осигурување – Kurir.mk

Вработените во Здравствен дом Скопје немаат здравствено осигурување

Ивана Ефремовски — Tue, 04 Jul 2023 17:56:32 +0000

Без здравствено осигурување се вработените во Здравствен дом Скопје. Вработените кои утрово имале потреба од здравствена услуга биле приморани да си платат приватно за прегледот и реализација на рецептите, објави Комисијата за здравство на ВМРО-ДПМНЕ. „Медицинскиот директор, Виктор Исјановски и организацискиот, Вулнет Селими кој е назначен од министерот Меџити наместо да ги заплашуваат и казнуваат вработените од одредени поликлиники повторно во време на финансиска криза и инфлација, дополнително ги деградираат и демотивираат здравствените работници во оваа ЈЗУ и покрај лошите услови во кои работат. Вака ли Селими и Исјановски се грижат за персоналот и кој го контролира и кој ќе го санкционира нивното ненавремено извршување на работните обврски“ - се наведува во соопштението.

Дигиталната трансформација го менува и осигурителниот бизнис

Super Admin — Fri, 19 Aug 2022 07:24:02 +0000

Се почесто граѓаните го осигуруваат своето „постоење“. Покрај полисите кои гарантираат за бизнисот, имотот, автомобилот, патувањето во странство, се почесто се бараат и животни осигурувања. Ова, освен што подразбира многу сериозна работа за осигурителните компании, претпоставува и пред-условува сериозна работа со бројни податоци, со разни позадински процеси, со заштита на лични податоци, со брзо менаџирање и обработка на податоци, со ефективна реакција и на крајот, со задоволни клиенти. Функционалните обрасци незапирливо се менуваат и влијаат на современите бизнис процеси благодарение на современите дигитални технологии. Новата дигитална ера и технолошката револуција нудат симплификација на процедурите кои се најтежок дел од процесите во овој бизнис. Дигитализацијата ги поедноставува и ги унапредува актуелните решенија, методи и пристапи во осигурителниот бизнис. Потребата од дигитализација е наметната од корпоративниот притисок на големите клиенти во овој бизнис, како и од осигурувањето на семејствата, нивниот имот и живот. Многу од новите технологии наметнуваат нови методи и напредни решенија кои треба да се инкорпорираат во бизнисот. За среќа, дигиталната трансформација го зафаќа и македонското општество, поконкретно осигурителните компании кои оперираат на македонскиот пазар. Во иднина, тоа ќе значи дека компаниите многу побрзо ќе ги операционализираат постапките за осигурувањето – од вадење полиси, пријавување штети, закажување термин во болница, следење на барање за штета и други процеси. Исто така, намаленото потребно време за оператива на процесите, ќе овозможи зголемување на бројот на клиенти кај компаниите. Нив им е потребна брза дигитализација за да го зголемат бројот на клиенти, односно да ја зголемат премијата во осигурувањето. Дигитализацијата во осигурувањето, благодарение на одредени ИТ компании, во западните земји е нормален процес, каде лицето, без посредство на брокер, самостојно ги извршуваат своите осигурителни активности. Оваа констатација ја потврдува и Адриан Блидарус, сопственик на технолошката компанија специјализирана за дизајнирање и испорака комплексни решенија и интегрирани платформи водени од податоци и вештачка интелигенција Softelligence. Компанијата има свое претставништво и во Северна Македонија, каде ќе инвестира милион евра и веќе формира тим. Сопственикот најавува дека ќе се отворат 100 работни места за ИТ професионалци преку изградба на Центар за испорака во Скопје. Според него, “дигитализацијата го менува работењето на осигурителниот бизнис со тоа што помага да се увидат ризиците кои би се појавиле во осигурувањето, на тој начин да се воспостават правилните процеси на превземање на ризик, како и соодветни дигитални решенија“. ИТ компаниите и осигурителните организации нудат дигитални продукти, сепак останува предизвикот што е можно поголем број потрошувачи да ги разберат овие производи или услуги за уште повеќе да се зголеми бизнис потенцијалот. Тие треба да работат на објаснување на безбедноста на податоците на граѓаните и немањето можност за нивна злоупотреба. Исто така, сериозна обврска во оваа насока имаат и регулаторните тела, кои треба да ги објаснат бенефитите од користење на дигиталните решенија. Дел од овие нови дигитални решенија се дел и од усогласувањето на македонското законодавство со ЕУ директивите, што значи директно влијае на процесот на интеграција на македонските граѓани во ЕУ семејството. Тоа претполага и делумна промена на културната матрица на потенцијалните осигуреници кон новиот и модерен начин на осигурување. Процесот на дигитализација ќе направи финансиски заштеди кај осигурителните компании, доколку воведат современи техничко-технолошки решенија. Тоа ќе придонесе до побрза реализација на процесите, до намалување на трошоците, до зголемување на ефикасноста на вработените, до поголема заштита на податоците. Едноставно, до дигитализација на сите процеси и до задоволни клиенти. Softelligence е една од компаниите кои го овозможуваат и олеснуваат овој процес до среќни клиенти и задоволни вработени во осигурителните компании.

