орце ѓорѓиевски – Kurir.mk

Ѓорѓиевски: После 50 години нови улици во населбата 11 Октомври Бараки

Ивона Петрова — Wed, 01 Nov 2023 11:58:55 +0000

Градоначалникот на општина Кисела Вода Орце Ѓорѓиевски, денес присуствуваше на започнување на градежните активности во населбата 11 Октомври Бараки за реконструирање на улиците. Овие улици се реконструираат после речиси пет децении. Населбата добива и нови паркинг места, детско катче како и кошаркарско игралиште. - Денес сме во населбата 11 Октомври Бараки, односно во делот на т.н. Дивоградби каде што, по сведоштвата на жителите на овој дел од Кисела Вода, нови улици добиваат после пет децении. Пет децении лажни ветувања, пет децении само и само лажна надеж пред секои избори и поплавени куќи при секој дожд, беа зборовите со кои ме пречекаа. Јас ветив и денес сум тука да го исполнам мојот збор. Оваа голгота останува само едно бледо сеќавање, трите краци на булеварот ,,Борис Трајковски” добиваат нови паркинг места, детско катче за најмладите жители тука, кошаркарско игралиште и нови улици на површина од 1620 метри квадратни. Со овој зафат, се решава целата населба со реконтруирана патна инфраструктура. Моите заложби за модерна општина Кисела Вода по мерка на мојот народ остануваат високо на листата на моите приоритети. Продолжуваме со засилено темпо, онолку колку што ќе ни овозможат временските услови во сите населени места на територијата на нашата општина. Во Кисела Вода нема да има улица без модерни и реконтруирани улици. Мојот народ народ заслужува, изјави градоначалникот Ѓорѓиевски

Градоначалникот Ѓорѓиевски и Скопската православна епархија поделија хуманитарни пакети на пензионерите

Ивана Ефремовски — Mon, 30 Oct 2023 09:37:28 +0000

Во заедничка акција со Скопската православна епархија и отец Оливер, градоначалникот на општина Кисела Вода, Орце Ѓорѓиевски подели пакети со хуманитарна помош на пензионерите. „Чувството дека помагаш некому, дека си блиску до оние кои имаат потреба од нас нѐ прави поголеми личности. Утрово, во заедничка акција со Скопската православна епархија и отец Оливер поделивме пакети со хуманитарна помош на пензионерите од Кисела Вода. Соочени со енормните покачувања на цените на сите намирници, со немањето слух на власта за нивните потреби и ниските пензии со кои не можат да си ги платат ниту комуналиите и лековите, не можевме да останеме без да направиме ништо. Се надевам дека нашата помош ќе им значи и барем малку ќе им помогне. Се надевам дека и еден ден некој ќе ги слушне нивните барања и реално ќе им се излезе во пресрет. Пензионерите се наши баби и дедовци, родители и заслужуваат да бидат третирани на подобар начин а јас, согласно моите можности ќе направам сѐ за да се променат работите“, објави Ѓорѓиевски.

Ѓорѓиевски: По 40 години Пинтија добива фекална канализација

Ивона Петрова — Fri, 27 Oct 2023 14:02:03 +0000

Градоначалникот на општина Кисела Вода Орце Ѓорѓиевски, денес го означи стартот на градежните активности во населбата Пинтија за изградба на фекална канализација. Ова населено место 40 години е без фекална мрежа, а зафатот ќе биде во должина од 1400 метри кои ќе ги задоволат потребите на над 200 домаќинства. -Денес е убав ден за жителите од Пинтија. После четири децении лажни ветувања, лажни надежи пред секои избори, започнавме со она што го ветив, а тоа е изградба на фекална канализација и решавање на долгодишниот горлив проблем со кој се соочуваа граѓаните. Се работи за мрежа од 1400 метри која опфаќа над 200 домаќинства и која трајно ќе ја реши долгогодишната голгота и живеењето во супстандардни услови. Оваа фекална канализација привремено ќе биде приклучена во кругот на ОХИС до моментот кога ќе почнеме да ја градиме фекалната канализација за населбите Каменик 1 и 2, бидејќи за приклучување на оваа мрежа ќе треба да се премине преку булеварот ,,Борис Трајковски”. Веднаш откако ќе завршат градежните активности и сите домаќинства ќе бидат приклучени кон главните водови, ќе пристапиме кон санација на улиците со асфалт или бехатон, во зависност од постојната состојба или потреба. Ова е проект кој го ветив пред мојот народ, а денешното отпочнување со работа е доказ дека мојот збор вреди, изјави Ѓорѓиевски. Посочи дека нема да дозволи ниту еден жител на Кисела Вода да живее во услови кои не доликуваат за едно модерно општество.

