опожарено возило – Kurir.mk

Се запали автомобил на „Илинденска“, опожарени уште две возила

Ивона Петрова — Thu, 05 Oct 2023 15:03:06 +0000

Денеска (05.10.2020) во 03.32 часот во СВР Скопје било пријавено дека на крстосница на ул.„Никола Парапунов“ со ул.„Илинденска“ настанал пожар во патничко возило „фолксваген голф“ со скопски регистарски ознаки, сопственост на С.С.(46) од Скопје. -Од пожарот делумно биле опожарени и патничко возило „мазда“, сопственост на Н.П.(43) од Скопје и патничко возило „мерцедес“, сопственост на З.Р.(62) од Скопје, двете со скопски регистарски ознаки, информира МВР. Екипа на Бригадата за противпожарна заштита го изгаснала пожарот, а повредени лица нема. Увид на местото извршила екипа од СВР Скопје.

Се запали комбе во движење на патот Радовиш-Штип

Ивона Петрова — Fri, 23 Jun 2023 20:21:18 +0000

Комбе марка „форд“со тетовски регистарски таблички се запали во движење на експресниот пат Радовиш-Штип, во близина на крстосницата за Рудникот „Бучим“. Според информацијата на портпаролката на СВР Струмица, Александра Трајанова, запалувањето на возилото било пријавени во Полициската станица Радовиш во 19:30 часот. -Пожарот го изгаснале пожарникарите од Радовиш, а екипа на полицијата врши увид на местото на незгодата. Во пожарот нема повредени и загинати, изјави Трајанова за МИА. Заради пожарот се создадоа подолги колони возила од двете страни на патот, а по интервенцијата на пожарникарите нормализиран е сообраќајот, кој извесно време се пренасочуваше по регионалниот пат кон Штип.

Опожарено „ауди“ на „Цветан Димов“

Катерина Бојаџиева — Wed, 29 Mar 2023 15:50:12 +0000

На 29.03.2023 околу 00,30 часот во СВР Скопје било пријавено дека на ул.„Цветан Димов“ во Скопје, билo опожарено патничко возило „ауди“ со скопски регистарски ознаки, сопственост на И.Ф.(34) од Скопје. Увид извршила екипа од СВР Скопје.

Опожарено „ауди“ во плац во близина на Негорски бањи

Магдалена Андонова — Tue, 08 Nov 2022 14:04:38 +0000

Во Полициската станица Гевгелија,вчера во 07.30 часот Т.Д.(64) од гевгелиското село Смоквица, пријавил дека настанал пожар на неговото патничко возило „ауди“ со велешки регистарски ознаки, паркирано во плац на регионален пат 1102 во близина на Негорски бањи. Како што информираа од СВР – Струмица, по интервенција на Територијалната противпожарна единица Гевгелија пожарот бил изгаснат, а повредени лица нема. Увид на местото извршила екипа на Полициската станица Гевгелија. (МИА)

Двајца приведени во случајот со запаленото возило на пратеникот Ристески

Ивона Петрова — Thu, 21 Jul 2022 10:24:33 +0000

Две лица се приведени во случајот со запаленото возило на пратеникот Петар Ристески, кое во пожар целосно изгоре вчера во раните утрински часови. Едното лице е од прилепското село Ново Лагово на возраст од 41 година, а другото лице е од Прилеп на возраст од 31 година. Според јавниот обвинител од прилепското основно јавно обвинителство Маријана Илиеска, на едно од двете лица, 31-годишниот прилепчанец му е определен притвор до осум дена поради спречување на службеното лице во извршувањето на должноста. -Се прибира доказниот материјал во случајот, налогот е даден да се приберат сите видеозаписи од околината, од бензиски пумпи, јавни објекти во периодот кога е запалено возилото, а од собраниот доказен материјал на лице место се чека да заврши вештачењето, изјави обвинителката Илиеска.

Мицкоски: Притисокот на власта со палење на автомобили нема да помине, ВМРО-ДПМНЕ не се плаши

Магдалена Андонова — Wed, 20 Jul 2022 11:39:48 +0000

При денешната посета на општина Бутел, претседателот на ВМРО-ДПМНЕ проф. д-р. Христијан Мицкоски одговарајќи на новинарско прашање во однос на притисоците од страна на власта врз пратениците на ВМРО-ДПМНЕ истакна дека се навикнати на притисок и ако власта мисли дека тоа е начинот да се пресметува и да се прави политички притисок врз политички неистомисленици многу се лажат. - Не, ние сме навикнати да живееме под притисок, кај нас е чудно ако нема притисок, но и тоа ќе помине, се навикнувате, еве гледате што се случи во Прилеп, претходно го опожарија возилото на директорот на комуналното претпријатие, па градоначалникот имаше став и покрај тоа што советот во општина Прилеп јасно кажа дека треба да се смени командирот на полициската станица, од Спасовски и од МВР нема реакција, во текот на ноќта беше опожарено возилото и за малку фалеше поголема трагедија да се опожари неговата семејна куќа во Прилеп на пратеникот Петар Ристески, но ако мислат дека тоа е начинот да се прават политички притисок врз политички неистомисленици се лажат, истакна Мицкоски.

