Општина Петровец – Kurir.mk

Важно е општина Петровец да се развива: Населеното место Блок 6 во Ржаничино добива нова канализациона мрежа

Катерина Бојаџиева — Sat, 28 Oct 2023 13:17:49 +0000

Населеното место Блок 6 во Ржаничино добива нова канализациона мрежа. -Со овој инфраструктурен проект во ова населено место се отвора можност за изградба на над 100тина објекти за домување. Ефикасната локална администрација овозможи овој проект да се реализира во временски предвидениот рок. Важно е граѓаните да имаат квалитетен услови за живот. Важно е општина Петровец да се развива, пишува на Фејсбук лидерот на ВМРО-ДПМНЕ, Христијан Мицкоски кој денеска беше во посета на општина Петровец.

Митевски: Во општина Петровец се изгради пешачко-велосипедска патека во вредност од 23 милиони денари, средствата се обезбедени од буџетот на општината

Дарко Андоновски — Wed, 08 Feb 2023 12:23:06 +0000

Почитувани медиуми, денеска имаме свечено пуштање на пешачко-велосипедска патека во должина од 2.050 метри и ширина 3 метри. Пешачка патека која ги спојува двете најголеми населени места во општина Петровец, тоа е населеното место Петровец и населеното место Р`жаничино. Средствата во висина од 23 милиони денари кои беа за да се изгради оваа пешачка патека во целост се обезбедени од буџетот на општина Петровец, ова денеска преку изјава за медиумите го истакна градоначалникот на општината Петровец, Борче Митевски. „Ова пешачка патека е изградена пред се значи за децата, учениците наши кои учат овдека во ОУ „Кочо Рацин“-Петровец бидејќи знаеме колку е зголемен сообраќајот по регионалниот пат, тоа го ветивме и ние сме сведоци дека она што јас заедно со моите советници го ветив пред изборите дека ќе изградиме оваа пешачко-велосипедска патека, денес сме сведоци дека само за година и неколку месеци веќе е реализиран овој капитален проект за општина Петровец. Ќе продолжиме и понатаму да работиме, во интерес на нашите граѓани да ги подобриме условите, а вие како медиуми ќе бидете поканети повторно за некаде 3 до 4 месеци за уште еден капитален објект кај што ќе сечеме лента, тоа е новата општинска зграда во Петровец“, рече Митевски.

Мицкоски: Во Петровец се реализира се што е ветено на изборите во 2021 година

Катерина Бојаџиева — Wed, 08 Feb 2023 12:18:54 +0000

Задоволство е секогаш да се присуствува на вакви настани кога се завршуваат проектите кои се ветувани. Ова е посебно значаен проект во општина Петровец и за најмладите, односно учениците во ова основно училиште бидејќи на тој начин се подобрува безбедноста практично, се гарантира безбедноста на самите ученици , а и на самите жители во ова населено место овозможува еден вид рекреирање, тоа што не можеа претходно да го прават и на тој начин да бидат безбедни додека тоа го прават, истакна Христијан Мицкоски, претседател на ВМРО-ДПМНЕ, кој денеска беше во посета на општина Петровец. -Така што самиот градоначалник кажа дека општина Петровец продолжува со реализација на проектите овде кои што се ветени во кампањата на локалните избори во 2021 година, на еден таков проект присуствувате есента кога почнуваше да се гради, тоа е новата општинска зграда, а оваа пролет и самиот градоначалник Борче кажа дека ќе биде истиот тој објект пуштен во употреба, како и многу други проекти овде во општина Петровец, рече Мицкоски и додаде: „Ја користам оваа прилика да му честитам на Борче, да честитам на тимот, на советниците, на администрацијата што со години успешно ја реализираат програмата и што со години успешно ги реализираат ветените проекти. Нескриено е задоволството на жителите на општина Петровец, а впрочем тоа го кажуваат и на секои локални избори изминатите неколку изборни циклуси. Така што уште еднаш честитки за градоначалникот Борче и честитки за тимот и советниците овде во општина Петровец“.

