општина Центар Жупа – Kurir.mk

Општина Центар Жупа додели 500 илјади денари, а советниците ќе го донираат месечниот надоместок за настраданите во Турција

Катерина Бојаџиева — Wed, 08 Feb 2023 11:53:29 +0000

Советот на општина Центар Жупа, по предлог на градоначалникот Аријан Ибраим, денеска донесе едногласна одлука со која оваа општина, како прва помош за настраданите во Турција ќе издвои 500 илјади денари. -Освен оваа прва помош, 11-те членови на Советот одлучија за настраданите да го доделат месечниот финансиски надоместок што го добиваат како членови на советот. Иако сме мала општина ќе продолжиме со помошта за настраданите подрачја. Сакаме да упатиме порака дека наша Турција не е сама. Седницата ја почнавме со молитва за покој на душата на настраданите и за брзо закрепнување на повредените. Нашите мисли и молитви се со нашите браќа, изјави за МИА претседателот на Советот Бирџан Селман. Додаде дека во општина до 12 месецов трае седумдневната жалост а знамињата се спуштени на половина копје. - Како и целиот свет и нас силно не погоди оваа трагедија. Од мое и од име членовите на советот изразувам длабоко сочувство за изгубените животи и посакувам брзо закрепнување на повредените. Се молиме вакви трагедии да не се повторат никаде на земјината топка, додаде Селман. Оваа и општина Маврово и Ростуше имаат бројна дијаспора во Република Турција а во последниот период тие се збратимени со повеќе општини во оваа земја. Општина Маврово и Ростуше на вчерашната попладневна вонредна седница одлучи да додели 500 илјади денари за настраданите подрачја од земјотресот. Во двете општини на неколку пункта се собира и хуманитарна помош.

ВМРО-ДПМНЕ: Го повикуваме Ковачевски да каже кого победил во Центар Жупа, кога имаше само еден кандидат?!

Дарко Андоновски — Sat, 20 Aug 2022 18:02:05 +0000

Го повикуваме Ковачевски да каже кого победил во Центар Жупа, кога имаше само еден кандидат?!, ова денеска преку соопштение до јавноста го истакнуваат од ВМРО-ДПМНЕ. „Изборите успеаја само затоа што сограѓаните од дијаспората се во Македонија. Истовремено Ковачевски да каже кои се тие мрачни сили, и да не ја замајува јавноста со неговите лаги и обиди за прикажување на лажен триумфализам“, стои во нивното соопштение до јавноста.

Во Центар Жупа денеска ќе гласаат 29 болни и немоќни лица

Катерина Бојаџиева — Fri, 19 Aug 2022 07:41:51 +0000

Пред утрешниот, саботен изборен ден за градоначалник, во Општина Центар Жупа денеска, во домашни услови, правото на глас треба да го остварат 29 болни и немоќни лица. -Според утврдениот план, од 14 часот определените избирачки одбори ќе ги посетат 29-те болни и немоќни лица, за да го остварат правото на глас. Барања имавме од 32 лица, но на три од нив не им беа прифатени истите бидејќи не беа запишани во единствениот избирачки список, изјави Неџип Илјаз, претседател на Општинската изборна комисија. Споредено со повторените избори на 17 април годинава, бројот на оние кои денеска ќе гласаат е помал за 28, додека со редовните локални избори, на 17 октомври минатата година е поголем за 11 лица. -Утре правото на глас треба да го остварат 7.154 лица, или 77 гласачи повеќе од предвремените избори во април, додека пак споредено со редовните локални избори од октомври минатата година има 163 гласачи помалку. Како комисија ги презедовме сите потребни активности за еден нормален изборен процес, рече Илјаз. Во оваа општина ќе се гласа на 16 избирачки места а во гласачкото ливче е само еден кандидат.

Во Центар Жупа за гласање доставени 29 барања од болни и изнемоштени лица

Катерина Бојаџиева — Fri, 12 Aug 2022 15:47:35 +0000

До Општинската изборна комисија – Центар Жупа, за претстојните по вторпат повторени избори за градоначалник, на неколку часа пред истекот на рокот, доставени се 29 барања за остварување правото на глас на болни и изнемоштени лица. -Барања со документација доставија 29 блиски роднини на лицата. Бидејќи рокот завршува вечерва на полноќ можно е да добиеме уште некое барање. Истите потоа ќе ги разгледаме и ќе донесеме одлука колку од нив ќе може да гласаат во петок, односно на 19 август, изјавија за МИА, од комисијата. На повторените избори на 17 април беа доставени 61 барање, позитивно беше одговорено на 57, а правото на глас го искористија 52 лица, додека останатите пет тоа не го сторија од различни причини, во меѓувреме настаната смрт, болнички третман или неважечки документ за идентификација. На редовните локални избори, пак, на 17 октомври минатата година, за гласање во својот дом беа пријавени 18, а гласаа 17 лица. Во единствениот избирачки список за општина Центар Жупа, каде на 20-ти месецов (сабота) ќе се гласа на 16 избирачки места во единственот избирачки список запишани се 7.154 лица со право на глас. Споредено со предвремените избори што се одржаа на 15 април во списокот се 77 гласачи повеќе додека пак споредено со редовните локални избори на 17 октомври минатата година има 163 гласачи помалку. Трката за градоначалник овој пат ќе ја трча еден кандидат, Аријан Ибраим, од Турската демократска партија, кој довербата ја бара по третпат.

