орегон – Kurir.mk

Во Орегон повторно задолжителни маските на отворено

Тале Кристо — Wed, 25 Aug 2021 13:57:24 +0000

Маските повторно ќе бидат задолжителни на отворено во Орегон, соопшти гувернерката на таа американска сојузна држава, во услови кога САД се борат со зголемување на случаи на Ковид-19. Со одредбата, која стапува во сила во петок, северозападната држава ќе биде првата во САД што повторно ќе воведе правило што беше вообичаено во најтешките денови на пандемијата. – Делта варијантата се шири брзо и далекусежно, затоа нашата земја е на ниво на криза без преседан во пандемијата, рече гувернерката Кејт Браун. – Бројот на заразени и хоспитализирани е на рекордно високо ниво, рече таа. Истражувањето од 2019 година покажа дека Орегон е меѓу сојузните држави со најмал број болнички кревети по глава на жител во земјата. – Се покажа дека маските се ефикасни во намалувањето на бројот на заразени, и во моментов тоа е неопходна мерка дури и на отворено, за да се помогне во борбата против коронавирусот и да се заштитиме едни со други, додаде Браун. Правилата значат дека секој – вакциниран и невакциниран – мора да носи маска на секое јавно место каде што се мешаат луѓе од различни домаќинства.

Силен земјотрес го потресе Орегон

Ристе Здравков — Wed, 22 Aug 2018 10:32:48 +0000

Силен земјотрес со интензитет од 6,5 степени по Рихтерова скала ја погоди денеска американската сојузна држава Орегон, соопшти американскиот геолошки завод. Епицентарот на земјотресот бил 302 километри западно од градот Бендона. Извештаи за повредени и материјална штета, засега нема.

Сушата и силните ветрови ги шират пожарите во Орегон

Дарко Андоновски — Thu, 19 Jul 2018 11:33:59 +0000

Силните ветрови и сушата што ја зафати американската сојузна држава Орегон се закануваат да ги прошират шумските пожари, кои веќе уништија 900 куќи и над 20.000 хектари земјиште. Еден земјоделец загина во пожарите, кои се шират во централните делови на Орегон, во околиите Шерман и Васко. Гувернерката Кејт Браун прогласи вонредна состојба во зафатени области. Во соседната Калифорнија, сличните временски услови досега изгореа близу 90.000 хектари шума.