општина кичево – Kurir.mk

ФОТО: Во општина Кичево се случува еколошка катастрофа од невидени размери

Магдалена Андонова — Mon, 23 May 2022 12:21:44 +0000

Ова што се случува е еколошка катастрофа од невидени размери, директно уништување на животната средина и закана по здравјето не само на животинскиот свет туку и на луѓето. Во прилог може да видите како во 2018 година помпезно беше најавуван и за среќа на граѓаните и реализиран проектот со пречистителната станица. https://www.moepp.gov.mk/.../%D0%BD%D0%BE%D0%B2%D0%B0.../, стои во Фејсбук статусот на Советничка група на Вмро-Дпмне и Коалицијата на Општина Кичево. - Но исто така во прилог може да видите како и дали воопшто се користи оваа станица и покрај тоа што граѓаните на своите сметки редовно добиваат и редовно ја плаќаат таксата за одпадни води. Свесни сме дека надлежните домашни институции нема да превземат ништо, затоа апелираме до комисиите на ЕУ да проверат за што и на кого му даваат средства за проекти кој што не функционираат. Ова е уште еден проект - дело т.е. злодело што се реализира од агендата на „ЗЕЛЕНИТЕ“, се додава во објавата.

Советничка група на ВМРО-ДПМНЕ и Коалицијата: Вистинската причина за мракот во Кичево не е енергетската криза како што изјави градоначалникот, туку е долгот на општината

Катерина Бојаџиева — Fri, 04 Feb 2022 16:33:33 +0000

Изминатиов период сме сведоци на нешто што до сега се нема случено во општина Кичево. Под превезот на енергетската криза, општина Кичево на чело со градоначалникот Фатмир Дехари, Кичево го направија град на темнината. Во 21 век, навистина е срамота и за голема осуда нашиот град да личи на Дивиот Запад, каде не се знае кој јаде, а кој плаќа. Но, за жал кај нас изгледа дека навистина е така, велат од советничката група на ВМРО-ДПМНЕ и Коалицијата на Општина Кичево. -До нас, како советничка група на ВМРО-ДПМНЕ и кооалицијата секојдневно пристигнуваат поплаки , апели и огорченост за состојбата со која се соочуваат граѓаните во нашиот град. Иако граѓаните во сметките на веќе поскапената електрична енергија редовно и уредно плаќаат и по 184 денари за улично осветлување, оваа услуга тие не ја добиваат. Како да не е доста тоа што повеќе од 6 месеци имаме раскопани улици,а на секој чекор има улични кучиња и не знаеме кој од нас ќе биде следна нивна цел за напад, сега уште ова ни недостасуваше - темни улици, како во најстаршните хорор филмови. Почитуван градоначалник на општина Кичево, престанете да лажете и да манипулирате со граѓаните на нашата општина, бидејќи тие а и сите ние многу добро знаеме дека исклучувањето на уличното осветлување не е заради енергетската криза, туку заради вашето недомаќинско и криминално владеење и заради кое во наредниот период постои реална опасност да биде исклучено уличното осветлување на целата територија на општинат. Ако навистина беше така, тогаш таквата одлука секако дека ќе мораше да помине на Советот на општина Кичево, а ние како советници ќе имавме увид во сите детали за таквата одлука. Но, таква одлука не постои. Постои само вашата желба за криминал и осиромашување на граѓаните. Парите за улично осветлување кои граѓаните ги плаќаат преку сметките за електрична енергија, ЕВН Македонија редовно ги уплаќа на општина Кичево, но според нашите сознанија, вие тие пари со кои располагате не сте ги намениле за тоа што треба. Имаме информации дека општина Кичево има неплатена сметка за електрична енергија кон добавувачот во износ од 9 милиони денари, или над 146 илјади евра, како и претходна сметка во износ од околу 57 илјади евра, при што иако ви било понудено долгот да го платите на неколку рати, вие тоа сте го одбиле. Ова се пари на граѓаните, а вие со вашето однесување повторно се покажа и докажа дека не работите во нивен, туку во ваш интерес. Почитуван градоначалник, ова што се случува во Кичево навистина го нема никаде на друго место. Затоа, ве повикуваме веднаш, уште денес да излезете пред граѓаните на општина Кичево и да им кажете зошто и покрај нивната уплата на паричните средства за улично осветлување, изминатиов период низ кичевските улици се принудени да се движат низ црни темници и зошто дозволивте со вашето „домаќинско“ работење да должите енормни суми за електрична енергија кон добавувачот, што остава сомнеж дека токму тоа е причината што нашите улици немаат електрично осветлување. Во ова време-невреме на здравствена, економска и енергетска криза предизвикана од вашата власт со коалиционите партнери, ве повикуваме овој проблем да го решите и граѓаните да ја добијат услугата која ја заслужуваат и за која плаќаат, а исто така ги повикуваме и надлежните институции да проверат што точно се случува и оној што е одговорен за оваа состојба да понесе соодветна одговорност. На крај ние како советничка група им ветуваме на сите граѓани на општина Кичево дека ова е само почеток и дека во наредниот период редовно и транспарентно ќе ја запознаваме јавноста за недомаќинското работење на општината и за сите злоупотреби што се направени, подвлекуваат од советничката група на ВМРО-ДПМНЕ и Коалицијата на Општина Кичево.

