Орце Симов – Kurir.mk

Симов: Владата треба да ги „ослободат“ стоковите резерви за пекарската индустрија, за да не се доведе во прашање нивната ликвидност

Дарко Андоновски — Wed, 15 Mar 2023 20:27:41 +0000

Пекарската индустрија е стратешка индустрија која произведува стратешки производи и во таа индустрија работат голем број на компании. Доколку постојат пекарски картели тогаш соодветно треба да постапат институциите, истакна Орце Симов потпретседателот на Сојузот на стопански комори во вечерашното гостување во емисијата „Топ Тема“ на Телевизија Телма. „Од една страна разбирливо е тоа што владата сака да ја намали цената на лебот се со цел да се намалат трошоците на граѓаните, меѓутоа тоа треба да не биде на терет на компаниите од пекарската индустрија и треба да се соработува и разговара со нив. Како и заеднички да се изнајдат механизми како тоа да се направи“, рече Симов Симов посочи дека потребно е да се ослободат и делови од стоковите резерви. Односно да се даде брашно и по пониска цена од пазарната цена. „Владата која ја замрзна цената се со цел да го заштити стандардот на граѓаните требаше поинтензивно да соработува со пекарската индустрија и да изнајдат и други начини како да се намалат трошоците во производството“, кажа Симов. Тој додаде дека не смееме да се дозволи пекарската индустрија да се најде во проблеми и да се доведе во прашање нивната ликвидност. „Членките од пекарската индустрија се жалат и не се задоволни од мерката со замрзнување на цената на лебот. Според нивните кажувања и пресметки тие работат со загуба и на некој начин не се рентабилни со замрзнатата цена на лебот“, изјави Симов.

Симов: Високата електрична енергија е заради недоволно домашно производство, ЕСМ континуирано опаѓа од година во година

Тале Кристо — Mon, 19 Sep 2022 20:35:41 +0000

Производството на ЕСМ континуирано опаѓа од година во година, вели Орце Симов од Сојузот на стопански комори, во вечерашното гостување во емисијата „24 Анализа“ на Телевизија 24. „Во 2018 ЕСМ произвело 4,116 гигават часови, 4,231 во 2019та година, но понатаму секоја година падот е 15 проценти. Во 2020 та година паднал 15 проценти во однос на 2019-та година на 2,595 гигават часови“, рече Симов. Тој потенцираше дека проблемот е што ние немаме капацитети, нашите капацитети се намалуваат, еве секоја година паѓа по 15 проценти. „Електричната енергија е доста висока, доста скапа во Република Македонија, тоа е затоа што домашниот производител на електрична енергија не произведува доволно електрична енергија и ние сме приморани да купуваме електрична енергија од странство“, посочи Симов. Симов заклучи дека ликвидноста и стабилноста на компаниите сега во моментот е доведена во прашање поради високата набавка на енергенси, инфлација и други негативни фактори кои во моментот ги имаме на пазарот.

Симов: Со многу повеќе производство на електрична енергија можеме да ги ублажиме негативните ефекти кон економијата, граѓаните и стопанството

Магдалена Андонова — Mon, 06 Jun 2022 20:27:29 +0000

Прво треба да ги идентификуваме сите негативни фактори кои негативно влијаат на економијата и лошо влијаат врз компаниите. Во моментот ние се соочуваме со зголемени цени на нафтата, гасот, електричната енергија. Потребно е да се земат параметрите и да се идентификуваат проблемите, изјави Орце Симов претставник од сојуз на стопанска комора во вечерашното гостување во емисијата „24 Анализа“ на Телевизија 24. - Ние, земјите од Западен Балкан во 2020-та година 6те земји од Западен Балкан кумулативно имаа пад од 3,2 проценти на економијата, а Македонија беше речиси двојно повеќе, односно 6,1%. Во 2021 година 6-те земји од Западен Балкан забележаа раст кумулативен од 7,4% а во Македонија растот беше 4%, значи ние во 2021 година забележавме дупло поголем пад и двојно помал раст и нашите мерки, економија, човечки потенцијал и компании се справиле двојно полошо од земјите од Западен Балкан, рече Симов. Симов додаде дека ние годишно произведуваме само 60 проценти од нашите потреби а 40 проценти ги увезуваме. - Ние детектираме во повеќе сектори проблеми, еден од поголемите проблеми се енергенсите. Имаме драстично покачување на трите главни енергенси нафта, гас и електрична енергија. Нафта и гас ние немаме и не произведуваме, меѓутоа електрична енергија можеме многу повеќе да направиме и на тој начин да ги ублажиме негативните ефекти кон економијата, граѓаните и стопанството, кажа Симов.

