општина брвеница – Kurir.mk

Мицкоски: Со идната Влада на ВМРО-ДПМНЕ, Македонија ќе има рамномерен развој низ целата територија

Ивана Ефремовски — Sat, 23 Sep 2023 11:50:14 +0000

Денеска на покана на градоначалникот на општина Брвеница, лидерот на ВМРО-ДПМНЕ, Христијан Мицкоски беше во посета на општината. Посочи дела во општина Брвеница навистина со малку ресурси се прават многу работи. -80% од ветеното од пред две години е веќе реализирано, остануваат уште 20%. Но, тоа не значи дека откако и тие 20% ќе бидат реализирани, треба да се застане. Напротив тоа треба да биде мотив повеќе да се реализира и нешто што не било ветено, а што ќе биде поздравено и добредојдено за граѓаните овдека во општина Брвеница. Јас можам уште да кажам дека и покрај тешките услови со кои што се соочува градоначалникот, и покрај тешките услови на работа кои што ги има Општина Брвеница, игнорантскиот однос од страна на Владата кон општините каде што имаме градоначалници од ВМРО-ДПМНЕ, сепак добрата вест е дека за неколку месеци од денеска ќе имаме нова Влада предводена од ВМРО-ДПМНЕ чии што носечки стожарен проект ќе биде големо децентрализирање на буџетските средства за реализирање на капитални инвестиции во општините. И за таа намена според оние критериуми кои што ги имаме дефинирано во општина Брвеница ќе бидат инвестирани годишно до милион и 800 илјади евра. Или за еден четиригодишен мандат до 7 милиони и 200 илјади евра, рече тој. Мицкоски посочи дека на тој начин буквално сите населени места во општина Брвеница ќе ги имаат оние услови, пристојни услови за живот, за да можат луѓето да добијат подобар квалитет на својот живот. -И цениме дека на тој начин ќе покажеме еден добар пример како треба да се развива Македонија рамномерно низ целата територија, а не само во оние општини каде што имаме градоначалници кои што доаѓаат од Владата. Туку идната Влада на ВМРО-ДПМНЕ ќе биде Влада за сите граѓани, за сите општини без разлика дали градоначалникот е од ВМРО-ДПМНЕ, СДСМ, ДУИ, Алијансата за Албанците, БЕСА или е некој независен градоначалник. Уште еднашка честитки за градоначалникот, за администрацијата, за пратениците од 6-тата изборна единица, кои што секогаш се трудат со некој амандман дополнително да обезбедат средства за Полог и за општините кои што се во Полог. Но, за жал најголемиот дел би рекол сите тие амандмани се секогаш одбиени од страна на Владата. Но, што е тука е, рековме дека за неколку месеци од денеска ќе имаме една нова реалност, нова Влада која што ќе функционира по поинакви принципи, порача Мицкоски.

Општина Брвеница на прво место за активна транспарентност во Полошкиот регион

Тале Кристо — Wed, 12 Jul 2023 13:58:25 +0000

Општина Брвеница е рангираната на прво место за активна транспарентност во Полошкиот регион во истражувањето што секоја година го прави Центарот за граѓански комуникации околу тоа колку институциите самите ги објавуваат информациите од јавен карактер без притоа некој да има доставено до нив барање за пристап до нив. Во рангирањето се вклучени 98 институции, односно Владата и сите министерства и општини. Општина Брвеница има резултат од 92,8 % за активна транспарентност, а според Центарот годинава добиле нови 10 проценти поени. -И оваа година напреднавме во делот на јавното информирање а нашата цел е секоја информација без исклучок да стигне до секој граѓанин навремено и точна, изјави градоначалникот на Општина Брвеница, Јовица Илиевски. На табелата за Полошки регион Општина Тетово со 80% е на второ место, додека Теарце со 79,7% на трета позиција. Според Центарот за граѓански комуникации просечната активна транспарентност на министерствата, на Владата и на општините за 2023 година изнесува 76 % (од максимално можни 100 %) и во однос на лани е подобрена само за 3 процентни поени (од 73 % на 76 %).

Илиевски: Во изминатите 10-тина дена во Брвеница чистевме депонии, канали, тампониравме земјен пат и правевме редовно одржување на патиштата

Дарко Андоновски — Fri, 10 Dec 2021 19:52:31 +0000

Градоначалникот на Брвеница, Јовица Илиевски преку статус на Фејсбук пишува дека во изминативе десетина дена работеле на неколку работи во општината кои се од големо значење за жителите на ова место. -Во изминативе 10 работни дена, освен секојдневните тековни работи и средби со жителите на општина Брвеница, успешно работевме на: ЧИСТЕЊЕ НА ДЕПОНИИ ВО МИЛЕТИНО И ТЕНОВО, ЧИСТЕЊЕ НА КАНАЛОТ ВО БРВЕНИЦА, РЕДОВНО ОДРЖУВАЊЕ НА ПАТОТ ЗА ГУРГУРНИЦА, ТАМПОНИРАЊЕ НА ЗЕМЈЕН ПАТ ВО Г. ЧЕЛОПЕК И УСПЕШНО ЗАПОЧНУВАЊЕ СО РАБОТА НА НОВИОТ КОНЦЕСИОНЕР ЗА СОБИРАЊЕ НА ОТПАД НА ЦЕЛА ТЕРИТОРИЈА НА ОПШТИНА БРВЕНИЦА. #ПромениПроектиПобеди, стои во неговиот пост на Фејсбук.

