повторуваат вакви застрашувачки сцени, велат од Општината.

Опожарен автомобил во движење на автопат Куманово-Табановце

Ивана Ефремовски — Fri, 08 Apr 2022 09:40:35 +0000

Патничко моторно возило „бмв“ се запалило во движење на автопатот Куманово-Табановце, соопштија денеска од Регионалниот центар за управување со кризи Куманово и полицијата. Во пожарот нема повредени лица. -Вчера во 12:15 часот во СВР Куманово било пријавено дека настанал пожар во патничко моторно возило во движење на автопатот Куманово – Табановце во сопственост на Д.С.(26), соопштија од полицијата. Екипа на противпожарна единица од Куманово интервенирала и го изгасила пожарот на возилото „бмв“. (МИА)

Oпожарен „мерцедес“ во липковско Отља

Магдалена Андонова — Wed, 15 Dec 2021 13:29:58 +0000

Опожарен е „мерцедес“ во липковското село Отља, соопшти денеска СВР Куманово. -Вчера во 10:10 часот во СВР Куманово, Ф.Р. од село Отља, општина Липково, пријавил дека настанал пожар во неговото патничко моторно возило „мерцедес“ со кумановски регистарски ознаки, информира полицијата. Територијална противпожарна единица го изгасила пожарот во кој нема повредени лица. Екипа на СВР Куманово извршила увид на место на настанот.

Се запали автомобил „БМВ“ во Долно Лисиче

Магдалена Андонова — Thu, 25 Nov 2021 17:03:08 +0000

МВР соопшти дека жител на Скопје вчера пријавил дека неговиот автомобил „БМВ“ бил опожарен претходната ноќ во Долно Лисиче. - На 25.11.2021 во 04.40 часот во Полициската станица Аеродром, С.С.(28) од Скопје пријавил дека околу 02.30 часот на ул.„Тодор Чангов” настанал пожар во неговото возило „бмв”. Пожарот бил изгаснат од екипа на Бригадата за противпожарна заштита Скопје, а повредени лица нема, се вели во полициското соопштение. Од МВР додаваат дека бил извршен увид на местото.

Пожар на „Дрезденска“: Гореше „опел астра“, зафатено уште едно возило

Катерина Бојаџиева — Wed, 10 Feb 2021 18:05:08 +0000

На 10.02.2021 во 00.20 часот во СВР Скопје било пријавено дека на ул.„Дрезденска“ настанал пожар во возило „опел астра“, сопственост на Љ.К.(64) од Скопје, а било зафатено и возило „нисан“. Од МВР информираат дека е извршен увид.

Изгоре „фиат пунто“ во Кавадарци, нема повредени

Ивона Петрова — Wed, 23 Dec 2020 06:39:30 +0000

Изгоре патнички автомобил „фиат пунто“ синоќа во Кавадарци, нема повредени, за МИА потврдија од кавадаречката Територијална противпожарна единица. -Веднаш по дојавата за запалено возило со кавадаречки регистарски ознаки, заминавме на лице место петмина пожарникари со две возила. Возачот кој веќе бил пред сопствениот дом, навреме излегол од возилото кое имало плински уред, рекоа од Противпожарната единица.

Опожарен автомобил во Куманово

Ивана Ефремовски — Sat, 05 Sep 2020 13:09:51 +0000

Изминатата ноќ горел автомобил на кумановец, соопшти денеска СВР Куманово. Настанот во кумановската полиција во 3 часот по полноќ го пријавил 61-годишниот сопственик на возилото. -В.С.(61) од Куманово пријавил дека околу 3 часот било опожарено неговото патничко моторно возило „фолксваген пасат“ со кумановски регистарски ознаки, се наведува во соопштението на СВР Куманово. Пожарот го изгасиле пожарникари од ТППЕ Куманово. За настанот е известен јавен обвинител, а увид извршила и екипа од СВР Куманово.

Запалениот автомобил кај „Зебра“ е на роднина на Заев

Катерина Бојаџиева — Fri, 27 Dec 2019 13:21:04 +0000

Запаленото возило марка „БМВ“ утрово на паркингот на трговскиот центар „Зебра“ е на Александар Д. роднина на премиерот Зоран Заев, неофицијално дознава Нетпрес. Сопственикот на опожареното возило се занимава со градежништво, а неговиот брат Методија Д. е сопственик на познат новоотворен екслкузивен скопски ресторан. Пред две години, кај градскиот стадион беше запален автомобил марка „порше“, исто така сопственост на Александар, но, тогаш возилото беше управувано од неговиот брат Методија.