опожарени возила – Kurir.mk

Опожарени две возила во Прилеп

Ивона Петрова — Wed, 08 Mar 2023 15:47:52 +0000

Во Полициската станица Прилеп рано утринава околу 4:30 часот, било пријавено дека на ул.„Цане Илиоски“ настанал пожар во патнички возила „сеат кордоба“, сопственост на Љ.З.(68) од Прилеп и „БМВ“, сопственост на К.З.(45) од Прилеп, двете со прилепски регистарски ознаки. Пожарот бил изгаснат од екипа на Територијалната противпожарна единица Прилеп, а повредени лица нема. Увид на местото извршила екипа од Полициската станица Прилеп.

„Запалените возила се доказ дека власта и подземејето се во коалиција- за тоа ќе одговараат“

Магдалена Андонова — Sun, 24 Jul 2022 07:33:42 +0000

СДСМ дозволи и ги охрабрува криминалните банди да владеат со улиците. Оливер Спасовски наместо да се бори со беззаконието, ги користи криминалците да вршат терор врз народот. Последниот случај со три запалени возила во Прилеп, меѓу кои и возилото на пратеникот од ВМРО-ДПМНЕ Петар Ристески е доказ дека власта и подземејето се во коалиција, стои во соопштението на ВМРО-ДПМНЕ. Од партијата велат дека пратеникот Ристески кој јавно говореше против анационалните политики на власта на СДСМ и кажа дека нема да поддржи измена на Уставот, беше цел на нападот на полициско-мафијашките структури. - Токму вакви структури се инспираторите на палењето на возилата. Но ваквите методи на заплашување и тероризирање не поминуваат. Никој веќе не се плаши од заканите на СДСМ. Народот гласно кажува НЕ и народот ќе му плати на СДСМ за притисоците кои ги врши. Доаѓа времето на одговорност и центрите на оваа страховлада ќе одговараат, се додава во партиското соопштение.

„Палењето на возилата во Прилеп покажува дека владее беззаконие кое Спасовски го телерира- одговорност мора да има и за извршителите и за нарачателите“

Магдалена Андонова — Sat, 23 Jul 2022 08:11:39 +0000

Заканите и палењето на возила во Прилеп покажуваат дека во оваа земја подземјето и власта се во коалиција. Како поинаку да се толку фактот што наместо вистинските организатори и поттикнувачи на овие акти на закана, се апсат тривијални ликови, стои во соопштението на ВМРО-ДПМНЕ. Од партијата велат дека палењето на три возила запомалку од еден месец, меѓу кој и возилото на пратеникот на ВМРО-ДПМНЕ Петар Ристески кој јавно кажа дека е против бугарските ултиматуми, покажуваат дека во државата владее беззаконие кое Спасовски го телерира, па дури и го стимулира. - Полицијата за жал се претвори во нем свведок на криминалот кој владее со земјата. Тоа е така затоа што некои високи функционери ги мотивираат криминалците да прават дела против оние кои размислуваат поинаку од власта, а за возврат добиваат заштита. Ова ќе престане, а извршителите и нарачателите на ваквиот криминал ќе одговараат. Нема Македонија да биде заложник на оваа криминална власт и нивните пријатели од подземјето, се додава во партиското соопштение.

Мицкоски: За опожарените возила во Прилеп наместо да се гонат вистинските извршители и нарачателите, се гонат лица кои немаат врска со случаите

Магдалена Андонова — Fri, 22 Jul 2022 11:07:58 +0000

Живееме во време како во Бејрут во најлошите времиња, така отприлика функционира моментално Македонија. Тотално безредие, а тоа е така затоа што тие кои треба да го спроведуваат редот, ги водат луѓе коишто се во директен договор со криминалот и луѓето со сомнително досие, изјави претседателот на ВМРО-ДПМНЕ, Христијан Мицкоски при денешната посета во Свети Николе, одговарајќи за запалените возила на функционери на ВМРО-ДПМНЕ во Прилеп. Мицкоски истакна дека тоа што се случува во Прилеп, најпрвин на директорот на комуналното претпријатие му беше опожарено возилото, па потоа на пратеникот Петар Ристески, па потоа на еден од вработените, раководител на сектор во општината, е само доказ имаме работа со насилници. - Информациите се дека две лица се приведени, периферни лица кои немаат никаква врска со случаевите ниту се поврзани некако. И двајцата се познати престапници на законите во Прилеп и прилепчани ги знаат, потенцираше Мицкоски. Тој нагласи дека наместо да се гонат вистинските извршители, а уште поважно инспираторите и нарачателите на сето ова, ние се занимаваме со пердуви расфрлање и периферни личности кои немаат никаква врска со суштината.

