општина новаци – Kurir.mk

Стевановски: Новаци има потенцијал и вложува многу за да привлече инвеститори кои ќе инвестираат во руралниот туризам

Катерина Бојаџиева — Tue, 19 Sep 2023 18:01:41 +0000

Во денешната емисија „За или против“ на Алфа ТВ гостуваше градоначалникот на општина Новаци, Стевче Стевановски кој што истакна дека македонските села може да се заживеат, а општина Новаци има потенцијал и вложува многу за да привлече инвеститори кои ќе можат да инвестираат во руралниот туризам особено во мариовскиот дел. „Општината има потенцијали, веќе имаме заинтересирани кои што смело навлегуваат да инвестираат во насока на привлекување на ваков тип на рурален туризам. Меѓутоа можеби државата можеби повисоките ешалони на власта треба да се заинтересираат посериозно за оваа проблематика. Еве сега излегоа повиците на ИПАРД програмите можеби треба да се олеснат некои од мерките со кои што би се овозможило на овие луѓе да можат да инвестираат во оваа насока да ги искористат мерките, а ние како општина да бидеме оние кои што ќе им дадеме мотив за да го избрендираме изрекламираме нашиот крај и нашите потенцијални инвеститори кои што сакаат да се занимаваат со алтернативен начин ан туризам“, нагласи Стевановски. Стевановски додаде и дека постои тенденција кај населението во мариовскиот дел за развој на алтернативното земјоделство и руралниот туризам. „Во мариовскиот дел од селата имаме тенденција каде што имаме добар дел од населението каде што веќе се насочени кон алтернативното земјоделско производство, производство на здрава храна, пчеларството итн., но тука треба да се насочиме сите ние за да можеме дополнително да ги мотивираме“, посочи Стевановски.

Одбележани 27 години од основањето на Општина Новаци

Тале Кристо — Thu, 30 Mar 2023 12:02:32 +0000

Со свечена седница на Советот на Општина Новаци беше одбележана 27 годишнината од основањето и функционирањето на Општина Новаци. „Во изминатите 27 години сите претходни состави беа на висина на задачата а во таа насока работиме и ние , сегашниот состав на советот на општина новаци во согласност со законските прописи и норми во интерес на народот кој не избра за да ги подобриме условите за живот на нашите сограѓани, да донесуваме одлуки кои позитивно ќе влијаат на локалниот економски развој на општината и на подобрување на стандардот на сите граѓани, да обезбедиме нови работни места, инфраструктурни проекти, можности за развој н забава на младите и слично.“ рече Славица Најдовска Стојковска, претседател на СОвет на Општина Новаци. „ Наша обврска е да го обезбедиме економскиот развој за нашето население особено да ги задржиме нашите млади да останат овде во својата татковина каде и се родиле и тука да продолжат да живеат, да основаат свои семејства. Тоа ќе го направиме само ако вложуваме во инфраструктура, нови работни места, економски раазвој, квалитетен живот.“ рече Стевче Стевановски, градоначалник на Општина Новаци. Во склоп на одбележувањето на празникот на Општина Новаци беше положено цвеќе на гробот на бранителот Пеце Матичевски од Новаци кој загина во конфликтот во 2001 година, свечена приредба по повод роденденот на детската градинка Бамби од Новаци и 67 години од основањето на ООУ „ Славко Лумбарковски“ од Новаци.

