Опра Винфри – Kurir.mk

НАВИСТИНА СУМ ПОДГОТВЕНА, НЕ САКАМ ПОВЕЌЕ ДА СЕ БОРАМ – славните водителка и пејачка се згрчиле кога Тина Тарнер им кажала дека знаела што ќе се случи!

Дарко Андоновски — Fri, 26 May 2023 16:54:39 +0000

Тина Тарнер, кралицата на рок музиката, почина пред два дена, на 83-годишна возраст. Последните денови ги поминала во својот дом во Швајцарија, каде и починала. Деновиве од неа се простуваат нејзините колеги и обожаватели, а водителката Опра Винфри и пејачката Шер раскажаа што им кажала Тина Тарнер пред нејзината смрт. „Знаев дека е болна, ја видов во 2019 година, ја посетив во болница и тогаш ми кажа дека е подготвена да замине. Поточно, ми рече дека е подготвена да го напушти овој свет. Очекував дека тоа ќе биде последен пат да ја видам“, изјави Опра за CBS Mornings. Тина ѝ кажала слично нешто и на колешката Шер. „Таа се бореше со болеста долго време и беше многу силна, исто колку што луѓето мислат дека е, но кон крајот ми рече: „Навистина сум подготвена. Не сакам повеќе да се борам’“, изјави Шер, која исто така рече дека Тина имала апарат за дијализа во нејзиниот дом.

Бритни Спирс ќе гостува кај Опра, ги најави ужасните детали од старателството

Магдалена Андонова — Mon, 22 Nov 2021 10:02:08 +0000

Пејачката Бритни Спирс сними видео кое го објави на друштвените мрежи во кое раскажува што сè може да прави сега кога старателството завршило. Таа напомена дека и е срам да зборува воопшто јавно за тоа. Најави и дека ќе има големо интервју кај Опра Винфри, во кое ќе му открие на светот какви работи сè трпела додека била под старателство. - Многу ми е непријатно да признаам дека никогаш не сум видела готовина или не сум возела автомобил. Се будам секој ден и прашувам како моето семејство можеше да ми го направи сето ова, напиша таа со искреното видео објавено на Инстаграм. - Јас сум под старателство 13 години и тоа е многу долг период кога сте во ситуација во која не сакате да сте. Искрено сум благодарна за секој ден и среќна сум со мали нешта како поседување клучеви од автомобил или купување свеќи. Тие мали нешта прават огромна разлика за нас жените. Бритни истакна дека не доаѓа за да биде жртва, бидејќи со жртви живеела цело свое детство и дека поради тоа си отишла од дома и почнала да работи од своите 20 години. - Тука сум да бидам застапник на лицата со вистински инвалидитет и реални болести, не можам ни да замислам што им прави законот на тие луѓе. Се надевам дека мојата приказна ќе влијае и ќе направи некои измени во коруптивниот закон, заклучи таа. Таа им се заблагодари на фановите кои ја поддржаа преку движењето #freebritney.

Толку пари не можете да изброите ниту во сон: Еве за колкава сума на пари Опра Винфри го продала интервјуто со Меган и Хари

Дарко Андоновски — Wed, 10 Mar 2021 16:24:32 +0000

Кралицата на американските шоу програми Опра Винфри го продала своето интервју со Меган Маркл и принцот Хари на телевизиската куќа CBS за вртоглава милионска сума, пренесуваат светските медиуми. Телевизијата меѓународните права за сочните разговори и детали ги задржала за себе, а многу телевизиски куќи ширум светот интервјуто ќе го емитуваат ден по CBS, што значи дека во буџетот на Винфри парите само ќе се сливаат. Според медиумите Винфри веќе заработила од 7 до 9 милиони долари со самата продажба на ова интервју. Инаку за потсетување британските медиуми би можеле да се откажат од емитување на ова интервју бидејќи многумина Британци удрија по парот мислејќи дека овој потег не им е на место.

Над 49 милиони луѓе го гледале интервјуто на Меган и Хари

Ивона Петрова — Wed, 10 Mar 2021 07:48:46 +0000

Повеќе од 49,1 милиони луѓе ширум светот го гледале интервјуто на Опра Винфри со принцот Хари и Меган Маркл, на телевизија или преку стриминг платформа, објави американската телевизија Си-Би-Ес. Телевизиската мрежа наведува дека бројот на гледачи расте и порача дека повторно ќе го емитува интервјуто во САД во петок. Во САД интервјуто на телевизија го гледале 17,8 милиони гледачи што значи дека е најгледана емисија од светот на забавата од доделувањето на Оскарите во февруари 2020 година. Интервјуто во кое парот го обвини кралското семејство за расизам и во кое говореше за внатрешните проблеми, беше емитувано во неделата. Истото се уште е достапно на стриминг платформите.

