општини – Kurir.mk

Мицкоски: И покрај тоа што владата на ДУИ и СДС ги казнуваат општините кај што победи ВМРО-ДПМНЕ, сепак сме сведоци на голем број проекти

Ивана Ефремовски — Sat, 02 Sep 2023 12:36:54 +0000

За кратко време денеска повторно сме во Прилеп и можеме да сведочиме на навистина еден проект кој веќе е на половина, а тоа е реконструкција и рехабилитација на улици во Општина Прилеп. Како што кажа и градоначалникот, тоа е исклучително важен проект бидејќи некои од тие улици повеќе децении воопшто не биле дел од било каква реконструкција односно биле комплетно заборавени и еве сега на овој начин се овозможува да може граѓаните да имаат подобри услови за живеење што е многу значајно, истакна денес лидерот на ВМРО-ДПМНЕ, Христијан Мицкоски.

-Истовремено како што кажа и градоначалникот Борче Јовчески, тоа што е важно е што во населеното место Канатларци воведен е изведувачот во работи и отпочната е изградба на нова водоводна мрежа со која ќе се зголеми потенцијалот, односно дотокот на вода во самото населено место, што сега претставува навистина голем проблем на жителите во оваа населено место. Но не е само тоа, продолжуваат и оние тековни активности, меѓу кои и културните активности, еве самиот градоначалник ги покани прилепчани и луѓето од околината и цела Македонија да ни се придружат овие неколку дена почнувајќи од вчера, денес и утре да бидат дел од Пивофест и на тој начин сите заедно барем неколку часа да заборавиме на сето она коешто претставува наш сериозен проблем, рече тој. Мицкоски потенцира дека власта на ДУИ и СДС ги притискаат и гледаат што повеќе граѓаните на тие општини да ги казнуваат затоа што на локалните избори во 2021 година гласале за коалицијата предводена од ВМРО-ДПМНЕ. -Добро е што се работи, многу е важно затоа што не смееме да ја заборавиме тука улогата на централната власт на ДУИ и СДС, која сите оние општини кои има градоначалник од ВМРО-ДПМНЕ, гледаат што повеќе да ги притискаат и што повеќе граѓаните на тие општини да ги казнуваат затоа што на локалните избори во 2021 година гласале за коалицијата предводена од ВМРО-ДПМНЕ и градоначалниците кои се од редовите на коалицијата. Тие се буквално заборавени и ако може дополнително да ги оптерат со некои други работи, тие тоа го прават само за да администрацијата, градоначалниците, делуваат беспомошно, односно на тој начин тие всушност и кажуваат самите граѓани во тие општини.

Но, за среќа набргу од сега за неколку месеци ќе има нова влада предводена од ВМРО-ДПМНЕ којашто во сите општини во Македонија подеднакво ќе инвестира без разлика дали е градоначалник од ВМРО-ДПМНЕ, СДС, ДУИ, од некоја друга од политичките партии или независен и тоа ќе биде основен проект кој ќе биде мнгу значаен за новата влада на ВМРО-ДПМНЕ, а и минатиот пат кога бев во Прилеп кажав и ќе повторам дека планираме капитални инвестиции кои директно ќе бидат инвестирани од буџетот да бидат помеѓу 8 и 8,5 милиони евра на годишно ниво, што би значело за еден 4 годишен мандат околу 32 до 34 милиони евра, капитални проекти за општина Прилеп и за граѓаните. Нешто што досега не се случувало и тоа ќе биде еден дополнителен ветар во грб за тие оние кои работат овде во Прилеп. Тоа е надвор од буџетот на самата општина, тоа ќе бидат проекти финансирани од страна на централниот буџет.

Сакам уште еднаш да му честитам на градоначалникот, на советниците, администрацијата, пратениците, кои во рамки на парламентот грчевито се борат да обезбедат амандман плус, но за жал владата е таква каква што е, често ги одбива тие амандмани. Се борат за да додадат вредност и да го направат Прилеп подобри услови за живеење на самите прилепчани и така треба продолжиме во периодот кој следи.

Да работиме чесно, да работиме храбро и посветено затоа што само така може да не биде. И така можеме да направиме разлика од овие во владата на ДУИ и СДС кои крадат и тие кои градат, а во случајот се сите оние луѓе кои навистина си го сакаат Прилеп и општините во Македонија.