Стевановски: Со домаќинско работење Новаци успеа да стане општина со најголеми заштеди на електрична енергија во Република Македонија

Магдалена Андонова — Sat, 26 Nov 2022 10:20:58 +0000

Со домаќинско работење до статус на општина со најголеми заштеди на електрична енергија во Република Македонија, е еден од многуте успеси кои се постигнати во изминатава година од страна на Стевче Стевановски, градоначалник на Општина Новаци. Истото е постигнато преку домаќинско работење и адаптирање на условите на пазарот за електрична енергија за дел од потребите, пред се во областа на уличното осветлување. - До пред неколку месеци плаќавме енормно високи сметки на струја за уличното осветлување којашто ја плаќавме, но баравме начин за справување со последиците од енергетската криза и тоа го направивме преку анекс на договорот за јавно приватно партнерство. Со истиот, сметките за електрична енергија како обврска ги префрливме на приватниот партнер, со тоа преминавме од слободниот на регулираниот пазар за електрична енергија, а со тоа направивме огромни заштеди. Ова доведе до тоа Општина Новаци да е општина со најголема заштеда на електрична енергија во Република Македонија, а за периодот од октомври 2021 до октомври 2021 година истата да изнесува 76 проценти – кажа градоначалникот Стевановски. Како признание за својата работа, годинава Општина Новаци го доби признанието ELOGE кое претставува ознака за извонредност во управувањето и исполнување на 12 начела на добро демократско управување на Советот на Европа. Околу креирањето на Буџетот на Општина Новаци за наредната 2023 година, градоначалникот Стевановски информираше дека во тек се средби со граѓаните преку одржување на форумски сесии со цел да ги слушнат идеите, мислењата и предлозите на жители и истите да ги вметнат во буџетот и приоритетите на општината. До овој момент се одржани 2 вакви форумски сесии, а предвидени се вкупно 4. Регионалната средба на општините од Пелагонискиот регион се одржа во Битола и истата беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

Стевановски: Се поставуваат нови тротоари во Добромири

Тале Кристо — Tue, 01 Nov 2022 15:02:20 +0000

Започнаа градежните активности околу поставувањето на тротоарите во село Добромири. Вкупната должина изнесува 380 метри со вкупна вредност од 1.727.154,00 денари. -Покрај тротоарите во Добромири се градат и тротоари во Рибарци и тоа 3 краци: крак 1- 77.8 метри, крак 2 -192.45 метри и крак 3- 35 метри со вкупна вредност од 1.083.001,00, како и во Долно Агларци во должина од 100 метри додека во Далбеговци во должина од 160 метри, рече Стевче Стевановски, градоначалник на Општина Новаци. Средствата се обезбедени од Програмата за фосилни горива од Министерство за животна средина и просторно планирање.

Стевановски: Реконструирани се главните улици во селата Далбеговци и Долно Агларци

Ивона Петрова — Wed, 10 Aug 2022 09:29:13 +0000

Како дел од програмата за изградба и одржување на локалните патишта и улици во Општина Новаци за 2022 година, денес ги реконструиравме главните улици во селата Далбеговци во должина од 300м. и Долно Агларци во должина од 350м, објави на Фејсбук градоначалникот на Општина Новаци, Стевче Стевановски.

Стевановски: Младинскиот клуб во Гермијан е целосно реконструиран и пуштен во употреба

Ивана Ефремовски — Wed, 20 Apr 2022 14:55:53 +0000

Руинираниот објект во с. Гермијан е целосно реконструиран и обновен и денеска беше свечено пуштен во употреба во присуство на младите и жителите на село Гермијан. -На барање на младите и на жителите на село Гермијан целосно го реконструиравме стариот распаднат и руиниран објект. Комплетно го исчистивме стариот објект, ги реновиравме ѕидовите, ја заменивме старата со нова ПВЦ дограма и внатрешно го уредивме со кујна, шанк и останат потребен мебел, рече Стевче Стевановски, градоначалник на Општина Новаци. Реновирањето на ентериерот на Младинскиот клуб во Гермијан изнесува 443. 487,50 денари плус ДДВ, средства обезбедени од буџетот на Општина Новаци.