Прозборе таткото на Меган Маркл: Се извинив повеќе од 100 пати, тука сум ако ме сака

Ивона Петрова — Tue, 09 Mar 2021 09:42:21 +0000

Таткото на Меган Маркл, Томас (76) со кого таа не е во добри односи, проговори за медиумите по големото интервју на неговата ќерка и принцот Хари кај Опра Винфри. Томас денеска ги коментираше зборовите на ќерката дека „ја издал“. -Сите правиме грешки, но јас никогаш не играл гол билијард и не се облекував како Хитлер, како што Хари тоа го правеше, изјавил Томас. Тој открил дека „се извинил повеќе од 100 пати“. Воедно негирал дека членовите на кралското семејство и британската јавност се расисти истакнувајќи дека таквите изјави на ќерката и зетот се „вистинско ср**е“. Томас додал дека иако ја изневерил Меган, и таа него му го направила истото откако ги прекинала сите врски со него по неговата операција на срцето. -Таа не ме загуби. Дала изјава во која вели дека го изгубила таткото,но тоа не е тачно, јас секогаш бев со неа, тука сум за неа и сега ако ме сака, изјавил Томас.

СЕ ШТО ТРЕБА ДА ЗНАЕТЕ: Сите поенти од интервјуто на Меган и Хари

Ивона Петрова — Mon, 08 Mar 2021 11:22:48 +0000

Од откривање на полот на детето до тајно вечавање и расправии со останатите членови на кралското семејство. Принцот Хари и Меган Маркл шокираа многумина во интервјуто со Опра Винфри. Во двочасовното интервју тие изнеле низа обинувања кон кралското семејство и на јавноста и понудија „валкана облека“. Ова се поентите од интервјуто на Мега и Хари. Самоубиство Меган Маркл изјави дека помислувала на самоубиство додека била активен член во кралското семејство. -Едноставно не сакав веќе да бидам жртва. И тоа беше многу јасна, постојано, реална застрашувачка мисла, вели Меган. Таа додала дека иако побарала помош од кралското семејство не е била пружена. И рекле дека сочувствуваат со неа, но не можат да направат ништо за да ја заштитат бидејќи не е вработена во институцијата. Расизам Меган тврди, Хари потврди дека додека била бремена со Арчи се довело во прашање која боја на кожата ќе ја има детето. Токму затоа, од страв кој го имал кралското семејство, на Арчи му е одземена титулата принц. Меган изјавила дека не е точно дека таа и Хари го барале тоа. Расправа во војвотката од Кембиџ, Кејт Мидлтон Меган ги демантирала поранешните медиумски натписи дека ја расплакала Кејт Мидлтон пред свадбата со Хари. Вели, се случило обратно, односно Кејт ја расплакала неа. Но, дека војвотката од Кембриџ се извинила. Меган е „замолчувана“ -На сите околу мене, од моментот кога светот дозна дека со Хари се забавуваме, им рече кажано секогаш да викаат „без коментар“, изјавила Меган и додала дека во тоа време верувала дека кралското семејство ја заштитува. -Дури кога се венчавме и ситуацијата почна да се влошува сфатив дека не само што не ме штитат, туку и не се подготвени да ја кажат вистината за да ме заштитат мене и мојот сопруг, додава таа. Принцот Чарлс не разговара со синот Принцот Хари изјавил дека неговиот татко, принцот Чарлс не разговара со него откако парот „дал оставка“ од својата функција во кралското семејство. Изјавил дека премногу ја почитува кралицата за да нешто ја излаже. -Три пати разговарав со баба ми и два пати со татко ми пред да престане да ми се јавува. Тогаш ми рече се што имам да му пратам по пишан пат, изјавил Хари. Принцот Хари не е финансиран од кралското семејство Уште од 2020 година принцот хари не добива пари од Кенсингтонската палата. Поради тоа, како и поради потребата да плати лично обезбедување, парот се одлучил на бројни договори повеќе компании вклучително и Нетфликс. Единствено што му останало биле парите од неговата мајка, принцезата Дајана. Тајна венчавка Меган открила дека парот тајно се венчал три дена пред јавната церемонија која се одржа на 19 мај во 2018. Двајцата на интимна церемонија размениле заклетви. Чекаат девојче Парот откри дека ќекаат девојче. Хари истакнал дека бебето ќе се роди на лето. -Да се добие момче, па девојче... што може човек уште да посака, имаме семејство, истакнал Хари. Меган како затвореничка Меган открила дека ретко кога смеела да ја напушти куќата бидејќи луѓето од „Фирмата“- термин кој се користи за кралското семејство, биле загрижени како „работите може да изгледаат.“ Хари се чувствувал како во замка Опра го прашала Хари дали би ги напуштил кралските должности да не била Меган. -Не, одговорил тој додавајќи дека претходно бил во замка на системот, но не знаел за тоа. Кралицата е прекрасна Меган изјавила дека кралицата секогаш била прекрасна и се присетила на нивното заедничко патување со воз кога Елизабета Втора и подарила бисерни обетки и ланче. Принцот Хари истакнал дека исто така има убав однос со својата баба. Хари и Меган спасуваат пилиња Опра парот во интервјуирала во нивниот дом во Санта Барбара, во близина на кокошарник полн со пилиња кои парот ги спасил до блиска фарма.

