ораторска вечер – Kurir.mk

По дванаесетти пат се одржа традиционалната Ораторска вечер Петар Поп Арсов во организација на УМС ВМРО-ДПМНЕ Велес

Магдалена Андонова — Tue, 25 Oct 2022 20:34:23 +0000

Вечерва по дванаесетти пат се одржа традиционалната Ораторска вечер Петар Поп Арсов во организација на УМС на ВМРО-ДПМНЕ ОК Велес. Овогодинешниот победник е Лина Рангелова, второпласирана е Мартина Стаменкова и третопласирани Мартина Ефремовски. Претседателот на УМС Велес Стефан Тодевски беше организатор на истата. УМС ВМРО-ДПМНЕ Велес ги охрабруваат сите млади Македонци да го кренат својот глас за подобра иднина! - Носењето на одлуки не е само работа на постарите, носењето на одлуки е и наша обврска, но и чин кој не обврзува и учи на одговорност. Силата и визијата е во младите и мораме заедно да ја искористиме, движејќи се по патот кој ни го трасираше Поп Арсов со неговите другари. Да е вечна Македонија! Да е вечна Унијата на Млади сили, посочуваат од УМС Велес.

Нинослав Нанков со „Црни Тоги“ победник на Ораторската вечер ,,Иво Пухан”

Ивона Петрова — Fri, 07 Dec 2018 12:09:21 +0000

На Правниот факулет „Јустинијан Први“ при Универзитетот „Св. Кирил и Методиј“ во Скопје, вчера вечерта се одржа XXII-рата Ораторска вечер ,,Иво Пухан”. Ораторската вечер е традиционална манифестација на Факултетот што се спроведува како натпревар по говорништво. Во финалето настапија 10 говорници, студенти на различни факултети на Универзитетот. За победник беше прогласен апсолвентот на правни студии Нинослав Нанков, кој учествуваше со говорот на тема “Црни Тоги” - текст со критична содржина за актуелните состојби во македонското правосудство. Второто место го освои Стефан Солев, студент на Економскиот факултет, со говорот на тема “Сонце на залез, Пиреј во мраз”, додека третото место го делеа студентките на Правниот факултет Моника Пеичева со говорот на тема “Жени лидери” и Етина Ливарека со говорот на тема “Жед за знаење, љубов и мир”. Наградата за најдобра интерпретација “Бранко Ѓорчев” ја освои Моника Пеичева. По објавениот Повик за пријавување, кој беше отворен за сите студенти на УКИМ, се пријавија 32 кандидати, од кои 19 учествуваа во полу-финалето. Десетте финалисти беа одбрани за учество во финале од страна на жири-комисија. Секој пријавен кандидат работеше со свој ментор, а како ментори учество земаа: Проф. Д-р Гордана Силјановска- Давковка, Проф. Д-р Владо Бучковски, Проф. Д-р Татјана Петрушевска, Проф. Д-р Александра Максимовска-Стојкова, Проф. Д-р Гоце Наумовски, Доц. Д-р Есин Кранли-Бајрам како и Асс. М-р Тимчо Муцунски. Сите финалисти исто така работеа на своите говорнички вештини заедно со актерот Дејан Лилиќ. Традиционлано, покровител на XXII Ораторска вечер „Иво Пухан„ беше Евролинк Осигурување АД Скопје, а семејството Костовски преку свои претставници учествуваше во жири-комисијата на финалната вечер.

Дваесет и втора Ораторска вечер на Правниот факултет

Ивона Петрова — Thu, 06 Dec 2018 06:51:10 +0000

На Правниот факултет „Јустинијан Први“ – Скопје при Универзитетот „Св. Кирил и Методиј“ денеска ќе се одржи 22-та Ораторска вечер „Иво Пухан“. Ораторската вечер, како и конференција на тема „Право, правда и политика во современиот демократски контекст“ што ќе се одржи на 10-ти овој месец, се одбележува Мешународниот ден на човекови права – 10 Декември, што е истовремено и Ден на факултетот. Оваа година Факултетот ја одбележува и 25 годишнината од основањето на политичките студии. На финалето на Ораторската вечер ќе настапат 10 говорници, студенти на Универзитетот Св. Кирил и Методиј. МИА

Галерија: Во Велес одржана ораторска вечер во организација на УМС на ВМРО-ДПМНЕ

Предраг Кукиќ — Thu, 25 Oct 2018 20:46:07 +0000

Вечерва во Велес се одржа десеттата ораторска вечер во организација на УМС на ВМРО-ДПМНЕ Велес. На манифестацијата се обрати и претседателот на УМС Лука Кржалоски, по што говорниците ги имаа своите настапи. На најдобрите говорници им беа доделени плакети. На ораторската вечер беа присутни Генералниот секретар на ВМРО-ДПМНЕ Игор Јанушев и членот на ИК на ВМРО-ДПМНЕ Тони Михајловски.