Стевановски: Главниот акцент се става на младите во општина Новаци, во буџетот се предвиде финансиска помош за талентирани ученици и спортисти

Магдалена Андонова — Sat, 19 Feb 2022 13:03:48 +0000

Изминаа 100 дена откако ја презедовме локалната власт, останавме на ниво на задачата и ја оправдавме довербата која ни ја даде народот на локалните избори желни за промени, проекти и иднина. Покажавме која е разликата помеѓу ВМРО и СДСМ, како се исполнуваат ветувања. Покажавме домаќинско и отчетно работење, докажавме дека можело да не се расфрлаат народните пари на службени патувања, кафеани, луксузирање и злоупотреба на привилегиите. Туку чесна и одговорна работа кон единствена цел, подобрување на квалитетот на живот на сите граѓани на Општина Новаци“, истакна градоначалникот на општина Новаци, Стевче Стевановски на регионалниот отчет кој се одржа денес во Битола насловен „Промени што носат иднина – 100 дена локална власт отчет на ВМРО-ДПМНЕ“. Стевановски додаде дека претходната локална власт имале расипничко и штетно управување, која освен што не направи ниту еден проект за жителите на општина Новаци, туку напротив остави долгови во висина од 67.111.374,00 денари. Единственото комунално претпријатие Комунална хигиена е во катастрофална состојба, се дави во долгови кои изнесуваат 4.300.000,00 денари. - Во овие 100 дена работевме на урбанизација, на енергетска ефикасност, на подобрување на условите за работа на училиштата, подобри услови за младите, подобра животна средина, активно се грижиме за културата и нашето културно наследство, појасни Стевановски. Стевановски посочи дека се креираше транспарентен буџет за 2022 година во висина од 2,6 милиони евра. - Реализирав две предизборни ветувања од мојата програма во првите 100 дена. Успешно ја спроведовме мерката за субвенции за набавка на високо ефикасни инвертер клима уреди за што одвоивме еден милион денари буџетски средства, а за субвенции за изградба на термоизолациони фасади 3 милиони денари. Јавниот повик е објавен, течат роковите и очекуваме голема заинтересираност од месното население. Од оваа година општина Новаци почна да работи согласно своите овластувања за отуѓување на градежно неизградено земјиште во државна сопственост. Согласно програмата донесена според Законот за градежно земјиште во тековната 2022 година планираме да огласиме на јавна лицитација и отуѓиме околу 20 хектари градежно земјиште на потенцијални инвеститори за различни намени. Имено, најголемите површини ќе бидат наменети за изградба на индустриски капацитети, а останатиот дел ќе бидат наменети за индивидуално домување. Во фаза на изработка е проектна документација за уредување на патна инфрастуктура за Индустриската зона во Новаци, истакна Стевановски. Стевановски рече дека се организираше и акција за чистење на каналот во горниот дел на Новаци на барање на тамошните жители, се спроведе и акција за пошумување на месноста викана Преслап во атарот на село Маково, се зголеми износот за еднократна парична помош на 6.000 денари за новороденчиња и првачиња, се предвиде и финансиска помош за талентирани ученици и спортисти од Општина Новаци, се набавија и 14 таблети за учениците од четврто одделение од ЦОУ „Славко Лумбарковски“. - Во делот на соработка со странски донатори и меѓународни организации само во првите 100 дена остварив бројни контакти и веќе започнуваме да реализираме проекти: програмата за Општинско корисна работа на УНДП, проект за Зајакнување на капацитетите за искористување на ресурсите од УСАИД, проект за Зајакнување на луѓето од Пелагонија од Програмата МАТРА и Холандска амбасада, проект за Европска ознака за извонредност на управувањето во локалните самоуправи од АЛДА, појасни Стевановски. Стевановски укажа дека во фаза на подготовка е Урбанистички план вон населено место со кој ќе се уреди Индустриската зона во Новаци со вкупна површина од околу 17 хектари. Оваа градежна сезона инфраструктурно ќе се доведе до состојба за продажба на заинтересираните потенцијални инвеститори. - Голема е мотивацијата за остварување на проекти за доброто на своите сограѓани, со кои цел живот си живеел заедно. А, уште поголем е поттикот за реализација кога знаеш дека тоа што го работиш ќе остане запаметено, истакна Стевановски.