Советничката група на ВМРО-ДПМНЕ и Коалицијата на Општина Кичево го посетија Дневниот центар за деца со посебни потреби и донираа неопходни средства

Магдалена Андонова — Mon, 27 Dec 2021 19:42:18 +0000

Денес како советничка група на ВМРО ДПМНЕ и коалицијата го посетивме Дневниот центар за деца со посебни потреби, ни беше посебна чест и задоволство во овие пред празнични денови да се подружиме со дечињата кои се згрижени во него, стои во Фејсбук статусот на Советничка група на Вмро-Дпмне и Коалицијата на Општина Кичево. Тие напишаа дека како советничка група се потрудија во вид на донација да им обезбедат неопходни средства, реквизити и еден прочистувач на воздух за простории се со цел колку што може повеќе да им ги подобрат условите за нивниот престој во самата установа. - Со оваа акција ние како советничка група започнуваме со остварување на нашето предизборно ветување дека дел од секој добиен паушал за работата во советот ќе го донираме во хуманитарни и добротворни цели. Благодарност и до Анета Мојсоска Миладиноска која исто така несебично учествуваше во оваа наша донаторска акција, додаваат во својата Фејсбук објава.

Во општина Кичево излезноста до 17 часот е 40,56 отсто

Катерина Бојаџиева — Sun, 31 Oct 2021 18:02:22 +0000

Во општина Кичево до 17 часот своето демократско право на глас го искористиле 20.582 избирачи или 40,56 отсто. Ова се резултати од 94 избирачки места колку што се обработени од вкупно 120-те колку што има во општината. Според ОИК, излезноста бележи пораст во последните два часа. -Во нашата општина во последниот пресек за денеска е регистрирана излезност од 40,56 отсто или до 17 часот гласале 20 582 избирачи. До затворањето на избирачките места очекуваме излезноста да се зголеми и бројките да пораснат. И во последниот пресек ги немаме бројките од сите избирачки места и од 120 избирачки места во општината обработени се 94, информираа од Општинската изборна комисија. Во општина Кичево во вториот изборен круг се натпреваруваат кандидатот на ВМРО-ДПМНЕ и коалицијата Александар Јовановски, кој во првиот круг освои 8801 глас и кандидатот на ДУИ, Фатмир Дехари со освоени 8545 гласа.

