општина битола – Kurir.mk

Од утре времен режим на сообраќај од Битола кон Национален парк „Пелистер“

Дарко Андоновски — Thu, 05 Oct 2023 16:13:00 +0000

Од утре на сила ќе биде време режим на сообраќајот, кој води од Битола кон Националниот парк „Пелистер“. Од Општина Битола соопштија дека времениот режим на сообраќај се воведува заради почеток на градежните активностите за изградба на колектор за одведување на фекални отпадни води од локалитет „Бегова чешма“ до Национален парк „Пелистер“, во должина од 522 метри. По завршување на оваа фаза од проектот, ќе следува реконструкција на дел од локален пат до село Магарево во должина од 537 метри, соопштија од Општина Битола.

Подрачното Даме Груев во Долно Оризари, прво училиште кое ќе добие фотоволтаици во Битола

Дарко Андоновски — Tue, 19 Sep 2023 12:43:32 +0000

Во кабинетот на градоначалникот Тони Коњановски, денес беше потпишан трипартитниот договор, по кој започнуваат оперативните активности за поставување на фотоволтаици на подрачното основно училиште „Даме Груев“ во с. Долно Оризари. Фотонапонскиот систем ќе биде поставен со средства во висина од 400.000 денари, донација од Амбасадата на Народна Република Кина во земјава. Амбасадорот на Народна Република Кина Џанг Ѕуо како донатор, градоначалникот Тони Коњановски како примател на донацијата и претставници на фирмата изведувач Солар Спектар АГ Дооел од Скопје, го потпишаа трипартитниот договор, со кој практично започнува изведбата на системот со вкупна инсталирана моќност од 12,1 kWр. Подрачното основно училиште „Даме Груев“, опфаќа околу 160 ученици од прво до деветто одделение, а во состав на објектот е сместена и една група на деца од предучилишна возраст. Покрај обезбедувањето на донацијата, општина Битола продолжува со капитални инвестиции за кои оваа година исплатени се 154.000.000 денари, што значи реализација на 45,10% од планираното, а во моментот на општинската сметка има 237.000.000 денари.

Коњановски: Битола е вистинско градилиште, се работи на 15-тина локации, се уредува Офицерскиот дом, се изведува паркинг простор, се градат улици, треба сите заедно да работиме за градот

Катерина Бојаџиева — Tue, 25 Jul 2023 09:51:26 +0000

Пред се дозволeте да кажам добредојде на претседателот на ВМРО-ДПМНЕ, Христијан Мицкоски кој еве зачести да не посетува во Битола. Тоа секако зборува и за поддршката која ни ја дава и за поддршката која Битола како град ја заsлужува и ќе ја има од идната влада на ВМРО-ДПМНЕ. Да кажам дека почитувајќи ги мерките и препораките на владата и на Министерсвото за здравство се придржуваме до активностите на терен, Битола деновиве и целиот период изминативе месеци е вистинско градилиште. Во една рака им се извинувам на граѓаните што мора тоа, меѓутоа тоа се фази кои мораме да ги поминеме заедно. Да напоменам дека на 15-тина локации во моментот се работи, почитувајќи ги тие препораки кои ги дава министерството, истакна Тони Коњановски, градоначалник на општина Битола. -Се наоѓаме на потегот на Офицерскиот дом, фактички зборуваме за партерно уредување на некои 2.100 квадрати кои ќе ја доформат целата структура на Офицерскиот дом, ова култно место овде за Битола и битолчани, инвестиција вредна над 20 милиони денари, со ново осветлување, со одвов, со надовнување, со сето она што значи партерно уредување на овој простор. Бевме заедно со претседателот и со директорите на јавните претпријатија кои учествуваат во градбата и во изведбата на паркинг просторот пред спортската сала „Боро Чурлевски“, знаете тој објект е изграден 1975 година, некогашна спортска сала „Младост“ со самопридонес и оттогаш датира и паркингот кој е на тоа место. Ова локална самоуправа, велам со помош и на јавните претпријатија и на изведувачи го актуелизираа и ќе го комплетно ревитализира тој паркинг простор кој го изведуваме со нови 245 места за буквално сите структури на возила и корисници на услугите со нов влез од другата страна. Влеговме и во спортскиот објект, дел заедно со јавните претрпијатија каде се вршат припремите за шампионатот и нашата гордост „Пелистер“ кој во септември месец фактички започнува натпреварите во лигата за шампиони. Да напоменам дека само пред неколку дена бевте сведови улица Зборска се асфалтираше, за ден два очекуваме овие временски прилики малку и да стивнат температурите ќе се асфалтира СРУ во касарната, тоа е комплетно нова пробиена улица која според планската документација предвидена. Се работи, да кажам она што не само во градскиот дел, него во руралните средини знаете Лажец, Егри, Логоворди се места во кои прв пат посе толку години се направија краци, нови краци, нови улици на добробит и секако на селаните и граѓаните на тој дел на Пелагонија кој тоа го бара секако тврдејќи дека тој начин да останат во нивните места. Се работи истовремено и на новиот парк во Нова Битола, таму нискоградба, водовод, Комуналец е влезено исто како што овде да го оформат, веќе се гледат на новата паркова содржина која е тука. Драгорска ни е исто отворена улица која се работи е при крај изведбата. Се работи исто така на локацијата на населбата Недопирливи, таму се 10 улици, скоро 2 километри или вкупно досега да напоменам дека во овој изминат период повеќе од 5 километри на патна инфраструктура се направени. Да кажам дека и во делот на туризмот повторно сакаме, Битола да го добие она место, знаете деновиве и овој месец изминат, Битола е како во улиште , премногу туристи, нашата дијаспора е дојдена во масовен број годинава, после ковид кризата и луѓето наоѓаат свој интерес да дојдат Битола, да инвестираат во Битола. Битола е живо место. Кога почнав за туризмот да наговестам дека еве има копанки, се работи во склоп на условите и на временските прилики кои таму се на ревитализација, зборуваме каде помагаме и на спортскиот клуб, планинарското друштво Пелистер, да се оформи тој објект конечно кој многу значи за битолчани. Се и уште многу други работи кои секако се отворени на терен, ќе продолжиме исто така во текот на целата година. Она што го најавивме се работи за патна инфраструктура преку 25 километри, која треба да ја изведиме до крајот на година и тоа ќе го направиме. Се надевам дека и приликите во Советот на општината ќе се средат онака како што трева, на добробит на граѓаните и тоа е апел до сите, да работиме заедно за градот, зошто за тоа сме дојдени овде, додава Коњановски.

