Општина Ресен – Kurir.mk

Општина Ресен ќе врши надомест за претрпена материјална штета од временска непогода

Ивона Петрова — Fri, 25 Aug 2023 13:48:26 +0000

Општина Ресен објави јавен повик за пријавување штети на земјоделските насади од природна непогода, врнежи од град на територијата на Општина Ресен. Од Општина Ресен информираа дека граѓаните кои претрпеа штети од невремето што се случи во текот на вчерашниот ден, тоа треба да го направат со пријавување во локалната самоуправа, да информираат за видот на претрпената штета и достават соодветна документација врзана за земјиштето каде е предизвикана материјалната штета. Пријавувањето и поднесувањето на документацијата ќе се врши до 7 септември. Како што извести МИА, во текот на вчерашниот ден, силно невреме ја зафати Преспа со град и грмотевици кои предизвикаа прекин на снабдувањето со електрична енергија на градот Ресен, Отешево и други населени места во Преспа.

Општина Ресен со нова современа механизација за патна инфраструктура

Тале Кристо — Mon, 03 Jul 2023 09:40:56 +0000

Општина Ресен обезбеди нова современа механизација за зимско одржување и чистење на патната инфраструктура во општината. Набавката е извршена со цел навремено да се обзебедат соодветни и навремени услуги во зимски услови, информираа од тамошната локална самоуправа. -Локалното јавно комунално претпријатие имаше потреба да обезбеди навремени и квалитетни услуги, пред се за редовно чистење на снегот од објектите на комуналната инфраструктура, јавните површини, локални улици и патишта како и редовно одржување на улиците во Ресен, и затоа набавени се два трактори со плугови и растурачи за сол. Со новата опрема јавното комунално претпријатие ќе ги зајакне своите технички капацитети и ќе ја подобри ефикасноста и ефективноста на функционирањето на претпријатието, со што ќе се подобри безбедноста на населението при користење на патните правци во општината особено во зимските услови, соопштија од Општина Ресен. Новата, совреме механизација општината ја обезбеди во соработка со Центарот за развој на Пелагонискиот плански регион преку проектот „Зајакнување на техничките капацитети на јавните комунани претпсијатија во регионот за зимско чистење и одржување на патната инфраструктура” финансиран од страна на Прогрaмата за рамномерен регионален развој на Министерството за локална самоуправа.

Сајкоски: Чествувањето на Михајлов е чествување на фашизмот, а Европа и нашата борба била против фашистите

Магдалена Андонова — Mon, 18 Apr 2022 15:56:54 +0000

Во рамки на кампањата „Промените се случуваат – секогаш со народот“ денес сум во посета на Општина Ресен каде промовираме проекти со кои ќе се решат далекусежни и долгогодишни проблеми на граѓаните од оваа општина. Улицата „Илинденска“ претставуваше проблем за граѓаните, но со смена на фекалната, атмосферската канализација и подобрување и реконструкција на самата улица ќе биде голема придобивка за граѓаните на оваа општина, изјави денеска за медиумите, Ѓорѓија Сајкоски, генералниот секретар на ВМРО-ДПМНЕ. Тој истакна дека реализацијата на овие проекти се значајни и големи и доаѓаат во многу тешко време. - Кога зборувам за тешко време, зборувам и кажувам за она што се случуваше вчера од страна на бугарската влада и нивните претставници со отворање на клубот, културниот центар кој го нарекоа „Ванчо Михајлов“ и клуб преку кој кажуваат и докажуваат со нивната политика дека продолжуваат со негирање на македонскиот народ и на македонската држава. Со ова сакам да истакнам дека бугарската влада со начинот и пристапот на проблемот со Македонија само го носи прашањето да не се дојде до решение и на таков начин самата се амнестира од одговорноста што ја им пред европските институции. Ако промовираме европски вредности и ако одиме во Европа заедно, ние треба да работиме во насока на подобрување на демократијата, борба против фашизмот, а не да промовираме ликови кои што се како Ванчо Михајлов, докажани поддржувачи на фашизмот и докажани негатори на македонската нација, појасни Сајкоски. Тој посочи дека Македонската влада треба веднаш да побара од Бугарија да се формираат македонски културни центри во повеќе градови на Бугарија со кои ќе се промовира нашата посебност и значењето на македонскиот јазик и македонската култура. - Исто така е важно што не изнајде начин владата во Македонија и влезе во погрешна насока во преговорите со Бугарија и не донесе во фаза да си ја докажуваме посебноста како Македонци во 21 век, 78 години во сопствена држава и повеќевековната борба што ја имале сите наши предци за создавање на сопствена држава. Затоа треба во вистинска насока да се води проблемот и да бараме конкретно решение за влез во ЕУ, додава генералниот секретар на ВМРО-ДПМНЕ.

