општина Јегуновце – Kurir.mk

Костадиноски со апел до Владата: Посетете ја Општина Јегуновце со надлежните институции за да граѓаните бидат обештетени

Дарко Андоновски — Mon, 19 Jun 2023 14:09:03 +0000

Ние како локална самоуправа согласно нашите надлежности постапивме, формиравме денеска комисија која од денес е на терен, ќе бидат посетени секој од домаќинства, секоја земјоделска површина која е зафатена од ова невреме и тие записници ќе бидат проследени во општината и ќе бидат пресметани и поминати на советот со тоа што нашата надлежност и обврска ја завршуваме и ќе бидат после испратени до Владата односно до второстепена комисија која е за обештетување на вакви случаи, ова денеска преку изјава за медиумите го истакна Димитар Костадиновски, градоначалник на Општина Јегуновце. -Се надевам и апелирам дека Владата ќе најде можност и време да одвои, да ја посети Општина Јегуновце со надлежните институции како што се министерство за земјоделие, министерство за животна средина, министерството за транспорт или било кој од Владата да дојдат да посетат и самите да видат на лице место што е проблемот и во иднина овие наши сограѓани да бидат обештетени. Сега е веќе касно за да се пресеат или да се пренаменат земјоделските површини во нешто што можат да бидат искористени не може. Тоа е затоа што како што знаете 20ти јуни и затоа до 20ти јуни никој од нашите земјоделци немаат донесено во своите опремнини или во своите домаќинства по една бала или нема донесено пченката или пченицата која ја посеале бидејќи најмногу се занимаваат со тоа тие земјоделски гранки, вели Костадиновски. Тој додава дека затоа треба да бидат обештетени и да овој проект односно оваа регулација на речно корито на Вардар да биде што побрзо реализиран во Општина Јегуновце и нашите сограѓани жители од овие населени места им биде решен овој децениски проблем во Општина Јегуновце.

Почна евиденција на штетите од поплавите во населените места во Општина Јегуновце

Тале Кристо — Mon, 19 Jun 2023 10:40:01 +0000

По поплавите во саботата, Општина Јегуновце, формираше комисија за ги утврди штетите по што ќе ги достави податоците до Второстепена владина комисија, информираше денес градоначалникот Димитар Костадиноски. Трочлената општинска комисија ќе ги посети поплавените подрачја во Раотинце, Копанце, Туденце и Јегуновце па ќе ја извести владината Комисија за проценка и утврдување на штетата од елементарни непогоди -Како локална самоуправа согласно нашите надлежности формиравме комисија и излеговме на терен да направиме записници за проценка на штета и изготвување на пријави кои ќе се пополнат од оштетените и потоа ќе се сработаат. Ќе се препратат до второстепена владина комисија за проценка на штети. Општина Јегуновце согласно законите и надлежностите што ги има формираше општинска комисија и почна со посета на секое домаќинство кое беше зафатено од поплавите, соопшти денес градоначалникот Димитар Костадиноски. Според првичните проценки од Општина Јегуновце речиси 90 отсто од земјоделските површини во Раотинце се поплавени, а висок процент има и во Копанце, Туденце и Јегуновце. Високото ниво на реката Вардар беше причина во саботата од 18 часот да почне излевањето и до вечерта да се поплават дворовите на куќите, земјоделските површини и патишта во Општина Јегуновце.

Костадиноски: Денес отвораме нова детска градинка, која ќе згрижува 50 дечиња во општина Јегуновце