Се реализира проектот „ЕНЕРГЕТСКИ ЕФИКАСНИ ДОМОВИ“ во Битола

Ивана Ефремовски — Thu, 15 Jun 2023 13:03:45 +0000

Градоначалникот на општина Битола, Тони Коњановски ги посети енергетски ефикасните згради кои се реализираа преку проектот „Енергетски ефикасни домови“. -Една од заложбите на општина Битола со моето доаѓање како градоначалник е зголемената енергетска ефикасност и заштитата на животната средина. Паралелно, енергетската криза наметна и нови услови на размислување во однос на заштеда на електричната енергија. Оттука, за прв пат, општина Битола спроведе субвенционирање и поддршка преку проектот „Енергетски ефикасни домови“ за колективните згради во 2022 година, постари од 30 години, со реновирање на надворешните фасади на зградите и овозможување зголемена енергетска ефикасност на жителите на станбените објекти. Средствата превидени за оваа намена беа во висина од 3.000.000 денари, согласно Програмата за заштита на животната средина на Општина Битола за 2022 година. Субвенционирањето се реализираше во висина од 30%, но не повеќе од 750.000,00 денари од вкупниот износ на вредноста на инвестицијата за секоја одобрена апликација. По првиот објавен повик, субвенционирани беа 4 колективни згради, една на ул. Кочани и три во населбата Карпош. И годинава, повторно како и минатата година, од Програмата за заштита на животната средина на Општина Битола за 2023 година се предвидени нови 3.000.000 денари, за субвенционирање на колективните згради, во рамките на проектот „Енергетски ефикасни домови“. Повикот ќе биде наскоро објавен и се очекува граѓаните да ја искористат и оваа мерка со цел да постигнат поголема енергетска ефикасност, а со тоа и заштеда на електричната енергија, како и заштита на животната средина, посочи градоначалникот Коњановски.

