Осасуна – Kurir.mk

УЕФА и дозволи на Осасуна да се квалификува за европско натпреварување

Дарко Андоновски — Tue, 25 Jul 2023 12:14:00 +0000

УЕФА и дозволи на Осасуна да учествува во сезоната 2023/24 во Конференциската лига, објави официјалниот сајт на клубот. Клубот од Памплона го доби правото на настап во Конференциската лига по резултатите од минатата сезона. Во јуни, Дисциплинската комисија на УЕФА започна истрага против клубот за организирање на местење натпревари во сезоната 2013/14 и одлучи да не дозволи тимот да се натпреварува во европските натпреварувања. Подоцна, Осасуна поднесе жалба до надлежната Комисија на УЕФА, кој ја потврди одлуката на дисциплинското тело. После тоа, шпанскиот клуб поднесе жалба до Судот за спортска арбитража (CAS). Како резултат на постапката, УЕФА дојде до заклучок дека Осасуна е „жртва на околности“ што се случија пред 10 години и му дозволи на клубот да учествува во Европскиот куп.

УЕФА ја исфрли Осасуна од Европа поради местење натпревари

Ивона Петрова — Sat, 24 Jun 2023 09:55:14 +0000

Европската фудбалска федерација (УЕФА) ја исфрли Осасуна од европските клупски натпреварувања за претстојната сезона, објави синоќа шпанскиот клуб. Осасуна е исфрлена од Европа бидејќи нејзиното поранешно клупско раководство е осудено за местење натпревари во шпанското првенство во 2014 година. Клубот од Памплона, кој избори пласман во Конференциската лига на УЕФА за сезоната 2023/24, најави дека ќе поднесе жалба. „Подготвени сме на најлошото, но продолжуваме да живееме со мотото кое нè следеше во реконструкцијата на тимот изминатите девет години: Осасуна никогаш не се предава“, објави шпанскиот прволигаш.

УЕФА ја исфрли Осасуна од Европа

Бошко Тасиќ — Sat, 24 Jun 2023 04:55:50 +0000

УЕФА одлучи да ја суспендира шпанската Осасуна од Конференциската лига, која клубот ја освои со пласманот во Ла Лига во штотуку завршената сезона. Причина е случајот со наместени натпревари од 2013 година, во кој беше инволвирана тогашната клупска управа. Да потсетиме, во натпреварот од последното, 38. коло на шпанскиот шампионат, Осасуна ја совлада Џирона со двата гола на 31-годишниот хрватски напаѓач Анте Будимир и со таа победа го освои седмото место во Ла Лига кое води до квалификациите за Конференциската лига. За Осасуна тоа е најдобар пласман по 11 години. Шпанскиот Врховен суд ги изрече пресудите на кои се повика УЕФА, но Осасуна излезе со соопштение во кое се наведува дека во одлуката на судот јасно е наведено дека неколку поединци од раководството на клубот местирале натпревари во тајност, без знаење на собранието на клубот. Тие најавија жалба на одлуката на чадорот на европската фудбалска организација, за која велат дека е „силна со слабите и слаба пред силните“, алудирајќи на побогатите клубови кои претходно ги прекршиле правилата, но биле казнети само парично или со привремена забрана на трансфери. Доколку се потврди казната на Осасуна, корист ќе има осмопласираниот Атлетик Билбао, кој наместо тоа би играл со Европа.

Анчелоти за победата на Осасуна: Важно беше да ги освоиме бодовите за да останеме во трка за титулата

Тале Кристо — Sun, 19 Feb 2023 08:18:56 +0000

Тренерот на Реал Мадрид, Карло Анчелоти ја коментираше победата над Осасуна (2:0) во натпреварот од 22. коло на шампионатот на Шпанија. - Она што го направивме во второто полувреме можеше да биде направено во првото. Но, многу ми се допадна кохезијата на тимот. Се покажа како цврст натпревар, важно беше да се победи за да останеме во борбата за Ла Лига, па среќни го напуштаме стадионот, изјави Анчелоти по натпреварот. По овој натпревар, Реал Мадрид е втор во поредокот со 51 бод, пет бода зад лидерот Барселона која има и натпревар помалку. Осасуна е на 10. место со 30 бодови.

Атлетико Мадрид убедлив на гостувањето кај Осасуна

Бошко Тасиќ — Sat, 19 Feb 2022 17:53:47 +0000

Атлетико Мадрид славеше со убедливи 3-0 против Осасуна во 25. коло од шпанската Ла Лига, со што се врати во трката за топ-4 позициите и пласман во Лигата на шампиони (ЛШ).

Резултатот можеше да биде многу поразличен доколку домаќините ги реализираа своите шанси, кои беа во голем број, но сепак до мрежата на Јан Облак не успеаа да стигнат, а тоа знаеше да го казни Атлетико, и тоа уште во третата минута кога Жоао Феликс ја почна серијата. Екипата на Диего Симеоне постигна уште два гола во второто полувреме, а стрелци беа Луис Суарез и Анхел Кореа кои погодија во 59. и 89. минута за триумф од 3-0. Шпанскиот првак во моментов има 42 бода на четвртата позиција, додека пред него се Бетис со 43, Севилја со 50 и Реал Мадрид со 54.

Реал Мадрид не ја победи Осасуна на домашен терен во Ла Лига за прв пат од 2005 година

Тале Кристо — Thu, 28 Oct 2021 07:33:06 +0000

Реал Мадрид синоќа ремизираше со Осасуна во домашниот натпревар од 11. коло на шпанското првенство (0:0). Составот од Памплона стави крај на неуспешната серија од 12 последователни порази на „Сантијаго Бернабеу“ во Ла Лига. Последен пат Осасуна успеа да избегне пораз на гости кај Реал Мадрид во декември 2005 година (1:1). И покрај ремито, Реал Мадрид и натаму е лидер на табелата со 21 бод, исто колку што имаат уште и Севилја, Бетис и Реал Сосиедад. Осасуна со 19 бода се наоѓа на шестото место.

Атлетико нема пораз на 22 натпревара во Ла Лига, ова е четврти резултат во историјата на првенството

Тале Кристо — Sun, 01 Nov 2020 09:41:41 +0000

Атлетико вчера ја победи Осасуна (3:1) во рамките на 8. коло од Шпанското првенство. Благодарение на оваа победа, тимот од Мадрид ја продолжи серијата без пораз во Ла Лига на 22 натпревара. Последен пат не успеаја да освојат ниту еден бод на 1 февруари 2020 година кога загубија од Реал Мадрид со 1:0. Екипата на Диего Симеоне има 13 победи и 9 ремија во овој сегмент. Дваесет и два натпревара без пораз е четврта најдолга серија во историјата на Ла Лига. Истиот број на дуели без загуба ги има Депортиво во 1994 година. Барселона има низа од 43 натпревари во 2017/18, Реал Сосиедад – 38 натпревари сезоната 1979/80, додека Реал Мадрид има серија од 31 натпревар во сезоната 1988/89.