Дарко Андоновски — Fri, 30 Sep 2022 11:33:10 +0000

Ви благодарам за вашето присуство на овој свечен чин да посведочиме на уште еден капитален проект во општина Јегуновце. Ветеното се остварува, а општината денес е вистински сервис на граѓаните. Општина Јегуновце денес е отворена, транспарентна институција и јас како градоначалник сум постојано достапен за граѓаните. Мојата канцеларија и вработените во општина Јегуновце се секогаш на располагање и ги решаваат проблемите кои се од локална надлежност. Во согласност со мојата програма и барањата на моите сограѓани ве информирам дека во изминативе месеци работевме вредно, посветено, чесно и успеавме да завршиме неколку капитални проекти, од кои сега ќе ги набројам, ова денеска преку изјава за медиумите го истакна градоначалникот на општина Јегуновце, Димитар Костадиноски. -Завршена е изградба на колекторот за фекална канализација во село Жилче, село Шемшево и целосно оспособување и пуштање во употреба на фекалната канализација во населеното место Жилче; -Во завршна фаза е изградба на два мини парка во населените места Јанчиште и Јегуновце, комплетно се реконструира основното училиште „Симче Настовски“ во Вратница и тоа поставена е нова термо фасада, реновиран е целиот внатрешен дел на училиштето, инсталирано е парно за греење на пелети; -И во населено место Сиричино е изградено кошаркарско игралиште со обезбедени финансиски средства од наш иселеник во САД; -започнавме со изградба на локални улици со бекатон плочки во повеќе населени места на територија на општина Јегуновце; -Обезбедивме пластични канти за комунален отпад и истите ќе бидат поделени на секое домаќинство во периодот што следи, вели Костадиноски. Тој додава дека дополнителни инвестиции кои се планираат за тековната 2022 година се: -Во финална фаза е решавање на долгогодишниот проблем со вода за пиење за населените места Шемшево и Жилче; -промена на досегашниот начин на затоплување во подрачните основни училишта во Туденце, Жилче и Ратае со топлински пумпи со кои ќе инвестираме во нова, модерна, економична и незагадена технологија за нашите најмлади жители односно децата; -Изградба на тротоари во населените места Копанце и Јанчиште; -Во фаза на тендерирање е проектот и реконструкција на локалните патишта и улица во населеното место Јегуновце. -Почитувани пријатели денес сум многу среќен и радосен што успеавме да ја отвориме новата детска градинка „Цветови“ која ќе згрижува 50 дечиња и тоа 25 од македонска паралелка и од 25 од aлбанска паралелка. Градинката е целосна опремена и ги исполнува сите стандарди, инсталирано е ново модерно парно за греење, со топлинска пумпа, поставени се дополнителни детски реквизити во надворешниот дел на градинката и комплетно оградување на целата градинка. Градинката „Цветови“ е подготвена за дечињата од општина Јегуновце и од мое име и од името на целата општинска администрација им посакувам среќни, весели денови на сите дечиња и на вработените од новата градинка, вели Костадиноски.

Општина Јегуновце со најголема излезност на гласачи во тетовскиот регион

Катерина Бојаџиева — Sun, 17 Oct 2021 13:54:12 +0000

По осум часа од почетокот на гласањето за локалните избори во тетовскиот регион најголема излезност има во Општина Јегуновце која е најмала локална самоуправа по бројот на избирачи. Во Општина Јегуновце до 15 часот гласале 26,11 отсто или 2667 од 10.225 граѓани кои имаат право на глас, покажуваат податоците на ОИК Јегуновце. Следува Општина Теарце со 25,15 отсто излезност на граѓаните, при што од 22450 избирачи гласале 5.161 луѓе. -Од вкупно 85.577 граѓани до 15 часот во Општина Тетово гласале 25,07 проценти од граѓаните или 13.193 жители на градот и селата, инфомираше Назми Даути, секретар на ОИК Тетово. Во Брвеница гласале 24,98 отсто од избирачите односно од 15.732 евидентирани жители гласале 3297 граѓани. Од 24.485 жители на Општина Желино гласале 3140 граѓани или 23,03 отсто од запишаните избирачи. Најмалку излезност од 22, 46 отсто има во Општина Боговиње каде од28.307 граѓани гласале 6045 луѓе.

КУРИР ИНТЕРВЈУ со Костадиновски: Чиста и здрава вода за пиење во секој дом и нови работни места во Општина Јегуновце