Навреме почна гласањето во Општина Ресен

Ивона Петрова — Sun, 31 Oct 2021 08:24:15 +0000

На сите 50 избирачки места во Општина Ресен утрово во 7 часот почна гласањето за избор на градоначалник во вториот круг од локалните избори, информира претседателот на Општинската изборна комисија Тодор Китевски. Според него, гласањето тече нормално, без проблеми и потешкотии, а ќе се избира меѓу двајца кандидати за прв човек на општината. Во Општина Ресен право на глас имаат 16.378 лица, од кои вчера во домашни услови гласале 130 стари, болни или немоќни лица и 12 во изолација поради Ковид – 19.

Трипуновски: Новата влада на ВМРО-ДПМНЕ заедно со Јован Тозиевски како градоначалник ќе го реши проблемот со откупот на јаболкото

Магдалена Андонова — Sun, 24 Oct 2021 13:19:14 +0000

Почитувани граѓани на Република Македонија, се наоѓам во срцето на Преспанскиот регион во ресенско, каде што денеска во средбите со граѓани, со земјоделците разговаравме за тешката ситуација во која што во моментов се соочуваат со пласманот и откупот на јаболкото кое што е на ширум низ светот познато, изјави денеска за медиумите, Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ. Тој истакна од оваа средба и од оваа изјава од лице место од Ресен дека откупот со јаболкото е катастрофален, цените кој што се истакнати од страна на купувачите за индустриското е 2 денари, мизерни 2 денари, додека за конзумното е 8 до максимум 10 денари. - Она што сакам да го потенцирам и покрај овие цени што се истакнати, откуп и пласман речиси да нема, земјоделците се цел ден на бавчите по нивите, го берат својот труд, меѓутоа пласманот останува не загарантиран. Пред речиси две недели овдека од ова место Зоран Заев најави дека ќе даде дополнителни 3 денари за индустриското јаболко, меѓутоа тоа остана само празни зборови, ниту има измени на програма, ниту има некакво дејствие за да знаат земјоделците дека на вистина ќе ги добијат тие 3 денари, посочи Трипуновски. Тој додаде дека тоа е она популистичко лицемерие кое што Владата предводена од Зоран Заев само ветува и едно големо ЌЕ а од реалноста нема ништо. - Ние денеска се наоѓаме во Ресен и во разговор со земјоделците им ветуваме дека со Јован Тозиевски како нов градоначалник во општина Ресен, заокружувајќи го бројот 7 и ВМРО-ДПМНЕ кој што ќе ја формира идната Влада во Република Македонија, заедно ветуваме дека ќе имаме сигурен пласман и ценење на преспанското јаболко, земјоделците тоа го заслужуваат, земјоделците тоа треба да го очекуваат, ние ветуваме дека ќе ја исполниме таа обврска затоа што за нас како ВМРО-ДПМНЕ земјоделството било и ќе остане приоритет во наредното четиригодишно владеење, заврши Трипуновски

Николоски од Ресен: Ги повикувам ресенчани на масовна излезност и поддршка на ВМРО-ДПМНЕ, имаме проекти за Ресен да се развива

