оружје – Kurir.mk

ЕУ со осуда на трансферот на оружје меѓу Северна Кореја и Русија

Тале Кристо — Sat, 04 Nov 2023 10:14:20 +0000

Европската Унија е длабоко загрижена од извештаите за воена соработка и трансфери на оружје меѓу Северна Кореја и Руската Федерација наменето за употреба во илегалната, неиспровоцирана и неоправдана агресивна војна на Русија против Украина, соопшти Европската служба за надворешни работи (ЕЕАС). - Европската Унија силно го осудува секој таков трансфер на оружје. ЕУ ги повикува Северна Кореја и Русија да се воздржат од каква било размена на воена опрема или муниција и да се придржуваат до резолуциите на Советот за безбедност на ОН, вклучително и 1718, 1874 и 2270, кои јасно забрануваат каков било извоз или увоз на оружје поврзан со Демократска Народна Република Кореја, се наведува во соопштението. Според ЕЕАС, кршењето на резолуцијата на Советот за безбедност на ОН на која и самата е коавтор од страна на Москва и продлабочувањето на врските со Пјонгјанг се показател на нејзината зголемена изолација и очај и на ефективноста на рестриктивните мерки на ЕУ кон Русија.

Блинкен: САД ќе испратат дополнително оружје и опрема во Украина

Катерина Бојаџиева — Fri, 03 Nov 2023 19:26:49 +0000

САД ќе и достават на Украина дополнително оружје и опрема за нејзината континуирана борба против руската инвазија, изјави денеска американскиот државен секретар Ентони Блинкен. Најавеното оружје во вредност од 125 милиони долари доаѓа во време на очекувањата за нова воена помош за Киев. Последната транша оружје е можна бидејќи претседателот Џо Бајден ги користи своите овластувања за итни случаи за да ги пренесе вишокот артикли од резервите на САД, без одобрение на Конгресот.

Приведен гостиварец, пронајдени дрога и оружје

Катерина Бојаџиева — Sat, 28 Oct 2023 11:25:53 +0000

Полициски службеници од СВР Тетово вчера (27 октомври) околу 18 часот и 40 минути, на улица "Вонвардарска" во Тетово, го лишиле од слобода М.Т.(28) од гостиварско Неготино. При негов и преглед на патничкото моторно возило „бмв" со гостиварски регистарски ознаки, кое М.Т. го управувал, биле пронајдени и одземени: ловечка пушка со 3 патрони, пиштол со 5 куршуми калибар 7,65 милиметри и марихуана. Пушката и пиштолот тој ги поседувал без потребните документи. М.Т. е задржан во Полициската станица Тетово за расчистување и документирање на случајот, по што ќе биде поднесен соодветен поднесок.

Претрес во село Ласкарци, пронајдено оружје и муниција (Фото)

Катерина Бојаџиева — Fri, 20 Oct 2023 09:51:53 +0000

По преземени мерки и активности, денеска (20.10.2023) од страна на полициски службеници од Одделот за криминалистичка полиција- Сектор за недозволена трговија со дрога, оружје и опасни материи во координација со полициски службеници од Единицата за недозволена трговија со дрога и оружје при СВР Скопје, извршија претрес на дом и други простории кај С.З. во село Ласкарци,скопско. При претресот, во близина на помошен објект кој го користи, пронајдени се еден конвертиран пиштол, две празни рамки за автоматска пушка и 16 куршуми. Исто така, при претрес во неговиот дом, пронајдени се и три пиштоли и ловна пушка. С.З е приведен и по документирање на случајот, ќе биде поднесена соодветна пријава.

Малолетници украле оружје чиј сопственик е починат, еве што направиле потоа

Ивана Ефремовски — Thu, 19 Oct 2023 17:50:33 +0000

СВР Тетово поднесе кривична пријава против двајца малолетници од Тетово поради постоење основи на сомнение за сторено кривично дело „тешка кражба“, против Ѓ.С.(36) од Тетово поради постоење основи на сомнение за сторени кривични дела „неовластено изработување, држење, посредување и тргување со оружје или распрскувачки материи“ и „помагање“ и против Р.М.(43) од село Сарај поради постоење основи на сомнение за сторени кривични дела „неовластено изработување, држење, посредување и тргување со оружје или распрскувачки материи“ и „прикривање“. На 17/18.03.2023 од стан на П.Т.(45) од Тетово, малолетниците одзеле ловечка пушка „Чешка зброевка“ калибар 12 мм; ловечки карабин „Црвена застава“ калибар 8 мм и пиштол „Црвена застава“ калибар 9 мм, сопственост на нејзиниот починат сопруг. Откако го одзеле оружјето му го предале на третопријавениот, кој пак му го продал пиштолот на четвртопријавениот, додека ловечката пушка и карабинот ги сокрил во нива на место викано „Балтепе“, тетовско, која ја имал закупено. Исто така, на 02.08.2023, полициски службеници извршиле претрес во домот и помошни простории кај четвртопријавениот, при што пронашле и одзеле автоматска пушка и пет куршуми, кои ги поседувал без дозвола.

САД ја обвини Северна Кореја дека ја вооружува Русија

Тале Кристо — Fri, 13 Oct 2023 20:11:39 +0000

Белата куќа денеска објави дека Северна Кореја неодамна испратила пратка оружје во Русија, оценувајќи ја како загрижувачка поради зајакнувањето на воените односи меѓу двете земји. Белата куќа објави серија сателитски снимки за кои американските власти велат дека покажуваат дека пратка од севернокорејско складиште за муниција била натоварена на брод под руско знаме, а потоа транспортирана со железница до магацин во близина на југозападната граница на Русија. Испораката, како што наведоа, се одвивала помеѓу 7 септември и 1 октомври. -Ја осудуваме Северна Кореја што ѝ ја испрати на Русија оваа воена опрема, која ќе се користи за напади на украински градови, убивање украински цивили и продолжување на нелегалната војна на Русија, изјави денеска портпаролот на Белата куќа, Џон Кирби.

