општина штип – Kurir.mk

Јорданов понуди плац за куќа, бесплатна градинка за семејството на штипската четворка

Катерина Бојаџиева — Wed, 25 Oct 2023 13:00:21 +0000

Еднократна парична помош од 40.000 денари, од страна на градоначалникот на Општина Штип, Иван Јорданов ќе биде префрлено на сметка на Благица и Александар Зикови, кои станаа родители на штипска четворка. Јорданов вели дека разговарал со Александар, таткото на Михаил, Теодор, Ведран и Леонтина и за она што како општина може да им се помогне. -Помеѓу она, што ние како што општина може да им го понудиме како помош е да добијат плац за изградба на куќа, со бесплатни комуналии за градба, како и бесплатна градинка за четирите деца. Тоа е во рамките на нашите надлежности, вели Јорданов. Штипскиот градоначалник очекува одговор во текот на наредниот период што е прифатливо за семејството Зикови, кои се родители на четири деца, а се родија на Универзитетската Клиника за гинекологија и акушерство во Скопје.

Јорданов понуди плац за куќа, бесплатна градинка за семејството на штипската четворка

Ивона Петрова — Wed, 25 Oct 2023 12:57:24 +0000

Општина Штип планира издигнати пешачки премини кај средното електро-машинско училиште „Коле Нехтенин“

Дарко Андоновски — Wed, 18 Oct 2023 11:55:21 +0000

Издигнати пешачки премини кај средното општинско училиште (СОУ) „Коле Нехтенин“ во Штип е решение за да се намали брзината на движење на автомобилите, а со тоа да се зголеми и безбедноста за учениците. Сања Мијалкова-Судиќлиева од Одделението за сообраќај во Општина Штип вели дека на оваа локација веќе има делумно зона за смирен сообраќај. Во текот на изминатите два дена на булеварот „Гоце Делчев“ во Штип се случија две сообраќајни несреќи, од кои во едната потешко е повредена 16 годишна девојка, а пред пет години загина средношколец. Граѓани и родители на средношколците преку социјалните мрежи бараат побезбедни решенија за своите деца. -Со оглед на тоа што училиштата се зона на смирен сообраќај. Во овој случај СОУ „Коле Нехтенин“ се наоѓа на магистрална улица односно булевар – овде зона на смирен сообраќај практично и да не можеме да направиме. Но, со одредени сообраќајни решенија делумно е постигната таа зона на смирен сообраќај. Но, после настанот кој се случи предвидуваме да се направат издигнати пешачки премини со што дополнително ќе се намали брзината на возилата кои излегуваат од кружниот тек и се упатуваат кон влезот на Штип, вели Мијалкова-Судиќлиева. Средношколците велат дека внимаваат, но побараа да внимаваат и возачите. Градоначалникот на Општина Штип, Иван Јорданов посочи дека конкретно пред ова училиште треба да се зголеми контролата на полициските службеници. -Дополнително како Општина размислуваме за зголемување на безбедноста во сообраќајот и на други локации во градот, каде имаме нотирано небезбедност. Ќе истакнам неколку локации како на пример населбата Сењак, Старото нервно одделение и некои други локации, вели Јорданов.

Целосно нов мост во центарот на Штип (ФОТО)

Катерина Бојаџиева — Sat, 14 Oct 2023 11:59:46 +0000

Целосно нов мост во центарот на Штип. Со овој мост ќе се олесни движењето на возилата на оваа клучна сообраќајна раскрсница во градот. Мостот ги спојува двата булевара кај хотелот Оаза и гимназијата Славчо Стојменски. Изградбата на овој капитален проект е целосно финансиран од општината Штип и градоначалникот Иван Јорданов. Важно е да инвестираме за развој на Штип. Важно е да се случуваат промените, вели лидерот на ВМРО-ДПМНЕ, Христијан Мицкоски.

