опожарени – Kurir.mk

ФОТО+ВИДЕО: Опожарен автомобилот на Шилегов, од пожарот зафатени уште три возила

Тале Кристо — Wed, 09 Mar 2022 10:37:30 +0000

Целосно изгореа четири паркирани автомобили во Скопје. Како што дознава Курир, еден од автомобилите е на семејството на поранешниот скопски градоначалник Петре Шилегов. Како што може да се види од самите фотографии и видеа причинета е само материјална штета. Од МВР за Курир информираат дека синоќа во 03:20 часот било пријавено дека на ул.„Петре Пирузе“ во Скопје настанал пожар во патничко моторно возило „ауди“ со скопски регистарски ознаки, сопственост на правно лице, а паркирано од Ј.Ш. -Од пожарот зафатени биле и патнички моторни возила „пасат“, „матиз“ и „нисан“ со скопски регистарски ознаки, сите сопственост на Д.М.(53). Извршен е увид и се работи на расчистување на случајот, информираат од МВР за Курир. Подетални информации се очекуваат од страна на МВР.

ЈП „Комунална хигиена“: Последните два месеца запалени и уништени 40 контејнери

Дарко Андоновски — Wed, 13 Mar 2019 11:33:13 +0000

Во јануари и февруари 2019 непознати лица опожариле вкупно 40 контејнери на ЈП „Комунална хигиена“ – Скопје, соопштија од јавното претпријатие. Во текот на изминатите два месеца опожарени и целосно уништени биле вкупно 40 контејнери, наменети за собирање комунален отпад. Покрај финансиската штета што му е нанесена на ЈП „Комунална хигиена“ – Скопје, овие инциденти доведуваат до големи проблеми при одлагањето и собирањето на комуналниот отпад во градот. Од овие причини ЈП „Комунална хигиена“ апелира да престане уништувањето на нивната опрема, за нивните екипи да можат навремено да ги извршуваат своите работни обврски, согласно Оперативната програма за работа. Сите случаи на опожарување на контејнерите се пријавени до надлежните органи и ќе бидат преземени соодветни мерки за да се пронајдат и санкционираат сторителите, се наведува во соопштението на ЈП „Комунална хигиена“.

Две возила изгореа утринава во Аеродром

Матеја Петровски — Thu, 13 Sep 2018 07:03:50 +0000

Две патнички возила утринава биле опожарени на паркинг на булеварот „Јане Сандански“ без број, зад ортопедската клиника „Мајчин дом“ во Аеродром. Командантот на Бригадата за противпожарна заштита на Град Скопје Звонко Томески за МИА изјави дека во пожарот целосно изгорел едниот автомобил, „шкода фелиција“, а делумно бил опожарен „форд фиеста“. -За пожарот добивме телефонска дојава и интервениравме од 5.08 до 5.55 часот. Во гаснењето на пожарот учествуваа четири пожарникари со едно возило, рече Томески. Причинета е материјална штета од 300 илјади денари. Полицијата ќе прави увид. (Миа)