Запален контејнер во Марино опожарил три возила

Магдалена Андонова — Mon, 28 Mar 2022 15:42:42 +0000

На 28.03.2022 во 04.40 часот во СВР Скопје на ул.„533“ во с.Марино, општина Илинден настанал пожар во пластичен контејнер за рециклирање на отпад, кој зафатил три возила: „фолксваген голф“, сопственост на И.П.(36) од Скопје, „хјундаи“,сопственост на К.П.(36) од с.Марино, двете со скопски регистарски ознаки, и „даеву матиз“, со тетовски регистарски ознаки, сопственост на И.Ј.(38) од с.Марино. Пожарот бил локализиран од екипа на Бригадата за противпожарна заштита Скопје. Повредени лица нема, а увид извршила екипа од СВР Скопје.

ИЗГОРЕА ЧЕТИРИ АВТОМОБИЛИ ВО СКОПЈЕ: Меѓу изгорените автомобили и „Ауди А4“, „Киа делта“ и „Пежо партнер“ (ФОТО)

Дарко Андоновски — Mon, 08 Feb 2021 16:02:40 +0000

На 08.02.2021 во 00.16 часот во СВР Скопје било пријавено дека на улица „Трифун Хаџи Јанев“ во Скопје настанал пожар во возило, по што пожарот се проширил и на соседните возила.

Од пожарот биле опожарени патничко моторно возило “киа делта“ со скопски регистарски ознаки, сопственост на И.Б.(49); патничко моторно возило “ауди А4“ со скопски регистарски ознаки сопственост на правно лице; патничко моторно возило “форд фиеста“ со скопски регистарски ознаки сопственост на Д.В. и патничко моторно возило “пежо партнер“ со скопски регистарски ознаки сопственост на правно лице.

Пожарот е изгаснат од Противпожарна екипа. Извршен е увид на местото на настанот.

Арсовски: СДСМ е мафијашка партија и Македонија ја направи мафијашка држава

Дарко Андоновски — Mon, 06 Jul 2020 12:07:58 +0000

Зоран и Вице Заеви директно нарачувале палење на автомобили на сите оние кои се против нивните криминални и криминогени политики, ова денеска преку прес-конференција за јавноста го истакна Димче Арсовски од ВМРО-ДПМНЕ. -СДСМ стана мафијашка партија, Република Македонија стана мафијашка држава, а кланот Заеви изминативе три години се на врвот на мафијата во државата. Тоа сите го знаат, го слушаат, го гледаат. И она што е најважно на сето тоа мора да се стави крај. Од снимката која излезе низ медиумите, гледаме дека Вице Заев директно нарачувал палење на автомобили преку нивни член на подземјето од Битола, Горан Димовски, Тушникот. Не ни очекуваме дека Вице Заев и Зоран Заев да се дружат со професори и академци, но затоа си имаат работа и се дружат со луѓе кои имаат досиеја, дебели досиеја во полициските документации. Секој се дружи со своите, во овој случај, криминалците се дружат со криминалците. Горан Димовски Тушникот – првиот човек на Вице Заев, Зоран Заев и Стојан Чифлигароски од СВ Инвест бизнис кој инаку е бизнис партнер на Вице Заев е човек со сомнително портфолио, кој во МВР има досие за неколку сериозни кражби на автомобили и тешки кражби од затворени објекти. Ова е кругот на најблиските луѓе на Зоран и Вице Заеви, вели Арсовски. Тој додава дека Горан Димовски Тушникот е човекот кој палел, се заканувал и вршел притисоци по нарачка на Вице и Зоран Заеви. -Јасно се гледа односот на Заеви кон државата и граѓаните. Тоа е мафијашко-пазарџиски однос за жал. Доволно беше. И ова ќе прекине уште веднаш после изборите на 15 јули. Почитувани господа од кланот Заеви, никој повеќе не ви се плаши и ќе одговарате за се што сте направиле изминативе три години. Граѓаните додека не можат да врзат крај со крај, додека ја опустошивте државата, Вице, Зоран и останатите изрекетираа и украдоа милиони евра од Република Македонија. бЗатоа на овие избори Обновата ќе победи, а криминалците како вас ќе одат во затвор по изборите преку транспарентна постапка во судството кое што ќе ги тргнат канџите од кланот Заеви. На 15-ти јули ставаме крај на мафијата во Република Македонија и СДСМ ќе паѓа од власт. А, ден потоа одговорност за сите криминали на кланот Заеви и оваа влада на СДСМ, вели Арсовски.

