општина Радовиш – Kurir.mk

Во Радовиш следните три дена ќе се јадат „Самуни и Татлии“- еве кој ќе настапува

Катерина Бојаџиева — Thu, 29 Sep 2022 08:44:48 +0000

И оваа година, под покровителство на Општина Радовиш, во деновите од 30 Септември до 01 и 02 Октомври, на локацијата прд Центарот за култура „Ацо Караманов“, посетителите ќе имаат можност да уживаат во прекрасна програма исполнета со разни жанрови и содржини. На традиционалната гурманска манифестација „Самун ем татлија“, која се одржува во Радовиш, годинава ќе настапат само македонски музичари. Како што е наведено во програмата, на 30-ти септември за дел од забавата ќе се погрижи Бајабо Бенд, Викторија Бенд и Брас Брадерс. Овогодишната манифестација ќе биде збогатена со Меѓународниот фолклорен фестивал „Радовишки собор“. Наредната вечер, на први октомври ќе настапат Јовче Пандев Бенд, Игор Џамбазов и Гуру Харе и Ибишеви. Последната вечер пак, гостуваат Ицов и пријателите, Струмичка тајфа, Екстра бенд и Вукица, Троја и Влатко Стефановски Трио. Во минатото за време на манифестацијата во Радовиш најчесто доаѓаа регионални музички ѕвезди. Црвена Јабука, Наташа Беквалац, Шабан Шаулиќ, Хари Мата Хари, Јелена Розга и многу други познати изведувачи ги забавуваа посетителите на настанот на кој се промовираат локалните специјалитети, „самунот и татлијата“ изминатите години. Во тек на неколку дневната манифестација во минатото, се случуваше да се продадат и по 40 илјади самуни.

Ристов: За 100 дена во Радовиш се изгради мини брана и акумулирање на вода за наводнување и сточарство во с.Злеово и се набави проектна документација за поставување на фотоволтаични панели

Катерина Бојаџиева — Wed, 02 Mar 2022 13:20:40 +0000

Во овие 100 дена период на прилагодување, најпрво започнав со студиозен пристап на капацитетите на општинската администрација но и на сите поголеми и помали проекти од различни области, а кои се со подеднакво значење за развојот на општина Радовиш. Но, за жал, уште на почетокот наидов на многубројни и сериозни проблеми и предизвици од неодговорното и несовесно работење на претходната локална власт, истакна градоначалникот на општина Радовиш, Ацо Ристов на регионалниот отчет „Промени што носат иднина - 100 дена локална власт отчет на ВМРО-ДПМНЕ“. Ристов додаде при своето стапување на функцијата градоначалник затекнал сериозни проблеми во несовесното работење на образовните установи во делот на неискористување на одобрените финансии согласно потребите на учениците и образовниот кадар. Благодарение на сериозниот и практичен пристап, се успеа да се набави потребна количина на наставни помагала и опрема од средства кои доколку не реагирал ќе беа повлечени како неискористени. „Веднаш започнавме со нова иницијатива за нова законска концесиска надомест од преработка на минерални суровини – односно одлагање на флотациска јаловина, која во иднина ќе претставува сериозна можност за нов прилив во општинскиот буџет, а која итекако ја заслужуваат граѓаните на општина Радовиш. Побарав целосна ревизија на договорот за уличното осветлување и покренав сериозна иницијатива преку сите можни институции за решавање на проблемот со превисоките цени на електричната енергија и очекувам овој сериозен проблем наскоро да добие позитивна завршница“, рече Ристов. Ристов посочи дека покренал иницијатива преку Министерството за труд и социјална политика за трајно решевање на статутот на вработените во детските градинки согласно закон, а со цел намалување на обврските на општинскиот буџет и превземање на истите од страна на централната власт. Додаде дека, веднаш по преземањето на одговорноста прв човек на општина Радовиш, започна со изградивме новиот паркинг простор во урбаната заедница Комуна, како и изградба на нов градски пазар со што ќе го решат проблемот на граѓаните, особено на земјоделците. „Ќе потенцирам некои од проектите кои се завршени или започнати во првите 100 дена од мојот мандат: -Асфалтирана е дел од улицата „Бел Камен“; -Асфалтиран пристапниот пат кон новиот проширен дел на градските гробиштата; -Асфалтиран пристапен пат од населеното место Штурово до новото планирано излетничко место; -Изградба на водовод и канализација на ул. кејска и ул 3 во УБ 9; -Изградба на водовод и канализација на ул. бр 3 во УБ 9; -Изградена мини брана и акумулирање на вода за наводнување и сточарство во с.Злеово; -Исчистено речното корито на река Ступница во Подареш; -Асфалтирање на спортско игралиште во ООУ „Кирил и Методиј“ – Ораовица; - Реализиран проекот за спроведување на мерки за енергетска ефикасност во ООУ „Кирил и Методиј“; -Пуштено во употреба подрачно училиште во с.Калаузлија, нагласи Ристов. Ристов појасни дека исто така во тек се и неколку проекти кои сериозно ќе го подобрат квалитетот на живот во општина Радовиш. Во тек е изградба на мултифункционална сала за венчавки со галерија, изградба на улица Кејска и ул бр. 3 во урбан блок 9.2, изградба на улица бр. 3 во урбан блок 9, изградба на моста на река Марлада, избран е изведувач за изградба на локален пат Дамјан-Погулево. „Ветивме дека Радовиш ќе биде еколошки и енергетски независен град. -Набавивме ново возило во јавното претпријатие Плаваја за собирање на комунален отпад, ново после 30 години; - Воведуваме субвенции за користење на велосипед и изградба на мали фотоволтаични проекти - И она што е најважно, склучивме договор во износ од скоро милион евра за реализација на проектот зелена топлина“, нагласи Ристов меѓу другото. Додаде дека за прв пат во Македонија воведуваат централно греење со најсовремена технологија за пет згради во општина Радовиш, со можност за проширување на услугара и кон останатите објекти и станбени згради.