Ѓорѓиевски: Започнавме со изградба на рекреативно туристичко место ,,Покрсти”во Драчево, налик на Водно

Дарко Андоновски — Thu, 26 Oct 2023 14:09:23 +0000

Градоначалникот на општина Кисела Вода Орце Ѓорѓиевски, денеска го одбележа започнувањето на новото рекреативно туристичко место во Драчево кое ќе биде новото Водно во градот. Местото ќе нуди пешачење по патека во должина од 8 километри, со многу урбани содржини, паркинзи и две платоа. -На местото викано Марков рид, започнавме со расчистување на трасата која ќе биде нова туристичка рекреација за жителите од Кисела Вода, но и за целото Скопје. Патеката позната како Покрски која е долга над 8 километри и по која мојот народ се движи на првиот ден после големиот христијански празник Велигден, во иднина ќе се користи како рекреативна патека и ќе понуди извонредни услови за поминување на слободното време. Сместено во чиста и зелена средина, со чист планински воздух и поглед над цело Драчево и околината, ова ново место ќе има асфалтирана патека која ќе ја красат урбана опрема на која посетителите ќе можат да одморат и да уживаат во природата. Првата фаза ќе биде завршена до месец март, со што до првото плато ќе може да се пристапи од две страни, од кои едната ќе биде уредена со скали кои ќе водат до првото плато, односно до православниот Крст. Патеката ќе продолжи до второто плато, односно вториот мини плоштад на кој ќе биде изграден и споменик на Комитите. Сето ова, од почетокот на трасата до крајот ќе биде уредено со жардинерии кои ќе се вклопат во природната планинска вегетација како и патокази и паркинзи. Сумарно, ова ќе биде уште една вистинска атракција за љубителите на чистиот воздух, планината и за сите што сакаат да уживаат во прошетката и возење велосипед. Со сигурност, Покрсти ќе биде новото туристичко место во Скопје кое ќе привлекува голем број на посетители, изјави градоначалникот Ѓорѓиевски.

Ѓорѓиевски: Првиот и единствен мега шаховски парк во Македонија, се гради во Кисела Вода!

Тале Кристо — Wed, 25 Oct 2023 12:33:02 +0000

Првиот и единствен мега шаховски парк во Македонија, се гради во Кисела Вода!, објави на асоцијалната мрежа на Фејсбук градоначалникот на општина Кисела Вода Орце Ѓорѓиевски. Со големо задоволство денес, сакам да најавам дека на оваа огромна површина од 4000 метри квадратни во населбата 11 Октомври Бараки, започнуваме со изградба на првиот и единствен парк на шахот во Македонија. Идејата за ова велелепно дело кое ќе биде изградено за краток период, произлезе од заедничкиот разговор со претседателот на шаховската федерација на #Македонија Саша Богдановиќ, со кого ги прецизиравме деталите за тоа како сѐ ова да изгледа и на кого сакам искрено да му се заблагодарам. мено, нешто слично на ова, постоело во Градскиот парк во Скопје за време на одржување на шаховската олимпијада во далечната 1972 година но не како шаховски парк, туку само импровизирани полиња кои служеле за потребите на натпреварите. Ова што се гради денес, е единствено во Македонија. Паркот ќе понуди едно големо шаховско поле за одржување на натпревари и уште едно, за рекреативно дружење за сите жители од 7 до 77 години. Ќе биде опремен со клупи и други урбани содржини, со многу зеленило и ќе биде целосно осветлен. 15-те професионални шаховски табли ќе бидат наменети за одржување на натпревари од локален, регионален и меѓународен карактер, со еден збор ова ќе биде центарот на шахистите во Македонија, а како круна на сето ова ќе стои споменик од кралот и кралицата. Од голема полза ќе биде и учениците, бидејќи шахот веќе е изборен предмет во училиштата и тука ќе можат да се дружат и да играат. Шахот е глобална игра која промовира правичност, инклузивност и меѓусебно почитување, придонесува за поголема толеранција и разбирање меѓу луѓето и токму затоа, ова ќе биде уште едно културно собиралиште на мојот народ во Кисела Вода, пишува Ѓорѓиевски во својата објава.

