општина неготино – Kurir.mk

Општина Неготино со поддршка од 250.000 денари за настраданите во земјотресот во Турција и Сирија

Тале Кристо — Fri, 10 Feb 2023 17:16:12 +0000

Советот на општина Неготино денеска одржа седница на која беше донесена одлука за доделување 250.000 денари од буџетот на општина Неготино за настраданите граѓани во земјотресот во Турција и Сирија. - Како градоначалник на општината Неготино, заедно со советниците, изразуваме длабоко жалење и сочувство до семејствата на загинатите граѓани, а на повредените им посакуваме побрзо заздравување. Се надеваме дека обезбедените средства од општина Неготино ќе дадат придонес во санирањето на погодените подрачја од земјотресот, рече градоначалникот на Неготино, Горан Стојанов.

Ќе се зголеми бројот на паркинг места во Неготино

Ивона Петрова — Fri, 24 Jun 2022 11:32:41 +0000

Ќе се зголеми бројот на паркинг места во Неготино, најави денеска градоначалникот Горан Стојанов по синоќешната трибина за зголемување на безбедноста во сообраќајот во општината. -Се одржа првата од повеќето планирани трибини на која се разговараше за безбедноста во сообраќајот на територијата на нашата општина и мерките и активностите што би требало да се преземат за итно подобрување на безбедноста. На трибината, приоритет се даде на детектирање на присутните проблеми и за возачите и за пешаците. Од страна на претставник на ОВР Неготино беа презентирани активностите што тие ги преземаат во рамките на контролите што ги спроведуваат на терен, како и мерките со кои се санкционираат прекршителите, информираше градоначалникот. Како што рече, станало збор и за потребата од зголемување на бројот на нови паркинг места. -Нешто што ќе се случи наскоро, но најпрвин потребно е подигнување на свеста кај сите учесници во сообраќајот. Бидејќи секој граѓанин треба да тргне од себе, за сите заедно да бидеме побезбедни. Се заклучи, најпрво да се направи обид преку едукација да се подигне јавната свест, а доколку и тоа не вроди со плод, ќе се изрекуваат санкции, дециден беше Стојанов.

Стојанов: Ги реализираме проектите кои ги ветивме пред граѓаните на Неготино, во наредниот период следува реализирање на многу проекти

Магдалена Андонова — Sat, 30 Apr 2022 12:07:09 +0000

Уште од самото стапување на функцијата Градоначалник, ветивме дека ќе работиме чесно и одговорно се во интерес на граѓаните на Општина Неготино. Општина Неготино како и секоја друга Општина не беше финансиски во добра кондиција. Ја затекнавме во околу 60 милиони денари во минус, изјави денеска за медиумите градоначалникот на општина Неготино, Горан Стојанов. Тој истакна дека уште од самиот почеток почнале да ги реализираат проектите коишто ги ветија пред граѓаните на Општина Неготино. - Во првите 100 дена донесовме ваучер стимулација за секое новородено дете во Општина Неготино, ја донесовме „Моја Патрола“ која што имаше за цел да биде одговорна за сите неправилности како на територијата на Општина Неготино така и на руралните средини, донесовме и стимулација за секој потенцијален инвеститор во Општина Неготино. Проектите коишто ќе бидат во текот на наредниот период за изработка се партерно уредување на саат кулата во Општина Неготино, асфалтирање на дел од улица во Село Криволак, парк во Село Требник и резервоар во истото село, појасни Стојанов. Тој додаде дека во наредниот период ќе има и други проекти коишто заедно со граѓаните на Општина Неготино ќе придонесат за подобри услови за живеење во неа.

Стојанов: Иако Неготино го затекнавме со долг од над 60 милиони денари, досега успеавме да реализираме повеќе значајни проекти а се стимулираат и инвеститори за нови работни места

