Осака – Kurir.mk

Јапонско одморлиште каде што гостите заспиваат гледајќи во мачки

Дарко Андоновски — Mon, 31 Aug 2020 07:49:55 +0000

Невообичаен хостел, поврзан со засолниште за мачки, во префектурата Осака во западна Јапонија, им овозможува на гостите да заспиваат гледајќи во мачките. За многумина, тоа е прибежиште од реалноста, каде сѐ уште е актуелна корона-пандемијата. Хостелот наречен „Неко Хатаго“ е отворен минатиот декември, како додаток на „кафулето“ за мачки „Неко Јокуџо“. Одморалиштето има осум соби, од кајшто луѓето можат да ги гледаат мачките преку стаклен прозорец поставен покрај секој кревет. – Сакам луѓето да дознаат повеќе за мачките што ние ги спасуваме и прибираме, па и како тие се однесуваат навечер, вели Наоми Нишикубо, сопственичка на објектот. Мјаукањето се слуша постојано, а на гостите во хотелот им е дозволено да ги бањаат и хранат мачињата, пред и по работното време на „кафулето“ за мачки. Хостелот имаше и доста странски посетители пред корона-пандемијата, но сега тие се помалку.

Градот Осака ги повика граѓаните да донираат пластични мантили за болниците

Дарко Андоновски — Wed, 15 Apr 2020 17:15:23 +0000

Јапонскиот град Осака ги повика своите жители да донираат пластични мантили како помош на болниците кои немаат заштитна опрема за медицинскиот персонал. Градоначалникот на Осака Ичиро Мацуи рече дека некои здравствени работници носат вреќи за ѓубре додека ги лекуваат пациентите, пренесе Би-Би-Си. – Ако се заразат лекарите, никогаш нема да го победиме коронавирусот, рече Мацуи и додаде дека постои голем недостиг на заштитна опрема. На веб-страницата на градот Осака наведено е дека се прифатливи сите бои и стилови мантили кои се наменети за возрасни лица. Во Осака се регистрирани речиси 900 случаи на заразени од новиот коронавирус и претставува најпогоден град по Токио. Во Јапонија има повеќе од 8.000 заразени со Ковид-19 и 166 починати.

Силен земјотрес во Јапонија, најмалку 3 загинати и над 200 повредени

Ивона Петрова — Mon, 18 Jun 2018 06:03:53 +0000

Најмалку три лица загинаа, од кои едно деветгодишно девојче, и повеќе од 200 луѓе се повредени во силен земјотрес што го потресе јапонскиот град Осака, јавија локалните медиуми. Потресот со јачина од 6,1 степени според Рихтеровата скала бил регистриран во 23 часот во Гринич. Не е издадено предупредување за цунами, а се известува за помали материјални штети и пожари во неколку згради. Објектите за нуклеарна енергија не се оштетени, соопшти енергетската компанија „Кансаи електрик пауер“. МИА