орландо – Kurir.mk

Хејворд го напушти кампусот на НБА во Орландо

Магдалена Андонова — Sun, 23 Aug 2020 17:17:02 +0000

Кошаркарот на Бостон, Гордон Хејворд, го напушти кампусот во НБА Орландо, поради повреда, објави инсајдерот на „The Athetic“ Шемс Чаранија. Хејворд претрпе повреда на скочниот зглоб во првиот натпревар од првото коло од плеј-офот против Филаделфија. Кошаркарот ќе мора да биде надвор од теренот околу четири недели. Триесетгодишниот играч планира да се врати во кампусот на крајот на периодот на закрепнување. Бостон води со 3:0 против Филаделфија, а четвртиот натпревар во серијата прв до четири победи е закажан за вечерва од 19 часот. (МИА)

Рондо ќе дојде во Орландо, но сè уште нема да се приклучи на тимот

Магдалена Андонова — Wed, 05 Aug 2020 08:12:59 +0000

Тренерот на Лос Анџелес лејкерс, Френк Вогел изјави дека Раџон Рондо утре ќе пристигне на Флорида. Тој ќе помине извесно време надвор од комплексот, пред да влезе во кампусот и да се стави во карантин, објави „ESPN“. Рондо заработи скршеница на десниот палец пред три недели за време на тренинзите и беше подложен на операција. Прелиминарниот период на закрепнување е 4-6 недели. Во Лејкерс очекуваат кошаркарот да го имаат на располагање за плејофот во препознатливата за него форма. (МИА)

Орландо ја прекина серијата од пет порази

Ивона Петрова — Tue, 04 Feb 2020 07:15:16 +0000

Заврши „црната“ серија на кошаркарите на Орландо меџик која траеше пет натпревари. „Меџик“ се радуваа на победа остварена ноќеска на теренот на Шарлот, што е прв нивни триумф на последните шест меча. Резултати на натпреварите во НБА-лигата одиграни ноќта понеделник кон вторник: Шарлот – Орландо 100:112 Кливленд – Мајами 134:139 (по продолжение) Индијана – Далас 103:112 Вашингтон – Голден Стејт 117:125 Атланта – Бостон 115:123 Бруклин – Феникс 119:97 Мајами – Филаделфија 137:106 Мамфис – Детроит 96:82 Сакраменто – Минесота 113:109 ЛА клиперс – Сан Антонио 108:105.