Општина Берово – Kurir.mk

ФОТО: Здравствените протоколи не важат во Берово, „Работничките спортски игри“ отворени без заштитни мерки

Ивона Петрова — Tue, 08 Mar 2022 08:18:28 +0000

Општина Берово, после пауза од една година, повторно ги организираше „Работничките спортски игри“ во мал фудбал 2022 година. Целта на турнирот, велат од Општината, е спортување, подигнување на спортскиот дух во градот и подобрување на соработката помеѓу институциите и правните субјекти. Игрите официјално беа отворени вчера во спортска сала Македонски бранители во Берово, но според фотографиите кои беа испратени до нашата редакција, се гледа дека не се почитуваат препораките и заштитните мерки на здравствените власти. Ковид сертификатите и носењето на заштитни маски се уште мерки кои се на сила, но за градоначалникот на Берово, Ѕвонко Пекевски овие протоколи очигледно не важат. Граѓаните постојано се казнуваат за прекршување на мерките, но дали ќе има казни за ова прекршување, останува отворено прашање. Загрижува и фактот дека спортската сала каде вчера се отворија спортските игри, ја користат и ученици од општинското средно училиште „Ацо Русковски“ за одржување на часови по физичко образование. Граѓаните кои ја контактираа нашата редакција велат дека на отворањето на Игрите немало редарска служба да мери телесна температура, да проверува дали присутните гледачи и играчи имаат сертификати и дали се валидни или фалсификат. Додаваат и дека во салата ретко кој носел заштитна маска, а меѓу оние кои не ја почитувале оваа обврска бил и градоналникот Пекевски. И додека мерката за носење заштитна маска очигледно не важи за сите, учениците денеска повторно се вратија во училишните клупи со заштитните маски на себе.

ВИДЕО: Градоначалникот на Берово се уште не реализирал проекти ветени пред пет години

Ивона Петрова — Tue, 22 Feb 2022 13:02:14 +0000

Ветени, а се уште не реализирани проекти. Градоначалникот на Општина Берово Звонко Пекевски дел од проектите кои на локалните избори во 2017 година им ги вети на граѓаните, се уште ги нема исполнето, а со нив ја бараше довербата од граѓаните и на минатогодишните избори. На дел од нив потсетуваат од Општинскиот комитет на ВМРО-ДПМНЕ, Берово. -Обновување на кино салата во младинскиот културен дом, обновување на спортски терени на Беровското езеро и кајакарскиот клуб, изградба на мост на локалниот пат „Три реки“ во село Ратево, ова се проектите на кои потсетуваат од ВМРО-ДПМНЕ, а кои не се исполнети од Пекевски.

Мицкоски меѓу беровчани: Да не дозволиме Заев да го истера она што го наумил уште многу одамна- да ја уништи сопствената нација и држава

Катерина Бојаџиева — Fri, 14 Sep 2018 21:31:08 +0000

Претседателот на ВМРО-ДПМНЕ Христијан Мицкоски оствари средба го граѓаните на Општина Берово. Мицкоски пред граѓаните на Берово потенцираше дека СДСМ иако во предизборието ветуваа дека ќе донесат живот за сите граѓани, не само што не донесоа туку на сите граѓани во Република Македонија им го направија потежок животот. -Ниту има домашни инвеститори, а странските исчезнаа и заминаа во соседните држави, државата од лидер во регионот сега е на последно место и нема нови инвеститори. Претседателот на ВМРО-ДПМНЕ им порача на беровчани да не веруваат во лагите на Зоран Заев и да не потпаѓаат под влијанието на вакви политичари, да не веруваат во лаги како 13-та плата и со тоа дека сите проблеми ќе се решат. -Сето тоа е една обична шарена лага за да вие дадете 13-та плата треба бизнисот да работи и да заработи 13-та палта, а бизнисот е на колена. БДП постојано ни паѓа, македонската економија е на дното во Европа. Од каде ќе најдат луѓето пари да дадат 13-та плата, они едвај овие 12 не можат да ги скрпат, не па да даваат дополнителна плата. Затоа апелирам до сите граѓани до македонската нација и до сите граѓани во Република Македонија без разлика на нивната етничка припадност да не потпаѓаат на притисок да го сочуваат сопственото достоинство и да не му дозволат на Зоран Заев да го истера она што го наумил уште многу одамна да ја уништи сопствената нација и сопствената држава, потенцира Мицкоски. Тој потенцираше дека Заев се бори да го смени името за да си ја задржи својата фотеља. -Кога вели дека ќе викнел некој да не камшикува. Камшик му треба него, затоа што има држави во светот каде што престапниците и криминалците со камшикување ги казнуваат, среќа он се родил во држава како Македонија па такви казни не постојат. Ниту некој го камшикувал, ниту некој ќе го камшикува македонскиот народ, ниту во минатото, ниту тоа ќе биде случај во иднината, истакна Мицкоски. Во врска со убедувањата за договорот со Грција кој велат дека е добар тој истакна дека договорот не е ни малку добар, ниту пак е некаков компромис туку капитулација. -Знаеме дека договорот кој што го потпиша владата на СДСМ со нашиот јужен сосед не е ни малку добар, не ни компромис туку капитулација и затоа кажавме дека не можеме капитулацијата да ја прифатиме како лидерство, не можеме поразот да го прифатиме како победа и нашиот став е единствен и непроменлив, а тоа е дека за ВМРО-ДПМНЕ овој капитулантски договор е неприфатлив, вели Мицкоски.

Општина Берово се пофали со донација од еден контејнер

Ивона Петрова — Wed, 18 Jul 2018 18:57:35 +0000

Советот на Општина Берово на последната седница одржана на ден 16.07.2018 година донесе одлука со која на база на долгогодишната соработка со фирмата Елколект ДОО како колективен постапувач со отпадна електрична и електронска опрема , на Општина Берово ќе и бидат доделени 1 голем контејнер за крупен отпад и 5 висечки кантички за поситен комунален отпад. (…)Тоа ни дава за право да се пофалиме како Општина која високо котира во управувањето со е-отпадот и отпадните батерии“ стои на официјалната Беб-страница на Општината , објавува порталот Експрес.мк.