Од утре почнува јавниот увид во избирачкиот список за локалните избори во Центар Жупа и Маврово – Ростуше

Дарко Андоновски — Fri, 18 Feb 2022 13:58:50 +0000

Од утре, 19 февруари, почнува јавниот увид во Избирачкиот список во подрачните одделенија и канцеларии на ДИК во општините Центар Жупа и Маврово – Ростуше каде на 17 април треба да се одржат избори за градоначалници. ДИК денеска на редовна седница, изгласа продолжување на примената на три упатства кои беа важечки за Локалните избори во 2021 година: Упатство за начинот и постапката на поднесување прием и потврдување на кандидатските листи донесено на 25 август 2021 година, Упатство за начинот на именување членови на избирачки одбори по предлог на политичките партии донесено на 3 септември 2021 и Упатство за изгледот на беџовите за идентификација донесено на 25 август 2021 година. -Останатите упатства кои биле донесени наменски за Локалните избори во 2021 година, ќе се ревидираат, односно корегираат и прилагодат на следната седница на ДИК, по што ќе бидат и донесени како посебни акти, соопшти Борис Кондарко, образложувајќи ја оваа точка од дневниот ред на седницата. Во моментов, како што информира Борис Кондарко, тече собирањето потписи за кандидирање.

Земјотрес ја стресе Македонија – еве ги деталите

Дарко Андоновски — Tue, 28 Dec 2021 21:14:52 +0000

Земјотрес од 2 степени е регистриран во близина на Центар Жупа. Епицентарот бил на 25 километри од оваа општина. И минатата недела имаше земјотрес во близина на Центар Жупа.

На изборите во Центар Жупа не е обезбеден потребниот цензус на излезност

Дарко Андоновски — Sun, 17 Oct 2021 21:16:29 +0000

Во Општина Центар Жупа во првиот круг од локалните избори не е избран нов градоначалник, бидејќи не е обезбеден потребниот цензус на излезност од една третина од вкупно запишаните гласачи во единствениот избирачки список, потврди за МИА, претседателот на ОИК, Неџип Илјаз. „Право на глас во оваа печалбарска општина имаа 7.317 а го остварија 25 отсто“, додаде Илјаз. Во трката за градоначалник беа актуелниот Аријан Ибраим, од Турската демократска партија, кој довербата од неговите сограѓани ја бара по трет пат и Шаин Шаќир од партијата Движење за национално единство на Турците. Ибраим, според иформации од неговиот Изборен штаб добил над 850 гласови повеќе од неговиот потивкандидат Шаќир. За неговите прврзаници и за поголем број жители ова е последователна победа на Ибрам, што ја одбележаа во центарот на Центар Жупа. За 11-те советнички места имаше шест листи и тоа од Турската демократска партуја, СДСМ, ВМРО ДПМНЕ, Партијата движење за национално единство на Турците и ДУИ. На локалните избори во 2017 година, вториот мандат Ибраим го обезбеди во првиот круг, кога доби над илјада гласови повеќе од неговиот противкандидат. Тогаш од вкупно запишаните 6.810 гласачи, правото го искористиле над 40 отсто.

До 13 часот во Дебар излезноста 14,5 %, а во Центар Жупа 12%

Катерина Бојаџиева — Sun, 17 Oct 2021 12:43:34 +0000

Изборниот ден во општините Дебар и Центар Жупа тече без проблеми, со зголемен процент на излезност. -До 13 часот во општина Дебар правото на глас го искористиле 2.781 лице или 14,5 отсто од вкупно запишаните 19.211 во единствениот избрачки список. Во сите 27 избирачки места изборниот ден минува без проблеми а поголема излезност очекуваме во следните попладневи часови, изјави за МИА, Саит Абазоски, од ОИК-Дебар. Споредено со изборите во 2017 година, кога излезноста во 13 часот била 17,9 таа сега е помала за 3,4 отсто. Претседателот на ОИК-Центар Жупа, Неџип Илјаз, информираше за МИА, дека правото на глас до 13 часот го освариле 910 граѓани или 12 отсто. На сите 16 избирачки места гласањето се одвива нормалано. Споредено со изборите во 2017 годна, кога излезноста во оваа општна била 20 отсто, сега е за осум отсто помала.