* * *

Softelligence има седиште во Лондон, Обединетото Кралство и има два центри за испорака во Букурешт и Крајова, Романија. Компанијата е основана во 2006 и е рангирана меѓу првите 150 најбрзо растечки технолошки компании во Европа од страна на Financial Times. Softelligence има долготрајни партнерства со Microsoft, Instanda, FintechOS, Databricks и други воспоставени провајдери на технологија и платформи. Сегашни клиенти вклучуваат компании-членки на Erste Group, Vienna Insurance Group, TBI Bank, како осигурителните гиганти Beazley и Howden Group.

АСО: Осигуреници наплатија 16 милиони евра, бројот на исплатени штети порасна за 30 отсто

Ивона Петрова — Thu, 09 Jun 2022 08:20:23 +0000

Единаесет осигурителни компании за неживотно осигурување исплатија 978 милиони денари или 15,9 милиони евра за настанати штети на свои осигуреници во првите три месеци годинава. Во првите 90 дена од годинава осигурителните компании исплатиле речиси 23.000 штети на осигуреници и тоа е 30 отсто повеќе од истиот период лани, покажуваат официјалните податоци на Агенцијата за супервизија на осигурување (АСО). Според податоците, вредноста на сите исплатените штети за неживотно осигурување во периодот јануари – март годинава е за 6 отсто повисока во однос на истиот период лани. -Најголемо учество во структурата на исплатените штети има најголемата осигурителна класа – задолжителната автомобилска одговорност (ЗАО) која е обрврзувачка со закон. Вредноста на исплатените штети за ЗАО изнесува 473 милиони денари, односно 7,7 милиони евра и тоа е 48 отсто од вредноста на сите штети платени во овој период. Во споредба со истиот период лани вредноста на исплатените штети е зголемена за 4 отсто, соопшти АСО. Најголем раст на вредноста на исплатените штети, се вели во соопштението, има кај приватното здравствено осигурување. -Осигурениците наплатија 84,5 милиони денари или 1,4 милиони евра трошоци за медицински прегледи и лекување за период од три месеци. Тоа е за 94 отсто (690.000 евра) повеќе од истиот квартал минатата година, велат од АСО и додаваат дека од почетокот на корона кризата пред две години ова е најбрзорастечки осигурителен производ. Значаен за истакнување, посочуваат, е растот и на исплатените штети кај најголемата доброволна осигурителна класа – осигурувањето имот. -До крај на март годинава се исплатени речиси 1.800 отштетни побарувања за осигуран имот во вредност од 116 милиони денари (1,9 милиони евра). Тоа се 17 отсто повеќе исплатени средства во однос на истиот период 2021 година, прецизираат од АСО. Нагласуваат дека патничкото осигурување има најголем релативен раст на вредноста на исплатени штети. -Очигледно дека укинувањето на ограничувањата предизвикани од здравствената пандемија охрабри повеќе осигуреници да патуваат надвор од земјава. Во првите три месеци друштвата за осигурување исплатија речиси 2,5 пати повеќе пари за штети покриени со патничко осигурување. Нивната вредност достигна 13,7 милиони денари или 223.000 евра, потенцираат од АСО.