„Промените на дело“: Мицкоски денеска во општина Петровец

Катерина Бојаџиева — Wed, 08 Feb 2023 09:34:33 +0000

Претседателот на ВМРО-ДПМНЕ, Христијан Мицкоски денеска со почеток во 12:30 часот, заедно со градоначалникот на општина Петровец, Борче Митeвски во рамките на активноста „Промените на дело“, ќе присуствуваат на пуштање во употреба на нова пешачка патека во Петровец. Посетата на Мицкоски следете ја во живо:

Митевски: Жителите на Петровец ќе добијат нова општинска зграда, Дом на културата, две детски градинки и спортска сала

Магдалена Андонова — Fri, 12 Nov 2021 11:16:12 +0000

Градоначалникот на општина Петровец Борче Митевски во денешната емисија „Утро со Златев“ на Радио Лидер вели дека се изградиле повеќе индустриски зони во општината се со цел што поголем број на луѓе да се вработат, како и дека во следниот период ќе се започне со неколку капитални проекти во Петровец. - Имаме најголема индустриска зона во Република Македонија, 230 хектари и не само тоа, имаме Индустриска зона во Долно Коњари, имаме Индустриска зона во Катланово, во Ржаничино, направивме две мини индустриски зони на излезот спрема Катланово и спрема Таор. Значи не останавме да се фокусираме на таа Индустриска зона од 230 хектари, сепак се раширивме насекаде за да може луѓето да се вработуваат, истакна тој. Митевски нагласи дека до март ќе се стави камен темелник на нова општинска, дом на културата во дворот на општината, како и нова детска градинка. - Прво ја довршувам канализацијата во Петровец, тоа се последните две улици, на улица 22 значи најголемото населено место. И тоа значи дека 99 проценти е покриено со канализација. За само десет дена отвораме тендер за изработка на проект на нова општина. Некаде во март ќе ставиме камен темелник на нова општинска зграда, исто до март ќе започнеме да градиме уште една детска градинка. Ќе градиме и Дом на културата во дворот на општината, вели Митевски. Митевски, нагласи дека овие три проекти ќе се реализираат за две години, а како што истакна во следните две години од неговиот мандат ќе се изгради уште една детска градинка во Долно Коњари и една спортска сала во населеното место Огњанци. За 2022 и 2023 година ќе има општинска зграда, Дом на културата и детска зграда. Во наредните две години детска градинка во Долно Коњари и спортска сала во населено место Огњанци. Тие ми се пет проекти кои што ќе ги реализирам, рече Митевски.

Ограбена поштата во Миладиновци: Еве колкава сума на пари пронашле и одзеле крадците

Дарко Андоновски — Fri, 15 Oct 2021 14:52:27 +0000

На 14.10.2021 во 08.40 часот во Полициското одделение Петровец било пријавено дека во текот на ноќта со употреба на сила и погоден алат било влезено во објект на АД „Пошта на Северна Македонија“ во с.Миладиновци и бил одземен сеф во кој имало 84.000 денари и писма. Се преземаат мерки за расчистување на случајот.

Митевски: Во општината Петровец ќе направиме уште две нови градинки, родителите повеќе нема да мора со километри да ги носат децата

