орев – Kurir.mk

Како оревите можат да бидат лек за вашиот изгребан мебел?

Магдалена Андонова — Mon, 07 Mar 2022 21:50:51 +0000

Доколку се појави гребнатинка на вашето омилено парче мебел или мебелот со текот на времето едноставно ја изгубил бојата и свежината, решението ви е при рака. Јадрата од орев може да поправат помали оштетувања на дрвото. Оштетеното место на дрвото тријте го со орев неколку минути, а потоа избришете го со мека крпа за да му помогнете на дрвото да го впие маслото од орев. Бидејќи дрвото многу брзо се храни со природно масло од орев, ќе забележите дека штетата е пополнета, мебелот е обновен.

Листа на причини: Зошто треба да јадете ореви?

Ивана Ефремовски — Sat, 25 Sep 2021 13:56:52 +0000

Листа на причини заради кои е препорачливо да ги консумирате секојдневно. Оревите се полни со антиоксиданси – истражувањата покажале дека имаат најмногу антиоксиданси од сите јаткасти плодови, како што се ф’стаците, кикирите, бадемите и лешниците. Оревите ја подобруваат меморијата – оревите се сметаат за единствени јаткасти плодови кои помагаат за добро помнење. Оревите го намалуваат холестеролот – секојдневно консумирање на околу 50 грама ореви помага во намалување на лошиот холестерол за 7,4%, односно 5,1% од вкупниот холестерол. Оревите помагаат превентивно против рак на дојка – научниците го објаснуваат ова дејство од позитивното влијание на омега 3 масните киселини, антиоксиданси и фитостероли, за кои уште од порано е докажано дека ги намалуваат шансите за појава на карцином. Оревите ги штитат крвните садови – се препорачува оревите да се консумираат на крајот од оброкот, бидејќи се смета дека на тој начин помагаат и го ублажуваат негативниот ефект од масната храна. Оревите помагаат полесно да заспиете и подобро да спиете – содржат мелатонин, а тој е хормон кој помага за воспоставување и урамнотежување на навиката за спиење и ментален мир.

ВИДЕО: Софија Вергара со задник се обиде да скрши орев

Ивона Петрова — Fri, 04 Jun 2021 10:00:04 +0000

Настапот на кандидатот Мистер Чери во американската верзија на шоуто „Јас имам талент“ кој со задникот крши ореви, стана вирален хит. Не само поради натпреварувањето, туку и поради Софија Вергара која му се придружила на сцената. Софија, по настапот, го прашала натпреварувачот дали е навистина тешко да се кршат ореви со задник со оглед на леснотијата со која тој го правел тоа. Членовите на жирито на тоа и одговорија дека треба самата да се обиде да проба. По неуспешниот обид да го скрши оревот со задникот, Софија рече дека навистина боли.

Маж од Македонски Брод паднал од орев и починал

Ивона Петрова — Thu, 15 Nov 2018 14:05:02 +0000

На 14.11.2018 година околу 16.15 часот било пријавено дека во Македонски Брод, во атар на село Драгов дол Д.Л.(55) од Македонски Брод, паднал од орев и се здобил со повреди. Со возило на Итна медицинска помош тој бил пренесен во Медицински центар Прилеп каде лекар констатирал смрт. Се преземаат мерки за расчистување на случајот.