општина ранковце – Kurir.mk

Отчет за првите 100 дена од мандатот на градоначалникот на Ранковце, Борче Спасовски

Тале Кристо — Wed, 23 Feb 2022 16:46:42 +0000

Градоначалникот на општина Ранковце, Борче Спасовски даде отчет за сработеното во првите 100 дена од неговиот мандат. Во продолжение интегрален текст од отчетот на градоначалникот Спасовски: Почитувани, Членови на Советот, претставници на општинската администрација, претставници на јавното комунално претпријатие, претставници на општинското основно училиште, претставници на Територијалната противпожарна единица Ранковце, претставници на Министерство за внатрешни работи, претставници на бизнис секторот, почитувани граѓани на Општина Ранковце. Изминаа првите 100 дена од преземањето на функцијата градоначалник на Општина Ранковце, 100 дена исполнети со одговорност, посветеност и желба да се направи нешто повеќе за своите сограѓани. Па во суштина луѓето се разликуваат токму по тоа. Колку се одговорни и колку се работливи, колку се професионални и колку знаат да се носат и да бидат посветени на она што го работат. Јас сметам дека се нафатив на оваа функција токму од тие причини, што за себе сметам дека ги поседувам, барем дел од тие квалитети коишто ги спомнав, а генерално се раководам од мотото дека Општината и Градоначалникот како функција секогаш треба да бидат во функција на развојот на општината, на подобрување на квалитетот на животот на граѓаните во општината. Колку сум јас задоволен, лично, најмалку е важно. Во моментов најважно е колку се граѓаните задоволни барем од она што го сработивме во изминативе 100 дена. Мислам дека со проектите кои што ги реализираме, со оние проекти кои веќе ги реализиравме во овој кус временски период, граѓаните треба да се задоволни, меѓутоа тоа ќе треба тие најдобро да го кажат и да судат за сработеното. И не само за она што го сработивме во изминатите 100 дена туку и со повеќе други проекти кои ги започнавме и коишто се во тек, граѓаните, наскоро, ќе можат да почувствуваат подобрување на квалитетот на нивното живеење. Општината ја затекнав со долг од приближно 3.000.000 денари кон доверители по основ на набавени стоки и извршени услуги. Во изминатите 100 дена она што го променив во функционирањето на Општина Ранковце во поглед на приходите и расходите е сведување на непродуктивните расходи на минимум и зголемување на приходите пред се од локални даноци и такси за да со домаќинско работење го забрзаме локалниот економски развој на општината. Досега се започнати и реализирани следниве проекти: -Изградба на дел од канализација во с.Љубинци, во должина од 711 метри; -Изградба на дел од локален пат с.Герман, во должина од 887 метри; -Реконструкција на ООУ Христијан Тодоровски Карпош, с.Радибуш; -Заврши изградбата на дел од локален пат с.Радибуш - маала Којкарци, во должина од 500 метри; -Започна првата фаза од изградбата на водоснабдителниот систем за населено место Псача, инвестицијата во вкупна вредност од 30.123.838,00 денари; -Обезбедив финансиски средства за Изградба на улица во село Ранковце – крак 1, за кој е во тек спроведување на постапка за доделување на договор за јавна набавка, -За поставување на урбана опрема и реквизити на детско игралиште во село Ранковце; - За изградба на локален пат во село Ветуница-Стојкова Маала, во должина од 440 метри, Изградба на дел од улица во село Ранковце (Десетак-Млин), во должина 450метри, Изградба на дел од локален пат во село Радибуш-Маала Којкарци, во должина од 480метри; - и одобрен проект од УНДП, за меѓу општинска соработка со општина Крива Паланка, обезбедена техничка опрема за Територијалните противпожарни единици од Крива Паланка и Ранковце. Во овие 100 дена се одржаа 5 седници на Советот на Општина Ранковце, одлуките на Советот во Општина Ранковце се носат еднгласно. Тоа најдобро зборува дека политичка обоеност нема, дека она што е во интерес на граѓаните, она што е во интерес на Општината, она што е во интерес на подобрувањето на квалитетот на живеењето на граѓаните на Општина Ранковце, секогаш и секаде ќе биде прифатено. Гледајќи како се одвиваат овие седници на Советот на Општина Ранковце, јас мислам дека добрата соработка ќе продолжи. Ние секогаш сме отворени, подготвени за конструктивни идеи, за конструктивни предлози што сметам дека тоа го прифаќа и опозицијата, односно советниците кои доаѓаат од опозицијата и сметам дека секој конструктивен предлог ќе биде прифатен и од Советот и од мене како градоначалник и ќе биде подржан, бидејќи интересите на граѓаните и квалитетот на нивното живеење и сето она што ја чини севкупната атмосфера во Општината не признава партии, не признава бои, не признава религии, туку напротив, дупките на патиштата, неосветлените улици, нерешените комунални проблеми секојдневно се соочуваме сите подеднакво. И токму решавањето на тие проблеми ќе биде подеднакво за сите граѓани во Општина Ранковце.

Излезеноста во Ранковце до 15 часот е 60.15 отсто

Дарко Андоновски — Sun, 31 Oct 2021 15:32:07 +0000

На тринаесет избирачки места во општина Ранковце до 15 часот излезноста на гласачите е 60.15 отсто. Право на глас во општината имаат 3014 граѓани. – Во Општина Ранковце изборниот процес се одвива непречено. Сите избирачки места беа отворени навреме и досега по сите информации од терен целокупниот процес се одвива без какви било неправилности и пречки, информира Орце Тодоровски, претседател на Општинската изборна комисија на Ранковце. Во текот на вчерашниот ден во оваа општина гласале 66 болни и изнемоштени лица, како и 14 лица во изолација, заболени од Ковид-19.