Ѓорѓиевски: 23% од вкупните 25 проценти во првиот квартал се потрошени за капитални инвестиции во општина Битола

Дарко Андоновски — Mon, 05 Jun 2023 12:51:11 +0000

Во моментов на територијата на општина Битола се работи на 16 локации, а се е подготвено за започнување на уште 6 нови. Градоначалникот Тони Коњановски и локалната самоуправа континуирано се посветени на реализацијата на програмата и решавањето на проблемите на граѓаните и покрај сите обиди за сопки и опструкции, ова денеска преку изјава за медиумите го истакн Ѓорѓи Ѓорѓиевски, советник од ВМРО-ДПМНЕ во Совет на општина Битола -Парите на граѓаните се трошат исклучиво наменски, што потврдува и фактот дека 23 проценти од вкупните 25 реализација во првиот квартал годинава, се потрошени за капитални инвестиции односно инфраструктура. Денес има повеќе од 121 милион денари на сметката на општина Битола и има нула денари доспеани обврски кон добавувачи. Таква е, почитувани граѓани, финансиската кондиција на општина Битола, а се друго е голема лага и груба манипулација од страна на СДСМ. СДСМ и останатите советници кои ги поддржаа во нивната деструктивност се директно против развојот на општина Битола и директно против волјата на мнозинството граѓани изразена на локалните избори. СДСМ и останатите во Советот сакаат да изигруваат власт без легитимитет од граѓаните на Битола. Нивната намера за блокирање на работата на Советот е всушност блокирање на сите проекти за доброто на битолчани, а ние сме решени да ги реализираме и не отстапуваме од тоа! Деструктивноста, неработењето, импровизацијата, ароганцијата, се одлика на СДСМ и кога се во опозиција и кога се на власт, вели Ѓорѓиевски. Тој додава дека тие бесрамно, дрско продолжуваат со манипулациите, лагите и клеветите, и тоа со лични напади и дискредитација, во што се вистински мајстори. -Одамна е поминато времето на голото политиканство, евтините импровизации и глумењето загриженост, состојбите се подобруваат исклучиво со работа и мерливи резултати, а само вие почитувани граѓани одлучувате кому му ја давате својата поддршка, вели Ѓорѓиевски.

Во Битола врачени сертификати на асистенти на лица со пропреченост

Ивана Ефремовски — Thu, 18 May 2023 12:23:35 +0000

Градоначалникот на Општина Битола, Тони Коњановски, додели сертификати на 10 лица кои посетуваа обука за лични асистенти на лицата со попреченост. Обуката за асистенти се реализираше во соработка со општинската организација на Црвен крст Битола, а согласно Програмата за социјална заштита на Општина Битола, за која беа издвоени 200.000 денари од општинскиот буџет. -Со завршувањето на обуката, сертифицираните лични асистенти, се обучени за поддршка на лицата со попреченост и можат работно да бидат ангажирани. На сите кои ја завршија обуката им посакувам успешен работен ангажман, исполнет со одговорност, хуманост и посветеност во работењето, посочи Коњановски. Како што е познато, со измените во Законот за социјална заштита, се зголемува бројот на корисници на услугите за лична асистнција, а Општина Битола, со реализацијата на овој проект обезбеди доволен број лица кои ќе бидат оспособени за работа како лични асистенти на лицата со физичка попреченост или слепите лица. Во 2022 година, со овој проект во Битола беа обучени 24 лица, а дел од нив веќе се работно ангажирани, потврдија од тамошната локална самоуправа. (МИА)

Општина Битола активно работи на подготовка за велосипедски патеки

Ивана Ефремовски — Fri, 28 Apr 2023 13:00:48 +0000

Општина Битола, активно работи на подготовка на потребната документација за велосипедски патеки. Доколку, во предвидениот рок се завршат сите постапки, отпочнувањето на активностите на терен, се очекува оваа градежна сезона. Во досегашниот период изработен е Основен сообраќаен проект за воведување на велосипедски патеки во централното градско подрчје, кој е одобрен од СВР Битола. Во моментот во тек е изработка на Проектна документација за реализација на основен проект за две улици „Васко Карангелевски“ и улица „Партизанска“ – реконструкција на постоечки тротоари, по што ќе следува и обележување на велосипедски патеки, согласно одобрениот сообраќаен проект. Со предвидените активности оваа градежна сезона ќе се заврши првата фаза од проектот, додека неговата целосна реализација ќе овозможи растеретување на сообраќајот во централното градско јадро, како и непречено движење со велосипед по велосипедски патеки од периферијата до центарот, што претставува долгогодишно барање на битолчани, но и потреба на Битола.

Битола блесна во новогодишен сјај- погледнете ја елката (ФОТО)

Катерина Бојаџиева — Fri, 16 Dec 2022 21:09:38 +0000

Во Старата чаршија, низ Широк Сокак и на најатрактивната локација, каде наскоро ќе започне „Зимска приказна“, кај Офицерскиот дом, Битола блесна во убавината на предновогодишната светлина. Новогодишната радост во градот, веќе се чувствува. Општина Битола, изразува голема благодарност до јавните претпријатија, приватните фирми и поединци, а пред се до креативниот тим на советничката група „Поинаку“, кои дадоа свој придонес во креирањето на прекрасната новогодишна атмосфера на Битола.

