организација – Kurir.mk

Средете го вашиот ормар брзо и лесно: Влезете во новата година со стил и без непотребни работи!

Ристе Здравков — Tue, 20 Dec 2022 06:38:16 +0000

Допрва треба да запознаеме девојка која не се соочува со проблемот „Немам што да облечам“. Понекогаш немаме доволно работи, а понекогаш едноставно забораваме на работите што ги имаме во плакарот – сето тоа поради лошата организација. Кога количината на непотребни работи во плакарот ќе го достигне својот врв, станува тешко да управувате со сопствените работи. Во овој случај, неопходно е да се прегледа сè и да се ослободи простор. Таквото олеснување е идеална можност да го анализирате вашиот стил и да одлучите кои работи никогаш нема да ја видат светлината на денот. Поделете ги сите ваши работи во категории (дуксери, фармерки, џемпери итн.) и потоа распоредете ја облеката по боја. Може да забележите повторување во некои категории. Неколку обемни џемпери во темни нијанси, неколку светли маици со кратки ракави – сите такви коинциденции многу ја преоптоваруваат гардеробата. Изберете само по едно парче од серија исти работи, инаку секогаш ќе изгледате исто. Ако не знаете дали ви треба нешто, користете го правилото за три комбинации. Обидете се да направите три различни стилови, ако успеете, тогаш можете безбедно да го оставите предметот во плакарот, а ако не, тогаш ова е знак дека не одговара на вашиот стил. Понекогаш носиме одредени работи толку често што се навикнуваме на нив како добар пријател. Се чини дека тие веќе се сместија засекогаш во нашата гардероба, но не смееме да заборавиме дека парчињата гардероба имаат рок на траење. Неспорно е дека кошулата изгледа сосема поинаку веднаш по купувањето и по пет години носење. Можеби е време да престанете да ги чувате работите за „подобри времиња“ кога ќе ослабнете или обратно. Не се залажувајте и престанете да го чекате вистинскиот момент за да бидете модерни. Со избирање на вистинските работи во вашата големина, можете веднаш да бидете згодни и привлечни!

Одземена организацијата на СП во хокеј на Русија

Тале Кристо — Wed, 27 Apr 2022 16:24:29 +0000

Меѓународната хокеарска федерација (IIHF) и ја одезеде на Русија организацијата на Светското првенство во хокеј на мраз во 2023 година. „Поради безбедност на играчите, официјалнните лица, новинарите и навивачите, IIHF одлучи да и ја пдземе на Русија организацијата на Светското првенство 2023, се наведува во ослуката. Светското хокеарско првенство требаше да се одржи во Санкт Петерсбург од 5. до 21. мај 2023 година. Според најавите, IIFH на својот редовен годишен конгрес закажан за крајот на идниот месец во Финска ќе донесе одлука која земја ќе биде нов домаќин на Светскотоп првенство. IIHF веќе укина две натпреварувања кои годинава требаше да се одржат во Русија, а ги исклучи и руската и белоруската репрезентација од Светското првенство кое идниот месец чќе се одржи во Финска.

Град Скопје по иницијатива на ДКСК поднесе кривична пријава за организацијата за дочекот на Новата 2020 година

Тале Кристо — Thu, 20 Jan 2022 12:58:47 +0000

Град Скопје, по иницијатива од Државната комисија за спречување на корупција за поведување постапка за утврдување одговорност поради неприменување на одредбите од Законот за јавни набавки при објавување на Јавен повик за избор на коорганизатор на активностите за „Дочек на Новата 2020 година“ поднесе кривична пријава до Јавното обвинителство за гонење на организиран криминал и корупција против поранешниот в.д. директор на ЈУ МКЦ, Русе Арсов. - Русе Арсов од Скопје во својство на в.д. директор на ЈУ МКЦ-Скопје на ден 14.12.2019 година објавил јавен повик за избор на коорганизатор на активностите за „Дочек на Новата 2020 година“ додека критериумите за избор на најповолна понуда со определни бодови од јавната установа биле донесени на 18.12.2019 година, односно по објавување на јавниот повик, и истите не се составен дел на јавниот повик. Поради необјавувањето на овие критериуми, потенцијалните учесници на јавниот повик не биле информирани на кој начин ќе се врши доделувањето на бодовите и изборот на најповолна понуда. На објавениот јавен повик се пријавил еден единствен правен субјект и тоа Здружение Дирекција за култура и уметност од Скопје, при што на ден 19.12.2019 година Комисијата за избор на коорганизатор кој ќе ја организира избраната предлог-програма на активностите за „Дочек на Новата 2020 година“ согласно со Записник од одржан состанок на комисијата, утврдено е дека апликантот Здружение Дирекција за култура и уметност од Скопје ги исполнува условите предвидени во конкурсот, при што во записникот не е извршено поединечно бодување, односно не е нотирано за кој критериум колку бодови се доделуваат, туку бодовите се доделени збирно за критериумите од двата дела и од можните 60 бодови определени за критериумот – квалитет на проектот, на учесникот му се доделени 50 бода при што не може да се утврди по колку бодови за секоја ставка од овој критериум се доделени, информираше на денешната прес-конференција Данијел Апостолоски, советник за односи со јавност во Град Скопје. Според Апостолоски, во понатамошната постапка Арсов како в.д. директор на ЈУ МКЦ на ден 20.12.2019 година склучил договор со Здружението Дирекција за култура и уметност Скопје, со што постапил спротивно на Законот за јавни набавки и овозможил настанот да се организира надвор од пропишаната законска регулатива. - Посочуваме дека токму во врска со оваа постапка од Државната комисија за спречување на корупцијата побарано е од Град Скопје да се изврши ревизија во однос на спроведувањето на одредбите од договорот склучен помеѓу Град Скопје и МКЦ, со оглед дека ДКСК постапувала по пријава и оформила предмет за испитување на сите наводи. По испитувањето на сите наводи и прибавени информации од ДКСК од многубројни институции, како што се Бирото за јавни набавки, Управа за јавни приходи, и сл., констатира дека поранешниот в.д. директорот на ЈУ МКЦ, Русе Арсов, не ги применил одредбите од Законот за јавни набавки при објавување на Јавен повик за избор на коорганизатор на активностите за „Дочек на Новата 2020 година“, и ја злоупотребил својата службена положба, заради што и поднесовме кривична пријава за утврдување на негова кривична одговорност, додаде Апостолоски.