ВО ЖИВО: Митинг на ВМРО-ДПМНЕ во Ранковце

Дарко Андоновски — Wed, 13 Oct 2021 13:15:52 +0000

ВМРО-ДПМНЕ денеска ќе одржи митинг во населеното место Ранковце. На митингот ќе се обрати кандидатот за градоначалник од редовите на ВМРО-ДПМНЕ. КУРИР велиот митинг ќе го пренесува во живо веднаш што биде започнат. Следете не...

Излезеноста во Крива Паланка до 13 часот е 43,46 отсто

Магдалена Андонова — Wed, 15 Jul 2020 12:57:54 +0000

Голема излезеност се бележи до тринаесет часот во Општина Крива Паланка. Вкупно 43,46 отсто од граѓаните излегле на гласање или од обработени 46 од вкупно 47 избирачки места, каде право на глас имаат 16.986 граѓани, до 13 часот гласале 7.382 граѓани. Во Општина Ранковце излезеноста до 13 часот изнесува 31,69 отсто. Во оваа општина право на глас имаат 3010 граѓани. Во општина Кратово од обработени податоци од 33 од вкупно 37 избирачки места, излезеноста е 30,02 отсто, а право на глас во оваа општина имаат 7.881 граѓанин. (МИА)

Мицкоски во посета на Ранковце: Македонија не може да оди напред со политичари како Заев и Пендаровски

Дарко Андоновски — Thu, 18 Apr 2019 16:47:41 +0000

Претседателот на ВМРО-ДПМНЕ Христијан Мицкоски денеска оствари средба со жителите на Ранковце, каде што кажа дека се поголем број на граѓани се приклучуваат со помислата дека токму 21 април и 5 мај се деновите кога граѓаните ќе ги казни политичарите како Заев и Пендаровски кои го манипулираа, навредуваат и понижуваат народот во Република Македонија. Мицкоски додаде дека СДСМ и Заев си поигруваат со маката и трудот на земјоделците бидејќи само неколку дена пред избори им ги исплатиле субвенциите на земјоделците, потсетувајќи дека тоа е обврска на државата а не добра волја на СДСМ и Заев. -Земјоделието е опустошено,земјоделците со месеци ги чекаат парите за субвенции кои сега свесно на неколку дена пред изборите им ги пуштија, но овде велат кога не можеме да се избориме за она што ни следува, што остана за друго. Тие не живеат подобро, а никој од власта веќе не ги споменува и другите ветувања кои пред да дојдат на власт им ги даваа н овие луѓе, затоа што не се чесни, вели Мицкоски. Мицкоски посочи дека Република Македонија не може да оди напред со политичари како Заев и Пендаровски, додавајќи дека додека тие одат напред со украдени пари од граѓаните, граѓаните секојдневно ја чувствуваат сиромаштијата и бедата. -Да може Македонија вистински да оди напред , а не како што денеска ја гледаме Македонија како назадува, како оди назад, од ден на ден ние се враќаме назад а не одиме напред. Не е точно она кое што денеска Зоран Заев и Пендаровски Стево го пишуваат на нивните украдени плакати, билборди и реклами дека оделе напред. Да одат напред ама со вреќи полни украдени пари, ние одбиваме да одиме така напред. Ние сакаме да одиме напред достоинствено, честито со исправена глава заедно со богати граѓани и богата држава, кажа претседателот. На крај Мицкоски порача масовна поддршка на 21 април и на 5 мај за кандидатот за претседател на државата поддржан од ВМРО-ДПМНЕ Проф. д-р Гордана Сиљановска Давкова потенцирајќи дека само со нејзината победа е возможно враќање на правдата во Македонија.

Конфискувана приколка со огревно дрво на ЈКП „Чист ден“ без печат, наменето за општината во Ранковце (ФОТО)

Дарко Андоновски — Tue, 05 Mar 2019 14:26:19 +0000

Последните неколку денови општина Ранковце ја тресат скандали, во кои скандали се вклучени и челници од актуелната власт, објавува Дневно.мк Имено, пред неколку дена е извршен противправен дотур на огревно дрво за противпожарната станица „ТППЕ Ранковце“, која се наоѓа на само неколку метри до полициската станица. За огревното дрво претходно не се пополнети неопходните формулари и сродни документации. Печат кој го издава шумската полиција не е побаран, и едноставно огревното дрво е обезбедено на нелегален начин, кој подлежи на кривична одговорност. Дел од истата огревна маса завршил во самата општина во Ранковце, па шумската полиција соодветствувала според пропишаните закони и ја конфискувала приколката со огревна маса, која е во сопственост на комуналното претпријатие во Ранковце, ЈКП „Чист ден“. Приколката која на фотографиите е прикажана како оштетена е искршена бегајќи од шумската полиција, која пак, покажала професионалност и ги уловила на лице место. Имаме информација дека моментално се одвива акција од страна на шумската полиција, која треба да пристигне и да ја подигне нелегално стекнатата огревна маса. Огревното дрво е набавено од таканареченото „чистење“ на експресниот пат кој се гради од Република Бугарија до клучката на Страцин, како и од „чистење“ на локални патишта. Граѓаните прашуваат до кога ќе трае ова обезличување на зборот право и правдина, до кога ќе трае ова своеволие на градоначалникот Тошевски, како и на локалните моќници, чии раце се одврзани до максимум? Се уште на овие прашања нема соодветен одговор, а дали ќе биде така и во иднина, останува да видиме.