општина карбинци – Kurir.mk

Паунов: Ние како општина правиме се што е во наша моќ за да се задржат граѓаните во руралните средини, но институциите воопшто не се занимаваат со овој проблем

Катерина Бојаџиева — Tue, 19 Sep 2023 17:10:10 +0000

Градоначалникот на општина Карбинци, Виктор Паунов во емисијата „За или против“ на Алфа телевизија истакна дека тенденцијата на иселување продолжува и дека општините работат на задржување на граѓаните посебно во руралните средини. Но, владините институции воопшто не се занимаваат со задржување на населението. Моќта на општините не е толку голема како што е на централната власт. „Во минатото се градеа капитални проекти, инфраструктурни кои што го подобруваа животот на граѓаните, а денес имаме од страна на институциите запоставување. Токму овие институции можеби треба да се позанимаваат со задржување на населението, за да не ни се иселува. Имаме еден навистина поинаков однос по ова прашање од страна на власта. А, ние како локална самоуправа правиме се што е во наша моќ и ингеренции за да можеме да го подобриме квалитетот на животот, да ги подобриме условите на граѓаните. И во оние населени места практично каде што е критична онаа линија на целосно изумирање се обидуваме со разно разни проекти да го стимулираме истото или да го сопреме она иселување“, појасни градоначалникот Паунов. Тој укажа дека низ низа мерки општините се обидуваат да ги задржат граѓаните. Но, трендот на иселување е одамна популарен во Македонија, а особено во Источна Македонија. „Тежнееме кон подобро утре, кон подобри услови и со мерките да успееме на некој начин да ги задржиме жителите во своите огништа“, рече Паунов. Градоначалникот додаде дека општините за да се доближат до европските фондови или да имаат пристап до истите потребно е да се поедностават процедурите. „Она што е важно е да преку министерството за локална самоуправа се направат нови концепти за разработка на овие фондови, да се понуди стратегија со која што ќе можеме да аплицираме без дополнителни потешкотии. Знаете ние помалите општини од рурален карактер се соочуваме со недостатоци на административци, од стручни служби кои што се неопходни за да се подготват вакви апликации итн.“, појасни тој. Паунов посочи дека крајната цел преку искористување на ваков тип на фондови се за проекти кои што ќе значат подобрување на животот и запирање на иселување на граѓаните.

Паунов: Работиме на реконструкција и доградба на подрачното училиште во Таринци старо 5-6 децении, во вредност од 15 милиони евра

Катерина Бојаџиева — Fri, 07 Jul 2023 10:49:36 +0000

Денес заедно со претседателот на ВМРО-ДПМНЕ, Христијан Мицкоски сме на увид на градежните активности овде во село Таринци. Се работи за голем капитален проект кој што го работиме, а проектот е реконструкција и доградба на подрачното училиште овде во Таринци, истакна Виктор Паунов, градоначалник на општина Карбинци. -Училиште кое што беше ветено од моја страна во програмата, но и проект кој што го бараа и жителите овдека како приоритет за решавање на долгогодишниот проблем кој што, старото училиште беше постаро од пет-шест децении и го памтиме како едно руинирано и со несоодветни услови. Се работи за голем капитален проект кој што е со вредност од 15 милиони денари. Исклучително сум задоволен затоа што една мала општина како Карбинци успеа да започне и да реализира ваков голем капитален проект, кој што, пак ќе кажам, е од суштинско значење за населението овдека. Така да, ние продолжуваме да работиме посветено, продолжуваме да реализираме капитални проекти на барање на жителите, се со цел да ги подобриме условите за живот, ад го подобриме квалитетот на животот на жителите од Општина Карбинци. Само ќе споменам неколку детали во врска со актуелните активности. Паралелно со ова, работиме на неколку нови проекти. Се работи на изградба на еден нов резервоар за вода за пиење овде во село Таринци, кој што ќе опслужува повеќе населени места, поточно три населени места од општина Карбинци. Паралелно со ова работиме на три спортски терени, односно на едно спортско игралиште и две помали детски игралишта, кој што се предмет на целосна реконструкција и обнова. Во изминатиов период реализиравме неколку нови улици во делот на патната инфраструктура, кој што за нас беа исто така, исклучително важни. Во период кој што ќе следи ќе продолжиме да работиме посветено, не очекуваат многу проекти. Како што најавив и претходно, не очекува едно жешко лето кога е во прашање оваа градежна офанзива, додава Паунов.