Ѓорѓиевски: Дигитализација на сите основни училишта во Кисела Вода

Ивана Ефремовски — Tue, 24 Oct 2023 10:19:54 +0000

Градоначалникот на општина Кисела Вода, Орце Ѓорѓиевски денес достави смарт уреди во основните училишта во Кисела Вода. Со ова, велат од неговиот кабинет, дека сите основни училишта се опремени со смарт уреди во училниците, што е од голема корист за децата и зголемување на интересот за наставата која ја посетуваат. -Се наоѓаме во ООУ ,,Круме Кепески", со што можам да истакнам дека сите училници и кабинети во основните училишта во општина Кисела Вода од денес се опремени со смарт уреди. Во изминатите две години во повеќе наврати обезбедивме смарт табли или телевизори, а со денешната наша донација успеавме во целост да го реализираме дигитализирањето на училиштата. За децата, смарт уредите овозможуваат интерактивно учење и го зголемуваат интересот за наставата, додека за наставниците, овие технолошки алатки го збогатуваат наставниот процес, го подобруваат предавањето и овозможуваат пристап до разнообразни образовни ресурси. На овој, му претходеше проектот “Компјутер за секој наставник”, кој го спроведовме пред две години и со кој сите наставници добија можност во целост да си ги извршуваат своите обврски на работното место, да ги илустрираат и објаснат учебните содржини на подобар и поинтерактивен начин, како и да го пополнуваат електронскиот дневник. Поддршката на образованието и вложувањето во унапредување на наставниот процес и понатаму ќе остане да биде на врвот на приоритетите на Општина Кисела Вода. Верувам дека денешната инвестиција во нашите училишта е значаен придонес кон позитивен развојот на нашите млади генерации и создавње на иден квалитетен кадар кој добро ќе котира на пазарот на трудот, изјави градоначалникот Ѓорѓиевски.

Ѓорѓиевски: Паркот “Феникс” се издигна на местото од огромната депонија во Дупки (ФОТО)

Тале Кристо — Fri, 20 Oct 2023 14:32:47 +0000

Паркот во местото Дупки, лоциран на местото на некогашната огромна депонија е пуштен во употреба. Градоначалникот Орце Ѓорѓиевски денес го посети ова место кое, симболично, го доби името “Феникс”. Се простира на површина од околу 5000 метри на кои покрај многу зеленило се изградени пешачки патеки, мини полигон за деца со велосипеди, урбана опрема, паркинг простор. Целосно е осветлен. Како новина, тука ќе функционира и првото кино на отворено во Кисела Вода. Како што истакна градоначалникот Ѓорѓиевски, ова е деветти поголем рекреативен центар во општината изграден во овие две години и претставува одличен показател дека со волја, желба и работа, и најголемите предизвици можат да се претворат во најголеми можности. -Се наоѓаме во местото викано Дупки во селото Драчево, на локацијата каде што пред да почнеме со градежни зафати постоеше огромна дива депонија. Во овие две години, успеавме во она што се чинеше преамбициозно и невозможно. Од пепел го создадовме овој нов модерен парк кој денес со сите свои содржини им го предаваме на нашите жители. Симболично, тој ќе го носи името “Феникс”. Се протега на 5000 квадратни метри, изобилува со зелени површини, изградивме пешачки патеки за прошетки и рекреација, мини полигон за деца со велосипеди, свое катче имаат и пензионерите бидејќи поставивме клупи и корпи за отпадоци, паркинг простор и осветлување. Како новина, тука ќе функционира првото кино на отворено во Кисела Вода, што значи дека ги очекуваме и љубителите на филмската уметност, кои ќе имаат можност под отворено небо да уживаат во своите омилени филмови. Сумарно, очекуваме ова место да биде центарот на забавниот живот и социјалниот живот кој ќе биде ставен на мапата на културните случувања организирани од нас, како локална самоуправа. Силно верувам дека “ФЕНИКС“, од некогашна депонија сега ќе биде можеби и најубавиот и најмодерниот парк во Кисела Вода и пошироко. Инаку, ова е деветтиот поголем рекреативен центар во општината кој е изграден во овие две години и е одличен показател дека со волја, желба и работа, наголемите предизвици можеме да ги претвориме во најголеми можности-изјави градоначалникот Орце Ѓорѓиевски.

