орце камчев – Kurir.mk

Дали ќе има нови имиња на црната листа на САД?

Катерина Бојаџиева — Wed, 19 Jul 2023 16:09:33 +0000

Се очекуваат нови имиња на американската црна листа. Иако едвај чека да ги види имињата, вицепремиерката за добро владеење, Славица Грковска вели дека обврска на нашите институции е да постапуваат. Последен кој се најде на црната листа з висока корупција беше Рамиз Мерко, за него беше прашан Изет Меџити како негов екс сопартиец. Во Summer Click на ТВ21 Меџити рече дека доколку некој се најде на таа листа, завршува политичката кариера на тоа лице. „Жал ми е за г. Мерко кој се најде на таа листа бидејќи имавме соработка во минатото како колеги. Никој не знае кој може да биде на американската црна листа, но мислам дека во моментот кога ќе се најде таму, се затвора политичкиот тефтер и треба да се отвори патот за други“, вели Изет Меџити. Грковска вели дека во случајот на Мерко станува збор токму за непостапувањето на институциите што ја зголемува недовербата на граѓаните во судството, а истакнува дека за поефикасно менаџирање на корупцијата во земјава важно е и да има повисоки казни отколку досега.

Камчев од пред неколку дена е на слобода

Магдалена Андонова — Wed, 09 Nov 2022 14:41:32 +0000

Бизнисменот Орце Камчев веќе неколку дена е на слобода, без обврска да се појавува на спиење во затворот во Струга каде по промената на адресата ја отслужуваше затворска казна. Ослободувањето се случило откако побарал спојување на двете затворски казни, едногодишната за „Империја“ и онаа за „Плацеви на Водно“, па наместо две години, Камчев добил заедничка казна намалена за 4 месеци и се најде на слобода по година и осум месеци. Обвинителството не поднело жалба на барањето на Камчев за спојување на казните, бидејќи станува збор за редовна процедура во кривичниот суд. Во струшкиот затвор, Камчев казната ја отслужуваше само 4 месеци, со обрска само да спие во затворот бидејќи беше сместен во отвореното одделение. Според пресметката на „Фокус“, на Камчев од казната му остануваат уште само еден месец, бидејќи од казната му се одбива и времето кое го помина во притвор. Поточно бизнисменот за ,,Империја” беше 4,5 месеци во притвор, а за ,,Плацеви на Водно” 9,5 месеци, но излегол еден месец порано поради условниот отпуст од еден месец кој го добил од затворот. Освен затворска казна од една година, според спогодбата која Камчев ја направи со обвинителството, треба да плати и 5,2 милиони евра штета.

Боки го вади валканиот веш на виделина: Во сомнителен договор биле вмешани Заев и Филипче

Ивана Ефремовски — Fri, 15 Apr 2022 14:45:17 +0000

Бојан Јовановски на денешното рочиште проговори за релациите што ги имал со бизнисменот Орце Камчев и тогашниот премиер Зоран Заев и минитерот за здравство Венко Филипче. На средбите во домот на Боки тема била болницата “8 Септември”. -Камчев сакаше да ја земе „8 Септември” со јавно-приватно партнерство. Беа кај мене дома со Филипче. Венко му нудеше да земе болници во други градови, но Орце ја сакаше „8 Септември”. На една од средбите телефонски беше вклучен и Заев, откри детали Јовановски, пренесе Пресинг.

Боки 13: Камчев парите нека си ги бара кај оние што му ветувале и кај обвинителката Русковска

Ивана Ефремовски — Fri, 15 Apr 2022 14:32:09 +0000

Бојан Јовановски одговорно тврди дека ниту зел ниту преборил пари кои наводно му ги дал Орце Камчев. Тој објасни дека клучниот ден, како и многупати досега, бил во домот на Камчев заедно со Кичеец, но дека пари ниту видел ниту зел. -Претходно Кичеец дојде кај мене дома и ми побара пари кои наводно треба да му ги позајми на Камчев. Парите беа во “Космо” кеса. На средбата кај Камчев не се случуваше ништо невообичаено и во еден момент Камчев и Кичеец се тргнаа во друга просторија. На излегување Кичеец носеше Луј Витон торба, а што имало внатре не знам бидејќи не прашав, а и многупати пред тоа Камчев му даваше слични работи на Кичеец. Тужителот мене ме доведе до заблуда и ме злоупотреби. Затоа Камчев парите треба да ги бара кај оние што му ветувале нешто и кај обвинителката Русковска, истакна тој.

Камчев позитивен на Ковид 19

Дарко Андоновски — Fri, 28 Jan 2022 14:20:00 +0000

Судењето за случајот „Плацови на Водно“ денеска се одложи поради отсуство на четворица од повиканите сведоци и по барање на одбраната на обвинетиот Орце Камчев, кој од вчера е позитивен на КОВИД-19. Според одбраната на Камчев, кој денеска присуствуваше во судницата во Основниот кривичен суд во Скопје, Камчев вчера направил брз антигенски тест на КОВИД-19 и кај него е детектиран вирусот, но чека решение за самоизолација. Случајот го води судијата Илија Трпков, а застапник на обвинението е обвинителката Лиле Стефанова.