Доделени стипендии на талентирани ученици во основното и средното образование во Општина Радовиш

Магдалена Андонова — Mon, 27 Dec 2021 19:18:36 +0000

Градоначалникот на Општина Радовиш, Ацо Ристов преку Фејсбук објава ја информираше јавноста дека во текот на денешниот ден беа доделени договори за стипендии на талентирани ученици во основното и средното образование во Радовиш.

Николоски: ВМРО-ДПМНЕ го има најдобриот концепт и најдобрата програма за Радовиш

Ивона Петрова — Thu, 28 Oct 2021 13:01:08 +0000

На крајот од изборната кампања би сакал, тука во Радовиш да ги повикам сите граѓани во недела да излезат на избори и да гласаат за бројот 7 и за новиот градоначалник којшто ќе го предводи градот Радовиш, Ацо Ристов, истакна денеска Александар Николоски, потпретседател на ВМРО-ДПМНЕ. Изрази мислење дека овие скоро месец дена кампања покажаа дека ВМРО-ДПМНЕ го има најдобриот концепт и најдобрата програма за Радовиш. -После извесната промена и на владата која ќе се случи од понеделник заради убедливата победа на ВМРО-ДПМНЕ во една соработка на централната и локалната власт, заеднички ќе реализираме бројни проекти. Затоа ни е потребна голема, масовна и референдумска излезеност на 31-ви октомври, да излезат сите граѓани на гласање и да има една голема и да има една голема и убедлива победа. Целта на власта во заминување е граѓаните да останат дома, да бидат заплашени и демотивирани од црната кампања која ја водат. Ги повикувам да не подлегнуваат ниту на притисоци, ниту на закани и уцени, и доколку има исти такви да ги пријават затоа што надлежните институции ќе постапуваат и исто така да не подлегнуваат на црната кампања. Доаѓаат многу подобри денови за Македонија, заеднички ќе создаваме нова иднина со проектите кои ги има во нашата програма и кои ќе ги реализираме, како и како што веќе споменав, со една соработка со централната и локалната власт, посочи Николоски. Тој ги повика граѓаните на 31-ви октомври масовно и во голем број да излезат и да гласаат за бројот 7.