Симов: Проблеми има со ограничувањето на маржите и акцизата на горивата

Ристе Здравков — Tue, 08 Mar 2022 19:17:20 +0000

Во вечерашната емисија „Топ Тема“ на Телма телевизија гостуваше Орце Симов, потпретседател на Сојузот на стопанските комори на Македонија во однос на згоелмените цени на производите истакна дека дополнително проблеми имаат и со ограничувањето на маржите но и дека очекуваат дополнителна поддршка од Владата за справување со енергетската криза. -Нашите членки имаат проблеми со ограничените маржи, тие проблеми се истакнати во владата, еден од поголемите проблеми е тоа што ограниченирте маржи на производите кои што имаат помала вредност не е доволно да се покријат трошоците околу производство и продажба на тие маржи така што нашите членки доставија дополнителни барања на тие проблеми кои што очекуваме да се решат, истакна Симов Симов ги прокоментира и евентуалните мерки и кажа дека енергетската криза и зголемувањето на цените на енергенсите дополнително ќе ја продлабочат кризата. -Во последните години имаме значително зголемување на акцизата и сега доколку владата може најмалку да ја намали акцизата за 30 проценти а 15,4 денари е акцизата на нафтата, тоа би биле 4,5 денари, акцизата би била 11 денари и малопродажната цена на литар нафта од 85 ,5 ќе се намали за 4,5 денари тоа е 81 денар што пак е речеси 8 проценти повисока од тоа што била во минатото, нагласи Симов.

Проф. д-р Орце Симов е нов претседател на ИКТ Комора

Тале Кристо — Sat, 26 Feb 2022 09:14:43 +0000

Проф. д-р Орце Симов е нов претседател на Комора за информатичко-комуникациска технологија и услуги при Сојузот на стопански комори на Македонија, кој беше избран на седница на Собрание на Комората. Симов по професија е електро инженер, основач на компанијата „Компјунет инженеринг“ и редовен професор на Факултетот за Информатика на МСУ, каде и во два мандати беше декан, долгогодишен член на Управниот Одбор на Сојузот и член на Советот на иноватори при Националната асоцијација на иноватори на Македонија - НАИМ. Симов истакна дека неговите активности како претседател на Комората ќе бидат насочени кон обезбедување на развој, унапредување и зголемување на ИКТ бизнисот во Македонија и заштита на интересите на деловните субјекти од овој сектор. -Меѓу приоритетите во делување е создавање на услови ИКТ компаниите да развиваат сопствени производи и услуги со високо додадена вредност наместо да се ориентираат кон outsourcing услуги. Од особено значење е и развој на ИКТ технолошка зона за македонските ИКТ компании која ќе биде на одбрана локација во урбаното градско подрачје на Скопје. Зголемување на извозот на ИКТ производи и услуги преку градење на извозни капацитети, обезбедување на информации за саеми, штандови и други форми за презентација на производите и услугите. Неопходно е и брзо прилагодување на законските регулативи на новите технологии во светот што ќе овозможи пристап и легална работа со нив уште во нивните рани фази. Потребно е и дигиталната трансформација на институциите во Македонија и дигитализацијата на услугите да се базира на домашни ИКТ компании што ќе овозможи градење на капацитети и излез и понуда на производите и услугите на странски пазари, изјави Симов. Тој додаде и дека е потребно да има и поголема поддршка на иновациите и зголемување на бројот и разновидноста на финансиски инструменти за финансирање на start up и постоечки компании како основен услов за развој на економијата и спречување на емиграцијата на младите лица. На седницата беа избрани и нови членови на органите на управување на ИКТ Комора како и тројца нови потпретседатели на ИКТ Комора, Илија Серафимов, Горан Митрески и Ненад Фидановски. На досегашниот претседател на ИКТ Комора, Саша Огненовски му беше врачена Благодарница за исклучителниот ангажман во Комората и личниот придонесот кој го дал со цел креирање на подобро деловно окружување за развој на ИТК секторот.