Општина Карбинци обезбеди проектна документација за доизградба на градинката „Кокичиња“

Тале Кристо — Tue, 04 Jul 2023 09:14:18 +0000

Општина Карбинци со доградба на градинката „Кокичиња“ во село Таринци ќе го решава проблемот со долгата листа на чекање за прием на деца. Градоначалникот на Општина Карбинци, Виктор Паунов вели дека капацитетот на градинката „Кокичиња“ двојно ќе се зголеми. Посочува дека проектната документација е обезбедена од страна на општината, а проектот ќе се реализира со финансиска поддршка од ресорното Министерство за труд и социјална политика. -Општина Карбинци заедно со Детската градинка „Кокичиња“ обезбедивме целосна проектна документација за доградба на Детската градинка со тоа што ќе успееме да ја доградиме со дополнителен капацитет од 50 нови дечиња коишто ќе имаат можност да бидат запишани. Досегашниот капацитет е премал, се работи за поголема листа на чекање која што во следниов период ќе биде и минато. Проектот е обезбеден од страна на Општина Карбинци заедно со Министерството за труд и социјална политика се обезбедени 14.400.000 денари со што доградбата ќе започне во периодов којшто следи, вели Паунов. За слободните 50 места се пријавуваа околу 70 дечиња, поради што, според градоначалникот, доградбата е реална потреба. -Учеството ќе го знаеме по завршување на јавната набавка и склучувањето на договорите. Општина Карбинци ќе учествува во делот на адаптација на просториите и набавка на опремата којашто ќе биде потребна во самите простории, вели Паунов. Детската градинка „Кокичиња“ почна да се гради во 2014 година, а свечено беше пуштена во употреба веќе следната година.

Паунов: Обезбедени се 1 милион денари за реконструкција на земјен пат во атарот на село Таринци

Дарко Андоновски — Wed, 25 Jan 2023 16:08:26 +0000

Градоначалникот на оштина Карбинци преку статус на Фејсбук пишува дека обезбедени се 1 милион денари за реконструкција на земјен пат во атарот на село Таринци. „По реконструкцијата на неколку полски патишта во нашата општина продолжуваме понатаму, обезбедени се финансиски средства во висина од 1.000.000 денари од страна на АФПЗРР за реконструкција на земјен пат, тампонирање во атарот на село Таринци. Со овој проект ќе го подобриме пристапот до земјоделските површини и околните фарми. Постапката ќе започне за избор на изведувач а веднаш по изборот ќе се започне со реализација“, стои во неговиот пост на Фејсбук.

Паунов: Започна реконструкцијата на една од главните улици во село Таринци

Дарко Андоновски — Wed, 30 Nov 2022 16:19:46 +0000

Градоначалникот на општина Карбинци преку статус на Фејсбук пишува дека започнала реконструкцијата на една од главните улици во село Таринци. -Денес започнуваме со реконструкција на една од главните улици во село Таринци. Атмосверска канализација и тротоарско решение се дел од проектот. Преку Бирото за регионален развој се обезбедени финансиски средства во висина од 6.169.000 денари по програмата за развој на селата. Градежна офанзива ќе продолжи и понатаму. За подобри услови во нашата општина, стои во неговиот пост на Фејсбук.

Карбинци од наредниот месец ќе добие вода за пиење од ХС „Злетовица“

Магдалена Андонова — Tue, 09 Aug 2022 12:49:41 +0000

Осумте села во Општина Карбинци наредниот месец ќе се приклучат на цевководот на Хидросистемот (ХС )„Злетовица“. Градоначалникот на Општина Карбинци, Виктор Паунов, истакна дека цевководите до населените места се завршени, изградена и е филтер станицата. Во моментов се завршуваат помали градежни работни за жителите да добијат вода за пиење од „Злетовица“. Посочи дека завршени се и испитувањата во Белград, а кои се однесуваат за квалитетот на водата. -Сите цевководи во должина од 18 километри се изградени, исто така и пумпни станици покрај двете населени кои ќе работат, по тој принцип се изградени. Во почетокот на месец септември се очекува да биде пуштена оваа вода, вели Паунов. Но, колку Општина Карбинци е подготвена да им излезе во пресрет на предизвиците кои ги носи големиот притисок на вода од ХС „Злетовица“, а поради кој страда старата водоводна мрежа и се случуваат дефекти. Паунов вели дека мрежата е идентична како и во Штип. -Општина Карбинци исто како и во Штип, има дотраени водоводни линии, кои во изминатите години за жал не се реновирани или обновувани, така да се надевам дека ќе имаме малку проблеми или да се надевам дека ќе немаме воопшто проблеми, но бурно ќе ја следиме работата откако ќе го пуштиме во оптег овој систем, рече Паунов.