Раздор во СДСМ Брвеница: Се бара оставка од локалното партиско раководство после изборниот дебакл (ФОТО)

Катерина Бојаџиева — Mon, 18 Oct 2021 14:52:10 +0000

Раздор во СДСМ Брвеница! По изборниот дебакл се бара оставка од локалното партиско раководство. Долгогодишен член на партијата и дел од раководството на СДСМ Брвеница, бара итно разрешување. Инаку, според резултатите на Државната изборна комисија, кандидатот за градоначалник на Брвеница од ВМРО-ДПМНЕ, Јовица Илиевски, води со 1.000 гласови пред кандидатот на СДСМ, Мирко Стојановски.

Мицкоски со порака до идните градоначалници: Заборавете на канцеларијата и фотелјата, вашето место е со народот, на улица, нива или пред продавница

Магдалена Андонова — Sat, 02 Oct 2021 18:36:25 +0000

На 17-ти октомври ќе победи ВМРО-ДПМНЕ и ќе ја добие поддршката од народот бидејќи нашата најголема коалиција на овие избори е коалицијата со народот. И тука мојата прва порака на Јовица и до овие прекрасни луѓе кои што утре ќе бидат дел од Советот на општина Брвеница е дека помина времето на политичарите глумци, помина време на политичарите измамници, помина времето кога политичарите беа залегнати во кожните фотелји и газеа дебели црвени персиски килими, вашата природна средина ќе биде заедно со овој народ кој што вечерва е дојден овде и ви ракоплеска, ве поддржува. Вие треба да бидете слуги на овој народ кој што денеска е овде со нас, и кој што ќе ве поддржи на 17-ти октомври. Заборавете на канцеларијата, заборавете на сите оние привилегии којашто ги носи општинската власт, вашето место е на улиците заедно со народот, на полињата, на нивите, во фабриките, пред продавниците за тоа што вие сте слуги на народот, истакна Христијан Мицкоски, претседател на ВМРО-ДПМНЕ на митингот во Брвеница. Мицкоски додаде дека народот заслужува подобра иднина, доста е веќе од политичари на власта кои не работат за граѓаните туку само за нивните лични интереси. - Со оваа власт нема апсолутно никаква шанса да биде подобро, најдобро знаете вие, дека волкот влакното го менува но карактерот не. Доста е веќе од овие политичари, нам ни треба нова иднина. За тоа мораме да се бориме за нашата заедничка слобода, овие избори се шанса за промени, шанса за подобро утре, порача Мицкоски. Мицкоски посочи дека за него победа е кога ќе се направи се она што е спротивно од оние 30 години, се она што досега беа порази, неправди, и работи кои што не требаше да ни се случат, а се случија.

Илиевски: Подобрување на локалните услови за водење бизнис, време е Брвеница да стане подобро место за живеење

Магдалена Андонова — Sat, 02 Oct 2021 17:40:49 +0000

Да се биде кандидат за градоначалник од тимот на идниот премиер проф. д-р Христијан Мицкоски ми претставува чест и задоволство, но пред се обврска, должност и голема одговорност во борбата која ни претстои: Борба за достоинствена, напредна и просперитетна Брвеница, истакна Јовица Илиевски, кандидат за градоначалник на општина Брвеница на митингот. Илиевски запраша дали е потребно да се прифати бедотијата на денешницата и да се живее на дното, во лаги, измами, криминал, корупција и безнадежност или да се исправиме и да се спротивставиме на неработниците и корумпираните политичари. - Јас сум исправен пред Вас и барам да ми се придружите и да ми ја дадете вашата поддршка заеднички да ја направиме Брвеница достојна за живеење, онака како што и доликува на ова општина, рече Илиевски. Илиевски посочи дека со сиот свој капацитет, знаење и домаќинско менаџирање ќе ја постигне целта и ќе ја направи Брвеница достоен конкурент на една развиена општина во секој сегмент и посакувано место за живеење. - Јас ќе се борам и нема да се смирам додека не ја исполнам мојата цел и затоа ве повикувам и барам од Вас, Македонци, Албанци, Срби и останати, да ми се приклучите, затоа што знам дека мојата цел е и ваша цел и заеднички со вашата поддршка ќе ја направиме Брвеница подобро место за живеење, нагласи Илиевски. Илиевски вечерва пред граѓаните вети дека ако стане градоначалник ќе ја подобри спортската инфраструктура и услови за спортување на младите, регионална инфраструктурна поврзаност, воведување на концепт на зелена и чиста општина, модерен и атрактивен локален туризам, дигитална инфраструктура, подобрување на локалните услови за водење бизнис, воспоствување на европски практики и имплементирање на европски вредности и функционален систем за социјална заштита. - Во мојата програма се содржани детални проекти, поделени како итни и приоритетни и проекти со подолг рок кои се стратешки, поголеми и поскапи. Брвеница за многу луѓе е мала општина, но за нас кои сме се родиле, растеле и живееме тука е најважната општина, порача Илиевски. Илиевски ги повика граѓаните на 17-ти октомври да излезат и да гласаат за промени, проекти, време е да се создаде нова иднина.