Јорданов: Не знам од каде директорот на Бирото за развој на образование си дава за право грубо да крши закони, новата концепција создава дискриминација кај наставниот кадар

Катерина Бојаџиева — Fri, 15 Sep 2023 12:24:21 +0000

„Хаосот кој што е присутен во државата се префрлува како хаос во основното образование. Бирото за развој на образованието со новата концепција врши грубо кршење на Законот за основно образование, создавајќи проблеми, хаос и состојба во основното образование од кое најповеќе се засегнати наставниците, учениците, родителите, директорите и ние како локална самоуправа која што има обврски и права преземени со самата децентрализација, која што не би ја коментирал. Но, кршејќи ги законите и оваа децентрализација се условува од страна на Бирото за развој на образование“, истакна градоначалникот на општина Штип, Иван Јорданов. Јорданов додаде дека од неколку аспекти е спорен моментот што Бирото за развој на образованието достави насока концепција со која што се задолжуваат односно се информираат директорите на основните училишта од прво до шесто одделение да спроведат нова концепција и нова наставна програма. Најпрво спорното е тоа што известувањето не е доставено до самите училишта, до основачот на овие училишта односно до Општината, туку е доставено известувањето до веб страната без соодветен потпис и печат од страна на директорот и самата институција. И тоа значи дека тој допис, известување – решение, секој може да си го толкува на свој начин и всушност новата концепција не се применува во општина Тетово. Тоа значи дека предвидената концепција не се спроведува секаде во Република Македонија. „Тоа што се случува хаос по сите институции се пресликува сега и кај младите генерации од прво до шесто одделение. Не бадијала рекле граѓаните – „Ако сакате да уништите една држава, уништете го образованието“. Впрочем тоа ни се случува сега во државата, со ваквите измислени, избрзани концепти кои што ќе остават штетни последици по самата настава доколку не се промени нешто. Ова може да создаде проблеми и кај наставниот кадар и во самото функционирање на училиштата“, рече градоначалникот на општина Штип. Тој нагласи дека друго нешто кое што е спорно со ова известување е тоа што училиштата доставуваат наставна програма до Општината која што се усвојува до 31 август и која што годишна програма со новата концепција е доведена во прашање. Односно програмата треба да биде целосно изместена во очи на почетокот на учебната година. И ова е спротивно на Законот за основно образование. „Не знам од каде директорот на Бирото за развој на образование си дава за право грубо да крши закони кои што и дефинитивно не се почитуваат. Па, така со измислената концепција исто така се фискално имплицира во работењето на Општините и во функционирањето на училиштата. Затоа што сето она се наложува ќе предизвика фискална импликација односно ние располагаме со ограничен износ на средства кои што ги добиваме како блок дотации наменети за образование. А, со новата концепција доаѓа до фискална импликација и до зголемување на потребата од финансиски средства“, појасни Јорданов. Јорданов укажа дека проблем е тоа што новата концепција создава дискриминација кај наставниот кадар. Односно не е предвидено и не е прецизирано платата, работните часови да бидат според учинок. Односно според новата концепција наставниците кои што имаат помал број на часови и наставниците кои што имаат поголем број на часови ќе земаат иста плата. Градоначалникот запрашува тогаш која е мотивацијата и кој е начинот на кој што ќе се распределуваат часовите доколку сите земаат иста плата. „Ова се само неколку работи кои што се спорни и кои што исто така ќе бидат доставени до МОН за да има можност да се корегира нешто во насоките кои што се дадени, и во решенијата кои што се дадени од страна на Бирото за развој на образование“, порача Јорданов. „Со новата концепција не е предвидено да учениците учат од учебници, она кое што е дефинирано во Законот за основно образование туку буквално кажано е оставено на наставниците и на учениците да учат кој како ќе се снајде. Зарем неспособноста на државата навреме да набави учебници се амнестира со една ваква концепција во која што учебниците не се задолжителни и не се основен материјал за стекнување на образованиот процес“, запраша градоначалникот на општина Штип. Тој рече дека Општина Штип заедно со директорите на основните училишта ќе бараат од МОН да се произнесе и да даде образложение за насоките за планирање, организирање и реализација на наставата од прво до шесто одделение за учебната 2023/24 година.