Стојаноска за опожареното возило на пратеникот од Прилеп: Власта удира врз народните избраници, криминалците на СДСМ живеат без гајле

Магдалена Андонова — Wed, 20 Jul 2022 10:15:45 +0000

Мафијата на власт губи контрола. Македонија стана дувло на криминалци и заложник на мафијашите и подземјето контролирани од Оливер Спасовски и СДСМ. Имено, последната жртва на ордите на власта и цел на нападот е пратеник од пратеничката група на ВМРО-ДПМНЕ и коалицијата „За обнова на Македонија“. Овој гнасен и кукавички чин претставува директен напад и обид за заплашување како на пратениците, така и на граѓаните, изјави денеска за медиумите, Дафина Стојаноска, заменик - координатор на Пратеничката група на ВМРО-ДПМНЕ. Таа кажа дека ова веќе станува редовна пракса и метод на работа на СДСМ. - За потсетување, ова не е прв пат власта да удри врз народните избраници. Пред околу година и половина, на истиот пратеник му беше опожарена викендицата за што виновниците никогаш не се пронајдоа, туку напротив мафијата повторно и во тој случај доби заштита од Оливер Спасовски и СДСМ. Да биде трагедијата уште поголема, овој случај експресно, за само 6 недели беше затворен и заведен како „несреќен случај“ иако во куќата подолг период немало електрично напојување. Исто така, македонската јавност се сеќава и на опожареното возило на еден опозициски пратеник од Струга, како и опожарениот семеен дуќан на уште еден опозициски пратеник од Скопје. Вака криминалците од СДСМ владеат со државата. Партнерството на СДСМ со мафијата е реалност и секојдневие на сите граѓани, појасни Стојаноска. Пратеничката посочи дека народот живее во страв за својата безбедност, ама затоа криминалците на СДСМ живеат без гајле. - Токму затоа, пратеничката група на ВМРО-ДПМНЕ и коалицијата „За обнова на Македонија“ бара веднаш отворање на истрага и брза реакција за пронаоѓање на виновниците бидејќи токму МВР, Спасовски и СДСМ многу добро ги знаат извршителите на овој кукавички чин. Дополнително, за овој напад и удар врз демократијата и граѓаните ќе ги известиме сите релевантни меѓународни институции и амбасади со цел осуда и разрешница на ваквите грозоморни и гнасни методи на заплашување од страна на власта. На крајот, од оваа говорница, целата пратеничка група на ВМРО-ДПМНЕ и коалицијата „За обнова на Македонија“ и сите пратеници кои стојат зад мене, сакаме да им порачаме на власта и криминалците кои ја водат државата дека ова нема да не поколеба и исплаши, туку напротив ќе не поттикне уште повеќе и посилно да се бориме против кукавиците и мафијашите кои ги држат во заложништво граѓаните, институциите и државата, додаде Стојаноска.

Извршен увид на локацијата каде беше опожарено возило на пратеник од Прилеп

Магдалена Андонова — Wed, 20 Jul 2022 09:12:39 +0000

Дежурен јавен обвинител од Основното јавно обвинителство – Прилеп изврши увид на лице место на локацијата каде во текот на ноќта беше опожарен автомобил во сопственост на пратеник во Собранието. Како што информираат од Јавното обвинителство, по наредба на јавниот обвинител биле подигнати траги од лице место, кои ќе се вештачат со цел да се утврдат причините за инцидентот. Јавниот обвинител издал и наредби за обезбедување на евентуални снимки од видео надзорот на околните објекти во критичниот момент на опожарување на возилото. Утрово членот на ИК на ВМРО-ДПМНЕ Драган Ковачки објави дека било опожарено возило на пратеник од оваа партија. Потоа, СДСМ излезе со соопштение со осуда на палењето на возилото на пратеникот и побара надлежните институции да го расчистат случајот. (МИА)

Опожарен „мерцедес“ на автопат Куманово-Скопје

Ивона Петрова — Wed, 25 May 2022 09:22:55 +0000

Автомобил „мерцедес“ со германски регистарски ознаки бил опожарен, вчера кај наплатната станица кај Романовце, информираа денеска од Регионалниот центар за управување со кризи Куманово. Кумановските пожарникари интервенирале 45 минути и го изгасиле пожарот на автомобилот. -ТППЕ интервенирале од 14:15 до 15:00часот со едно противпожарно возило и четворица пожарникари, стои во информацијата на РЦУК Куманово. Случајот го потврдија и од СВР Куманово од каде информираат дека вчера било пријавено дека на автопатот Куманово-Скопје настанал пожар во патничко моторно возило во движење „мерцедес“ со германски национални ознаки управувано од Н.М.(28) од Куманово. Пожарот бил изгаснат од Територијалната противпожарна единица Куманово, а повредени лица нема. Екипа од СВР Куманово извршила увид на место на настанот.

Автомобил во движење се запали на автопатот Тетово-Гостивар, повредени двајца браќа

Ивона Петрова — Mon, 28 Mar 2022 09:35:59 +0000

Две лица, браќа, се здобиле со телесни повреди откако нивниот автомобил се запалил додека се движење на автопатот Тетово-ГОстивар. Од СВР Тетово информираат дека случајот кај нив е пријавен околу 19 часот. -Во непосредна близина на наплатната станица Гостивар, во движење настанал пожар во патничко моторно возило „рено меган“ со битолски регистарски ознаки, управувано од 34-годишниот гостиварец Н.Ј., а во кое се превезувал и неговиот брат Б.Ј.(29). Двете лица се здобиле со телесни повреди констатирани во гостиварската Општа болница „Ферид Мурад“, информираат од тетовската полиција. Со интервенција на гостиварската Територијална противпожарна единица, пожарот бил локализиран. Увид извршила екипа од Одделението за внатрешни работи Гостивар.