општина сопиште – Kurir.mk

ВИДЕО: Полициските хеликоптери исфрлија над 13 тони вода, локализиран пожарот во општина Сопиште

Ивона Петрова — Wed, 04 Oct 2023 17:24:45 +0000

Одделот за воздухопловни единици на МВР денеска по добиено барање од Центарот за управување со кризи за гасење на пожар меѓу селата Долно Соње и Добри Дол во општина Сопиште, ги упати двата хеликоптера Бел-412 и Бел-212 во координирано постапување со пожарникарите од Територијалната противпожарна единица. Во пожарот кој беше пријавен околу 13.50 часот, а настана на м.в Блатоица, беше опожарена нискостеблеста и високостеблеста шума на површина од околу 20 хектари, веќе е локализиран, а двата полициски хеликоптери при гаснењето исфрлија над 13 тони вода и помогнаа во неговото локализирање.

ФОТО: Голем пожар во општина Сопиште, биле загрозени викендички и куќи

Ивона Петрова — Wed, 04 Oct 2023 14:55:35 +0000

Голем пожар попладнево изби во Соње, општина Сопиште кој брзо се проширил. Директорот на ЦУК, Стојанче Ангелов вели дека опожарена била ниска вегетација и суви смреки кои предизвикале густ чад кој се гледал и од Скопје. -Ангажирани беа три Ер трактори на Дирекцијата за заштита и спасување кои помогнаа во совладување на овој голем пожар кој загрози повеќе викендички и куќи во околината. На некои места пожарот беше сопрен во близина на неколку викендици, изгоре само една помошна просторија, вели Ангелов. Повикани се и два хеликоптери на МВР кои ќе полетаат доколку има потреба.

Хуманитарен концерт утревечер во Долно Соње

Катерина Бојаџиева — Fri, 16 Jun 2023 08:26:39 +0000

Во црквата „Свети Спас“ во Долно Соње утревечер ќе се одржи хуманитарен концерт за лекување на Александар Мицевски, информираат од Општина Сопиште. Хуманитарниот концерт ќе започне во 19 часот. - Ги каниме сите, да бидеме што побројни и да покажеме хуманост кога е тоа најпотребно, велат од Општината.

Сопиште денеска без вода

Дарко Андоновски — Fri, 27 May 2022 06:59:09 +0000

Од Водовод Скопје информираат дека населбата Сопиште денеска ќе биде без вода. „Ве известуваме дека на ден 27.05.2022 поради изведување на водоводен приклучок ф-2“ на ул.3 Сопиште (во близина на зградите), прекинато водоснабдување ќе имаат корисниците од истата улица. Водоснабдувањето ќе биде прекинато од 09:00 часот до завршување со работните активности“, стои во нивното соопштение до јавноста.

Уличен дефект во Сопиште, еве каде ќе снема вода

Ивана Ефремовски — Thu, 19 May 2022 12:06:57 +0000

На ден 19.05.2022 година поради уличен дефект на улица 3 во Сопиште, прекинато водоснабдување ќе имаат корисниците од Црква Св.Мина до општина Сопиште. Водоснабдувањето ќе биде прекинато од 13:50 часот до завршување со санација на дефектот.

Трпковски: Трговски центар во Сопиште е барање и потреба на жителите, проектот е закочен само поради тужба од наш нов сограѓанин, наскоро ќе се реализира

Катерина Бојаџиева — Wed, 16 Mar 2022 16:05:04 +0000

Почитувани сограѓани, потребата од трговски центар во општина Сопиште е ваше барање и потреба, негова изградба беше ветена и во мојата изборна програма и истиот ќе биде реализиран, затоа што е ваше барање и потреба, истакна градоначалникот на општина Сопиште, Стефче Трпковски. -За жал морам да ве информирам дека најавената изградба за одреден период е запрена, поради опструкции и тужба пред Управниот суд од страна на нашиот неодамнешен сограѓанин Костаке Милков. Со почнување на судската постапка се одлага и изградбата на објектот се до конечна разврска на спорот. Сите факти се на страна на општината и на страна на проектот. Се извинувам од мое и од името на општината што овој проект на определено време е закочен, иако тој е потреба на сите вас. Се надевам и на разум кај нашиот нов сограѓанин кој нема да чека да заврши спорот во кој фактите се на наша страна, и ќе ја повлече тужбата за да може Сопиште да добие објект каде сите вие и вашите најмили ќе можат да поминат дел од своето слободно време, без да треба да патуваат во други општини за да посетат таков објект, пишува тој на Фејсбук.