Ѓорѓиевски: Култната „Славија” ја претворивме во модерен спортски комплекс

Тале Кристо — Sat, 07 Oct 2023 08:33:58 +0000

По неколкудецениска негрижа, некогашниот спортски белег на општина Кисела Вода, игралиштето “Славија” кое беше оставено да пропаѓа, прерасна во модерен спортски комплекс. Со интонирање на химната, со огномет и со многу возбуда кај сите присутни, вчера вечер, после неколкумесечни интензивни градежни активности на Општина Кисела Вода, беше ставен во функција возобновениот простор кој сега нуди најсовремено кошаркарско, фудбалско игралиште, модерни терени за тенис и пинг понг, создадени според највисоките меѓународни стандарди. Градоначалникот Ѓорѓиевски кој назначи дека исполнетите ветувања се огледало на интегритетот и преданоста на еден човек, го истакна значењето на овој спортски комплекс и за Пржино и за цела општина Кисела Вода и изрази надеж дека тој повторно ќе го здобие имиџот на култно место од кое ќе се родат многу познати спортски имиња. -Драго ми е што денес сме тука сите заедно, на еден слободно ќе го наречам, историски чин. За Општина Кисела Вода, за Пржино, за сите генерации кои во едно далечно минато тука спортуваа и бележеа спортски резултати, за сите нови млади спортски таленти кои денес добиваат простор за себе. Се до денес игралиштето “Славија” беше живо само во спомените. Реалноста беше поразителна. Од култно место, од еден спортски белег на нашата општина, просторов беше оставен да пропаѓа, целосно запуштен и неугледен. Многумина претходно ветуваа, но се чинеше дека оваа тема никогаш нема да дојде на дневен ред. Водејќи се од она во кое силно верувам, дека “Исполнетите ветувања се огледало на интегритетот и преданоста на еден човек”, пред неколку месеци започнавме со интензивни градежни активности чиј резултат го гледаме сега. “Славија” од денес е модерен спортски комплекс подготвен да биде центарот на спортските збиднувања за сите тенисери, фудбалери, кошаркари, пигпонгари, простор за рекреација и спортска активност на сите наши жители. На површина од 1350 квадратни метри, сега нуди најсовремено кошаркарско, фудбалско игралиште, модерни терени за тенис и пинг понг, создадени според највисоките меѓународни стандарди. Поставена е и урбана опрема, ограден е и осветлен, што го прави овој спортски центар удобен и безбеден за користење дури и во вечерните часови-истакна градоначалникот Ѓорѓиевски пред бројните љубители на спортот, најмногу од населбата Пржино, кои со возбуда ги раскажуваа своите или спомените на своите родители врзани со “Славија”. -Инвестициите на општина Кисела Вода насочени кон обнова и изградба на спортската инфраструктура, на давање нов сјај на запуштените спортски терени и локации кои некогаш беа култни места, нема да сопрат. За само две години од мојот мандат, дури осум вакви терени се возобновени, изградени или во завршна фаза на изградба. Ќе ги споменам “Оксиген”, новите терени во ООУ “Круме Кепески” и ООУ “Партенија Зографски” , во Потстаница, во населбата Драчево, во Теферич кој е во завршна фаза, мини рекреативниот центар во Усје и секако спортскиот центар “Славија” кој вечерва е поводот за нашето присуство. Искрено верувам дека тој повторно ќе биде култно место каде нашите млади ќе се собираат, ќе спортуваат, ќе се рекреираат и дружат. Дека ова ќе биде простор каде што ќе се бележат спортски успеси и ќе се раѓаат нови спортски таленти. Нека ни е честито!-истакна градоначалникот Орце Ѓорѓиевски, по што терените ги исполнија дечиња и ги одиграа првите натпревари на овој возобновен спортски комплекс.

