оштина кисела вода – Kurir.mk

Ѓорѓиевски: Одбележувањето на Денот на учителите значи признание за нивната посветена и благородна работа

Дарко Андоновски — Wed, 05 Oct 2022 10:16:02 +0000

Наставниците од основните училишта во Кисела Вода добија благодарници за заложбите во наставниот процес. На овој начин, Општина Кисела Вода, во чест на 5 Октомври, Светскиот ден на учителот им оддаде признание за нивната посветена и благородна работа. Градоначалникот Орце Ѓорѓиевски денес го посети ООУ “Партенија Зографски”, од каде упати честитка до сите наставници и им посака уште поуспешна работа.

-Одбележувањето на Денот на учителот, значи почит за нивниот ангажман. Значи дека сме свесни за тежината на нивната работа и љубовта која ни ја дале, значи големо благодарам за се што сториле за нас. Не постои човек кој не ги памети училишните денови, возбудата, ентузијазмот, но и стравот што може да го има едно дете соочено со непознатото. Тие, нашите учители, беа тука да не храбрат, да ни го покажат патот, да ни ја отворат вратата кон новите поглавја во нашите животи. Говорејќи како градоначалник на општина Кисела Вода, сакам да ја нагласам улогата на локалната самоуправа во креирањето на современи и модерни услови за изведување на наставата. Тоа е нашиот влог во содавањето на средина во која наставникот ќе може да им пружи квалитетно образование на учениците, а самиот ќе ужива достоинство во својата професија. Тоа е нашиот начин да им се оддолжиме на нашите учители, кои се мошне важни фигури во процесот на растење и созревање и значаен фактор во трансформацијата кон сето она што сме денес. Им го честитам Светскиот ден на учителот и им посакувам уште поуспешна работа-изјави градоначалникот Орце Ѓорѓиевски при денешната посета на ООУ “Партенија Зографски”.

УНЕСКО го прогласи денешниот 5-ти октомври за Меѓународен ден на учителите во 1993 година. Интернационалата за образование, која претставува 29 милиони образовни работници во 166 земји, го празнува Светскиот ден на учителот од 1966 година.

Нова година почна со урбанистички проблеми на жители во Кисела Вода

Магдалена Андонова — Wed, 06 Jan 2021 09:37:58 +0000

Новата година донесе вознемиреност и проблеми за станарите од зградата број 20 на улица Христо Татарчев во скопска Кисела Вода. Според Деталниот урбанистички план предвидено е во дворот пред нивната зграда да се изгради нова со три спрата и поткровје. Утрово инвеститорот почнал со работа. Новата зграда ќе го блокира влезот на станарите. Новиот пат што треба да го изгради инвеститорот според планот ќе бил еден метар повисок од сегашното ниво. Станарите стравуваат дека тоа ќе биде дополнителен проблем бидејќи тие и сега се поплавуваат кога има обилни дождови. Градоначалникот на Кисела Вода ветува дека ќе се обиде да најде решение, но вели многу работи не биле под негова надлежност. Случајот на улица Христо Татарчев не е единствениот проблем во Кисела Вода предизвикан од градежните маркици и ДУП-овите, според кои, како што велат жителите, се уништува зеленилото за да се градат згради. Извор: Скојеинфо.мк

Темелковски не сака да попушти за ДУПОТ во Расадник- советниците на ВМРО-ДПМНЕ и Коалицијата ја блокираа работата на советот

Дарко Андоновски — Tue, 29 Sep 2020 12:44:22 +0000

Советничката група на ВМРО-ДПМНЕ во општина Кисела Вода преку својот координатор на советничка група Орце Ѓорѓиевски денеска на советот побарале да се стави на дневен ред точката за поништување на одлуката за ДУПОТ во Расадник и да се започне нова постапка според новиот закон и истата да биде по транспарентна и во неа да учествуваат граѓаните на Расадник, но истата била одбиена. Имено советниците на ВМРО-ДПМНЕ барале во постапката да учествуваат и советници, но и невладини организации, но од страна на советниците на СДСМ била одбиена оваа точка која не била ставена на дневен ред. -Ваша задача како градоначалник Темелковски, а и наша задача како советници избрани од народот е да го штитиме интересот на колективот, а колективот се граѓаните во Кисела Вода или конкретно граѓаните на Расадник, а не да се грижиме и да ги задоволуваме апетитите на поединците, вели Ѓорѓиевски. Советниците на ВМРО-ДПМНЕ по ова ја напуштиле седницата, а со тоа и ја блокираа работата на советот бидејќи не може да се верификува новиот советник на местото на Христина Оџаклиеска која е нов заменик министер за животна средина, а претходно советник во општината.

Еве кои скопски населби утре ќе имаат прекин во водоснабдувањето

Магдалена Андонова — Thu, 10 Sep 2020 14:06:11 +0000

Од ЈП Водовод и канализација е добиено известување, дека на ден 11.09.2020 ( петок ) поради дефект на шибер Ф – 350 мм., на ул. 808, прекинато водоснабдување ќе имаат улица 808 (Пивара, Европа, Пожарна и други фирми) и намален притисок на дел од нас. Керамидница. Водоснабдувањето ќе биде прекинато од 08:00 часот до завршување со активностите. (Општина Гази Баба) Исто така поради поврзување на стара со нова водоводна мрежа Ф-150 мм., на ул. Црниче, прекинато водоснабдување ќе имаат дел од улиците Црниче, Наум Охридски, Востаничка. Водоснабдувањето ќе биде прекинато од 09:00 часот до завршување со активностите. (Општина Кисела Вода)