општина демир хисар – Kurir.mk

Најдовски: Во Демир Хисар се реконструираат и асфалтираат улици, поставена е нова фекална канализација, ќе се изградат 5 нови детски игралишта, така ќе продолжиме и до крајот на година

Катерина Бојаџиева — Sat, 15 Jul 2023 12:42:35 +0000

Најнапред сакам му посакам добредојде во Демир Хисар на претседателот на ВМРО-ДПМНЕ, Христијан Мицкоски, да му се заблагодарам за посетата и да ви се заблагодарам и на вас почитувани медиуми што покажавте интерес и ни дадовте можност пред поширока аудотрија да ги презентираме проектите кои што локалната самоуправа ги работи во последниве неколку месеци. Ќе започнеме од местото каде што се наоѓаме во моментот, на улицата „1-ви Мај“ каде што се изградени тротоари од двете страни на улицата во должина од 2 километри, а непосредно од местото каде што се наоѓаме беше извршена комплетна реконструкција и на улицата „11 Октомври“. Проектот е во висина од 6 милиони денари, средствата се обезбедени од Пелагониски-плански регион и кофинансирани 10% од локалната самоуправа на општина Демир Хисар, истакна Никола Најдовски, градоначалник на општина Демир Хисар. -Покрај овие зафати во Демир Хисар се изврши промена на осветлувањето на главните улици, една од нив е и улицата „1-ви Мај“, но поставени нови лед светилки се и на улицата „Битолска“, улицата „Гоце Делчев“ и дел од улицата „Маршал Тито“ како и на регионалниот пат кој што поминува низ Сопотница. Работиме или при крај се градежните активности за реконструкција на плоштадот во близина на Домот на културата во Демир Хисар, а се уредува и паркинг просторот на улица „Маршал Тито“. Јас ќе споменам и дека минатата недела се завршени проектите за асфалтирање на улици во село Света, средства обезбедени од Бирото за регионален развој, а после промената на водоводната мрежа во Слепче во должина од 600 метри пристапивме кон асфалтирање и рехабилитирање на улиците кои што беа опфатени со самиот зафат во висина од 3,5 милиони денари, обезбедени од буџетот на општина Демир Хисар. Сакам да споменам што ни е во план да работиме и во втората половина од 2023 година. Ќе кажам дека ќе следи реконструкција на крак од улицата „11 Октомври“ од мостот на Стара Река до Соборниот храм „Свети Никола“ во Демир Хисар. После поставувањето на нова фекална канализација, барање на жителите на населбата Мургашево и на самиот храм кој што е веќе неколку години, мислам дека треба да се најави и еден поголем инфраструктурен зафат во населените места Кутретино и Суводол, исто со сопствени средства, со средства од буџетот на општина Демир Хисар планираме да изградиме и асфалтираме 9 улици во населените места Кутретино и Суводол. Во тек е јавна набавка за набавка на 5 детски игралишта, фитнес парк на отворено. Сакам да резимирам, да не должам мноу јас сум презадоволен од она што оваа година го имаме постигнато како локална самоуправа, се надевам дека и наредната ќе биде таква, посебно што сите очекуваме многу поголема поддршка од новата влада предводена од претседателот. Христијан Мицкоски и ВМРО-ДПМНЕ, па се надеваме дека ќе бидеме приоритет особено ние помалите општини на новата влада и ќе работиме сите заедно за подобрување на животот на граѓаните во општина Демир Хисар, додава Најдовски.

Најдовски: Доста беше лаги и празни ветувања, време е за нов Демир Хисар

Магдалена Андонова — Thu, 21 Oct 2021 17:47:41 +0000

Доста беше лаги и празни ветувања! Време е за промени, проекти и победи, стои во Фејсбук статусот на Никола Најдовски, кандидат на ВМРО-ДПМНЕ за општина Демир Хисар. Тој преку својата објава ги повикува граѓаните на Демир Хисар да заокружат 7, за нов Демир Хисар!

Најдовски: Изминатите 4 години ветените проекти за живот од страна на СДСМ во Демир Хисар, останаа само празно слово на хартија

Магдалена Андонова — Mon, 30 Aug 2021 09:12:58 +0000

Изминуваат последните денови од четиригодишната голгота на демирхисарци под власт на СДСМ. Изминуваат последните денови на власта која пред граѓаните на Демир Хисар ветуваше живот за сите и бројни проекти кои останаа само празно слово на хартија. Ветуваа изградба на спортски игралишта, атмосферска канализација, соборен храм, прочистителни станици, хортикултурно уредување на јавни површини, ставање во функција на хидроакомулациите во општината, инфраструктурни проекти, водоводи, канализации, базени и што ли уште не, изјави на денешната прес конференција, Никола Најдовски, кандидат за градоначалник на ВМРО-ДПМНЕ за општина Демир Хисар. Тој рече дека за жал, демирхисарци не видоа ништо од ова, и дека биле брутално излажани и изманипулирани и само се потсетија што значи власт на СДСМ за нашата општина. - Во изминативе 4 години сите бевме сведоци на криминал, корупција и непотизам од невидени размери, што резултираше со масовно иселување на млади и образовани луѓе од нашата општина и целосно губење на довербата во институциите на системот. Затоа, почитувани, како кандидат за градоначалник на општина Демир Хисар од редовите на ВМРО-ДПМНЕ, Ве повикувам сите заедно да се обединиме околу вистинските вредности во едно општество и да го дадеме својот придонес за градење на развиена и модерна општина, како за сегашните, така и за идните генерации.Општина со целосно обновена патна и комунална инфраструктура, со што ќе се обезбедат услови за нови инвестиции и нови работни места. Општина во која ќе се гарантира откупот на земјоделските производи со отворање на откупни станици за истите, со што ќе се стави крај на девалвирањето на трудот на земјоделците. Општина која ќе биде партнер, а не рекетар на бизнис секторот. Општина каде ќе се развива спортот преку изградба на нови и реконструкција на постоечките спортски објекти, како во градот, така и во околните населени места со цел правилен и здрав развој на младите. Општина која ќе изобилува со уредени паркови и зелени површини, безбедни пешачки и велосипетски патеки.Општина која ќе го заштити и промовира природното и културно наследство и ќе развие стратегија за развој на туризмот, појасни Најдовски. - Ве уверувам дека јас и мојот тим, кој ќе биде составен исклучиво од професионалци во својата област, заедно со советниците од ВМРО-ДПМНЕ, ќе се вложиме со целиот свој капацитет,со цел, реализација на ветените проекти од нашата програма и ќе работиме чесно и транспарентно исклучиво во интерес на граѓаните на општина Демир Хисар, додаде кандидатот за градоначалник.