Делови од неколку скопски општини без струја

Тале Кристо — Wed, 10 May 2023 05:47:55 +0000

Заради технички зафати во дистрибутивната електро мрежа денеска без електрична енергија ќе останат дел од корисниците од општините Кисела Вода, Аеродром, Сарај, Ѓорче Петров и Сарај, соопштуваат од РЦУК - Скопје. Во периодот од 08:00 до 15:00 часот без напојување со електична енергија ќе бидат корисниците од објектот на „АДОРА Флет Ајрон“ лоциран на ул. „Борис Трајковски“, Општина Кисела Вода. Во периодот од 09:00 до 10:00 часот без струја ќе останат корисниците ул.„Горно Лисиче“ лоцирани спроти објектот на основното училиште, во Општина Аеродром. Во периодот од 09:00 до 12:00 часот струја ќе немаат корисниците од селата Радуша, Орашје и Дворце, како и објектите на космофон Рашче, космофон Радуша и караула Радуша, Општина Сарај. Од 09:30 до 15:00 часот без струја ќе останат корисниците од објектите лоцирани околу паркингот на АРМ до кружниот тек во населбата Влае, гостилница Убац, како и објектите лоцирани на калдрмата до новата зграда, Општина Ѓорче Петров. Без напојување со електична енергија од 13:00 до 15:00 часот ќе бидат и корисниците од селата Горно и Долно Свиларе, Општина Сарај.

Албин Курти изнесе шест услови за формирање на Заедницата на српски општини

Ристе Здравков — Thu, 02 Feb 2023 12:10:10 +0000

Премиерот на Приштина, Албин Курти, денеска на седницата на Собранието во Приштина презентираше шест услови за формирање на Заедницата на српски општини (ЗСО), пренесува „Репортери“. 1. ЗСО мора да биде во согласност со уставот и законите на Косово. 2. ЗСО не може да биде еднонационална, мора да го смени името и да служи само за хоризонтална соработка на општините. 3. Правата на националните малцинства и соодветните заштитни механизми треба да го зајакнат принципот на реципроцитет меѓу, како што наведе, „двете држави“ и да ги земат предвид европските стандарди и модели. 4. Пред формирањето на ЗСО, мора да се изгаснат „нелегалните структури на Србија на север“, како што наведе тој, и да се предаде целото нелегално оружје. 5. ЗСО мора да биде дел од конечниот договор и да се спроведува по, како што вели, „взаемното признавање“. 6. Услов на Курти е претседателот на Србија да ги повлече писмата испратени до највисоките функционери на петте земји членки на ЕУ кои не ја признаваат самопрогласената независност на Косово, во кои бара тие држави да не ја прифатат апликацијата на Приштина за членство во ЕУ, пренесува „Танјуг“.

ВМРО-ДПМНЕ: Капиталните инвестиции се фокусот на општините од Пелагонискиот регион

Тале Кристо — Wed, 23 Nov 2022 18:11:52 +0000

Капиталните инвестиции и мерките за ублажување на ефектите од енергетската криза во фокусот на општините од Пелагонискиот регион. Размена на искуства и идеи со цел подобро планирање на општинските буџети, како и мерки за ублажување на ефектите од светската економска и енергетска криза беа главни теми на кои се дискутираше на регионална средба и трибина на општините од Пелагонискиот плански регион. На средбата, која што се одржа вчеравечер во Битола, учество зедоа претставници на локалната самоуправа од општините каде градоначалниците и мнозинството во Советот се од ВМРО-ДПМНЕ, поточно од општините Битола, Прилеп, Ресен, Могила, Новаци и Демир Хисар, како и претставници на повеќе комисии на ВМРО-ДПМНЕ.

На општините и на Град Скопје им се забранува основање ЈП за јавно осветлување

Магдалена Андонова — Sun, 30 Oct 2022 14:39:49 +0000

Со цел да се спречи злоупотреба и манипулации при обезбедување на универзална услуга на пазарот на електрична енергија, Владата донесе одлука со која на општините и на Градот Скопје им се забранува да основаат јавно претпријатие, друштво со ограничена одговорност или акционерско друштво за вршење дејност од јавен интерес, јавно осветлување, изјави на денешната прес-конференција премиерот Димитар Ковачевски, по седница на Влада. Тој потенцираше дека одлуката е донесена поради тоа што, како што рече, сознанијата велат дека општините основале јавни претпиријатија или дејности, јавно осветлување или ја доделиле на постоечки јавни претпријатија. – Тоа што го кажавме на почетокот на годината веќе се признава и од страна на одредени градоначалници. Имаме носено одлуки во Совети на одредени градови каде што е направена штета во првите шест месеци во вредност од 30 милиони евра и тоа требаше да биде на грбот на граѓаните, појасни министерот за економија Крешник Бектеши за одлуката. (МИА)

Општините во септември заштедиле 29 отсто струја, Арачиново со најголема потрошувачка