ФОТО: 22 годишната Јулија си ја отсекла раката за да добие осигурување

Магдалена Андонова — Tue, 08 Sep 2020 11:02:29 +0000

Во Словенија во тек е судењето на 22-годишната Јулија Адлешиќ, која е обвинета за намерно отсекување на шаката поради пари од осигурувањето. Несреќата се случила на почетокот на 2019 година откако со кружна пила си ја отсекла шаката. Таа пред судот во Љубљана пред неколку дена изјави дека не сторила ништо намерно и дека досега немала никакви проблеми со законот освен возење без појас. -Никој не сака да стане инвалид. Ако можам, би го вратила времето и дури не би се доближила до таа пила, рекла таа пред судот. Таа побара од судијата да ја ослободи од домашен притвор, пишува 24ур. -Мојата младост е уништена. Ја изгубив раката на 20 години и само јас знам како ми е, рече таа. Девојката ја изгубила раката на 4 јануари 2019 година. Неколку дена по несреќата, таа побара плаќање на осигурувањето, но била обвинета за измама. Освен неа, осомничени се и нејзиното 30-годишно момче Себастијан Абрамов и неговите родители, во чиј двор се случила несреќата. Обвинителството тврди дека тие сè испланирале уште во 2018 година и дека потоа склучиле договор за осигурување со неколку осигурителни компании. Во овој случај, поради попреченост, Јулија требало да добие над еден милион евра, од кои дел ќе добиела веднаш, а дел во форма на постојан месечен приход. Исто така, обвинителството тврди дека нејзиното момче пребарувало на Интернет пред несреќата за вештачка, биомеханичка рака, што одговара на тезата дека сè било испланирано. Таткото на Себастијан прв истрчал на местото на несреќата и повикал брза помош, но тој ја оставил исечената шака на местото на несреќата. Полицијата подоцна го однела отсечениот екстремитет во болница, каде лекарите хируршки го зашиле, спасувајќи ја девојката од трајна попреченост. Нејзиниот адвокат сега е на судење, тврдејќи дека неговиот клиент може да го напушти домашниот притвор, бидејќи нема шанси таа да го повтори делото за кое се товари. "Ако го сторила тоа, не може повеќе. Првенствено заради новинарите и цела Словенија што ја познава", рече нејзиниот адвокат Борис Гробелник. Но, судот не се согласува. Полицијата го гледа нејзиното момче Себастијан Абрамов како еден од главните виновници, кому му се суди за убиството на девојката Сара Вебер во 2015 година. Тој тврдел дека се работи за несреќен случај при чистење на пушката. Обвинителот бара четири и пол години затвор за неа и пет години за нејзиното момче. Се бара и казна од четири години за неговата мајка и една година за неговиот татко.

По постапките на светските ѕвезди- Рада Манојловиќ наместо гласот фрли брдо пари за да го осигура овој дел од телото по кое мажите лудуваат

Дарко Андоновски — Mon, 17 Jun 2019 17:32:29 +0000

Атрактивната пејачка Рада Манојловиќ важи за една од најзгодните естрадни ѕвезди во соседството. Многу коментираат дека времето за пејачката застанало и дека таа секоја година е се поубава и поубава.

View this post on Instagram

?

A post shared by Radmila Rada Manojlovic (@radamanojlovic) on Jun 12, 2019 at 7:49am PDT

Српските медиуми сега на големо пишуваат дека таа се нафатила на потег кој го применуваат сите светски ѕвезди кога е во прашање нивното тело. Имено таа направила осигурување на своите долги нозе кои се нејзин најголем атрибут, иако многумина мислеа дека таа ќе му даде предност на нејзиниот глас, бидејќи е пејачка, а не манекенка.

View this post on Instagram

Zaljubila sam se u ovaj kombinezon ? Hvala dragoj @sonjaignascenko_design na uvek svezim idejama ????? Foto: @jelena_saric0829 ??????

A post shared by Radmila Rada Manojlovic (@radamanojlovic) on Dec 14, 2018 at 11:28pm PST

-Сите и говореа тоа да го направи. Тоа го направи во една од најпознатите швајцарски осигурителни компании. Во прашање е висока сума на пари, но не сакаше да открие за која сума станува збор, вели извор за соседните медиуми.

View this post on Instagram

??‍♀️

A post shared by Radmila Rada Manojlovic (@radamanojlovic) on May 18, 2019 at 11:21pm PDT

Направи вистинска сцена за да земе пари од осигурувањето: Го нарекоа најглупавиот измамник и сите му се смеат (ВИДЕО)

Ивана Ефремовски — Tue, 05 Feb 2019 08:43:26 +0000

57-годишниот Александер Голдински од Њу Џерси одлучил да исценира пад во кантината за да добие пари од осигурувањето. Тој истурил коцки мраз на подот, проверил дали има некој во близина и потоа полека легнал на земјата, чекајќи некој да го најде. Голдински е уапсен поради “лажен пад”, а како што наведуваат од полицијата, инцидентот се случил помеѓу септември и ноември минатата година. -Ваквите лажни обвиненија им нанесуваат штета на сите и ќе го гониме секој кој сака на илегален начин да манипулира со системот, изјавил тужителот Ендру Кери. Погледнете го видеото кое го насмеа светот: