Општина Виница – Kurir.mk

Општините Кочани и Виница ќе доделат финансиска помош за настраданите од земјотресите во Турција

Катерина Бојаџиева — Wed, 08 Feb 2023 14:01:25 +0000

Општините Кочани и Виница ќе обезбедат хуманитарна помош за настраданите подрачја од земјотресите во Република Турција, а поддршката ќе биде парична, во рамки на буџетските можности на локалните самоуправи. Од Општина Кочани истакнаа дека на буџетската сметка има определено резервни средства за вонредни потреби што ќе се искористат како солидарна помош за турските граѓани. -Општинската админстрација подготви предлог-одлука за хуманитарна помош и таа ќе се биде на дневниот ред за седницата на Советот на Општината што ќе се одржи на 17 февруари. Одлука за висината на паричната помош ќе донесат советниците и очекуваме таа да биде едногласно усвоена. Буџетските можности се ограничени, но во вакви вонредни услови секоја помош е добредојдена, а ние ја изразуваме нашата искрена солидарност со настраданите граѓани на Турција, истакна Дејан Рашков, секретар на Општина Кочани. Од Територијалната противпожарна едница од Кочани ќе испратат една екипа со пожарникари и возило која ќе помага во помошта за расчистувањето на последиците од земјотресите. Во соработка со општинскиот Црвен крст од Кочани ќе се обезбеди потребната опрема за престој на отворено во актуелните временски услови за лицата кои ќе се вклучат во помошта. Активностите ги координира Дирекцијата за заштита и спасување, а се очекува кочанските пожарникари да бидат дел од третиот конвој солидарна помош што ќе биде испратен од Македонија. Градоначалникот на Виница, Миле Петков најави дека локалната самоуправа ќе се вклучи во обезбедувањето хуманитарна помош за турскиот народ и покрај скромните буџетски можности. До општинскиот Совет ќе биде доставена одлука за определување на износот финансиски средства што ќе бидат уплатени во солидарниот фонд.

Петков: Предлозите на граѓаните ќе бидат вметнати во буџетот, општина Виница продолжува со решавање на клучните проблеми

Ивана Ефремовски — Sat, 10 Dec 2022 15:26:43 +0000

Ние како општина сме во фаза на планирање на буџетот за 2023 година и во таа насока овој викенд како и претходниот имаме отворени средби со граѓаните се со цел граѓаните да ги дадат своите предлози и идеи за да можеме да ги вметнеме во буџетот и да ги реализираме во наредната година, рече Миле Петков, градоначалник на Виница. Еве што порача тој: „Граѓаните го бараат она што им е најпотребно, водоводна и канализациона мрежа онаму каде што нема, улици и патишта. Генерално тоа се главните проблеми со кои се соочуваат граѓаните и ние во нашата програма за 23-та година имаме предвидено изградба и реконструкција на водоводна и канализациона мрежа во населените места, а исто така имаме и реконструкција и изградба на улици во градот Виница и во населените места. Ние во текот на наредната година ќе продолжиме со реализација на проектите кои што се веќе започнати и имаме склучено договори за изградба и реконструкција на улици во вредност од 9 милиони денари кои што се во тек на градба, а исто така имаме склучено договори за поплочување на улици и тротоари во вредност од 4,5 милиони денари кој исто така е во тек. Исто така ќе продолжиме со реализација проектите за кои што веќе имаме склучено договори, а тоа е изградба на локален пат Блатец-Детлово во должина од 3 километри. Потоа имаме реконструкција на сината сала во домот на културата, а исто така имаме и изградба на термо-изолациона фасада и изградба на лифт на општинската зграда. Тоа се проекти кои што се обезбедени од домашни извори на финансирање со кофинансирање на општина Виница“.

СЛЕДНИТЕ ГЕНЕРАЦИИ ЌЕ БИДАТ БЛАГОДАРНИ: Исчистена депонијата во с. Блатец, виничко

Катерина Бојаџиева — Sat, 12 Nov 2022 11:42:21 +0000

Кога се’ има визија и се’ сака тогаш сите предизвици може да се надминат. Градоначалникот на општина Виница е типичен пример на посветен човек кој што своите ветувања ги преточува во вистински плодотворни проекти кои што во огромна мера го подобруваат животот на граѓаните на Виница и тоа во сите населени места во општината. Врз основа на неговите политички определби, програма за работа и заложбите на неговиот тим градоначалникот Миле Петков бескомпромисно влезе во борбата за обезбедување на чиста животна средина за жителите на Виница и поширокиот регион. Депонијата во селото Блатец е веќе исчистена од страна на надлежните служби, а во сериозен прогрес е и постапката за чистење на депонијата во село Истибања. Чистењето на овие депонии следува по третманот на депонијата во село Лески и на неколку други локации низа населените места во општината. Ваквата посветеност за реализација на овие активности од страна на градоначалникот е сериозен мотив за граѓаните де се придружат на оваа кампања за справување со загадувањето во општината и соответен третман на отпадот од домаѓниствата, -Депонијата во с.Блатец е исчистена, 3000м3 кубни отпад беше отстранет, просторот порамнет и наредниот период следува негово озеленување. -Моментално се работи на отстранување на отпадот на дивата депонија во с.Истибања. Потоа исто така и овој простор ќе биде уреден и озеленет.” -информираше денеска во јавност градоначалникот на Виница Миле Петков. Извор: Брегалнички.мк

Петков: Се чисти депонијата во село Лески

Магдалена Андонова — Tue, 12 Apr 2022 15:46:50 +0000

Со помош на градежна механизација од Винербергер се чисти депонијата во с.Лески, информираше градоначалникот на Виницам Миле Петков преку својата официјална Фејсбук страница. Тој додаде дека веднаш штом ќе биде исчистена и порамнета, ќе биде третирана со природни алги за гасење на подземни гасови.

Петков: Општина Виница ја затекнав со огромни долгови но за краток рок успеавме да го стабилизираме ЈП „Солидарност“ и да започнеме со реализација на многу од ветените проекти

Тале Кристо — Tue, 15 Feb 2022 12:32:12 +0000

На денешниот регионален отчет „Промени што носат иднина - 100 дена локална власт отчет на ВМРО-ДПМНЕ“ кој што се одржа во Кочани свое обраќање имаше градоначалникот на општина Виница, Миле Петков кој што истакна дека општината ја затекнал со огромни долгови но за краток рок успеале да го стабилизираат ЈП „Солидарност“ и да започнат со реализација на многу од ветените проекти. -Кога стапив на функцијата градоначалник на општина Виница затекнав општина со вкупен долг од 55 милиони денари и неплатени обврски за извршени услуги кои секојдневно достасуваа за наплата. Затекнавме и нефункционално Јавно Претпријатие со долг од 23 милиони денари и Јавно Претпријатие кои со месеци не можеше да исплаќа плата за вработените. И покрај проблемите со кои се соочувавме успеавме да се справиме со напливот на неплатени фактури кои пристигнуваа и на краток рок финансиски да го стабилизираме ЈП „Солидарност“, истакна Петков. Миле Петков во своето обраќање ги наброја проектите кои што ги реализирале во првите 100 дена од доаѓањето на функцијата градоначалник на општина Виница. -Во првите 100 дена проекти кои што успеавме да ги реализираме и спроведиме: се дорегулација на речното корито на Градечка река, изградба на улица во село Градец, реконструкција на улица Кирил и Методиј и дел од улица Никола Карев во Виница. Доградба на филтер станицата за вода во Виница, реконструкција на водоводната мрежа во село Блатец, санација на градската депонија кај село Лески. Проекти во фаза на реализација, реконструкција на домот на културата Тошо Арсов во Виница. Изградба на затворен гратски пазар во Виница, реконструкција на водоводната мрежа во Виница во должина од 1270 метри, изградба на канализација во Виница во должина од 260 метри, изработка на техничка документација за поврзување на канализацијата во Виница и селата Истибања, Јакимово, Градец , и Лески на прочистителна станица за отпадни води во село Бојанци. Изработка на техничка документација за изградба на канализација на најфрекфрентните сообраќајници во Виница. Реконструкција на санитарните јазли во средното општинско училиште Ванчо Прке Виница, изградба на сензорна соба во детската градинка Гоца Делчев -Виница, нагласи Петков. Градоначалникот на општина Виница, Миле Петков ги наброја проектите кои што ќе ги реализира до крајот на годината. -Проекти кои што планираме да ги реализираме до крајот на година се: реконструкција на локален пат Блатец-Детлово, термоизолациона фасада ии зградба на лифт на зградата на општина Виница, крпење на ударни дупки во градот и локалните села, хоризонтална и вертикална сигналзација, поплочување на улици и тротоари во Виница и населените места изградба на спортски терени во селата Градец, Трсино и Пеклино, асфалтирање на крак на улица Кирил и Методиј, реконструкција на улиците Страшо Пенџур, Славчо Стојменски, изградба на улици во селата Јакимово, Црн Камен, Градец, Блатец Истибања, трсино, Пеклино, и Лепец. Реконструкција на локални патишта во селата Калиманци, регулација на речните корита на Градечка и Виничка река и тн. Почитувани промените се случуваат, проектите се повеќе ќе бидат видливи и сите оние кои што ги ветивме на граѓаните ќе ги реализираме во целост. Сите заедно да создадеме нова иднина, нагласи Петков.