Ристов: На 31-ви да излеземе масовно да го вратиме достоинството на Радовиш

Магдалена Андонова — Thu, 28 Oct 2021 12:38:42 +0000

Чест ми е да застанам пред вас денес, после изминатите два месеци од изборната кампања, од кои што еден месец ни беше припрема, а едниот ни беше интензивна кампања, мислам дека успеавме во овој месец дена да ви ја предложам програмата која што имам намера да ја реализирам во Радовиш со сите оние проекти кои што беа презентирани, изјави денеска за медиумите, Ацо Ристов, кандидат за градоначалник на општина Радовиш. Тој се заблагодари за големата поддршка во првиот круг, и посочи дека жителите на Радовиш се луѓе кои што нема да дозволат да им биде купена иднината, туку дека сами ќе си ја изградат заедно со него. - Затоа ве повикувам на 31-ви октомври да излезете масовно, бидејќи давајќи го вашиот глас вие ќе помогнете во процесот кој што веќе е почнат. Процесот е почнат затоа што ние веќе имаме мнозинство во Советот, советничката група гарантира дека сите проекти кои што сме ги понудиле, кои што јас лично ќе ги реализирам, Советот на Општината и градот имаат отворен пат за реализација. Се надевам и дека тоа ќе биде дополнителен поттик кој што граѓаните ќе ги мотивира да излезат и да си го дадат својот глас за својот град. Радовиш да остане на радовишани, да си го вратиме достоинството, истакна Ристов. Тој ги повикува уште еднаш жителите на Радовиш да гласаат за бројот 7, за Ацо Ристов, за градоначалник на Радовиш.

ВМРО-ДПМНЕ обезбеди мнозинство во Советот на Општина Радовиш

Магдалена Андонова — Thu, 28 Oct 2021 11:57:15 +0000

Секој оној којшто тргнал против народот и неговата слобода не завршил како победник, па нема ни сега. Почитувани жители на Радовиш, почитувани жители на сите населени места, уште една огромна благодарност за довербата која ни ја дадовте и што уште посилно продолжувате да ни ја давате, изјави денеска за медиумите, Моника Ристевска, советник во Советот на Општина Радовиш. Таа истакна дека имаат визија за подобар Радовиш, ќе работиме обединето и заеднички и дека идниот градоначалник Ацо Ристов ќе ја има нивната поддршка, ќе ја има довербата од мнозинството на Советот на Oпштина Радовиш, бидејќи ВМРО-ДПМНЕ сега ја има најмоќната коалиција која била направена во историјата, а тоа е коалицијата со народот. - Обезбедивме мнозинство без притисоци, без уцени, без поделба на функции, мнозинство на Советот кое ќе работи во интерес на граѓаните. Уште еднаш ја бараме вашата поддршка, ја бараме вашата доверба за победата да биде уште посилна и помоќна, бидејќи народот го заслужува најдоброто, народот заслужува подобра иднина, додаде таа.

Мицкоски: Да влеземе во ЕУ без пазарења од кои ќе се срамиме, без грутка во грлата кога ќе сведочиме за цената која сме ја платиле, како што тоа е сега

Магдалена Андонова — Thu, 21 Oct 2021 18:47:03 +0000

Христијан Мицкоски, претседател на ВМРО-ДПМНЕ денеска на средба со граѓаните во општина Радовиш потенцираше дека новата иднина која ја ветуваат е влез во Европската унија без уцени и пазарења од кои граѓаните ќе се срамат, односно како што вели тој без подголтнување и грутка во грлата кога ќе сведочиме за цената која сме ја платиле, како што тоа е сега. Новата иднина е да влеземе во Европската Унија, без уцени, без пазарења од кои ќе се срамиме, без да подголтнуваме и грутка во грлата кога ќе сведочиме за цената која сме ја платиле, како што тоа е сега, истакна тој. Мицкоски потенцираше дека новата иднина е иднина на среќни луѓе, со сигурност, надеж и шанса. Новата иднина е иднина на среќни луѓе, на сигурност, надеж и шанса. Во секој еден што го среќавам од неделата па наваму ја гледам таа искра на огромна надеж, а надежта во очите на народот е крикот дека доста е од поделби, од тешки времиња, криминали кои не се казнуваат, од арогантни политичари, од тоа да не се вреднуваат желбите и потребите на луѓето на чиј р`бет се носи оваа наша заедничка Македонија, рече Мицкоски.

Ристов: Ќе субвенционираме поставување на сончеви колектори за граѓаните

Магдалена Андонова — Tue, 19 Oct 2021 11:56:32 +0000

Додека другите прават полиња од марихуана, ние решивме полиња со сончеви централи. Се наоѓаме на локацијата на еден сончев кров кој што е за поздравување, тоа се наши инвеститори од Радовиш кои што решија да се вклучат во проектот „Независен енергетски град Радовиш“, изјави денеска за медиумите, Ацо Ристов, кандидат за градоначалник на општина Радовиш. Тој истакна дека проектот е за поздравување, а дека тие ќе го подржуват овој проект и сите проекти што најверојатно во Радовиш ќе се случуваат. - Ова се пионерски потфати се до крајната цел, за сите оние кои ќе бидат заинтересирани да се вклучат во овој проект ќе добијат субвенција од Општина Радовиш за да си ги решат енергетските проблеми. Светот се наоѓа во енергетска криза и ние на тоа треба да бидеме спремни да издржиме и да им помогнеме на граѓаните, додаде тој.