Дарко Андоновски — Sat, 26 Feb 2022 13:45:53 +0000

Градоначалникот на општина Неготино, Горан Стојанов на денешниот настан „100 дена локална власт – отчет на градоначалници на ВМРО-ДПМНЕ“ во Велес истакна дека иако општината ја затекнал со долг од над 60 милиони денари по повеќе основи, во првите 100 дена новата локална власт успеа да отпочна и реализира 17 проекти кои се подобрува животот и функционирање на граѓаните на Неготино. - Реализирани се топ 3 проектите од мојата програма за работа: донесена е одлука и веќе се спроведува доделувањето на ваучери во вредност од 7.000 денари за секое новороденче во општина Неготино. Економски развиена општина со нови стопански и индустриски капацитети со цел за отворање на нови работни места е основната цел на проектот „стимулација за инвеститори“ за што е изготвен и посебен правилник со критериуми. Проект „моја патрола“ со секојдневно присуство на вработени на терен и остварување непосреден контакт со граѓаните за побрзо и поефикасно решавање на нивните проблеми, изјави Стојанов. Тој посочи дека еден од првите проекти е општина Неготино без депонии при што комплетно се исчистени депониите кај Криволак, Тимјаник и Курија, а паралелно се преземаат мерки за спречување на појави на нови депонии, а покрај тоа се реализираат инфраструктурните проекти. - Асфалтирани се 2 улици во Тимјаник во должина од 450 метри, поставена е хоризонтална и вертикална сигнализација на кружниот тек, обезбедивме средства за изградба на улица во Курија во должина од 530 метри, во тек е партерно уредување на улица во Тимјаник со бекатон коцки, во тек е набавка и монтажа на хоризонтална и вертикална сигнализација на улиците „Антигона“, „Едвард Кардељ“ и „ЈНА“, проектна документација за уредување на паркот околу спортската сала „Младост“, рече тој. Тој посочи и дека во тек е проект за реконструкција на „саат-кулата“ како и отпочнати се активности за уредување на парк во Тремник. - Ја користам можноста да ја информирам јавноста за дел од планираните проекти за реализација до крајот на тековнава 2022 година. За спроведување на програмата за комунални дејности и уредување на градежно земјиште во општината планирани се средства во износ од 52 милиони денари. Меѓу другото, изработен е и одобрен проектот за покривање на градскиот пазар со кровна конструкција, осветлување и набавка на нови тезги, квалитетно и континуирано снабдување со вода, одведување и прочистување на отпадни води, јавно осветлување и јавна чистота, одржување и заштита на локални патишта, улици и регулирање на сообраќајот, изградба и реконструкција на локални патишта, одржување и користење на паркови и зеленило и подигнување на нови зелени површини на територијата на цела општина, изградба на простор за паркирање на возила изградба на системи за водоснабдување и системи за одведување и пречистување на отпадни води, изјави Стојанов. Тој додаде дека општината ќе добие парк кај спортската сала Младост, кружни текови на улица Маршал Тито и индустриска на излезот од Неготино, хортикултурно уредување на спомен-костурницата Манчо Малиминов, и уште над 25 проекти од областа на комуналните дејности. - Заедно со моите сограѓани продолжуваме да градиме проекти и да создаваме нова иднина за сегашните и идните жители на Општина Неготино, нагласи Стојанов.

Стојанов: Да си помогнеме заедно, заедно да ја создадеме нашата иднина

Ивона Петрова — Fri, 15 Oct 2021 11:04:04 +0000

Кандидатот за градоначалник на Општина Неготино од ВМРО-ДПМНЕ, Горан Стојанов во своето обраќање до граѓаните пред да ја донесат одлуката за локалните избори истакна дека секоја стисната рака, секој искрен поглед, секоја нивна критика и совет се негова дополнителна мотивација за подобро Неготино. -Нашите деца се секое отчукување на нашите срца, за нив мораме да се бориме до последен здив. Мораме да изградиме подобар живот и подобра иднина за нив. Нашите родители, нашата потпора во животот се оние на кои мораме да им гарантираме спокојна старост. Ова е битката која мораме да ја извојуваме, ова е решавачката битка за нашето родно место. Пред Вас заедно со мојот тим гарантирам дека во Неготино ќе се живее подобро. Веќе ги знаете моите проекти за кои се обврзувам како искрен човек каков што ме знаете. Сега, Ве повикувам и Ве охрабрувам да ја донесете правилната одлука, да излезете достоинствено и самостојно да гласате по свој избор и да ја донесете вистинската одлука. Не подлегнувајте на уцени, лаги, закани, притисоци и манипулации, кога веќе го знаете нивното владеење, истакна Стојанов. Посочува дека неговото родно Неготино го сака колку и својот дом, затоа вели ќе се грижи домаќински за општината, за секое населено место. -Ве гледам во очи и ја барам вашата поддршка, да си помогнеме заедно и да ја создадеме нашата иднина. Се обврзувам и гарантирам дека ќе бидам градоначалник на сите Вас, без разлика на вашето политичко убедување, возраст, финансиска состојба, националност или занимање. На 17-ти октомври да заокружиме број 7 за Градоначалник, број 7 за Советничката листа на ВМРО-ДПМНЕ и коалицијата за „Обнова на Македонија“, нагласува Стојанов.