Нови случаи на запалени возила во Скопје

Ивона Петрова — Sun, 21 Jun 2020 09:50:00 +0000

Министерството за внатрешни работи информира за случаи на две запалени возила и едно полиено со запалива течност во текот на ноќта на две локации во Скопје. Во 03.32 часот било пријавено дека на ул.“Рајко Жинзифов“ настанал пожар на патничко моторно возило “ауди А4“ со скопски регистарски ознаки сопственост на Д.Г.(29) од с.Мршевци при што опожарен бил предниот дел на возилото. Во 01.02 часот на ул.“Алпи“ во Скопје околу 00.15 часот две непознати лица полиле запалива течност врз паркирано патничко моторно возило“сузуки“ со скопски регистарски ознаки, кое потоа го запалиле, при што возилото било опожарено во делот на десно крило, десно предно тркало и еден дел под хаубата, додека друго паркирано патничко моторно возило „опел корса“ со скопски регистарски ознаки било само полиено со запалива течност но не било запалено. Двете возила се сопственост на С.М.(62) од Скопје. Од МВР информираат дека извршен е увид и се работи на расчитување на случаите.

Опожарени три автомобили

Ивона Петрова — Sat, 20 Jun 2020 10:15:01 +0000

Пријава за три опожарени автомобили добила полицијата синоќа. Во 01,40 часот во СВР Скопје било пријавено дека на ул. “Лазо Москов“ настанал пожар при што било опожарено патничко моторно возило “Форд ескорд“ со скопски регистарски ознаки сопственост на И.К.(75) од Скопје. Вториот случај бил пријавен во 02,35 часот дека на ул.1 во с.Горно Блаце, скопско настанал пожар при што биле опожарени две паркирани патнички моторни возила “Фолксваген голф“ со тетовски регистарски ознаки и “Ауди“ со скопски регистарски ознаки сопственост на Б.Т. од с.Горно Блаце. Од полицијата информираат дека во двата случаи увид ќе биде извршен во текот на денешниот ден.

Пожар во подземни гаражи во Чаир: Две деца во болница, укажана помош на 15 лица, изгорени 3 возила

Ивона Петрова — Thu, 12 Mar 2020 09:59:24 +0000

Пожар утринава околу 3:30 часот се случил во подземни гаражи на ул.„Седма албанска бригада“ во скопски Чаир. Од полицијата информираат дека во пријавениот пожар опожарени се три возила, и тоа: „Ауди“, со скопски регистарски ознаки, сопственост на Н.Б., „Опел астра“, со скопски регистарски ознаки, сопственост на С.К. и „Фолксваген пасат“, со скопски регистарски ознаки, додека оштетено било и возило „БМВ“, со скопски регистарски ознаки. -Пожарот бил изгаснат од екипа на Бригадата за противпожарна заштита Скопје, а од екипа на Итна медицинска помош била укажана помош на лице место на 15 станари кои вдишале чад и сите се во добра здравствена состојба, додека две деца, поради вдишување чад биле пренесени на опсервација во Клиника за токсикологија, информираат од МВР. Се преземаат мерки за расчистување на случајот.