Во Кичево до 9 часот гласале вкупно 2197 избирачи

Ивона Петрова — Sun, 31 Oct 2021 10:12:25 +0000

Во Општина Кичево, една од поголемите општини со 50 746 избирачи запишани на единствениот избирачки список, до 9 часот своето демократско право на глас го искористиле 2197 гласачи или 4,33 проценти. Овој податок се однесува на 93 обработени избирачки места од 114 колку што ги има во општина Кичево. – Во првите два часа во нашата општина гласале вкупно 2197 граѓани или 4,33 проценти. Оваа информација се однесува на обработени 93 проценти од вкупниот број избирачки места во општината. Единствениот проблем кој го имавме во досегашното гласање се случи на избирачко место 0745, каде едно лице го погрешило кандидатот за кој сметал да гласа го искинал ливчето и побарал нов примерок за да гласа, истакна Теанула Станкоска од ОИК за општина Кичево.

Јовановски: Здружено, заеднички, можеме и одиме на победа!

Магдалена Андонова — Fri, 29 Oct 2021 20:10:02 +0000

Почитувани сограѓани, почитувани жители на Општина Кичево. Со вечерашниот мини-митинг ја завршуваме кампањата, на наше огромно задоволство со нас беше и потпретседателот на ВМРО-ДПМНЕ г-дин Vlado Misajlovski, стои во Фејсбук статусот на Д-р Александар Јовановски, кандидат за градоначалник на ВМРО-ДПМНЕ за општина Кичево. Тој ги повика кичевчани во бедела на 31-ви октомври да заокружат број 7 за да создадат нова иднина за сите луѓе! - Здружено, заеднички, можеме, одиме на ПОБЕДА! Ви благодарам од дното на душата за големата поддршка, пишува Јовановски во својата објава.

Колегите застанаа зад доктор Јовановски и ја поддржаа неговата кандидатура за градоначалник на Кичево

Магдалена Андонова — Sat, 23 Oct 2021 18:59:54 +0000

Централната комисија за здрaвство на ВМРО-ДПМНЕ денеска во Кичево одржа седница. Освен членовите на Комисијата присуствуваа и претставници на ОК Кичево, гости. Присутните дадоа едногласна поддршка за уште поголем успех и напредок, стои во Фејсбук статусот на д-р Александар Јовановски, кандидат на ВМРО-ДПМНЕ за општина Кичево. Тој напиша дека на седницата стана збор за актуената состојба во здравствениот систем, со особен осврт кон фактот што бројката на починати од корона надмина 7 илјади. - Со ова Македонија се рангираше на трето место по починати на светската листа и на второ на европската. На Комисијата се разговараше и за истрагата во врска со модуларната болница во Тетово која изгоре, а изгореа и 14 лица, како и за модуларната во близина на Инфиктивна клиника во рамки на кампусот клиники Мајка Тереза во Скопје, додава Јовановски во својата објава.

Јовановски: Кичевчани гласно ги препознаваат проектите, одиме кон нова заедничка победа

Ивона Петрова — Sat, 23 Oct 2021 11:19:12 +0000

Кандидатот за градоначалник на Општина Кичево од ВМРО-ДПМНЕ, Александар Јовановски истакнува дека неговите проекти ќе донесат напредок во општината. -Кичевчани гласно ги препознаваат проектите кои ќе донесат развој и напредок на нашата Општина. Мораме заедно, одиме кон нова заедничка победа, вели Јовановски.

Јовановски: Се бориме Кичево да остане кичевско, да биде и на Македонците, и Албанците, и Турците, и Ромите, Власите и сите останати кои живеат во него

Магдалена Андонова — Mon, 18 Oct 2021 18:10:50 +0000

Кандидатот на ВМРО-ДПМНЕ за општина Кичево, д-р Александар Јовановски преку Фејсбук објава им се заблагодари на сите оние кои го дале гласот за него и неговиот тим и приота допринеле за заедничка победа во првиот круг на локалните избори.