ДПА: Рекорден извоз на оружје од Германија

Катерина Бојаџиева — Tue, 03 Oct 2023 07:08:08 +0000

Германските производители на оружје забележаа рекорден извоз оваа година, пред се поради испораките во Украина, а во првите три квартали владата одобри извоз во вредност од 8,76 милијарди евра, што е повеќе од извозот во цела минатата година, кој изнесуваше 8,36 милијарди евра, јави ДПА. Така, германската воена индустрија до крајот на годината веројатно ќе го собори рекордот од 2021 година кога извезе оружје во вредност од 9,35 милијарди евра. Владата одобри повеќе од една третина од извозот во Украина, соопшти денеска Министерството за економија. Оружје во вредност од 3,3 милијарди евра отиде во Украина во првите три квартали, што е четири пати повеќе од целата минатата година. Во земјите од Европската Унија и НАТО и другите партнерски земји - Јапонија, Швајцарија, Австралија и Нов Зеланд - германската воена индустрија извезла стока во вредност од 4,33 милијарди евра. Меѓу нив, најмногу за Унгарија (1,03 милијарди), која сега е тешко вооружена, јави ДПА. Оружје во вредност од 1,16 милијарди евра е извезено од Германија во други, таканаречени трети земји надвор од ЕУ и НАТО, без Украина, до крајот на септември, повеќе од цела минатата година, кога таа сума достигна 992 милиони евра. Најмногу оружје увезла Јужна Кореја, во вредност од 251 милион евра. Меѓу првите 10 земји кои увезуваат германско оружје, освен Украина и Јужна Кореја, нема други од групата трети земји, јави ДПА.

Во канта за отпадоци криеле пушка и муниција: Две лица добија притвор, третото е во бегство

Ивана Ефремовски — Sat, 09 Sep 2023 09:27:31 +0000

Основното јавно обвинителство Скопје донесе Наредба за спроведување истражна постапка против три лица, од кои едно во моментов е недостапно на органите на прогонот. Постои основано сомнение дека тие сториле кривично дело – Неовластено изработување, држење, посредување и трговија со оружје или распрскувачки материјали од член 396 став 2 во врска со став 1 од Кривичниот законик, односно држеле оружје кое е забрането за граѓаните. Во канта за отпадоци, спроти влез од куќа во Ѓорче Петров, тројцата осомничени на возраст од 27, 22 и 19 години, заедно со уште едно до овој момент непознато лице, неовластено држеле автоматска пушка „Type 56“ кал. 7,62×39 мм, од кинеско потекло, автомат „Pleter 91“ кал. 9мм Pаra од хрватско потекло, како и вкупно 127 куршуми муниција со различен калибар, наменети за испалување од автоматски и полуавтоматски огнени оружја. Ваквото оружје и муниција се целосно забранети за граѓаните и за нивно поседување е предвидена казна затвор од најмалку пет години. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за тројцата осомничени, со тоа што за осомничениот кој е во бегство мерката ќе се започне да се применува по неговото пронаоѓање и лишување од слобода.

Претреси во Слупчане, пронајдени оружје и муниција

Тале Кристо — Thu, 07 Sep 2023 16:41:16 +0000

Полициски службеници од Одделот за криминалистичка полиција- Сектор за недозволена трговија со дрога, оружје и опасни материи и СВР Куманово- Одделение за недозволена трговија со дрога и оружје, по добиена судска наредба, денеска извршија претрес во дом и други простории кај З.И. (49) во с. Слупчане, општина Липково, соопшти МВР. При претресот пронајдени се шест пиштоли различни марки, седум рамки за куршуми, пневматска пушка „екол“ со оптика за пушката, околу 2500 куршуми различни калибри од 9мм, 7.62мм и 6.35 мм, 64 пиротехнички ракети... З.И. е приведен во полициска станица и по документирање на случајот ќе биде поднесена кривична пријава до ОЈО Куманово.

ФОТО: Пронајдено оружје при претрес во Куманово, одреден притвор за кумановец

Ивона Петрова — Tue, 29 Aug 2023 08:13:25 +0000

На 27.08.2023 Одделот за сузбивање на организиран и сериозен криминал - Сектор за криминалистички истраги - Единица за недозволена трговија со дрога до Основно jавно oбвинителство Куманово поднесе кривична пријава против Џ.Е. (42) од Куманово, поради постоење на основано сомнение за сторено кривично дело „недозволено изработување, држење, посредување и тргување со оружје или распрскувачки материи” предвидено и казниво по чл.396 од КЗ. Џ.Е. изминатиот период неовластено набавил и во својот дом држел оружје и муниција за оружје, поради што врз основа на издадена Наредба од судија на претходна постапка од Основен суд Куманово во тек на полициска акција спроведена на 27.08.2023 година од страна на полициските службеници при ЕНТД беа преземени мерки и активности и извршен е претрес во домот и други простории кај лицето, при што пронајдени и одземени се еден пиштол долга деветка со рамка од 8 куршуми калибар 9мм, 28 парчиња муниција за пиштол калибар 9 мм, една полуавтоматска пушка карабин, една ловџиска пушка, 17 метални рамки за муниција за карабин како и 138 парчиња муниција за карабин различен калибар. Лицето е лишено од слобода и изнесено пред Судија на претходна постапка, од чија страна му е одредена мерка притвор во траење од 30 дена.