Кисела Вода го одбележа Светскиот ден на лицата со церебрална парализа

Катерина Бојаџиева — Fri, 06 Oct 2023 09:06:00 +0000

Градоначалникот Орце Ѓорѓиевски заедно со здруженијата на деца со церебрална парализа, приружувани од ученици од неколку училишта, денес заеднички го одбележаа Светскиот ден на лицата со церебрална парализа. На овој, симболично насловен, марш за видливост низ улиците на општината тие поделија летоци со пораки, а потоа децата со посебни потреби од Општина Кисела Вода добија ваучери за физиотерапевтски масажи, вежби и диететски план од општествено одговорната компанија “Healthy center Taft therapy”. Во населбата Расадник, од минатата година за нив функционира специјализиран клуб во кој тие се дружат и социјализираат, а истиот е финансиран од страна на градоначалникот Ѓорѓиевски. -Денес сум дел од Маршот за видливост на лицата со церебрална парализа чии ден се одбележува во светски рамки. Инклузивно, како што тоа го правиме при организацијата на сите наши настани, на децата со церебрална парализа им се приклучија и ученици од неколку наши училишта кои помогнаа во пренесувањето на пораката за потребата од подобрување на нивните права. Покрај овој марш низ улиците на општина Кисела Вода, на овие деца, како и на повеќе лица од социјален ризик, им обезбедивме ваучери за физиотерапевтски масажи, вежби и план за исхрана од стручни лица од компанијата “Healthy center Taft therapy”, на која искрено сакам да и се заблагодарам за покажаната општествена одговорност. Денешниот Светски ден на лицата со церебрална парализа е само уште еден повод за да се сретнеме и да си го разубавиме секојдневието, бидејќи нашите дружби се доста чести. Следејќи ги нивните потреби, од минатата година им отворивме клуб, како соодветен простор за игра и дружба, кој целосно е финансиран од мене и мојот тим. Внимаваме на нивната социјализација, на нивната инклузија, бидејќи и како човек и како градоначалник силно верувам дека сите во општеството заслужуваат еднаква шанса-изјави градоначалникот Орце Ѓорѓиевски.

Ѓорѓиевски: ООУ „Партенија Зографски” доби модерни спортски терени

Ивана Ефремовски — Tue, 03 Oct 2023 12:13:26 +0000

Завршена е реконструкцијата на повеќенаменското и кошаркарското игралиште во ООУ „Партенија Зографски". Градоначалникот Орце Ѓорѓиевски денес ја пресече лентата и со тоа ги стави во функција обновените објекти кои за учениците од овој дел на општина Кисела Вода значат подобри и посовремени услови за спортување и рекреација. Кошаркарското игралиште доби нова асфалтна подлога, како и нова ограда околу него. На повеќенаменското игралиште кое се протега на површина од 935 м2 е поставена висококвалитетна вештачка трева, извршена е замена на оштетените заштитни мрежи зад головите, а обновени се и клупите на трибините кои беа видно оштетени. -Денес ги ставaме во функција повеќенаменското и кошаркарското игралиште во ООУ „Партенија Зографски” на чија реконструкција интензивно се работеше во изминатиот период. Се работи за темелна обнова која вклучи промена на подлогите и нивна замена со асфалт кај кошаркарското и квалитетна вештачка трева кај повеќенаменското игралиште. Двете добија нова ограда, извршена е замена и на заштитните мрежи зад головите, како и на клупите на трибините. Проектот што денес им го ставaме на располагање на нашите ученици има особено значење, бидејќи се фокусира на развојот на нивите физички и спортски можности, едновремено нудејќи им забава и рекреација. Обновата на спортската инфраструктура во училиштата, што е еден од највисоките приоритети на Општина Кисела Вода, претставува инвестиција во здрави и активни генерации кои се темелот на нашата иднина. Оттука, ова е само еден од повеќето проекти од ваков карактер на кои интензивно работиме целиот изминат период и кои со голема динамика ќе продолжиме да ги реализираме во иднина. Ќе го споменам ООУ „Круме Кепески”, каде неодамна изградивме фудбалско и детско игралиште, новиот спортско-рекреативен цeнтар на местото од депонијата кај “Оксиген”, изградбата на модерен спортски центар на местото од поранешното спортско игралиште “Славија” и во Теферич кои за многу кусо време ќе ги отвориме, а секако тука се и новото фудбалско и кошаркарско игралиште и детско катче со модерни реквизити во Потстаница, како и реконструкцијата на детското катче со нови реквизити и новоизграден терен за мал фудбал и за кошарка во населбата Драчево, изјави градоначалникот Ѓорѓиевски. Инаку во ООУ „Партенија Зографски”, каде настава следат 525 ученици, во текот на летниот период беа реновирани и три училници кои претходно беа во исклучително лоша состојба.