Трет мандат за Трпковски во Сопиште и мнозинство во советот на општината

Ивона Петрова — Mon, 18 Oct 2021 11:00:47 +0000

Стефче Трпковски, кандидатот на ВМРО-ДПМНЕ за Општина Сопиште вчера убедливо победи и го освои третиот мандат. Според податоците од Државната изборна комисија на 100 отсто преброени гласови, Трпковски освои 2.161 гласови, а кандидатот на СДСМ, Сашо Стојановски 986 гласа. Излезноста на изборниот ден во општината била 63,67%. Според анализата на гласовите, во општинскиот совет ВМРО-ДПМНЕ повторно освојува мнозинство со шест советници. СДСМ изгуби едно советничко место и сега има два советника. Исто толку има и ДУИ додека едно советничко место добива АА/А.

Трпковски: Проектите за Сопиште продолжуваат, изградба на нови водоснабдителни бунари и на нови канализациони системи

Ивона Петрова — Sun, 03 Oct 2021 10:03:53 +0000

Сите инструменти и алатки, интензивно ќе ги насочиме кон водоснабдувањето и третирањето на отпадните води во нашата општина. Покрај водоводот Патишка Река, предвидуваме изградба на водоснабдителни бунари во Долно Соње, Горно Соње, Чифлик, Св. Петка и Нова Брезница, вели кандидатот за градоначалник на Општина Сопиште од ВМРО-ДПМНЕ, Стефче Трпковски. Посочува дека ќе продолжат со поголема динамика во третирањето на отпадните води со изградба на канализација за улиците 22 и 24 во Сопиште како и за населените места Ракотинци, Добри Дол, Горно Соње и Долно Соње. -Некаде направивме повеќе, некаде за жал помалку, но секогаш дадовме се од себе. Се уште имаме потреба од асфалтирање и подобрување на инфраструктурата во нашата општина. Во фокус е и нов план за подобрување на здравствената заштита на нашите граѓани како и изградба на трговски центар, спортска сала, детски забавни паркови и целосна нова технологија во уличното осветлување. Тоа се само дел од новите проекти кои ќе придонесат во подобрување на квалитетот на живот на нашите жители, вели Трпковски.

Изгаснат е пожарот во Ракотинци, Добри Дол и Долно Соње – екипите сепак ќе останат цела ноќ на терен

Дарко Андоновски — Thu, 05 Aug 2021 19:13:25 +0000

Градоначалникот на Сопшите Стефче Трпковски преку статус на Фејсбук пишува дека е изгаснат пожарот во Ракотинци, Добри Дол и Долно Соње. -Голема благодарност за посветеноста и пожртвуваноста на храбрите жители, изгаснати се пожарите во Ракотинци, Добри Дол и Долно Соње. Поради опасност од повторно избувнување на пожари во текот на ноќта ке имаме дежурни екипи и цистерни со вода, стои во неговиот пост на Фејсбук.

Силјановска во посета на Сопиште: Во Македонија авторитаризмот има име Заевизам, а од демократијата нема ниту траг

Дарко Андоновски — Mon, 04 Mar 2019 19:19:52 +0000

Kандидатот за претседател на Република Македонија, г-ѓа. Гордана Силјановска Давкова денес оствари посета со жителите на Општина Сопиште. Силјановска Давкова пред присутните граѓани истакна дека ова што го прави Зоран Заев, нарекувајќи го Заевизам ќе се проучува од страна на науката, додавајќи дека од демократијата во Република Македонија нема ниту трага. -Значи гледам сега некои анализи за Западниот Балкан, дали функционира или не демократијата во овие неколку години и без исклучок, вклучувајќи ја и Македонија се вели дека од демократијата нема ниту траг, дека авторитаризмот е силен. Во Македонија, авторитаризмот има име Заевизам ама тоа не значи само концентрација на власта во еден човек или во една група во него, туку значи многу повеќе. Значи дека претходно некој ја укинал поделбата на власта што е загарантирана во Уставот, законодавна извршна и судска, вели Силјановска Давкова. Таа додаде дека поделбата на власта на извршна судска и законодавна, не е случајна, туку напротив претставува една спрега, како што рече кочница за да не се мешаат овие три власти. Според Силјановска Давкова, Заевизмот во Република Македонија ја избришал оваа поделба и кочница со потпишување на Преспанскиот договор, односно како што рече таа склучување на меѓународни договори се во надлежност на Претседателот на државата, а не на министерот за надворешни работи. -Не случајно е поделбата е поделбата на власта, за да има секоја од трите власти, спрега, кочница во однос на другата власт. Значи Заевизмот од една страна значи укинување на спрегите и кочниците меѓу двете глави на извршната власт, претседателот, владата и премиерот. Претседателот целосно е отстранет, дури и од функции кои што се секогаш претседателски, како што е склучувањето на меѓународните договори, па видовте вие дека наместо Претседателот на државата, кој што со право ќе одбиеше да го склучи, го потпиша, го склучи министерот за надворешни работи, потенцираше Силјановска Давкова.