Во пресрет на празникот „Св. Нектариј Битолски“, заштитникот на градот, општина Битола за првпат ги наградува талентираните ученици

Катерина Бојаџиева — Fri, 16 Dec 2022 14:54:11 +0000

На иницијатива на градоначалникот, Тони Коњановски, годинава за првпат по повод, Денот на Заштитникот на градот, „Свети Нектариј Битолски“, општина Битола, доделува награди за талентираните и наградени ученици од основните и средните училишта од Битола. Бројот на пристигнати апликации, вкупно 197, потврди дека општината, има навистина многу талентирани деца, кои постигнуваат високи резултати и достојно ги промовираат градот и државата во меѓународни рамки. Согласно, условите наведени во јавниот повик, оваа година, за постигнатите успеси во учебната 2021/2022 година, парична награда, ќе добијат 19 ученици, наградени за освоено прво место на меѓународни натпревари. Оваа година, добитници на парична награда од општина Битола, се ученици од 7 основни училишта и едно средно училиште, односно учениците: 1. Давид Стојчевски СДУ Музичко училиште 2. Димитриј Стојчевски СДУ Музичко училиште 3. Кристијана Илиевска ОУ Даме Груев 4. Ана Матеска СДУ Музичко училиште 5. Маркијан Поповски СДУ Музичко училиште 6. Арсениј Ангелески СДУ Музичко училиште 7. Стефан Митревски ОУ Климент Охридски 8. Теона Буџаковска ОУ Елпида Караманди 9. Јована Арсоска СДУ Музичко училиште 10. Софија Михајловска СДУ Музичко училиште 11. Алексеј Белевски ОУ Стив Наумов 12. Андреа Николовска СДУ Музичко училиште 13. Игор Наумовски ОУ Кирил и Методиј 14. Ѓорѓи Димовски СДУ Музичко училиште 15. Леонардо Димоски СДУ Музичко училиште 16. Илина Момировска ОУ Стив Наумов 17. Анастасија Петреска СДУ Музичко училиште 18. Елена Вчковски ОУ Тодор Ангелевски 19. Јане Петровски ОУ Коле Канински Според податоците добиени од Министерството за образование, награда не се доделува за освоено прво место на натпреварот за популаризација на математиката „Кенгур“, бидејќи истиот не е меѓународен натпревар. Општина Битола, верува дека овогодишните награди, ќе претставуваат мотив за сите ученици во општината и понатаму, да се насочуваат кон постигнување на високи резултати и градење на вистински вредности. Општината и во следниот период, продолжува да биде поддржувач и поттикнувач на учениците, со воведување на нови начини на стимулирање на нивните нови успеси и достигнувања. Официјалното доделување на наградите на учениците е закажано за утре.

Дојави за бомби во седум училишта во Битола, градоначалникот апелира на смиреност

Ивана Ефремовски — Fri, 16 Dec 2022 13:34:59 +0000

Заменик градоначалникот на општина Битола, Бојан Бојкоски и секретарот на општината, Борче Димитровски, ги посетија дел од училиштата, каде утрово имаше дојави за бомби. Во разговор со директорите, се информираа за моменталната состојба во училиштата, каде што полициските екипи веќе вршат проверки. Бојкоски и Димитровски, се во постојана координација и со екипите од СВР Битола. Сите ученици, наставниот кадар и другите вработени во седумте основни училишта, каде утрово имаше дојава, безбедно се евакуирани, а настава во втора смена нема да има во основните училишта, каде беа дојавите, односно во: „Кирил и Методиј“, „Гоце Делчев“, „Ѓорги Сугарев“, „Климент Охридски“, „Елпида Караманди“, „Даме Груев“ (централното училиште и подрачните во Долно Оризари и Карамани и училиштето „Александар Турунџев“ во село Кукуречани. Општина Битола, останува во постојана комуникација со полицијата, како и подготвеност за поддршка во делувањето, доколку истото биде потребно. Градоначалникот на општина Битола, Тони Коњановски, после извршената координација со полицијата и директорите, утрово испрати апел за смиреност до граѓаните и имајќи ја предвид вознемиреноста која ја предизвикуваат дојавите, замоли за почитување на пропишаните правила и прописи за постапување во овие случаи.