опожарени автомобили – Kurir.mk

Целосно опожарени две возила во Порта Влае

Магдалена Андонова — Mon, 07 Dec 2020 09:50:53 +0000

Во Порта Влае утринава беа забележани две опожарени возила, пренесува Фактор. Од фотографиите до кој ексклузивно дојде Фактор, станува збор за сериозни оштетувања кај автомобилите, односно тие се целосно уништени. Засега нема информации кој е сторителот на еден ваков криминален чин во главниот град, ниту пак кој биле неговите мотиви. Фактор пренесува дека во моментов очекува повеќе информации од Министерството за внатрешни работи.

ВМРО-ДПМНЕ: Дали Вице Заев стои зад опожарените автомобили во Скопје или власта е неспособна да се справи со обични мафијаши?!

Ивана Ефремовски — Sun, 09 Aug 2020 12:07:11 +0000

Дали Вице Заев се активира и во Скопје?! Дали Вице Заев, братот на Зоран Заев, за кој слушнавме дека давал насоки чие возило да биде опожарено е нарачателот на палењето на возила во Скопје?!- прашуваат од ВМРО-ДПМНЕ. „Аздисуваат ли бандите на власта и дали зад сцената се случува нова мафијашка пресметка?! Скопје повторно станува како Бејрут. Запалени автомобили на секаде, а СДСМ не реагира преку институциите, кои сеуште се под нивна контрола. Ова само говори дека или мафијашите делуваат под нивна наредба или дека се неспособни да се справат со обични криминални пресметки кои им се случуваат пред нос. Безбедноста во град Скопје е на очајно ниско ниво, а никој за тоа не сноси одговорност. Граѓаните не знаат кога нечие возило ќе биде опожарено, некој од нив ќе биде ограбен или пак ќе биде жртва на криминални банди. Никој не се чувствува безбеден со СДСМ на власт. За трагедијата да биде уште поголема, СДСМ воопшто не може да ја гарантира безбедноста на луѓето. Ова е пракса веќе три години. Криминалот и мафијашките пресметки мора да запрат. За ова мора да има одговорност. Безбедноста на граѓаните е пред се“-се наведува во соопштението на партијата.

Опожарени возилата на пејачките Турунџиева и Ребека

Ивона Петрова — Thu, 16 Jan 2020 10:20:50 +0000

Против пожарни екипи синоќа интервенирале по пријава за пожар на две возила сопственост на две познати пејачки. Првото возило мини купер било опожарено , а од пожарот било зафатено и второто возило, пишува Досие.мк. Мини куперот кој горел е сопственост на пејачката Сузана Турунџиева, а до него било паркирано и зафатено од пожарот возилото на пејачката Ребека Јанковска Ристески. Возилата биле паркирани на паркинг кај ТТЦ Плаза, пишува порталот. Повредени нема, а увидот на надлежните ќе ги утврди причините за опожарувањето на возилата. Информацијата ја потврдија од Пожарна од каде велат дека интревнцијата била во 3 часот изутрината и траела еден час. Засега, според нивните информации пламенот зафатил 6 квадрат простор.

Два автомобили изгореа кај СЦ “Борис Трајковски”

Предраг Кукиќ — Fri, 16 Aug 2019 17:18:10 +0000

На 16.08.2019 во СВР Скопје, било пријавено дека пред авто сервис на паркингот кај СЦ „Борис Трајковски“ настанал пожар во возило „БМВ“ со бугарска национална ознака, сопственост на М.Ј.Р(26) од Скопје, а огнот го зафатил и возилото „Тојота Јарис“ со скопски регистарски ознаки во сопственост на Б.Г.(33) од Скопје. Извршен е увид.