Штип ќе добие уште еден комунален инспектор

Ивана Ефремовски — Sat, 09 Sep 2023 13:47:51 +0000

Зголемениот обем на работа на штипскиот комунален инспектор го измени Годишниот план за вработување во Општина Штип. На последната седница советниците со мнозинство гласови одобрија вработување помошник комунален инспектор. -Баравме од Советот измена на Годишниот план за вработување на Општина Штип со цел веќепостоечкиот годишен план да биде дополнет со едно работно место и тоа во делот 3 – планирање нови вработувања во следната година, помошник-комунален инспектор поради зголемен обем на работа во општината, вели Вишна Шорова-Ангелова, Секретар на Општина Штип. Проблемот со недостаток на кадар, пак, беше споменат и на последното Годишно собрание на Здружението на комунални инспектори. Претседателот на Здружението, Борче Везенков посочи дека оние кои имаат лиценца како инспектори покриваат и во други општини и во повеќе сектори. -Има недостаток не само на комунални инспектори, туку и недостаток на каков било вид инспектори. Со Законот за инспекциски надзор мора да имаат и лиценца за да бидат инспектори. Моментално и ние како инспектори покриваме во некои општини каде што нема комунални инспектори или инспектори од заштита на животната средина, инспектори за домување, градежни инспектори, рече Везенков. Комуналните инспектори ги спроведуваат законите за јавна чистота и комунални дејности. (МИА)

Јорданов: Власта го кочи развојот на Општина Штип, но и покрај тоа за година ипол реализиравме повеќе од СДС за 4 години

Ивона Петрова — Tue, 04 Jul 2023 17:30:31 +0000

Власта го кочи развојот на Општината, само заради тоа што градоначалникот е од друга политичка партија, но и покрај се за година ипол реализиравме повеќе проекти и по број и по финансиски обем од прерходните градоначалници на СДС за цел четиригодишен мандат“, изјави Градоначалникот на Општина Штип Иван Јорданов во вечерашното гостување во емисијата „За или Против“ на Телевизија Алфа. Тој додаде дека нема никаква причина да не добие Општина Штип можност за издавање општинска обврзница бидејќи Општина Штип е ликвидна општина со добиена потврда од министерството за финансии. „Општина Штип е првата општина која побара да издаде општинска обврзница и со средствата од општинската обврзница да инвестира директно во капитални инвестиции кои ќе генерираат вредност“, кажа Јорданов. Тој е дециден дека во сите општини и градови кога се инвестира во нови капитални проекти се бара финансирање на истите со општински обврзници „Директен пример дека се двојат општините е неиздавањето на општинска обврзница а во исто време на нас како локална самоуправа ни е ускратено основното право на финансирање а во исто време на други општини од редовите на владејачката партија им се доделуваат средства директно од буџетот за реализација на проектите и тоа е онаа неправда која ни дава мотив повеќе да продолжиме“, изјави Јорданов. Тој потенцираше дека се кочи развојот на еден град заради тоа што градоначалникот е од одредена политичка партија и се казнуваат граѓаните. „Со обврзницата планиравме да исполниме неколку проекти како обиколницата која е потребна за поврзување на едниот и другиот излез со градот, Булеварот „Партизанска“ да се продолжи и да се поврзат најголемите населби. Друг проект како приоритет од енергетската криза е поставување турбина во главниот цевковод на Исар за производство на 24/7 часовно производство на електрична енергија“, вели Јорданов.

