Израел нареди целосна опсада на појасот Газа

Ристе Здравков — Mon, 09 Oct 2023 10:29:59 +0000

Израелскиот министер за одбрана Јоав Галант нареди целосна опсада на појасот Газа. „Нема струја, нема храна, нема гориво“, изјави Галант. Израел веќе ги контролира воздушниот простор и крајбрежјето на Газа и регулира кој и кои добра смеат да поминат преку граничните премини. Ова следува два дена откако Хамас изведе изненадувачки и добро координиран напад на Израел, комбинирајќи масовни ракетни удари и упади на милитантите на израелската територија. Во Израел досега загинаа над 700 луѓе, а во одмаздничките воздушни напади на Газа се убиени речиси 500 Палестинци. Палестинските групи Хамас и Исламски џихад притоа имаат киднапирано повеќе од 130 луѓе, за кои се верува дека се одведени во Газа. Сирени за воздушна тревога и денеска се огласија низ Израел откако од Газа биле лансирани ракети. Во Ерусалим се слушнале најмалку три експлозии. Израелските одбранбени сили објавија дека војската ја повратила контролата врз сите населени места покрај границата со Газа, но продолжуваат изолирани престрелки со милитантите. Војската утрово соопшти дека борците на Хамас се присутни на уште седум-осум места на израелската територија, признавајќи дека воената операција трае подолго од очекуваното.

ЗАБОРАВЕН МАСАКР: Пред точно 25 години испукан беше проектил кој уби седум деца (ВИДЕО)

Матеја Петровски — Tue, 26 Jun 2018 15:42:24 +0000

За време на опсадата на Сараево се случија многу злосторства, а едно од најпотресните се случи на улицата Бакаревиќ. Масакрот на оваа улица се случи на 26 јуни 1993-та година, кога граната испукана на српските позиции уби седум деца. За потсетување, Сараево беше бомбардирано по наредби на командантот на ВРС, Ратко Младиќ и командантите на Сараевско- романискиот корпус, Станислав Галиќ и Драгомир Милошевиќ. Во текот на опсадата целувани беа и цивилни цели, што е подоцна утврдено во Хашкиот трибунал. Опсадата на Сараево која ја припремаше и некое време ја водеше т.н. ЈНА, а од втората половина на мај 1992-ра војската на Република Српска, траеше од 5 април 1992-ра до 29 февруари 1996-та година, вкупно 1.425 дена. Како што е изнесено во Хашкиот трибунал, во текот на скоро четиригодишната блокада, ВРС градот го опколил со 13 до 18 илјади војници позиционирани на околните брда. Српските сили Сараево го нападнале со артилерија, минофрлачи, тенкови, противвоздушни топови, тешки митралези, повеќецевни ракетни фрлачи, модифицирани авионски бомби, пешадиско наоружување и снајперски пушки. За време на опсадата на Сарево просечно паѓале во 329 гранати дневно, а „рекордот“ е остварен на 22 јули 1993 година, кога на градот биле испукани 3.777 гранати. За злосторствата направени во текот на опсадата на Сараево, Меѓународниот суд за поранешна Југославија го осуди генералот Станислав Галиќ на доживотен затвор, а Драгомир Милошевиќ на 29 години затвор. Ратко Младиќ беше осуден на доживотен затвор, исто како и генерал Станислав Галиќ, додека пак Радован Караџиќ беше осуден на дури 40 години затвор од судот во Хаг. Според извештајот на експертската комисија на Обединетите нации од 1994 година, близу 10.000 луѓе биле убиени или исчезнале, вклучувајќи и преку 1.500 деца.

опсада – Kurir.mk

Израел нареди целосна опсада на појасот Газа

ЗАБОРАВЕН МАСАКР: Пред точно 25 години испукан беше проектил кој уби седум деца (ВИДЕО)