оштетени објекти – Kurir.mk

Најнови бројки: Околу 2.000 објекти не се проверени по силните земјотреси кои ја тресеа Хрватска

Ивона Петрова — Tue, 01 Jun 2021 08:19:02 +0000

Поминаа повеќе од пет месеци по земјотресите кои ја погодија Хрватска, односно сисачко-мословачката жупанија, а се уште не се проверени сите оштетени објекти, Според ажурираните податоци, како што јавуваат хрватските медиуми, од пријавените досега 39.767 оштетени станбени објекти, проверени се 37.743. Неупотребливи поради надворешни влијанија се 413 објекти, а поради оштетувања 4.218 објекти. За привремено неупотребливи со потребен детален преглед се означени 3.711 објекти, а како привремено неупотребливи со посебни мерки на итна интервенција се 4.489 објекти. Употребиви без оштетување се 704 објекти, употребливи без ограничување се 7.293, а употребливи со препорака за постапување се 16.915 проверени станбени објекти.

На подрачјето на Петриња и Сисак оштетени над 35.500 објекти

Ивона Петрова — Sun, 17 Jan 2021 11:31:25 +0000

Најновите денешни податоци од надлежната жупанија пријавени се 35.554 оштетени објекти, а контрола е извршена на 17.714 од нив. Поради надворешни влијание неупотребливи се 216 објекти, а поради оштетувања 2.265. Привремено неупотребливи објекти за кои е потребна дополнителна контрола се 1.827, а мерки за итна интервенција има за 2.195 објекти. Употребливи и без оштетувања се 466 објекти, а ограничување има за 4.057 објекти. Употребливи со препорака за постапување има за 6.688 објекти. Оштетувања има и на земјоделската механизација, како и за земјоделските земјишта на кои се отворени големи дупки во земјата.

Хрватска: Над 32.000 оштетени објекти по серијата земјотреси, голем број згради се неупотребливи

Ивона Петрова — Wed, 13 Jan 2021 08:17:30 +0000

Сисачко-Мославичката жупанија соопшти дека досега примиле пријави за вкупно 32.567 оштетени згради во серијата земјотреси што ја погодија централна Хрватска, а во околу половината од нив – 15.187 веќе е извешена инспекција. Поради надворешни влијанија 179 згради се неупотребливи, а поради штета предизвикана од разорните земјотреси уште 2.032, пренесе Хина. Привремено се неупотребливи и потребен е детален преглед за 1.615 објекти, а привремено неупотребливи и потребни се итни мерки за санација за 1.932 објекти. Има и 5.673 објекти што се употребливи со препорака за интервенирање во нив, се наведува во извештајот на Сисачко-мословачката жупанија.