Потпишан меморандум за соработка меѓу општина Новаци и Здружението Храна за сите – Банка за храна со кој се обезбедува на храна, хигиенски и материјални средства на лицата со социјален ризик

Тале Кристо — Thu, 23 Dec 2021 12:16:52 +0000

Денес остварив средба со здружението Храна за сите - Банка за храна МК и нивниот директор Душко Христов. На средбата се разговараше за активностите на здружението како и за нашата идна соработка, заедничките активности и проекти за доброто на граѓаните кои се окарактеризирани како социјални случаи со посебен осврт околу можноста за складирање на храна и лоцирање на најсиромашните семејства на кои оваа помош им е најпотребна. Здружението Храна за сите - Банка за храна донираше 40 вакви пакети кои во најскоро време ќе им бидат дистрибуирани на семејства од Општина Новаци. Средбата заврши со потпишување на меморандум за соработка помеѓу Општина Новаци и Здружението Храна за сите - Банка за храна со кој документ се определува начинот и реализацијата на активностите околу обезбедувањето на социјална помош и поддршка, храна, хигиенски и материјални средства на лицата со социјален ризик на територијата на Општина Новаци.

Исплатена еднократната парична помош од 6000 денари за првачињата од општина Новаци

Катерина Бојаџиева — Wed, 24 Nov 2021 08:04:48 +0000

Општина Новаци и оваа година доделува еднократна парична помош на семејствата со прваче во висина од 6.000 денари. Целта на овој проект е да се олеснат трошоците на родителите за новиот ученик во семејството. „На првата седница на новиот Совет на Општина Новаци на мој предлог донесовме одлука паричниот надомест за прваче кој се исплаќа во бруто износ од Буџетот на општината, од 5000 денари да го зголемиме на 6000 денари. На овој начин ги враќаме парите назад кај граѓаните, овозможуваме пријатен почеток на првата учебна година и подобри услови во образовниот процес за секое дете. Иста таква одлука донесовме и за зголемување на паричниот надоместок за новородено дете кое сега е зголемено на 6000 денари“, рече Стевче Стевановски, градоначалник на Општина Новаци. Родителите на сите првачиња запишани во ЦОУ „Славко Лумбарковски“ Новаци можат да поднесат барање за еднократната парична помош во висина од 6000 денари. Во ЦОУ „ Славко Лумбарковски “ Новаци во учебната 2021/2022 година се запишаа вкупно 24 првачиња. Досега се исплатени 114 000 денари согласно поднесените барања за 19 првачиња, додека останатите 5 барања треба да се докомплетираат со документација и истите ќе бидат проследени на исплата. Барањето за доделување еднократна парична помош на семејствата со прваче во учебната 2021/2022 година може да се подигне во општината. Во прилог на барањето потребно е да се достават следните документи:Потврда за запишан ученик во прво одделение во учебната 2021/2022 година,извод од матичната книга на родените ,копија од лична карта од еден родител и копија од трансакциска сметка од примателот на паричната помош (на еден од родителите/старателите) . Барањата можат да се поднесат во архивата на Општина Новаци секој работен ден од 07:30 до 15:30 часот.

Во општина Новаци најголема излезеност до 13 часот

Магдалена Андонова — Sun, 17 Oct 2021 12:11:37 +0000

Општина Новаци руши рекорди по излезност на гласачите. Според пордатоците на ДИК, до 13 часот на ниво на цела држава, Новаци е општина каде најголем процент од гласачоте го оствариле правото на глас, односно гласале 43,70 преоценти. Новаци е една од најголемите по површина општини во земјава, а со најретка населеност. Во Преспанско-пелагонискиот регион таа засега предничи по излезен број на гласачи, по неа е Могила со 28,78 проценти, Битола со 25,31 проценти, па Ресен со 20,99 отсто од гласачкото тело.