СВР-Штип со детали за инцидентот и заканите кои ги добил штипскиот градоначалник, Иван Јорданов

Катерина Бојаџиева — Wed, 22 Mar 2023 12:56:44 +0000

Секторот за внатрешни работни-Штип во писмено соопштение до медиумите потврдува за инцидентот и заканите кои ги добивал градоначалникот на Општина Штип, Иван Јорданов од лицето Ј.М. вработен во Оштина Штип. -На 21 март во 22:45 часот во Полициската станица Штип, И.Ј.(35) – градоначалник на Општина Штип, пријавил дека Ј.М. од Штип, вработен во Општина Штип, во неколку наврати во последните неколку месеци му упатувал закани. Според пријавеното, околу 19:40 часот гумите на службеното возило, кое го користел И.Ј., од страна на Ј.М. биле исечени. Се работи на расчистување на случајот, се вели во соопштението на СВР-Штип. Градоначалникот на Општина Штип, Јорданов денеска пред медиумите потврди дека иницидентот и заканите ги пријавил во полиција. Според Кривичниот законик сторителот на заканите се соочува со кривично дело загрозување на сигрурност, а затворската казна се движи од три месеци до три години.

Штипскиот градоначалник добил закани по живот од вработен во општината

Катерина Бојаџиева — Wed, 22 Mar 2023 11:55:05 +0000

Градоначалникот на Општина Штип, Иван Јорданов добил закана по живот од вработен во Општината. Инцидентот се случил во текот на вчерашниот ден. Сторителот е познат на полицијата. Јорданов денеска пред новинарите потврди дека вчера инцидентот го пријавил во полиција. -Не би сакал да навлегувам во деталите, за да не влијаам во постапката. Верувам во институциите на системот, сето она што е пријавено СВР-Штип го има веќе како детали. Станува збор за вработено лице во Општина Штип, кое во минатото е познато на полицијата по вакви случки. Така што оставам на институциите на системот да ја утврдат состојбата, вели Јорданов. Прашан дали освен вчера и завчера имало инцидентот во неговиот кабинет, Јорданов со одговор дека деталите ги има СВР-Штип. Инаку на штипската јавност вработениот во општинската администрација и е познат по тоа што пред неколку години исто така се има заканувано на еден од градоначалниците на Општина Штип. Во текот на денот се очекуваат детали за инцидентот од страна на СВР-Штип.

Штипјани реагираат дека во центарот се појавиле бездомни кучиња без маркици

Дарко Андоновски — Wed, 15 Mar 2023 14:16:43 +0000

Граѓани на Штип реагираат дека од вчера низ улиците во централното градско подрачје се забележани нови кучиња, кои немаат соодветни маркици и преставуваат опасност за нив. Тие бараат од надлежните да излезат на терен и да регираат. Раководителот за инспекциски работи во Општина Штип, Тоше Ѓоргиевски вели дека пријава пристигнала и кај нив и дека ќе се постапи по истата.

-Вчера добивме пријави дека нови кучиња има и денеска. Бевме на терен со комуналниот инспектор и забележавме дека има нови кучиња, необележани. Веќе е пријавено во економскиот оператор „Тодор Велков“ и наредата недела ќе ги заловиме овие кучиња. Овие кучиња не доаѓаат сами од себе, најчесто се од неодговорни сопственици, кои ги пуштаат своите кучиња да скитаат по улиците, вели Ѓоргиевски.

Посочи дека во соработка со комуналниот инспектор почнале акција со кој опомени и казни ќе се пишуваат на сопствениците кои своите миленици кучиња ќе ги остават на улица.

-Со комуналниот инспектор веќе почнавме и една акција за оние кучиња за кои ќе утврдиме кој е споственик ќе му се пушти опомена, а во следна фаза ако кучињата пак бидат забележани на јавна површина ќе следува глоба, додаде Ѓоргиевски.

Акциите за заловување на бездомните кучиња се спроведуваат секоја недела на разна локација во Штип по пријава на граѓани. Минатата недела се заловуваше во населба Леваци, во центарот на Штип како и во населбата Осми Ноември.