Градоначалникот на Виница одржа состанок со координативното тело за зимско одржување на патиштата

Магдалена Андонова — Wed, 01 Dec 2021 14:51:21 +0000

Денес одржавме состанок со координативното тело за зимско одржување на патишта на кој беа презентирани и разгледани оперативната програма за одржување на патишта на Македонија пат и програмата за зимско одржување на ЈП Солидарност, стои во Фејсбук статусот на Миле Петок, градоначалникот на Општина Битола. Тој информираше и дека на состанокот присуствуваа преставници од Локалната самоуправа, МВР, ЈП Солидарност и државниот инспектор за патишта.

Петков: Нова автобуска станица во Виница и нова викенд населба на Плачковица

Ивона Петрова — Mon, 04 Oct 2021 08:31:51 +0000

Кандидатот за градоначалник на Општина Виница од ВМРО-ДПМНЕ, Миле Петков денеска презентира два проекти од програма. -1Прво, изградба на нова автобуска станица за локален, меѓуградски и меѓународен сообраќај, којашто е предвидена согласно ДУП односно на просторот помеѓу Здравствен Дом Виница и бензинската пумпа на „Дади компани“. Реализацијата на овој проект ќе значи и отворање на нови работни места, подобрена сообраќајна инфраструктура и поврзаност. На сегашниот простор наменет за запирање на автобусите ќе изградиме современ паркинг простор со што ќе ја подобриме состојбата со паркирањето во Виница, вели Петков. Посочи дека овој дел од централното градско подрачје ќе добие нов урбан лик, осветлен и хортикултурно уреден. -Второ, на планината Плачковица во место викано Маринково ќе донесеме план за изградба на туристичка и викенд населба за изградба на викенд куќи и хотелски комплекси со што ќе се овозможи развој на планинскиот туризам. Планината Плачковица и врвот Лисец се омилена дестинација за рекреација и кампување на голем број на граѓани. Тука има голем потенцијал за развој на планинскиот туризам и затоа оваа дамнешна желба на граѓаните на Општина Виница, ќе стане реалност. Ќе донесеме урбанистички план, со што физичките и правните лица ќе имаат можност да добијат градежни парцели за изградба на викенд куќи и хотелски комплекси. За пристапот до туристичката и викенд населба ќе извршиме и рехабилитација на патниот правец од с. Градец. објасни Петков. Кандидатот нагласи дека секој еден проект од изборната програма е добро осмислен, реален и е резултат на потребите и барањата на Вас граѓаните на општина Виница. Затоа на 17-ти октомври ја бараме Вашата поддршка за промени, проекти, победи.

Петков: Виница има потенцијал за сериозен развој, време е за промени

Ивона Петрова — Sat, 02 Oct 2021 10:46:35 +0000

Виничани се вредни луѓе, си помагаме, соработуваме, затоа и успеваме, вели кандидатот за градоначалник на Општина Виница од ВМРО-ДПМНЕ, Миле Петков. -Ќе изградиме нов булевар и автобуска станица, а на местото на старата нов модерен паркинг. Младите ќе добијат шанса за современ и економичен дом, за да останат тука во родниот град. Комуналните проблеми ќе биат решени, а Виничка река ќе биде омилено место за рекреација, посочува тој. Петков вели дека ја знае секоја педа од градот и дека имаат потенцијал за сериозен развој. -Дајте шанса за новите инвестиции и новите работни места. Време е за промени, им порача Петков на сограѓаните.

