општина ново село – Kurir.mk

Божинов: Во Ново Село ќе започне инвестициона пролет, младите се основата на моето работење, во тек е реконструкција на спортската сала „Христо Татарчев“

Катерина Бојаџиева — Wed, 02 Mar 2022 13:22:42 +0000

Деновиве изминуваат 100 дена од моментот кога ја презедов функцијата Градоначалник. 100 дена кои беа исполнети со многу предизвици и препреки, но и можност за обезбедување нови понуди и решенија. Општина Ново Село има голема територија - но премал буџет. Јас знам дека очекувањата на граѓаните се големи, и затоа мојата заложба е голема. Секојдневното работам и инсистирам во постапките да се донесат нови содржини и проекти. Општина Ново Село да добие можност за реализација на својот потенцијал, а граѓаните да го најдат својот интерес и обезбедат егзистенција за себе и своите семејства, истакна Ѓорѓе Божинов, градоначалник на општина Ново Село на регионалниот отчет „Промени што носат иднина - 100 дена локална власт отчет на ВМРО-ДПМНЕ“. Божинов додаде дека веднаш по доаѓањето на функција се отпочна со чистење на дивите депонии. Досега се исчистени околу 300 декари, и тоа во Сушица, Колешино, Мокрино, Дражево, а во периодот кој претстои ќе бидат исчистени и другите во останатите населени места. Покрај уредувањето и чистењето на парковите во сите населени места, се исчисти и Колешинскиот водопад, кој повеќе години беше заборавен и а во неговото срце беше создадена депонија која на туристите им предизвикуваше одвраќање наместо восхит од овој наш прекрасен дар од природата. „Во тековното работење спроведовме и неколку асфалтирања на улици кои се од голема важност за нашите сограѓани: -Асфалтирана е улица Првомајска во Ново Село во должина од 300 метри; -Асфалтиран е дел од улица Огражденска во Ново Село во должина од 50 метри; -Асфалтирани се сите ударни дупки во Ново Село и Мокриево“, појасни Божинов. Божинов посочи дека се изврши санација на речното корито на реката Песен, кое во последните 30 години никогаш не било чистено, и беше главен виновник за излевањето на огромни количества вода во домаќинствата во Мокрино. „На крајот од годината беше асфалтиран и училишниот двор од 1800м2 во ООУ Мануш Турновски во Ново Село, а во соработка со Светска Банка и министерството за транспорт и врски отпочната е постапка за асфалтирање на улици во Ново Село од 1460 метри, Колешино од 980 метри и во Мокриево 670 метри. Овие градежни работи, очекувам да отпочнат на крајот на месец март“, рече Божинов. Божинов укажа дека младите во општина Ново Село ќе бидат основата на работењето, па затоа во тек е реконструкција на спортската сала „Христо Татарчев“ во Ново Село. Ќе бидат целосно променети искршените стакла и ќе биде поставен видео надзор со цел да се превенираат ваквите настани во иднина. „Во перспектива пред нас, за оваа година ќе бидат асфалтирани околу 2.000 метри улици во 10 населени места, а ќе бидат изготвени и проектни документации за пешачка патека од Мокриево во Ново Село, за уредување на речното корито на реката Песен и реката Новоселка. Веќе следниот период ќе биде спремна и проектната документација за нова мотокрос патека. Најавувам и инвестициона пролет. Голем дел од моите ветувања ќе станат реалност оваа пролет, каде на наши сограѓани ќе им овозможиме да инвестираат во фотоволтаични централи и во лесна незагадувачка индустрија на новата индустриска зона во Ново Село“, нагласи Божинов. Божинов додаде промените се случуваат и мора да се случат во својата полна форма, тоа го гледате и препознавате секојдневно. Општина Ново Село ќе биде пример за многу општини во регионот и земјава.

Божинов: Ја преземам одговорноста за промена на работите во Општина Ново Село

Ивона Петрова — Mon, 30 Aug 2021 12:44:17 +0000

Кандидатот за градоначалник на Општина Ново Село од ВМРО-ДПМНЕ, Ѓорѓе Божинов на социјалните мрежи изрази благодарност до Извршниот Комитет на партијата и претседателот Христијан Мицкоски за укажаната доверба. -Им благодарам на членовите на ВМРО-ДПМНЕ во Ново Село и сите мои сограѓани кои со добар збор ме исправија пред уште еден голем предизвик. Истовремено честитам на мудриот избор и проценката дека во конкретниот момент потребна е млада енергија за да ги промени работите во нашата општина. Јас ја превземам одговорноста и ќе водам напред, Ве повикувам да ми се приклучите на патот кој заеднички ќе го изодиме многу полесно. Јас сум научен да се борам и ова е борба од која не отстапувам. Со Господ напред - Ќе победиме, пишува на Фејсбук Божинов.

Градоначалник на Ново Село ќе се бира во втор круг

Катерина Бојаџиева — Sun, 21 Apr 2019 20:48:49 +0000

На денешните предвремени избори за градоначалник на Ново Село ниту еден од двајцата кандидати, Никола Андонов од СДСМ и Николчо Стоилков од ВМРО-ДПМНЕ, не го доби потребниот број гласови. Имено, според податоци од штабовите на двајцата кандидати има голем број неважечки ливчиња и најверојатно тие пресудиле да нема победник денеска. Според последните информации, кандидатот на ВМРО-ДПМНЕ кој од почетокот на броењето заостануваше околу 60 гласови зад кандидатот на СДСМ, Никола Андонов, на 30% од преброените гласови води со 545 наспроти 530.

СДСМ го откри кандидат за градоначалник на Ново Село

Катерина Бојаџиева — Sun, 10 Mar 2019 18:18:40 +0000

Никола Андонов познат стопанственик од село Колешино е кандидат на СДСМ за претстојните локални избори што ќе се одржат на 21-ви април заедно со претседателските во општина Ново Село. Одлуката е донесена денеска на средбата на лидерот на СДСМ, Зоран Заев со општинското раководство и евидентираните кандидати за градоначалник. Во Ново Село ќе се избира нов градоначалник, бидејќи поранешниот градоначалник од СДСМ Боро Стојчев, поднесе оставка откако беше осуден на затворска казна за обид за шверц на цигари. Никола Андонов ја извршуваше функцијата градоначалик на Ново Село во периодот од 2005 до 2009 година.