оризари – Kurir.mk

Оризoпроизводителите од Кочанско излегуваат на протест: Цените се депресивни

Магдалена Андонова — Fri, 08 Oct 2021 18:52:39 +0000

Во вторник, на 12 Октомври, оризарите од Кочанско ќе излезат на протест бидејќи министерот за замјоделие има арогантен однос кон нив во врска со нивното барање а тоа е минималната цена на арпата да не е под 25 денари. За да биде уште полошо, во ек на жетвата оризот воопшто не се купува, а приносот стои во амбарите. - Цените се депресивни и се движат помеѓу 15 и 18 денари, цени кои декларативно се споменуваат, меѓутоа откуп воопшто не постои. Значи, земјоделците се во една незавидна ситуација во која не можат да ги сервисираат тековните обрвски. Социјално бил рекол дека, се најранлива категорија, бидејќи во прашање е доведен секојдневниот опстој на тие луѓе, изјави Ставре Јанев, самостоен синдикат на земјоделците. За покривање на основните егзистенцијални потреби, оризарите предлагаа да се изврши итна исплата на основните субвенции до крајот на месец октомври, а во меѓувреме да се дефинира откупната цена. Според нив, не е логично продукт со производна цена од 23 денари по килограм да се откупува поевтино, а во малопродажба да се продава двојно повеќе. - На пазарот оризот се продава по 70 и 80 денари, а нам ни го плаќаат 35 денари белиот ориз. Значи, тоа е срамота. Производителот што го произведува нема никаква заработка, а трговецот заработува 100%, изјави Коце Анѓелов, оризопроизводител од с. Облешево. Ситуацијата е далеку посложена ако се има предвид дека не рентабилното производство го губи интересот кај младите земјоделци, кои масовно се иселуваат.

Милошоски од Битола: Во Битола има добро расположение за промени, Петровска нема реализирано ниту 5 проценти од изборната програма

Магдалена Андонова — Wed, 28 Apr 2021 10:18:32 +0000

Денеска сме тука во Битола во Оризари дојдовме да оддадеме почит на Бошко и неговите соборци кои што пред 20 години ги положија своите животи за Македонија, за нејзината државност, самобитност, слобода и тој спомен не треба да се заборави, изјави денеска за медиумите, Антонијо Милошоски пратеник од редовите на ВМРО-ДПМНЕ. - Тоа што исто така сакам да го споменам е дека тука на ова место каде што Иницијативниот одбор од Оризари го направи ова спомен обележје, сметам дека во скора иднина со една подобра локална самоуправа може да биде и добар спортски рекреативен центар за жителите за оваа населба која што е голема населба. Она што сакам да го истакнам дополнително по однос на Битола и локалните избори кои што доаѓаат, гледаме дека не е само Петре Шилегов тој кој што важи за мрзелив градоначалник, веројатно голема конкуренција може да му прави и градоначалничката Наташа Петровска за која што гледаме од самата Битола и населбите во околината дека нема остварено ниту 5 проценти од она што го ветуваше во пред изборната кампања, вели тој. - И сметам дека битолчани ќе знаат како тоа да го оценат на следните локални избори, каде што според мене има многу добро расположение со добар кандидат и реална програма опозицијата да направи сериозен резултат, посочи Милошоски.

Владата заборави на ветувањата кои им ги даваше: Оризарите изреволтирани излегоа на протест (ФОТО)

Ивана Ефремовски — Tue, 10 Sep 2019 10:35:37 +0000

Земјоделците од кочанскиот регион денеска повторно излегоа на протест и во селото Облешево со земјоделска механизација ја блокираа едната коловозна лента на магистралниот пат кон Штип. Беше истакнато барањето до Владата да го исполни ветувањето за исплата на субвенциите за предадената оризова арпа од минатогодишната реколта. -За две недели ќе почне новата жетва на оризот, а ние се уште не сме ја добиле ветената субвенција од пет денари за килограм арпа за минатогодишните количини што ги предадовме кај откупувачите. Во декември, додека траше рокот за субвенционирање, откупната цена беше околу 13 денари за килограм арпа, а потоа скокна и до 30 денари. Изгубивме уште во старт, а потоа чекавме на дополнителната мерка за поддршка од државата што до денеска не ни е исплатена, па бележиме уште една загуба. Бараме исплатата да се реализира веднаш, па дури ако треба и Собранието нека одржи вонредна седница за да расправа за неповолната состојба во земјоделството, рече Стојче Ташковски, земјоделец од Чешиново. На протестот оризарите побараа и навреме да се одреди минималната откупна цена на арпата за да можат да направат пресметка дали ќе имаат некаква добивка од произведеното. -Со ребалансот на Буџетот предвидени се пари за лозарите, а колку што сме информирани, нас оризопроизводителите нè нема на списокот. Нека ја запазат барем едната мерка за субвенции, затоа што ниту за засеана површина ги немаме добиено парите, ниту пак за предадената арпа. Бараме министерот за земјоделство да дојде кај нас за да видиме колку ќе биде откупната цена, затоа што нас производната цена ни е 17 денари од килограм арпа. Ако не биде 25 денари, мислам дека нема што да бараме, ќе ги напуштиме нивите, а и оние малкумина млади што останаа ќе заминат во странство, рече Здравко Арсов, земјоделец од Облешево. Земјоделците од кочанскиот регион рекоа дека денешната едночасовна блокада на патот Кочани-Штип е само предупредување до ресорното Министерство што побрзо да ги исплати субвенциите, а во спротивно најавија целосна блокада на коловозот. (МИА)

Оризарите на протест: Власта не ги исполни ветувањата, тие се оставени на цедило

Ивана Ефремовски — Tue, 10 Sep 2019 09:21:46 +0000

Оризарите протестираат денес во Облешево. Тие ја блокираа коловозната лента на патот Кочани-Штип во селото. Револтирани се на власта која не ги исполни своите ветувања и која ги остави на цедило. Тие се соочуваат со проблемите околу загарантираната цена која што е за 30-тина проценти помала од онаа која им ја ветуваше премиерот Заев. За минатата година им беше ветена дополнителна стимулација од 5 денари, но од тоа не добија ништо. Нивните проблеми се многубројни, а власта засега не покажа интерес да ги реши.