Ивона Петрова — Wed, 19 Oct 2022 10:37:44 +0000

Општините за вкупно 29 отсто ја намалиле потрошувачката на електрична енергија во септември, споредено со истиот месец претходната година, соопшти денеска министерот за економија Крешник Бектеши. Како што рече Бектеши, презентирајќи ја анализата за рационална потрошувачка, од 81 општина, 25 не постигнале заштеда од 15 отсто, а останатите 56 општини успеале да направат заштеда поголема од 15 отсто. Притоа, најмногу отстапува Арачиново со значително поголема потрошувачка отколку септември минатата година. -Најмногу со поголема потрошувачка отстапуваат Арачиново, Гостивар и Свети Николе. Останатите што не ја постигнале заштедата од 15 отсто се во ранг од 40 до 13 отсто, информира Бектеши.

Утре без струја повеќе скопски села и улици, а без вода неколку улици од Центар и Карпош

Тале Кристо — Tue, 07 Jun 2022 15:47:00 +0000

Регионалниот центар за управување со кризи на Скопје, по добиеното известување од ЕВН, ги известува граѓаните дека: Заради технички зафати во дистрибутивната електро мрежа, на ден 08.06.2022 година ( среда ) , без електрична енергија ќе останат следните корисници: • Од 05:00 до 09:00 часот, корисниците од дел од ул. Борис Трајковски, ( фирмите во нас. Пинтија ) . ( општина Кисела Вода); • Од 05:00 до 09:00 часот, дел од корисниците од с. Батинци и с. Љубош. (општина Студеничани); • Од 08:30 до 14:00 часот, корисниците од дел од с. Горно Соње, (место викано Мајсторец). (општина Сопиште); • Од 08:30 од 13:00 часот, дел од корисниците од ул. Иван Мештровиќ, од бр.1 до бр.31, непарните броеви. (општина Кисела Вода) • Од 09:00 до 15:00 часот, корисниците од ул. Женевска ул. Хашка и ул. Душко Бојковски (општина Карпош); • Од 12:00 до 14:30 часот, дел од корисниците од с. Маркова Сушица. (општина Студеничани); ------------------------------------------------------------------------------------------------------------------------------------------------------------------ Регионалниот центар за управување со кризи на Скопје, по добиеното известување од ЈП Водовод и канализација, ги известува граѓаните дека: на ден 08.06.2022 година, (среда ) •Поради зафати во водоводната мрежа, (стопирање на стар приклучок) на ул. Бриселска бр. 18А, од 10:00 часот до завршување на интервенцијата, прекинато водоснабдување ќе имаат корисниците од улиците: Бриселска, Софиска, Његошева, Копенхагенска и Стокхолмска. (Општина Карпош) •Поради отстранување дефект на водоводна мрежа со пречник од ф-80 мм на ул. Златко Шнајдер бр. 10, од 09:00 часот до завршување на интервенцијата, прекинато водоснабдување ќе имаат корисниците од дел од ул. Златко Шнајдер. (Општина Центар)

Мисајловски: Ако ВМРО-ДПМНЕ е централна власт, многу повеќе ќе им се помага на општините

Тале Кристо — Fri, 27 May 2022 20:46:25 +0000

Одговарајќи на прашањето дали ВМРО-ДПМНЕ инсистира на брзи избори плашејќи се од лоши резултати на дел од градоначалниците, партискиот потпретседател Владо Мисајловски рече дека во ваква ситуација за општините ќе биде многу полесно доколку централната власт е во рацете на ВМРО-ДПМНЕ Во општините има големи проблеми, некои од градоначалниците се соочуваат со големи долгови и немаат како да ги вратат средствата. На пример, во Ѓорче Петров имате преку 2,5 милиони долг и сето тоа мора да се менаџира со централната власт, изјави потпретседателот на ВМРО-ДПМНЕ, Владо Мисајловски, во емисијата „360 степени“ на ТВ Алсат. -Никој од градоначалниците на ВМРО-ДПМНЕ не бега од одговорноста што ја презел и секој од нив ќе се обидува да си ги реализира проектите. Сепак, од централната власт нема доволно средства за капитални проекти бидејќи слушнавме дека сега со овој ребаланс ќе крателе 100 милиони за непродуктивни трошоци. Зошто не им дадоа по еден милион во секоја општина да се направеше по една градинка,праша Мисајловски. Тој посочи и дека во ваква ситуација за општините ќе биде многу полесно доколку централната власт е во рацете на ВМРО-ДПМНЕ, одговарајќи на прашањето дали неговата партија инсистира на брзи избори плашејќи се од лоши резултати на дел од градоначалниците. -Без разлика дали едното со другото е поврзано или не, предвремените парламентарни избори и локалната самоуправа, верувајте дека многу повеќе ќе им се помага на сите општини доколку ВМРО-ДПМНЕ е на чело на централната власт. Тоа што со месеци ЗЕЛС бараше средба со Владата е тотален апсурд. Владата со месеци не сакаше да разговара со градоначалниците кои се одговорни за милион луѓе и, на крај, кога се одржа таа средба, немаше никаков бенефит, рече Мисајловски.

