општина сарај – Kurir.mk

Утре без струја повеќе села од општина Сарај

Тале Кристо — Sun, 29 May 2022 07:36:26 +0000

Од ЕВН Македонија АД информираат дека на ден 30.05.2022 година (понеделник) поради веке закажани техннички зафати, без електрична енергија ќе останат: -во време до 09.00 – 13.00 часот дел од корисниците на ул. Франце Прешерн (о. Карпош) и -од 09.00 – 15.00 часот корисниците од селата: Арнакија, Буковиќ, Семениште, Ласкарци и Паничари (о. Сарај).

Шилегов се обидува да и` ги одземе надлежностите на општина Сарај

Катерина Бојаџиева — Thu, 25 Apr 2019 14:21:00 +0000

Од општина Сарај информираат дека општинските служби, поточно општинскиот инспекторат, забележал дека на локалниот пат Свиларе-Рашче кој се наоѓа на територија на нивната опшина се изведуваат работни активности, кои се преземени без никаква правна основа и без да се информира општината Сарај, иако овој пат се наоѓа во оваа општина и е под нејзина надлежност. Според информациите на општината, овие активности ги презел градоначалникот на Град Скопје, Петре Шилегов, пренесува порталот Медиал.мк. -Целата активност е незаконска и за ова општината презема и ќе презема формални законски активности во насока на информирање на надлежните органи и институции во земјата што се занимаваат со овој случај, како што е Комисијата за спречување на корупција, Министерството за внатрешни работи и други институции, велат од општина Сарај. Оттаму велат дека ова не е прв обид на првиот човек на Град Скопје да навлегува во надлежностите на оваа општина и дека самата општина ќе ги преземе сите законски активности во поглед на заштита на своите права.

Град Скопје до општина Сарај: Да се постапи согласно законските надлежности кога се дивоградбите во прашање

Катерина Бојаџиева — Thu, 21 Mar 2019 15:58:29 +0000

Градот Скопје реагира на прес-конференцијата на градоначалникот на Општина Сарај, Блерим Беџети. - Градот Скопје ја охрабрува општината Сарај да постапи согласно со своите законски надлежности кога се дивоградбите во прашање. Впрочем, нема поголем интерес ниту за граѓаните на Скопје, ниту за граѓаните на Сарај од владеењето на правото, еднаквостa пред законите и целосното функционирање на институциите, изјави денеска портпаролот на Град Скопје, Ваљон Салиху. Салиху додаде дека изминатава година Градот Скопје заедно со УНДП и МЖСПП изработуваа законски модели со кои ќе се заштити Матка и во еколошка и во економска смисла. - Ова решение ќе овозможи заштитата на Матка и нејзиното управување да не зависи од градоначалникот на Скопје или од градоначалникот на Сарај, туку од почитувањето на законот. Матка е непроценлив потенцијал за целиот град, а особено за локалното население на Сарај, нагласи денеска Салиху. Инаку претходно, градоначалникот на општина Сарај, Блерим Беџети, истакна дека нема да ги урива трите платформи на Матка, но ќе ги одбие барањата за нивна легализација.

Општина Сарај ги ослободува од општински даноци поранешните војници на УЧК

Предраг Кукиќ — Tue, 30 Oct 2018 14:45:52 +0000

Сите поранешни војници на Ослободителната народна армија, кои се жители на општина Сарај, се ослободени од комуналните давачки на ЈКП "Сарај", во општина Сарај. Таквата одлука денес ја донесе Општинскиот совет во Сарај. Таквата одлука е ветување на градоначалникот на општина Сарај, Блерим Беџети, каде што беше и дел од изборната програма. Општина Сарај сега ќе формира соодветна комисија за да ги регистрира сите поранешни војници на ОНА и да им ја подели одлуката дека се ослободени од комуналните давачки на ЈКП "Сарај", во општина Сарај. Таква одлука каде поранешни војници на ОНА се ослободуваат од давачки за прв пат се реализира во општина Сарај, како што велат со една ваква одлука се почитува славното националното минато на Албанците во Македонија и го институционализира историското минато на локално ниво. На состанокот на Советот на општината, исто така се донесе и ребалансот на буџетот, каде што скратени се некои трошоци, регулирање на Деталниот урбанистички план за производствен комплекс со Г2 лесната индустрија во Кондово, со што општина Сарај, се фокусира на економскиот развој во областа Кондово.

Утре без вода дел од општина Сарај

Дарко Андоновски — Mon, 02 Apr 2018 16:15:16 +0000

ЈП „Водовод и канализација“ ја одложи за утре интервенцијата на водоводната мрежа на улицата „Маршал Тито“ бб во Сарај, поради технички причини (дислокација на електрична бандера). Прекинато водоснабдување ќе имаат корисниците од Сарај, селата Грчец, Љубин, Матка, Глумово, Шишево и Крушопек од 8:00 часот до 15:00 часот во Општина Сарај.

Утре без вода корисниците од Бојане, општина Сарај

Катерина Бојаџиева — Mon, 26 Mar 2018 12:38:44 +0000

За корисниците од село Бојане, во општина Сарај, утре можен е кус прекин на водоснабдување, соопштија од РЦУК-Скопје, по информација од ЈП Водовод и Канализација. Прекинот во снабдувањето со вода е поради чистење и хлорирање на резервоарот во Бојане, а ќе трае од започнување на работите во 09:00 часот се до нивното завршување.