Ивона Петрова — Sat, 23 Oct 2021 09:29:39 +0000

Јасно е дека промените ќе се случат и дека заедно со сите жители на Ресен ќе создаваме нова иднина и за Ресен и за Македонија, изјави денеска потпретседателот на ВМРО-ДПМНЕ, Александар Николоски. Тој ви повика сите жители на Ресен да излезат масовно во вториот круг на 31-ви октомври и да го заокружат бројот 7 за да изберат градоначалник предложен од ВМРО-ДПМНЕ. -Во цела Македонија веќе се случуваат промените. 22 градоначалници се веќе избрани, а уште најмалку толку имаат одлична шанса да бидат избрани во вториот круг. Ги повикувам жителите, граѓаните на Ресен да се приклучат кон овој бран. Да се приклучат кон промените и заеднички да градиме нова иднина за Македонија. Ова не се обични локални избори. Ова се локални избори на кои што одлучуваме за иднината на Македонија. Дали Македонија ќе продолжи да тоне во криминал и корупција и економски ќе назадува со Зоран Заев, или во Македонија ќе се случат промените, вели Николоски, Посочи дека најголем дел од државата веќе избра. Ги избраа промените и го избраа ВМРО-ДПМНЕ. Изрази уверување дека истото ќе се случи на 31-ви октомври и во Ресен. -И затоа потребна е масовна голема излезеност. Сите граѓани да не подлегнуваат на притисоците кои што власта во паѓање на Заев ги прави, да не подлегнуваат на притисоците кои што се случуваат. А, исто така заеднички да се обединиме, Македонци, Албанци, Турци, Египќани, сите кои што живеат во Ресен и заеднички да ги донесеме промените. ВМРО-ДПМНЕ го има најдобриот кандидат и иден градоначалник кој ќе ги реализира проектите кои што се ветени во програмата, гарантирам. Исто така после 31-ви октомври почнува процес на промена на владата на Македонија. За многу брзо време ќе има влада предводена од ВМРО-ДПМНЕ, и затоа е потребно да има и општина предводена од ВМРО-ДПМНЕ, за заеднички локалната и централната власт да прават убави работи за Ресен. Излезете и гласајте на 31-ви октомври и заокружете го бројот 7, потенцираше Николоски.

Тозиевски за денот на јаболкото од Ресен: Поддршка за секој кој сака да инвестира во откупни центри за јаболка, јаболкото ќе го вратиме на пиедесталот

Магдалена Андонова — Wed, 20 Oct 2021 10:57:00 +0000

Традиционално, октомври е месец на берба на јаболката. А, Преспа е баш позната по тоа – Преспанското јаболко, бренд кој што заслужува да си го добие заслуженото место, а земјоделците од Преспа да бидат ценети за она за кое секојдневно, во текот на целата година се вложуваат и напорно работат, изјави денеска за медиумите, Јован Тозиевски, кандидат за градоначалник на општина Ресен. Тој истакна дека јаболкото во Македонија зазема 60% од целокупното производство на овошје, а Преспа учествува со околу 90% од тоа производство, но за жал тоа е „потценето“, „најпониженото“ овошје во државата. - Во моментов, јаболкото е најзапоставеното овошје, од страна на власта. Последните години, земјоделците од Преспа се повеќе се разочарани од пласманот, ниската откупна цена на конзумното и индустриското јаболко. Но, преспани се вреден народ, не се откажуваат. И денес, со сите свои сили се насочени кон берба на родот. Денес е меѓународниот ден на јаболкото. Во следните години, да направиме да се слави, за успешно завршена берба, за успешен пласман, посочи Тозиевски. Тој рече дека се поинакви, зошто знаат да ценат колку многу труд се вложува за да се стигне до конечниот производ и да се обезбеди добар пласман. - Ветувам дека ќе го подржуваме секој кој сака да инвестира во откуп на јаболкото. Во следните четири години, јас и мојот тим ќе се вложиме целосно, за јаболкото да биде на пиедесталот – онаму каде што и заслужува да биде, додаде Тозиевски.

Продолжува забраната за викенд престој во Отешево, Стење, Крани, Претор, Сливница…

Катерина Бојаџиева — Sat, 28 Mar 2020 11:24:45 +0000

Општина Ресен информира дека и овој викенд е забранет престојот и подолго задржување во туристичките и излетничките места во Преспа. Од секторот за односи со јавност посочуваат дека најавата за подобрување на временските услови не значи и отстранување на забраната за викенд во Преспа и во таа смисла не е дозволен престој во Отешево, Стење, Крани, манастирот во Курбиново, Претор, Сливница…и други туристичко-излетнички места. Борбата против коронавирусот е заедничка, порачуваат од Општина Ресен, и затоа во овој момент граѓаните треба да останат дома.