Бекам ќе добие 180 милиони евра за да биде лицето на Светското првенство во Катар!?

Ристе Здравков — Mon, 25 Oct 2021 08:15:47 +0000

Медиумите од Англија пренесуваат дека Дејвид Бекам договорил богата соработка со Катар, легендата на Манчестер јунајтед ќе биде лицето на Светското првенство во 2022 како и амбасадор во следните десет години за сума од 150 милиони фунти (околу 180 милиони евра). Одлуката на ФИФА да го додели мундијалот во 2022 година на Катар е често критикувана, па властите на оваа земја се обидуваат да се промовираат на секој начин. Последниот потег е ангажман на легендарниот Дејвид Бекам, кој ќе трба да биде лицето на Светското првенство но и амбасадор во следните десет години. Секако, парите не се проблем за Катарците, па поранешниот фудбалер ќе добие 150 милиони фунти (околу 180 милиони евра). Катар често е критикуван поради човековите права, односно дискриминацијата кон жените и геј заедницата, но се говори дека Дејвид Бекам добил одредени гаранции, односно за се поголемиот број на жени вклучени во политиката, како и тоа дека ќе биде дозволено на стадионите да се веат знаменца со боите на виножитото, кои се заштитен знак на ЛГБТ заедницата. Дејвид Бејам исто така пред да ја потпише оваа супербогата соработка се консултирал со својоата сопруга Викторија.

Ова се трите држави кои поднесоа заедничка кандидатура за организација на ЕП во ракомет 2028 година

Магдалена Андонова — Thu, 21 Oct 2021 14:14:01 +0000

Шпанија, Португалија и Швајцарија поднесоа заедничка кандидатура за организација на Европското првенство (ЕП) во ракомет во машка конкуренција во 2028 година, објави Европската ракометна федерација (ЕХФ). Трите земји ги споија во едно кандидатурите, откако претходно Шпанија и Португалија излегоа со заедничка кандидатура, додека Швајцарија поднесе кандидатура за ЕП 2026 и ЕП 2028. Прифаќајќи ја заедничката кандидатура на Шпанија и Португалија за ЕП 2028, Швајцарија ги повлече своите кандидатури за завршните турнири во 2026 и 2028. Трите земји во заедничката кандидатура, меѓу друго, како место за одигрување на завршните натпревари на првенството го наведао стадионот на фудбалскиот гигант Реал, „Сантијаго Бернабеу“. Одлуката за организација на ЕП2028 ќе биде донесена на 20 ноември во Виена. (МИА)

Словенија незадоволна од организацијата на СП во Египет, 12 ракометари затруени со храна

Дарко Андоновски — Mon, 25 Jan 2021 15:25:44 +0000

Ракометната федерација на Словенија (РЗС) соопшти денеска дека 12 членови на репрезентацијата се затруле со храна пред натпреварот од последното коло во групната фаза против домаќинот на Светското првенство Египет. -Имавме многу здравствени проблеми во текот на ноќта и на денот на натпреварот против Египет. Од таа причина не можеме да бидеме задоволни од организацијата на ова Светско првенство, изјави генералниот секретар на РЗС, Горан Цвијиќ, за официјалниот сајт на Федерацијата Од 12 ракометари, кои се затруле со храна, според наводите на РЗС, деветмина од нив настапиле на вчерашниот меч против Египет што заврши нерешено 25:25. Освоениот бод му беше доволен на домаќинот на Мундијалот да обезбеди пласман во четвртфиналето како второпласиран во групата, додека Словенија заврши на третото место со бод помалку од Египет. Во четвртфиналето, Египет ќе игра против Данска, а преостанатите двојки ќе бидат познати по денешните натпревари на Светското првенство.