Стојанов: Ќе направиме нов парк и нови рекреативни патеки во Неготино

Ивона Петрова — Sat, 02 Oct 2021 10:02:56 +0000

Програмата „Гарантирам“ која ја нуди ВМРО-ДПМНЕ и Коалицијата за Обнова на Македонија, допира до секој од Вас, затоа што соддржи проекти кои се наша заедничка потреба, и проекти кои овозможуваат полесен, поспокоен и помодерен живот за сите луѓе во општина Неготино, изјави денеска кандидатот за градоначалник на Општина Неготино од ВМРО-ДПМНЕ, Горан Стојанов. Посочува дека знаат што му е потребно на Неготино, и каде е грешката во минатогодишните владеења. Вели дека ги увиделе проблемите на граѓаните и умеат да најдат решенија кои ќе се потрудат во најбрз рок да ги остварат. -Како доктор, како родител и како совесен граѓанин се обврзувам Неготино да го направам чист град, зачувана и здрава животна средина во која ќе уживаме сите заедно, од најмлад до најстар, град во кој слободно ќе ги прошетаме своите деца и внуци не плашејќи се дека истиот е загаден, град кој нуди богати рекреативни содржини. Сведоци сме дека на актуелните власти кои истовремено бараат уште еден мандат и претендираат и понатаму да владеат, фокус им се депонии, отпади и слични загадувачи, кои штетно ќе влијаат врз здравјето на сите нас, како и врз целата наша околина. Со тоа ќе ги уништат и земјоделските и лозовите насади, кои се главен приход на егзистенција на многумина од Вас. Јас како еден од Вас, но и како иден градоначалник на општина Неготино, тоа нема да го дозволам, и фабрика за отпад во општина Неготино нема да има. Впрочем, на тоа и се обврзав и се обврзувам пред сите Вас. Наместо депонии, фабрики за отпад и слични загадувачи, мојата понуда е зеленило, паркови, спортски и рекреативни содржини, уредени урбани локации во функција на вистинските потреби на граѓаните, вели Стојанов. Во тој контекст, дозволете ми да ви претставам дел од проектите од мојата програма: -Изградба на голем парк кај спортската сала „Младост“, и целосна реконструкција на игралиштето позади спортскиот центар „Младост“.Овој проект вклучува: модерен парк со фитнес зона, патеки за велосипедизам, пешачење, трчање, возење ролери, скејт парк со рампа и теретана на отворено. Нова подлога и трева на игралиштето, пристап до игралиштето за сите, израдба на потпорен ѕид и осветлување. Овој проект особено ме радува, затоа што и самиот го сакам спортот и верувам дека ова ќе биде многу посетувано место од сите. - Изградба на пешачко рекреативна патека од населбата Саат Кула па се до Тимјаничка цуцка во должина од 2,5 километри со бекатон плочки и зони за одмор. Знаеме колку е важна рекреацијата во општина Неготино, затоа што во вечерните часови можете да видете толпа од народ како се рекреира по главната улица од почетокот до крајот на градот. Оваа нова патека ќе биде на место каде што сега нема ни прикладни тротоари за пешачење, и ќе биде од голема важност за сите нас, а најмногу за оние што живеат на овие делови од градот. -Ќе поставиме 2 до 3 летниковци на различни локации низ градот со хортикултурно уредување и осветлување со соларни светилки. Нашите млади овде го поминуваат своето време, и затоа се обврзувам да им овозможам подобри места за дружење, одмор и рекреација. Ова се само дел од проектите под мотото „Неготино-зелен и чист град“, за кои лично се обврзувам и силно гарантирам. Имам визија за нова иднина за нашето преубаво Неготино. Ја барам Вашата поддршка, за да си помогнеме заедно, ликот на градот да стане слика со која заеднички ќе се гордееме! Да создадеме нова иднина!

Честојнова до Тевдовски: Во ова време асфалтот не е луксуз туку потреба, а вие одбивате да ставите асфалт во Неготино и околните села

Катерина Бојаџиева — Wed, 12 Dec 2018 12:00:17 +0000

На денешната седница на Комисијата за финансирање на буџет имаше обраќање пратеничката од редовите на ВМРО ДПМНЕ Павлинче Честојнова. Таа кажа дека министерот за финансии Драган Тевдовски без никакво образложение го одбил амандманот кој е од круцијално значење за жителите од селата кои гравитираат околу општина Неготино. Имено амандманот се однесува за одделување на 50 милиони денари за асфалтирање на улици во околните села во Неготино. -Во ова време асфалтот не е луксуз туку есенцијална потреба, вие ветувавте живот еве сега можност вашите ветувања да ги остварите, истакна Честојнова. Таа кажа дека Владата постојано само ветувала дека ќе го подобри животот на граѓаните но ништо конкретно не се прави и дека граѓаните имаат потребни од конкретни проекти а не празни ветувања. Според нејзе, жално е што оваа влада не води сметка за помалите општини како што е Неготино. Предложи амандман со кој се бара да се обезбедат средства во висина од 6 милиони денари за реконструкција на патниот правец од магистралниот пат до Центарот на с. Војшанци во должина од 1 километар. Министерот за финансии Драган Тевдовски го одби истиот предложен амандман. Овој патен правец од магистралниот пат до Центарот на с. Војшанци го предложив и за Ребалансот на буџетот, но и тогаш без образложение ми беше одбиен. Ќе го предлагам се додека не го направите бидејќи овој патен правец е на барање на жителите на с. Војшанци и навистина им е потребен. Жално е што оваа влада не води сметка за помалите општини како што е Неготино и за нејзините граѓани, појасни Честојнова.