Паунов: Финишира изградбата на цевководот до селото Црвулево

Ивана Ефремовски — Tue, 24 May 2022 19:37:15 +0000

Финишира и изградбата на цефководот до селото Црвулево, информира Виктор Паунов, градоначалник на Општина Карбинци. -Многу брзо ова населено место ќе добие чиста и здрава вода за пиење, проблемот кој траеше со години конечно добива решение, истакна тој.

Паунов: Започна изградбата на улицата во село Долни Балван

Ивана Ефремовски — Tue, 15 Mar 2022 14:49:39 +0000

Градоначалникот на општина Карбинци, Виктор Паунов најави дека започна изградбата на улицата во село Долни Балван. „Денес започнуваме со изградба на улица во село Долни Балван со должина од 100 метри. Ова е само почеток на онаа градежна офанзива која ќе следи во следниот период“ - најави градоначалникот.

Паунов: Започна уредувањето на просторот покрај патеката во близина на село Таринци

Дарко Андоновски — Wed, 02 Mar 2022 14:50:02 +0000

Градоначалникот на општина Карбинци Виктор Паунов преку статус на Фејсбук пишува дека започнало и уредувањето на просторот покрај патеката во близина на село Таринци. -Започна и уредувањето на просторот покрај патеката во близина на село Таринци. Нови уредени зелени површини кои ќе го сменат ликот на ова место. Со оваа втора фаза ќе се заокружи овој урбан лик во овој дел од Општина Карбинци. ✅, стои во неговиот пост на Фејсбук.

Паунов: Општина Карбинци од изолирана стана отворена за народот, изградени се повеќе инфраструктурни проекти, а следат нова градинка и доградба и реконструкција на училиштето

Тале Кристо — Tue, 15 Feb 2022 12:15:59 +0000

Во Општина Карбинци во изминатите 100 дена покажавме дека можело да се работи и да се гради за својата општина, сакаме да покажеме дека можело поинаку и дека оваа наша општина може да биде многу подобро место за живеење, изјави градоначалникот на општина Карбинци, Виктор Паунов, на денешниот настан „ Промени што носат иднина - 100 дена локална власт- отчет на градоначалници на ВМРО-ДПМНЕ“ кој се одржа во Кочани. Тој истакна дека пред само 3 месеци наследена е општина изолирана и недостапна за народот и јавно претпријатие кое должи повеќе од 20 милиони денари. Нашиот мотив, знаење и умешност е посилен од сите препреки со кои се соочивме во овие 100 дена во кои успеавме да исчистиме две големи депонии, асфалтиравме улица во Таринци, го завршивме мостот и пристапниот пат во село Карбинци, започнавме партерно уредување на влезот во Таринци, рече Паунов. Тој истакна дека одобрен реконструкција и доградба на училишната зграда во Таринци, но и доградба на градинката Кокичиња за капацитет за уште 50 деца, а истата добива и нови играчки. Обезбедивме проекти за нова детска градинка во Карбинци. Обезбедивме проект за уредување на одводниот канал, во завршна фаза е уредувањето на речното на Козјачка река. Уредно легализиравме над 20 предмети кои чекаа завршница со години, а се работи и на останатите, индустриската зона добива инфраструктурно уредување, а уличното осветлување е подигнато на повисоко ниво, потенцираше тој. Паунов нагласи дека општината денеска е отворена за народот, секој жител може да закаже средба за било каков проблем, забрзана е работата на општинската администрација, а тој како градоначалник се откажал од сите репрезентативни трошоци и сите привилегии. Наскоро ќе следат асфалтирање на две нови улици во Карбинци, нова улица во Радање, реконструкција на патот Таринци - Долни балван со велосипедско пешачка патека, нови асфалтни површини во населените места, реконструкција на мало спортско игралиште, но и главна улица во Таринци, изјави Паунов.