Петков: Создаваме нова иднина – Ветувам дека Виница ќе добие нова индустриска зона за мало стопанство и изградба на нова автобуска станица, време е за реални проекти

Магдалена Андонова — Thu, 30 Sep 2021 17:30:08 +0000

- Овие избори не се обични локални избори, од овие избори зависи по кој пат ќе тргне Република Македонија. Дали ќе продолжиме по патот кој го трасира оваа нелигитимна влада, а тоа значи променето име на државата, загрозен идентитет и јазик, загрозени земјоделци, обесправени пензионери, исплашена администрација, несигурни студенти, демотивирани инвеститори, невработени без надеж, истакна кандидатот за градоначалник на општина Виница, Миле Петков на вечерашниот митинг. Петков истакна дека изминатите четири години граѓаните се сведоци на континуирано пропаѓање на општината во сите сегменти на живеењето. Виница го изгуби сјајот и не го искористи потенцијалот да биде место во кое граѓаните ќе сакаат да останат да живеат, наместо да се иселуваат. Граѓаните на општина Виница од оваа локална власт добија само големи разочарувања. - Во соработка со вас граѓаните, користејќи ги вашите идеи и сугестии изготвивме програма со конкретни проекти во кои секој од вас може да се пронајде. Ние презентираме програма со приоритети и точно утврдени рокови. Од вас бараме подршка и доверба за да ја реализираме нашата програма, рече Петков. Петков посочи дека како градоначалник во наредните 4 години ќе работи неуморно, за Виница да биде убаво и посакувано место за живеење, општина на среќни и задоволни граѓани, општина без корупција, економски моќна, уредена и чиста, вистински сервис на граѓаните, општина со која сите ќе се гордеат. - Решавањето на инфрастуктурните проблеми на граѓаните ќе биде мој приоритет. Ќе ги донесеме сите урбанистички планови за градот и населените места што е основа за идниот развој на општината. Ќе изградиме водоводна и канализациона мрежа онаму каде што се уште нема. Ќе ја подобриме сообраќајната инфраструктура во градот и во населените места. Ќе ја подигнеме хигиената во градот на повисоко ниво, вети Петков. Петков рече дека се обврзува на изградба на нова индустриска зона за мало стопанство, изградба на нова автобуска станица, изградба на булевар на влезот во Виница, оформување на нова зона за семејни куќи по почетна цена од 1 евро/м2.Исто така вети поврзување на градската канализација и канализацијата во с. Истибања, с. Јакимово, с. Градец и с. Лески на пречистителна станица за отпадни води. Во програмата на Петков се предвидува и изградба на туристичка и викенд населба на планината Плачковица, конечна реализација на проектот затворен градски пазар, уредување на речните корита на Виничка и Градечка река и промоција на проектот за изградба на Спа комплекс во Топлички рид во близина на с. Истибања. - Време е Виница да одбере реални проекти наместо празни ветувања, способни и исполнителни личности наместо оние кои ги ставаат личните интереси пред вашите. Јас и мојот тим се обврзуваме дека нема да потпаднеме под било какви притисоци и дека нема да се откажеме од нашата визија за подобра и просперитетна Виница. Заедно со вас ќе створиме подобри услови за работа и живот на сите затоа што општина Виница е за сите луѓе, нагласи Петков.

Петков: Ќе ги посетиме сите домови во Виница и одблиску ќе им ја презентираме нашата програма на граѓаните

Магдалена Андонова — Wed, 29 Sep 2021 20:04:44 +0000

Миле Петков, кандидатот за градоначалник на ВМРО-ДПМНЕ за општина Виница, на својата официјална Фејсбук страница напиша дека денеска заедно со пратеничката Даниела Христова, членот на ИК на ВМРО-ДПМНЕ Иван Иванов, носителот на советничка листа Саше Апостолов и кандидатите за советници официјално ја започнале акцијата „Од врата до врата“. Тој во својата објава нпосочи дека ќе ги посети сите домови во општина Виница и така ќе им ја презентира програмата и проектите кои тој ги нуди за Виница.