Ивана Ефремовски — Mon, 06 Sep 2021 09:49:37 +0000

Кандидатот и актуелен градоначалник на општина Петровец од ВМРО-ДПМНЕ, Борче Митевски во „Утро со Златев“ на Радио Лидер истакна дека како и во новиот мандат ќе се посвети на максимална реализација на проектите. Тој вели дека резултатите од неговата работа зборуваат сами по себе бидејќи досега се што побарале жителите на сите населени места од општината е сработено повеќе од 90%. -Кога вие сте направиле канализација, водовод, улици, училишта. Во Чифлик направивме ново школо и повеќе децата не одат со комбе до друго, туку имаат школо на 50 метри од домовите. Една од работите на кои сум горд од сработеното е што успеавме да го изградиме најмодерното и најубавото училиште „Кочо Рацин“ во Петровец каде условите за учење се идеални. Но не само тоа училиште. Ги реновиравме сите училишта на територија на општината, почнувајќи од Сушица, завршувајќи до Катланово. Направивме спортски сали во Катланово, Средно Коњари, во Петровец, рече Митевски. Тој посочи дека е направена и нова градинка, но ќе се направат уште две други во општината за да им излезе во пресрет на родителите да не патуваат со километри да ги носат своите деца во градинка. -Направивме и нова градинка, имавме прилив на нови дечиња, уште 60 деца заради ковид мерките чекаат и затоа во наредниот мандат предвидувам нова градинка во село Ржаничино да се прави и ќе се растерети градинката во Петровец. Нова градинка ќе направам и во Долно Коњаре кое ќе ги опфати околните села, да им излеземе во пресрет на родителите да не ги носат децата по 10 километри секој ден, рече тој. Митевски нагласи и дека уште една од работите на кои е горд е индустриската зона Чојлија каде бројот на компании пораснал од 5 на 150, но и со другите индустриски зони низ општината.

Митевски: Општина Петровец стана оаза на инвеститори, покрај постоечките 17, за две недели пристигаат уште четири нови инвеститори

Магдалена Андонова — Tue, 09 Mar 2021 09:16:38 +0000

- Имаме голем број на семејства кои се на граница на егзистенција, имаме голем број на жители кои работеа во градските средини и сега доаѓаат овде за да живеат бидејќи општина Петровец има голем број на инвеститори кои ги отвораат своите погони и со тоа се отвораат нови работни места. Еве, само вчера има околу 20-тина луѓе што ќе започнат да работат, а тоа е од огромно значење во ова време. Посебно од големо значење е за тие 20-тина семејства. А, платите кои што ќе ги добиваат овие граѓани ќе биде над 20.000 денари, и со тоа се нуди пристоен живот во општина Петровец. Правиме се за да излеземе во пресрет на оние луѓе кои работеле во град, кои веќе се напуштени, да дојдат во општина Петровец и да ги препорачаме на инвеститорите кои отвораат нови работни места токму тука во општината, рече Борче Митевски, градоначалник на Општина Петровец во „Утрински Брифинг“. Митевски додаде дека во ниту еден момент во Општина Петровец ниту еден инвеститор не е вратен. Општина Петровец во моментов е меѓу ретките општини во која се инвестира. Со макотрпна работа општина Петровец стана оаза за инвеститори. - Во 2020/2021 општина Петровец е водечка општина во Република Македонија по влез како на домашни така и на странски инвеститори. Само пред еден месец 17 нови инвеститори влегоа тука, појасни Митевски. Митевски посочи дека во истиот момент имаат објавено за четири нови парцели , за некаде околу 15-тина дена ќе има уште четири нови инвеститори.

Општина Петровец ги ослободи родителите четири месеци од плаќање на месечната обврска за градинка

Магдалена Андонова — Fri, 10 Jul 2020 09:11:36 +0000

Советот на општина Петровец имајќи ја предвид тешка состојбата со пандемијата на коронавирусот во која се најде земјава, донесе одлука за ослободување од обврската за плаќање надоместок на ЈОУДГ "Авионче" за 4 месеци. Ова значи дека родителите на децата кои одат во оваа градинка за период од четири месеци се ослободени од обврската за плаќање на месечниот надоместок.

Советот на општина Петровец и општина Петровец како досега, така и во иднина ќе продолжи да работи во служба и интересите на сите граѓани.

Нов пожар вечерва во Скопје- на ова место пожарникарите се борат со огнената стихија!

Дарко Андоновски — Wed, 18 Sep 2019 19:45:05 +0000

Активен пожар вечерва има во селото Коњаре, Општината Петровец, информираат од Противпожарната единица од Скопје. – Пожар во село Коњаре, Општина Петровец. Работиме на терен. За повеќе информации ќе ве известиме подоцна, објави на Фејсбук страницата Противпожарната единица од Скопје. Пожар денеска имаше и во близина на скопското село Бардовци кој, како што информираат од Противпожарната служба комплетно е локализиран.