Камчев нема да бара пари од Кичеец

Ристе Здравков — Thu, 20 Jan 2022 14:54:24 +0000

Бизнисменот Орце Камчев нема да бара Зоран Милевски-Кичеец да му врати дел од неговите милион и пол евра од случајот „Рекет“. За оваа одлука неговите адвокати писмено го известиле Основниот граѓански суд. Но, тужбата останува. Камчев сѐ уште бара обештетување заради коруптивно однесување од осудените Бојан Јовановски и Катица Јанева, како и од Владата, Републичкото јавно обвинителство и распаднатото СЈО. Причините за тужба против двете обвинителства, од кои едното веќе не постои, ќе бидат познати на 14-ти февруари, кога се очекува стартот на судењето. На денешната јавна расправа Камчев не беше лично присутен. Шефицата на поранешното СЈО Катица Јанева побарала спровод од затворот Идризово за да присуствува на расправите, а нејзното семејство се согласило да ги покрие трошоците. За случајот „Рекет“, Јовановски е осуден на девет години затвор, Катица Јанева на седум, а Кичеец на три години.

ВИДЕО: Орце Камчев пуштен од притвор

Ристе Здравков — Wed, 05 Jan 2022 17:47:23 +0000

Јордан Камчев доцна попладнево го напуштил затворот во Шутка каде што беше во притвор речиси една година осомничен во случајот„Плацеви на Водно“, каде првоосомничен избеганиот екс премиер Никола Груевски и Сашо Мијалков, кој деновиве исто така е пуштен од притвор. Скопска апелација вчера ја прифати понудената гаранцијата од речиси 11 милиони евра со што му овозможи на Орце Камчев да се брани од слобода. Новогодишните празници Камчев ги помина во неговата болница Систина каде беше хоспитализиран со дозвола на судијата кој го суди предметот бидејќи не бил во добра здравствена состојба, ТВ Клан вечерва објави дека Камчев од затворската ќелија во истражниот затвор ги собрал сите свои работи и си заминал дома.

Апелација одлучи и Камчев да излезе од притвор со гаранција од 11 милиони евра

Дарко Андоновски — Tue, 04 Jan 2022 16:39:36 +0000

Бизнисменот Јордан Камчев излезе од затворот каде помина скоро една година. Апелација прифати тој да се брани во случајот „Плацови на Водно“ од слобода. Но, нему му се одредени други мерки на претпазливост. Судиите бараат од бизнисменот да се пријавува повремено во суд. Прифатена му е гаранцијата од скоро 11 милиони евра која ја понудил. На 31 декември, поради влошена здравствена состојба, Камчев беше пренесен на лекување во „Систина“. Тој се пожалил на здравствени проблеми. Таму му беа правени неколку дневни испитувања. Неговото лекување во „Систина“, каде има своја функција, доаѓа откако претходно десетици пати беше одбивано, односно беше препраќан на државните клиники. Камчев беше во притвор поради случајот „Плацови на Водно“.

Миланов: Здравствената состојба на Камчев не е добра, доставивме обемна медицинска документација

Дарко Андоновски — Fri, 16 Jul 2021 11:21:28 +0000

Адвокатот на Јордан Камчев, Еленко Миланов по завршувањето на судењето за случајот „Плацови на Водно“ изјави дека наводните трансакции кои ги направил обвинетиот Камчев се неосновани, бидејќи трансакции, без економско вештачење не може да се користат во процесот. Тој истакна дека Камчев не е во добра здравствената состојба и дека како одбрана имаат доставено обемна медицинска документација. – Сакам уште еднаш да упатам апел до сите институции дека здравствената состојба на Камчев, за која доставивме обемна медицинска документација, од четири институции и од безмалку сите кардиоваскуларни стручњаци во Р.М. укажуваат на голем ризик од условите во кој се наоѓа може да има страшен ризик по неговото здравје, додаде Миланов.

Менкиноски: Меѓународната заедница се интерсира за предметот со Орце Камчев

Дарко Андоновски — Mon, 10 May 2021 07:12:08 +0000

Нема никаква причина да го притворат Камчев и да го лишат од слобода, едниствениот начин беше повторно службена белешка, а според Законот став 43 член два од АНБ и тоа неможе да се користи во кривична постапка , значи има сторено злоупотреба на службена положба и овластување, изјави адвокатот Тони Менкиновски во емисијата „Утро со Златев на Радио Лидер, во однос на случајот со преметот на бизнисменот Јордан Камчев кој во моментов се наоѓа во притвор. Тој додава дека Камчев е обичен човек, стопанственик, не треба да биде тоа стигна. Камчев беше предмет на тортура, пет дена беше без вода за пиење и хигиенска вода . Намерата им била многу мрачна и затоа го известив Комитетот, на прес конференцијата на Комитетот за превенција од тортура во странство. Постои динамика во предметот и преговарање со Владата, во моментов се во истрага. Го констатираше и Народниот правобранител. -Меѓународната јавност се интересира за предметот со Орце Камчев . Во предметот на Камчев нема дејстија. Тој си купил плацеви кои биле приватни, биле чисти и не биле државна сопственост. Рускоска излезе и рече дека белешката од АНБ не била доказ, а судот ја прфатил како таква. Побаравме тој доказ да се утврди како незаконит . Правдата е далеку од Македонија. Јордан Камчев е предметот како што не треба да се прави. Тој вработува над 3000 луѓе и е лојален граѓанин на ова адржава. И која е пораката да не откриваме вакви коруптивни дела. Камчев е решен правдата да ја истера до крај , изјави Менкиновски.