општина Шуто Оризари – Kurir.mk

Жителите на Шуто Оризари протестираа- револтирани поради лошите патишта

Катерина Бојаџиева — Sat, 07 Sep 2019 09:59:22 +0000

Неколку жители од Шуто Оризари ја блокираа улицата „Словенечка’’. Тие се револтирани поради уништените патишта кои според нив не се реконструирани неколку години. Пред камерата на ТВ21 велат дека ниту еден градоначалник досега не се интересирал за да ги асфалтира патиштата. -Патот е катастрофа. Веќе 10 години никој не направил ништо. Градоначалникот мисли дека нема да протестираме. Протестот ќе биде масовен секој ден. Нека не мисли градоначалникот дека нема да излеземе. Рекоа дека овие три патишта не постојат. Со чии гласови беше избран тој-вели жител на Шуто Оризари. За да добиеме одговор од општинските власти, ТВ21 се обрати до општина Шуто Оризари, но таму немаше никој. Иако законски, општинската администрација треба да работи до 16:00 часот, 30 минути пред 16:00 часот ТВ21 ја посети општина Шуто Оризари, но тие не се тука. Жителите револтирани велат дека нивниот протест и блокирањето на улицата ќе продолжи и во следните два дена.

Без струја делови од општина Шуто Оризари

Катерина Бојаџиева — Thu, 29 Aug 2019 06:04:39 +0000

Денеска се планирани технички зафати во електро-системот поради што денеска без електрична енергија ќе останат делови од општина Шуто Оризари. Како што информираат од РЦУК, во периодот од 08:30 до 16:00 часот без струја ќе бидат корисниците од околината кај ресторан „Оаза“ во општина Шуто Оризари.

Вака се гласа во Шутка: Организирано се собираат луѓе и се носат на гласање (ФОТО)

Дарко Андоновски — Sun, 05 May 2019 13:53:07 +0000

Огромни изборни нерегуларности во скопската општина Шуто Оризари, активисти на владејачката партија организирани во агитираат крај избирачките места. Во исто време, преку социјалните межи активистите на СДСМ организираат земање од дома на гласачи. – Од кај автобуската станица 19-ка има таксисти за носење луѓе да гласаат. Пишете ми во месенџер ќе дојдеме да ве земеме ако не можете да излезете да гласате поради дождот – пишува активист на СДСМ на фејсбук.

СКАНДАЛ: Градоначалникот на Шуто Оризари Курто Дудуш одржува партиски активности во државна канцеларија во која има и деца (ФОТО)

Дарко Андоновски — Thu, 24 Jan 2019 17:39:02 +0000

Скандалите поврзани со владејачката гарнитура предводена од СДСМ никако да стивнат. Вчера градоначалникот на Шуто Оризари Курто Дудуш на својот Фејсбук профил објави две фотографии од својата канцеларија во која се присутни неколкумина жени, а под фотографиите тој напиша „Старт на женски активности“ на Општинската Организација на СДСМ Шуто Оризари. Оваа негова објава е скандалозна сама по себе бидејќи партиски активности се вршат во државна канцеларија во општината Шуто Оризари. Уште поголем скандал е тоа што за време на овие партиски активности имало и деца.

Граѓани на Шуто Оризари со реакции по најавата за Ромскиот Бал: Дудуш си организира балови со народни пари, а општината нема елементарни услови за живот

Катерина Бојаџиева — Thu, 13 Dec 2018 11:04:04 +0000

По најавата за Ромскиот Бал во организација на општина Шуто Оризари, граѓани на оваа општина со бурни реакции. Велат, додека градоначалникот Курто Дудуш си организира балови со народни пари, општината се уште нема пристојна инфраструктура, улици, патишта, економски развој и слично. -Сакаме да го искажеме нашето незадоволство од актуелниот градоначалник Курто Дудуш- Куцо. За време на изборите доаѓаше тука секој ден и ветуваше дека ќе ни изгради улица, ќе имаме асфалт, нема да газиме по кал, ќе имаме канализација. Не знаеме дали има друг градоначалник на кој приоритет му е организирање на балови кога неговите сограѓани живеат во мрак, кал, студ и немаат елементарни услови за пристоен живот, велат револтирани граѓани на општина Шуто Оризари во реакцијата кои ја испратија до КУРИР. Инаку, на официјалната интернет страница на општина Шуто Оризари стои известување дека на 12 јануари 2019 година со почеток од 19:оо часот, во ВИП Арена на СЦ „Борис Трајковски”, ќе организира традиционалната манифестација „Ромски Бал”. -Ромскиот Бал е манифестација за одбележување на Ромскиот Василичарски Празник преку дружење, ромска музика, песни и ора. Оваа година, општина Ш. Оризари „Ромскиот Бал” го посветува на младите бидејќи во нив лежи потенцијалот за развој и просперитет на оваа општина, се вели во најавата. Жители на општината Шуто Оризари го повикуваат градоначалникот, наместо балот, тие и нивните проблеми да му бидат приоритет.

Притвор за советникот на градоначалникот на Шуто Оризари за примање мито

Катерина Бојаџиева — Thu, 01 Mar 2018 10:11:47 +0000

Скопското обвинителство предложи мерка притвор од 30 дена за барање поткуп за советникот на градоначалникот на Шуто Оризари, Курто Дудуш. - Надлежен јавен обвинител донесе наредба за спроведување истражна постапка против едно лице за сторено кривично дело примање награда за противзаконито влијание. Осомничениот како вработен во општината Шуто Оризари на 27 јануари во службените простории на општината примил претходно договорена награда во висина од 1000 евра. Наградата осомничениот ја договорил и примил за, искористувајќи го своето влијание, да изврши посредување во вршење на службено дејствие кое не би требало да се изврши. Имено, тој ги побарал средствата за да се донесе Решение за утврдување правен статус на бесправно изграден објект, соопшти денеска Обвинителството. Ценејќи дека се исполнети законските основи, јавниот обвинител кој постапува во предметот до судија на претходна постапка од Кривичниот суд доставил предлог за определување мерка притвор. Предлогот на Обвинителството беше прифатен, па Судот со решение на осомничениот му е изречен притвор во траење од триесет дена.

Сорос јуниор на гости кај Курто Дудуш во Шутка

Катерина Бојаџиева — Mon, 26 Feb 2018 08:39:46 +0000

Претседателот на Фондациите Отворено општество – Њујорк, Патрик Гаспард и Александар Сорос, филантропист и син на Џорџ Сорос, ја посетија општина Шуто Оризари. – Во кратката агенда која ја имаа за посета на Македонија, Гаспард и Сорос ја посетија и нашата општина. Со нив беа претставници од канцеларијата на РИО Будимпешта и ФООМ. Во двочасовната агенда која ја планираа за нас, разговаравме за развојните планови на општината, посетивме локално население од месноста Брсјачка буна и им ја покажавме локацијата каде ја планираме првата индустриска зона, вели градоначалникот на општина Шуто Оризари, Курто Дудуш. – Отворено ги разговаравме можностите за заедничка соработка. Воедно, пренесовме и покана до господинот Џорџ Сорос да ни биде гостин во следна прилика, додава Дудуш.