Мнозинство на ВМРО-ДПМНЕ и во советот на општина Радовиш

Катерина Бојаџиева — Mon, 18 Oct 2021 14:32:00 +0000

ВМРО-ДПМНЕ освои мнозинство и во советот на општина Радовиш. Имено, ВМРО-ДПМНЕ и Коалицијата но новиот совет на општината во Радовиш ќе има 8 советници, СДСМ 6 и ЛДП/ДОМ 3. Во Радовиш ќе има и втор круг за избор на нов градоначалник- во првиот круг води со повеќе од 1.600 гласови води кандидатот на ВМРО-ДПМНЕ Ацо Ристов.

Ристов: Културно деловен центар и нов градски пазар во Радовиш

Ивона Петрова — Thu, 30 Sep 2021 10:26:57 +0000

Поминавме тешки четири години од осамостојувањето на Република Македонија,во кои чекајќи ја локалната власт да се договори кој е посилен, а кој послаб, тоа сакаат да го докажуват и на овие избори. Граѓаните повеќе немаат ниту време, ниту простор да чекаме, доста е, истакна кандидатот за градоначалник на ВМРО-ДПМНЕ за Радовиш, Ацо Ристов. Ние имаме поинаков пристап и поразлична понуда за сите вас. Ние имаме јасно дефинирана цел. Тоа е развиен, напреден, добро уреден, и посакуван Радовиш. Точно и прецизно го знаме патот кон тоа. Време е да се обединиме за нашата заедничка цел која ја имаме пред нас. Радовиш е град на сите граѓани. Секое место, секој граѓанин заслужува почит. Вие сте тие кои ќе одлучувате што е приоритет и кога треба да се гради. Ние ви нудиме конкретни проекти од програмата кои ќе ги образложуваме во периодот пред нас. Почнуваме со капитални проекти, објекти кои веќе 30 години никој не ги почнал да гради во Радовиш. Тоа граѓаните на Радовиш ни ги упатија како порака и го претворивме во проекти. Еден од капиталните проекти кој му е неопходен на Радовиш е новиот Културно-Деловен центар, со подземен паркинг за 200 возила на две нивоа, со деловни простории, канцеларии, угостителски објекти, простории во кои граѓаните ќе можат да ги остваруваат своите потреби од културен, деловен и забавен карактер, тоа е она кое му недостига на Радовиш, а никој досега не се нафати да го реализира. Некои во своите коментари ќе кажат дека тоа е научна фантастика, но светот отиде премногу напред, а ние сме сеуште многу назад. Ова е капитален објект кој ја гарантирам дека ќе го изградам, во првите две години со тоа Радовиш со овој центар ќе донесе нови вработувања, нови можности за младите да добијат место за рекреација, работа, култура. Центар со кој ќе се гордееме сите ние, нема повеќе младите да си заминуваат во локалните општини за забава или да ги реализираат своите идеи, тоа ќе го правиме во Радовиш, на начин на којшто радовишани тоа знаат да го прават. Ќе го вратиме периодот во кој сите доаѓаа во Радовиш заради култура или да се забавуват, време е младите да го добијат својот нов центар. Втор капитален проект е нов Градски пазар. Со овој проект ќе ја реши долгогодишната мака на земјоделците и не само на земјоделците, ќе се реши и маката на радовишани, доста е со купување на земјоделски производи на земја како да сме во 19-ти век, време е да си го вратиме своето достоинство и да изградиме културен објект за продажба на зелени производи и на млечната индустрија, за се она кое подразбира зелен пазар и мало стопанство. Земјоделството и аграрната политика се зацртани како еден од главните приоритети на ВМРО-ДПМНЕ, која како народна партија своите политики ги заснова на традицијата и вредностите на македонскиот човек. Радовиш, земјоделците и граѓаните ќе добијат нов градски пазар кој ке ги задоволува сите стандарди. Ова е само дел од нашата програма. За да ја реализираме истата - потребна ни е вашата поддршка. Ние продолжуваме со проекти, со промени за подобар Радовиш! На 17-ти Октомври заокружете го бројот 7 – за Ацо Ристов, за советничката листа за модерен Радовиш, за Македонија за сите граѓани!