Од 5 до 10 часот в недела Ресен без струја

Предраг Кукиќ — Fri, 16 Aug 2019 13:25:23 +0000

На ден 18.08.2019 (недела) од 05:00 до 10:00 часот, на барање на МЕПСО, ќе има прекин во снабдувањето со електрична енергија на територијата на цела општина Ресен и сите населени места во Преспанскиот регион, информираат од ЕВН .

Општина Ресен реагира на одлуката на Министерството за култура за укинувањето на фестивалот „Актерот на Европа“

Катерина Бојаџиева — Tue, 12 Feb 2019 14:37:20 +0000

Општина Ресен реагира на одлуката на Министерството за култура за недоделување финансиски средства за Интернационалниот театарски фестивал „Актерот на Европа“. -Во име на граѓаните на Општина Ресен и целиот преспански регион и во името на здружението на граѓани „Езеро без граници“, што веќе 16 години го организира Интернационалниот театарски фестивал „Актерот на Европа“, единствената меѓународна манифестација на бреговите на Преспанското Езеро, ја изразуваме длабоката разочараност од бруталната одлука со која оваа иманентна културна одредница на европеизацијата на Балканот е избришана од Министерството за култура на Република Македонија. Фестивалот прерасна во симбол во срцето на секој граѓанин од трите страни од езерото, на генерациите кои растеа во духот на мислата на Жан Моне, таткото на Европа: „Да се гради Европа значи да се гради мир“, стои во реакцијата на градоначалникот Живко Гошаревски. Во писмената реакција, тој потсетува на идејата за основање на фестивалот во 2003 година, по прогласувањето на Преспанското Езеро за меѓуграничен европски парк меѓу Македонија, Албанија и Грција од страна на Европскиот парламент. -Група европски и балкански интелелктуалци, на чело со големиот француски писател и балканофил Жак Лакариер, покренаа иницијатива за основање интернационален театарски фестивал, што ќе ја валоризира индивидуалната театарска одисеја во колективната меморија на европскиот континент. Првото издание на фестивалот беше одбележано во многу медиуми низ цела Европа и првпат на Балканот еден фестивал започнуваше со книжевните бисери од трите јазици на езерото, македонски, албански и грчки. Истото лето, во чест на стогодишнината од Крушевската Република, прва на Балканот, која траеше само 10 дена, како прв облик на европеизација на Балканот, Жак Лакариер го објави во париски „Фигаро“ својот текст „Илјадници вчера, но само едно утре“, што тој лично го прочита со поглед на Ангелот од Курбиново, а тој текст стана манифест на фестивалот, појаснува Гошаревски. Во овие 16 години, додава тој, 16 театарски легенди, од 16 европски држави заекогаш ги запишаа своите имиња во европската меморија на Преспа, почнувајќи од Љуба Тадиќ, бардот на балканското глумиште, преку митскиот актер на Питер Брук – Брус Мејерс од Лондон, Марсел Бозоне од Комеди Франсез, Ана Патерсон од Театарот Стрингберг од Стокхолм, легендараната дама на словенечкиот театар Милена Зупанчич, бесмртниот романски Хамлет – Јон Карамитру, грчката муза Криса Јоаниду, класикот на албанската актерска историја Димитри Орготска и првенката на Народниот театар од Софија Снежина Петрова… -Во богатата хронологија на овој интернационален фестивал прикажани се над 150 претстави од скоро сите европски земји, за кои претседателот на меѓународната асоцијација на театаролози Жорж Бани, професор на Сорбона, напиша во театарското списание Европа денес: „Додека гледате како се слеваат класичното и модерното, во Преспа присуствувате на повторното раѓање на Европа“, стои во реакцијата на градоначалникот. Добитник на наградата за животно дело „Актерка на Европа“ минатата година беше Селма Алиспахиќ од Босна и Херцеговина, а наградата за најдобро уметничко остварување од натпреварувачкоит дел на фестивалот му припадна на Васили Лаерти, за оригиналното дело „Пеколот на Агамемнон“ од Исмаил Кадаре, што ја играше на трите јазици на Езерото.