Ивона Петрова — Wed, 25 Aug 2021 16:03:37 +0000

Димитар Костадиновски е кандидатот за градоначалник на Општина Јегуновце од ВМРО-ДПМНЕ. Тој е дипломиран економист – специјалист по маркетинг. Работи во општината дури и сега без никаква позиција, за него велта дека помага многу и сака да работи како градоначалник за да го направи Јегуновце поубаво место за живеење. КУРИР: Недостигот на вода е еден од најголемите проблеми за жителите на Општина Јегуновце? Какви се вашите планови, како до решение на овој горлив проблем? -Се согласувам, како и секој жител на општина Јегуновце би се согласил дека недостигот на вода за пиење во општина Јегуновце е најгорлив проблем. Сакам да истакнам дека актуелната локална власт предводена од СДСМ не успеа да ги обезбеди најосновните потреби и услови за нормален живот, како што се чиста и здрава вода за пиење, фекални канализации и чиста животна средина. Не успеа во ниту едно населено место да започне со изградба на систем за водоснабдување. Овој проблем ќе биде приоритет во моето 4 годишно работење. Преку ископ на нови бунари за вода во повеќе населени места и ставање во водоводната мрежа ќе ги зголемиме капацитетите за вода за пиење, каде секое домаќинство ќе добие доволни количини здрава и чиста вода за пиење. КУРИР: Подобра животна средина и решавање на дивите депонии остануваат отворени прашања на кои треба многу да се работи. Депониите се едно од најголемите отворени прашања кои ги засегаат граѓаните од оваа општина. Како до почист воздух и почиста животна средина? -Во соработка со приватните градежни фирми ќе се расчистат сите диви депонии, кои претставуваат грда слика за општината. Сите домаќинства ќе бидат обезбедени со канти за отпадоци, а за градежниот шут ќе се утврдат привремени локации во соработка со месните заедници. Сите досега изградени фекални канализации, кои беа изградени пред да дојде сегашниот градоначалник ќе бидат пуштени во употреба. Досегашниот градоначалник, наместо да ги пушти во употреба, тој успеа само да го затвори претпријатието кое вршеше приклучоци на фекалната канализација. Би сакал да истакнам дека приклучокот на фекалната канализација за секое домаќинство ќе изнесува 0 денари, односно ќе биде бесплатен. Исто така ќе изградиме и нови фекални канализации. Од страна на новото јавно комунално претпријатие ќе се одржуваат сите зелени површини покрај патиштата и парковите во општината со навремено чистење, косење и полевање на тревата. КУРИР: Дали имате решение за фабриката „Југохром“? Работењето на Југохром е од големо значење како за државата, така и за граѓаните на општина Јегуновце. Со работењето на Југохром ќе се создадат можности за отворање на други секундарни фирми, ќе се зголеми животниот стандард на граѓаните. Поради тоа, јас, како иден градоначалник на општина Јегуновце во рамките на моите овластувања и надлежности со ракооводството на Југохром ќе се заложам да помогнам да се најде решение за рестартирање на истиот. КУРИР: Кои се вашите клучни проекти со кои ќе ја барате довербата од жителите на Општина Јегуновце на локалните избори? Клучните проекти на општина Јегуновце, за мојот мандат ќе бидат: - Обезбедување на чиста и здрава вода за пиење во секое населено место и во секој дом; -Ќе се ангажирам да донесам инвеститори преку кои ќе се отворат нови работни места; - Поддршка на постоечките фирми на територија на Општина Јегуновце; - Буџетските средства ќе се користат строго наменски, транспарентно, домаќински и одговорно, преку редовно известување за сработеното; - Ќе им давам безрезервна поддршка на земјоделците, младите, невладините организации и здруженија . КУРИР: Колку вашето искуство во областа маркетинг сметате дека ќе ви помогне доколку ја добиете довербата од локалното население да ја предводите општината, во нејзиниот развој и менување на сликата кон подобро? Општина Јегуновце ќе биде транспарентна, каде граѓаните ќе бидат информирани за се што се случува во општината, за секое започнување и завршување на некоја активност и тоа преку континуирано ажурирање на веб страна, преку одржување на средби со граѓаните, преку одржување на прес конференции и појавување на локални медиуми, како и печатење на годишен информатор во кој ќе бидат вметнати сите активности и проекти што се реализирани во претходната година. Исто така ќе им се овозможи на граѓаните преку проектот "Денови на предлози на идеи и проекти од страна на граѓаните" да предложат идеи и проекти кои ќе бидат во функција на општина Јегуновце, а со тоа граѓаните ќе почувствуваат дека активно учествуваат во креирањето и спроведувањето на политиката на општина Јегуновце. Ќе воведеме електронски систем на услуги каде секој граѓанин на општина Јегуновце, кој има било каква потреба ќе може да аплицира електронски. Исто така, ќе воведеме и електронско плаќање за сите добиени услуги од страна на граѓаните. КУРИР: Какви планови имате за развој на спортот во општината? Општина Јегуновце ќе го помага и учествува во развојот на спортот, во сите негови сегменти, со вклучување на голем број деца, млади и граѓани, спортот ќе биде место за собирање и дружење на младите генерации, како и основа за создавање на здрава младина и одлична превентива од пороците на модерното живеење преку подржување на турнири, спортски манифестации, учество во отворените забавни фудбалски школи, изградба на повеќенаменски игралишта во населените места.

Николоски во посета на општина Јегуновце

Тале Кристо — Sat, 27 Mar 2021 12:40:51 +0000

Потпретседателот на ВМРО-ДПМНЕ, Александар Николоски денеска е во посета на општина Јегуновце. Николоски предвидено е да оствари средба со граѓани, како и посета на две фабрики во овој регион, односно фирма „LKRaspberry“ за малини и откуп и производство во село Јанчиште и холандската инвестиција, расадник за борчиња.