- Пред се, сакам да се заблагодарам на Кичевчани. На сите оние кои на мирен и достоинствен начин излегоа на гласање и со тоа придонесоа нашата општина да не биде запомнета како некое партиско трло, туку како општина која заслужува светла и европска иднина. Посебна благодарност до оние кои и покрај наредбите и притисоците покажаа храброст и истрајност и го дадоа својот глас за вистинската опција #КичевоПредСе Во оваа прилика сакам да им честитам и на сите оние, а посебно на нашите сограѓани Албанци, кои покажаа голема храброст и се спротивставија на политичкото сивило префарбано во зелено кое веќе 20 години преку злоупотреба на демократијата, нацијата и на верата владее во Македонија. Храброста и праведноста се едни од најголемите доблести на човекот. Доблести кои може да ги препознае секоја вера, секоја нација и секоја визија. Сакам сите да знаете дека јас и мојот тим не се бориме Кичево да биде бастион на една нација, или една политичка опција, како што се обидуваат да го претстават нашите политички противници преку паролата „Кичево беше, и ќе остане албанско“. Не почитувани Кичевчани! Ние се бориме Кичево да остане кичевско. Да биде и на Македонците, и на Албанците, и на Турците, и на Ромите, Власите и сите останати кои живеат во него, пишува тој.

Во продолжение може да го прочитате во целост неговиот Фејсбук статус:

Расипништво на дело: Додека луѓе умираат бидејќи немаат пари за лекување, Заев дава над еден милион евра за реконструкција на кичевската општинска зграда

Дарко Андоновски — Fri, 13 Nov 2020 12:33:03 +0000

Бура од реакции по вчерашната одлуката на владата за доделување на 77.000.000 денари или над еден милион евра на кичевскиот градоначалник Фатмир Дехари за реконструкција на општинска зграда во Кичево. Имено, во време кога болничките капацитети се преполни, а пациентите се примаат во болничките дворови, во период кога се зголемува бројот на инфицирани и починати од корона вирус, во период кога се зголемува бројот на заразени медицински и здравствени работници како последица од немање на соодветна здравствена заштита и опрема, во услови кога над 40.000 граѓани остануваат без работни места и се на работ на животната егзистенција, владата на СДСМ на вчерашната владина седница носи скандалозна одлука на кои реагираат граѓаните. Ваквата одлука ги разлутии граѓаните, бидејќи неодамна излезе информација дека позитивните на корона вирус во Кичево наместо во Ковид центар, се примаат во шатори поставени пред кичевската болницата. Исто така информациите кои што кружат во јавноста говорат дека во кичевската болница нема ниту инфективно одделение, ниту епидемиолошка служба па повремено доаѓаат епидемиолози од Битола. -Ќе ја реконструираат општинската зграда, а нас не можат да ни обезбедат соодветна медицинска заштита, не примаат во болничкиот двор. Па нели е тоа потценување, нели е тоа срамно и безобразно. Луѓе секој ден умираат зошто државата не се грижи за нив. Стравуваме дека ова е само почеток, што уште не очекува, допрва ќе дознаеме, вели еден револтиран жител на Кичево. Бројни реакции имаше и на социјалните мрежи, каде граѓаните велат дека Македонија во ек на пандемија, кога економијата е пред крах владата дава дури 77 милиони денари на Фатмир Дехари за реконструкција на општинска зграда прашувајќи дали поради тоа Шеќеринска се сликаше со него пред УЧК сликите. -Владата ќе му даде 77 милиони денари на Фатмир Дехари за општинска зграда? У ек на пандемија кога цела економија е пред крах, ту му даваш пари за општинска зграда?! Затоа Шекеринска се сликаше со него пред УЧК сликите. Кираџии у сопствена држава!! Дно, пишува еден граѓанин. -200.000 евра за новогодишно осветлување на град Скопје у ек на пандемија, 15 милиони денари за чоколадо у Министерство за одбрана у ек на пандемија. А у меѓувреме умираат граѓани зошто здравството е пред колапс и зошто нема за лекување по приватни клиники..., пишува друг граѓанин. Наместо владата да троши за непродуктивни работи да изгради инфективно одделени или средствата да ги пренаменат за вработување на инфектолог или епидемиолог во кичевската болница, во ек на пандемија парите ги троши за реконструкција на кичевската општинска зграда, со што владата потврди дека нема слух за граѓаните и покрај тоа што бројот на ново заразени во Кичево е во пораст па само од почетокот на месецот има 223 новозаболени од корона вирус.