Официјален Лондон реагира по интервјуто на Меган: Нема простор за расизам

Ивона Петрова — Mon, 08 Mar 2021 09:31:47 +0000

Британската министерка за детски права Вики Форд денеска изјави дека нема место за расизам во општеството откако Меган Маркл, сопругата на принцот Хари, „обвини некој од британското кралско семејство дека бил загрижен за тоа колку темна кожа ќе има нивното дете“. Меган Маркл, чија мајка е Афроамериканка, а татко и белец, рече дека додека била бремена и го чекала раѓањето на нејзиниот син Арчи (2), кралскиот дворец изразил „загриженост за тоа колку ќе му биде темна кожата кога ќе се роди“. – За расизмот апсолутно нема место во нашето општество, изјави Вики Форд за Скај Њуз. Таа додаде дека не го гледала интервјуто на принцот Хари и неговата сопруга Меган Маркл во емисијата на Опра Винфри за американската телевизија Си-Би-Ес што се емитуваше синоќа.

МЕГАН И ХАРИ ЈА ШОКИРАА ЈАВНОСТА: Тајно се венчале пред церемонијата која ја виде светот, сакала да се убие

Ивона Петрова — Mon, 08 Mar 2021 07:19:04 +0000

Меган Маркл и принцот Хари во интервјуто со Опра Винфри открија детали од својот живот, но и од отстапувањето од должност од кралското семејство. Опра на почеток од интервјуто истакнала дека прашањата не се однапред договорени и дека сите теми се дозволени, како и дека парот не е платен за интервјуто. Меган открила и како се запознала со кралицата Елизабета Втора, бабата на Хари. -Ги немав сите информации за кралското семејство. Не знаев како функционираат. Кралицата беше меѓу првите со кои се запознав, беше спонтано. Со Хари бевме на ручек, а таа во тој момент завршуваше со една од своите церемонии. Хари ме праша дали сакам да се запознаам со неговата баба јас реков „да, секако“, а потоа ме праша дали знам како да се поклонам. Мислев дека тоа е фарса за јавноста, но тој ми кажа „таа не е само моја баба, тоа е кралицата“. Тука ми стана јасно што на нив им значи институцијата Кралица. Навистина мислев дека тоа се одвива надвор, открива Меган. Признава дека таа и принцот Хари сакале нивната венчавка да не биде славје за целиот свет, туку нивно лично, па открива дека всушност се венчале три дена пред големата свеченост. -Три дена пред нашата јавна свадба ние се венчавме. Тоа никој не го знае, повикавме надбискуп и го замоливме за интимна церемонија. Спектаклот беше за целиот свет, тоа беше само за нас, открива Меган. Војвотката од Сасекс истакнала и дека се борела со суицидни мисли. -Речиси неиздржлив беше притисокот од медиумите. Не гледав решение. Навечер ќе седнев и не можев да сфатам како ова се случило. Беше многу потешко кога тоа ќе го видец во изразот на лицето на мојата мајка и во разговорите од пријателите кои плачејќи ми викаа „Мег, не те штитат“. И сфатив дека сето тоа се случува бидејќи дишам. И се срамев тогаш да го кажам тоа, посебно ми беше срам да му кажам на Хари бидејќи знам низ каков губиток поминал. Но, знаев дека ако не кажам, ќе направам. Едноставно не сакав повеќе да живеам. Му кажав на Хари, а тој само ме држеше во прегратка. Се плашев вистински, помислував „не смеат да ме оставам сама“, открива таа. Меган истакнала дека испаднало оти се откажале и заминале, а принцот Хари додал дека заминале бидејќи не добиле помош кога ја барале.