Обновување и унапредување на прекугранична соработка меѓу општините и бизнис заедницата

Тале Кристо — Fri, 27 May 2022 14:37:57 +0000

Во организација на регионалната стопанска комора со седиште во Битола, денес во с.Стење се одржа работна средба на која присуствуваа претставници на општините Лерин, Аминдео и Преспа, како и претставници на коморите од Лерин и Пела од Република Грција, информираат од општина Битола. Тема на средбата беше: Обновување и унапредување на прекуграничната соработка во пост – ковид периодот меѓу општините и бизнис заедниците во преспанско – пелагонискиот регион во прекуграничните области на Република Македонија и Република Грција. На покана на претседателот на регионалната комора од Битола, Мирко Велковски, на работниот состанок присуствуваше и градоначалникот на општина Битола, Тони Коњановски, кој во своето обраќање пред присутните ги потенцираше можностите кои ги има Битола за нови инвестиции, како и очекувањата за економски напредок и нови инвеститори во градот. На средбата беа разменети искуства од досегашната соработка, а посебно беше ставен акцент и на идните планови за развој и продлабочување на прекуграничната соработка, особено во областа на енергетската ефикасност и заштитата на животната средина, се вели во соопштението од општината.

ПAНИКА ВО ЦРНА ГОРА: Дојави за поставени бомби во повеќе училишта и општини, евакуирани ученици и вработени

Магдалена Андонова — Wed, 27 Apr 2022 07:59:34 +0000

Утрово дојави за бомби пристигнаа на адреси на неколку училишта во повеќе градови во Црна Гора. Закани стигнаа и на адреси на општините. Црноготското министерство за образование за АА соопшти дека наставата во тие училишта е прекината, а учениците и вработените се евакуирани. Според нив, Министерството е во постојана координација со службениците на Полициската управа. Тие додаваат дека заканата од бомби стигнала до основното училиште „Саво Илиќ“ во Котор, до училиштата „Блажо Јоков Орландиќ“ и „Анто Ѓедовиќ“ во Бар. Дојави за бомби добија и основните училишта „Вук Караџиќ“ и „Радомир Митровиќ“ во Беране, како и основните училишта во Петњица, Андријевица, Плав и Гусиње. Дојави за бомби стигнаа и до основните училишта во Никшиќ и Колашин. Полициската управа соопшти дека нивни припадници утрово ги обезбедуваат училиштата во кои пристигнале заканите за поставените бомби, вршат контрола и увид во објектите. - Полицијата презема безбедносни мерки во училиштата во некои градови во врска со дојавите по електронска пошта за сетот експлозивни направи утринава, како и активностите за проверка на овие наводи, велат од Управата на полицијата. Се наведува дека управите и наставниот кадар на училиштата ги известиле родителите и дека активно соработуваат со полицијата. - Потребно е родителите да продолжат да бидат во комуникација со наставниот кадар и управите на училиштата за да продолжи наставниот процес по завршувањето на полициските активности, се вели во соопштението. Закани за наводно поставени експлозивни направи утринава пристигнале на адресите на општините Никшиќ, Бар и Беране, пишува Вјиести.ме. Порталот Једро објави дека е евакуирана зградата на општина Бар, во која се сместени и судот, обвинителството, како и партиски простории. Претседателот на општина Никшиќ ги повика граѓаните на смиреност, пишувајќи на Фејсбук дека е „страшно некој на ваков начин да се заканува со човечки животи“. - Како и во неколку основни училишта, така и општина Никшиќ доби дојава за поставена бомба со закани дека ќе бидат загрозени човечки животи. Веднаш постапивме за евакуација на луѓето од зградата, во соработка со ЦБ Никшиќ, рече Ковачевиќ. Тој рече дека последен ја напуштил зградата на Општината, откако сите вработени биле евакуирани. - Очекуваме властите да го направат својот дел и да видиме што ќе биде понатаму. Се надевам дека до утре ќе добиеме информација дека зградата е безбедна и дека ќе можеме да се вратиме на работа, рече Ковачевиќ. И во Беране е евакуирана зградата на локалната самоуправа. Претседателот на општината Тихомир Богавац за „Вијести“ изјави дека објектот е евакуиран согласно препораките на полицијата. - Тие преземаат мерки и дејствија од нивна надлежност, рече Богавац.