Меган Маркл во интервјуто кај Опра Винфи го обвинува кралското семејство за „одржување лаги“

Магдалена Андонова — Thu, 04 Mar 2021 09:59:39 +0000

Војвотката од Сасекс изјави дека не се плаши од последиците од појавувањето во јавност со нејзиниот сопруг, принцот Хари, во интервјуто кај Опра Винфри. Во другото најавено видео на телевизијата ЦБС за претстојното интервју, Меган Маркл рече дека „многу ...е веќе изгубено“. Таа рече дека не може од нејзе да се очекува да молчи ако членовите на кралското семејство учествуваат во „одржување лаги за нас“. Претходно, Бекингемската палата соопшти дека покренала постапка да се утврди дали војвотката го малтретирала кралскиот персонал. Интервјуто со Опра Винфри, кое ќе се емитува во Америка во недела, се очекува да даде увид во краткиот период во кој Хари и Меган служеа како членови на кралското семејство, пред да се повлечат од функцијата и да заминат во САД. Во видео-клипот од 30 секунди, Винфра ја прашува војвотката: „Како се чувствувате што денеска палатата слуша како јавно ја говорите вашата вистина“? Таа одговара: „Не знам како би можеле да очекуваат дека, по толку време, сепак ќе молчиме ако има активна улога што ја игра „Фирма“ во одржување на лаги за нас. И, ако тоа носи ризик да се изгуби нешто, мислам ... Многу е веќе изгубено“. Поранешните и сегашните членови на кралскиот штаб ќе бидат повикани анонимно да зборуваат за нивните искуства од работењето за Меган, како дел од истрагата спроведена од Бакингемската палата. На ова претходеше напис во „Тајмс“, во кој се вели дека е поднесена тужба против војвотката за вознемирување додека таа служела како член на кралското семејство. Според сторијата во „Тајмс“, жалбата е поднесена во октомври 2018 година, додека војводата и војвотката живееле во палатата Кенсингтон. Во обелоденетата електронска пошта испратена од член на персоналот, а објавена од весникот, се вели дека Меган избркала двајца лични асистенти од нивното домаќинство. Во текстот се тврди дека таа „ја нарушила самодовербата на третиот член на персоналот“. Во изјавата, Бакингемската палата - која вработува кралски персонал - рече дека „очигледно е многу загрижена за наводите во Тајмс“ и дека тимот за човечки ресурси на палатата ќе ги испита околностите наведени во написот. „Кралското домаќинство спроведува политика на пристојна работа многу години и не толерира и нема да толерира малтретирање или вознемирување на работното место.“ Во претходната изјава издадена од портпаролот на Меган се вели: „Војвотката е тажна од овој последен напад врз нејзината личност, особено како личност која и самата беше цел на малтретирање и која е длабоко посветена на обезбедувањето поддршка на оние кои доживеале болка и траума. Таа е решена да продолжи да работи за градење сочувство низ целиот свет и ќе продолжи да се труди да дава пример за тоа што е правилно и добро.“ Војводата и војвотката од Сасекс се повлекоа од функцијата постари членови на кралското семејство во март 2020 година и сега живеат во Калифорнија. Хари претходно изјави дека одлуката да се повлече е да се заштити себеси и неговото семејство од медиумите. Минатиот месец беше објавено дека Хари и Меган нема да се вратат како работнички членови на кралското семејство. Телевизиско интервју на Меган и принцот Хари со Опра Винфри ќе се емитува на телевизијата ЦБС во Америка во вечерните часови, во недела на 7 март. Во Велика Британија, интервјуто ќе се емитува на ITV во 21 часот по локално време во понеделник, 8 март. Си-Би-Ес изјави дека Меган ќе зборува за тоа „како зачекори во животот како член на кралското семејство, за брак, мајчинство“, како и за „како се носи со животот под силен притисок на јавноста“. Потоа ќе и се придружи принцот Хари, а парот ќе зборува за нивната преселба во САД минатата година и за идните планови.

Хари и Меган наскоро кај Опра Винфри

Ивона Петрова — Tue, 16 Feb 2021 07:51:12 +0000

Британскиот принц Хари и неговата сопруга – Американката Меган Маркл ќе го прекинат молкот за нивното заминување од Бакингемската палата во интервју коешто ќе биде прикажано во емисија на познатата американска ТВ-ѕвезда Опра Винфри следниот месец. Хари и Меган, кои завчера објавија дека очекуваат уште едно дете, минатата година ја изненадија јавноста и кралското семејство кога објавија дека планираат да го напуштат животот во Лондон. Двојката потоа се пресели во Калифорнија со својот син Арчи и потпиша повеќегодишен договор со Нетфликс, којшто во голема мера ги поддржува нивните планови за живот независно од кралското семејство.